ರೋಮ್ 5:19 - ಕೊಡವ ಬೈಬಲ್

¹⁹ ಒರ್ ಮನುಷ್ಯಂಡ ಅಪರಾದತ್ಂಜ ದುಂಬ ಜನ ಪಾಪಿಯಳಾನನೆಕೆ, ಒಬ್ಬ ಬಗ್ಗ್‌ನಗುಂಡ್ ದುಂಬ ಜನ ನೀತಿವಂತಯಿಂಗಳಾಯಿತ್ ಆಪ.

ರೋಮ್ 5:19 ပူးပေါင်းရင်းမြစ်များ

ರೋಮ್ 11:32

ಎಲ್ಲಾಡ ಮೇಲೆ ಕನಿಕರ ಕಾಂಬ್‍ಚಿಡುವನೆಕೆ, ದೇವ ಎಲ್ಲಾನ ಅಂವೊಂಗ್ ಬಗ್ಗ್‌ಚಿಡತನೆಕೆ ಮುಚ್ಚಿ ಬೆಚ್ಚಿತ್ಂಜತ್.

ರೋಮ್ 5:12

ಅನ್ನನೆ, ಒರ್ ಮುನುಷ್ಯನಗುಂಡ್ ಪಾಪವು, ಪಾಪತ್‍ರಗುಂಡ್ ಚಾವು ಈ ಲೋಕತ್‍ಲ್ ಬಾತ್. ಇನ್ನನೆ ಎಲ್ಲಾರು ಪಾಪ ಮಾಡ್‍ನಗುಂಡ್, ಚಾವ್ ಎಲ್ಲಾರ್‌ಕು ಬಾತ್.

ರೋಮ್ 5:15

ಆಚೇಂಗಿ, ಆದಾಮಂಡ ಪಾಪಕು, ದೇವಡ ಕೃಪೇರ ಇನಾಮ್ಂಗು ದುಂಬ ವೆತ್ಯಾಸ ಉಂಡ್. ಎನ್ನಂಗೆಣ್ಣ್‌ಚೇಂಗಿ ಆದಾಮನಾನ ಒರೇ ಮನುಷ್ಯಂಡ ಪಾಪತ್‍ರುಗುಂಡ್ ದುಂಬ ಜನ ಚತ್ತ್ ಪೋಚೇಂಗಿ, ದೇವಡ ಕೃಪೆಯು, ಯೇಸು ಕ್ರಿಸ್ತ ಎಣ್ಣುವ ಒರೇ ಮನುಷ್ಯಂಡ ಕೃಪೆಯಿಂಜ ಬಪ್ಪ ಇನಾಮ್ ಎಲ್ಲಾ ಜನಡಮೇಲೆ ಎಚ್ಚಕ್ ದುಂಬ್‍ನದಾಯಿತ್‌ಪ್ಪ.

ರೋಮ್ 5:18

ಆನಗುಂಡ್, ಒರ್ ಅಪರಾದತ್‍ರಗುಂಡ್ ಎಲ್ಲಾ ಮನುಷ್ಯಂಗಕು ನಾಶ ಆಪಕುಳ್ಳ ತೀರ್ಪ್ ಕ್‍ಟ್ಟ್‌ನನೆಕೆ, ಒರೇ ನೀತಿರಗುಂಡ್ ಎಲ್ಲಾ ಮನುಷ್ಯಂಗಕು ಜೀವ ಕ್‍ಟ್ಟ್‌ವ ತೀರ್ಪ್ ಆಚಿ.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಎಫೆಸ 1:6

ಅನ್ನನೆ, ದೇವ ಪ್ರೀತಿ ಮಾಡ್‌ವ ಅಂವೊಂಡ ಮೋಂವೊಂಡಲ್ಲಿ ನಂಗಡ ಮೇಲೆ ಇನಾಮಾಯಿತ್ ಬೂಕ್‌ನ ಅಂವೊಂಡ ಮಹಿಮೇರ ಕೃಪೆಕಾಯಿತ್ ಅಂವೊನ ತುದಿಪನೆಕೆ ಮಾಡ್‍ಚಿ.

ಫಿಲಿಪ್ಪಿ 2:8

ದೇವಡ ಮಿಂಞತ್ ತಗ್ಗ್‌ಚಿಟ್ಟಂಡ್ ಒರ್ ಪಾಪಿರನೆಕೆ ಶಿಲುಬೇಲ್ ಚತ್ತತ್.