ರೋಮ್ 5:21 - ಕೊಡವ ಬೈಬಲ್

²¹ ಆನಗುಂಡ್, ಪಾಪತ್‍ರ ಮೇಲೆ ಚಾವ್‍ಕ್ ಜಯ ಕ್‍ಟ್ಟ್‌ನನೆಕೆ, ದೇವಡ ಕೃಪೆಯು ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಿತ್ಯ ಜೀವತ್‍ನ ತಂದಿತ್, ನೀತಿರಗುಂಡ್ ಜಯ ಕ್‍ಟ್ಟ್‌ವನೆಕೆ ಮಾಡ್‍ಚಿ.

ರೋಮ್ 5:21 ပူးပေါင်းရင်းမြစ်များ

ಮತ್ತಾಯ 25:46

ಅಕ್ಕ ಈಂಗ ನಿತ್ಯ ಶಿಕ್ಷೆಕು, ನೀತಿವಂತಯಿಂಗ ನಿತ್ಯ ಜೀವಕು ಪೋಪ.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಯೋಹಾನ 10:28

ನಾನ್ ಅಯಿಂಗಕ್ ನಿತ್ಯ ಜೀವತ್‍ನ ತಪ್ಪಿ; ಅಯಿಂಗ ನಾಶ ಆಪದೇ ಇಲ್ಲೆ, ನಾಡ ಕೈಯಿಂಜ ದಾರ್ ಒಬ್ಬಂಗು ಅಯಿಂಗಳ ಬಲ್‍ಚಿತ್ ಎಡ್‌ತವಕ್ ಕಯ್ಯುಲೆ.

ರೋಮ್ 4:13

ಅಬ್ರಹಾಮಂಗ್ ಪಿಂಞ ಅಂವೊಂಡ ಸಂತಾನಕಾರಂಗಕ್, ಈ ಲೋಕತ್‍ರ ಹಕ್ಕ್‌ದಾರಂಗಳಾಪಿರಾಂದ್ ಕ್‍ಟ್ಟ್‌ನ ವಾಗ್ದಾನ, ನ್ಯಾಯಪ್ರಮಾಣತ್‍ರ ಮೂಲಕ ಕ್‍ಟ್ಟತೆ, ನಂಬಿಕೇರ ಮೂಲಕ ಬಪ್ಪ ನೀತಿರಗುಂಡ್ ಕ್‍ಟ್ಟ್‌ಚಿ.

ರೋಮ್ 5:12

ಅನ್ನನೆ, ಒರ್ ಮುನುಷ್ಯನಗುಂಡ್ ಪಾಪವು, ಪಾಪತ್‍ರಗುಂಡ್ ಚಾವು ಈ ಲೋಕತ್‍ಲ್ ಬಾತ್. ಇನ್ನನೆ ಎಲ್ಲಾರು ಪಾಪ ಮಾಡ್‍ನಗುಂಡ್, ಚಾವ್ ಎಲ್ಲಾರ್‌ಕು ಬಾತ್.

ರೋಮ್ 5:14

ಅನ್ನನೆ ಇಂಜತೇಂಗಿಯು, ಆದಾಮಯಿಂಜ ಮೋಶೆಕತ್ತನೆ, ಪಾಪ ಮಾಡತಯಿಂಗಳ ಸಹ ಚಾವ್ ಆಳಿಯಂಡಿಂಜತಲ್ಲ! ಆದಾಮ ಮಾಡ್‍ನ ಅಪರಾದತ್‍ರಚ್ಚಕ್, ಅಯಿಂಗ ಪಾಪ ಮಾಡತೆ ಇಂಜತೇಂಗಿಯು ಅಯಿಂಗಳ ಆಳಿಯಂಡಿಂಜತ್. ಈ ಆದಾಮ ಬಯ್ಯ ಬಂದ ಕ್ರಿಸ್ತಂಗ್ ಗುರ್‌ತ್ ಆಯಿತ್ಂಜತ್.

ರೋಮ್ 5:17

ಒಬ್ಬಂಡ ಅಪರಾದತ್‍ರಗುಂಡ್ ಆ ಒಬ್ಬಂಡ ಮೂಲಕವೇ ಚಾವ್ ಎಲ್ಲಾರ್‌ನ ಆಳಿಯಂಡಿಂಜತೇಂಗಿ, ಕೃಪೇರ ಪಿಂಞ ನೀತಿರ ಪೂರ್ತಿ ಇನಾಮ್ ಕ್‍ಟ್ಟ್‌ವಯಿಂಗ ಯೇಸು ಕ್ರಿಸ್ತ ಎಣ್ಣುವ ಒಬ್ಬನಗುಂಡ್ ಜೀವ ಕ್‍ಟ್ಟಿತ್ ಆಳುವಾಂದ್ ಎಚ್ಚಕ್ ನಿಶ್ಚಯ.

ರೋಮ್ 6:12

ಆನಗುಂಡ್, ನಿಂಗಡ ತಡೀರ ಇಚ್ಛೆರನೆಕೆ, ಪಾಪಕ್ ಬಗ್ಗಿತ್ ನಡ್‍ಕತೆ, ಪಿಂಞ ನಾಶ ಆಯಿಪೋಪ ನಿಂಗಡ ತಡೀಲ್ ಪಾಪ ಆಳುವಕ್ ಬುಡತಿ.

ರೋಮ್ 6:14

ನಿಂಗ ನ್ಯಾಯಪ್ರಮಾಣತ್‍ರ ಅಡಿಕ್ ಬರತೆ, ಕೃಪೇರ ಅಡಿಕ್ ಬಂದಿತುಳ್ಳಗುಂಡ್ ಪಾಪ ನಿಂಗಳ ಆಳುವಕ್ ಕಯ್ಯುಲೆ.

ರೋಮ್ 6:16

ಚಾವ್‍ಕ್ ಕಾರಣವಾಯಿತುಳ್ಳ ಪಾಪವಾಚೇಂಗಿಯು, ನೀತಿ ಕ್‍ಟ್ಟುವಕ್ ಕಾರಣವಾಯುತುಳ್ಳ ಬಗ್ಗಿತ್ ನಡ್‍ಪದಾಚೇಂಗಿಯು, ಎಂತದ್ಂಗ್ ಅಡಿಯಾಳಾಯಿತ್ ಬಗ್ಗಿತ್ ನಡ್‍ಪಕ್ ನಿಂಗಳ ಒಪ್ಪ್‌ಚಿಡುವಿರೋ, ಅದ್ಂಗೇ ಬಗ್ಗುವ ಅಡಿಯಾಳಾಯಿತಿಪ್ಪಿರಾಂದ್ ಗೊತ್ತ್‌ಲ್ಲೆಯ?

ರೋಮ್ 6:23

ಪಾಪತ್‍ರ ಸಂಬಳ ಚಾವ್; ದೇವಡ ಇನಾಮ್ ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ಕ್‍ಟ್ಟ್‌ವ ನಿತ್ಯ ಜೀವ.

ರೋಮ್ 8:10

ಆಚೇಂಗಿ, ಕ್ರಿಸ್ತ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗಡ ತಡಿ ಪಾಪತ್‍ರಗುಂಡ್ ಚತ್ತ್ ಪೋಯಿತ್‌ಪ್ಪ, ಆಚೇಂಗಿಯು, ನೀತಿರಗುಂಡ್ ನಿಂಗಡ ಆತ್ಮ ಬದ್‍ಕಿಯಂಡಿಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:11

ಇಕ್ಕ, ಎಲ್ಲಾ ಜನಕ್ ರಕ್ಷಣೆ ಕ್‍ಟ್ಟ್‌ವಕುಳ್ಳ ಕೃಪೇನ ದೇವ ಕಾಂಬ್‍ಚಿಟ್ಟತ್.

ಇಬ್ರಿಯ 4:16

ಆನಗುಂಡ್, ನಂಗಕ್ ಕರುಣೆ ಕ್‍ಟ್ಟುವಕಾಯಿತು, ತಕ್ಕ ಸಮಯತ್‍ಲ್ ಸಹಾಯ ಮಾಡ್‌ವ ಕೃಪೆ ಕ್‍ಟ್ಟ್‌ವಕಾಯಿತು ದೈರ್ಯವಾಯಿತ್ ಕೃಪೇರ ಸಿಂಹಾಸನತ್‍ರ ಪಕ್ಕ ನಂಗ ಪೋಕ.

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

1 ಯೋಹಾನ 2:25

ಈ ಐಕ್ಯವೇ ಕ್ರಿಸ್ತ ನಿಂಗಕ್ ತಪ್ಪೀಂದ್ ವಾಗ್ದಾನ ಮಾಡ್‍ನ ನಿತ್ಯ ಜೀವ.