ರೋಮ್ 5:18 - ಕೊಡವ ಬೈಬಲ್

¹⁸ ಆನಗುಂಡ್, ಒರ್ ಅಪರಾದತ್‍ರಗುಂಡ್ ಎಲ್ಲಾ ಮನುಷ್ಯಂಗಕು ನಾಶ ಆಪಕುಳ್ಳ ತೀರ್ಪ್ ಕ್‍ಟ್ಟ್‌ನನೆಕೆ, ಒರೇ ನೀತಿರಗುಂಡ್ ಎಲ್ಲಾ ಮನುಷ್ಯಂಗಕು ಜೀವ ಕ್‍ಟ್ಟ್‌ವ ತೀರ್ಪ್ ಆಚಿ.

ರೋಮ್ 5:18 ပူးပေါင်းရင်းမြစ်များ

ಯೋಹಾನ 1:7

ಅಂವೊ ತಾಂಡ ಸಾಕ್ಷಿರ ಮೂಲಕ ಎಲ್ಲಾರು ನಂಬಂಡೂಂದ್, ಈ ಬೊಳಿರ ವಿಷಯತ್ ಸಾಕ್ಷಿ ಕೊಡ್‍ಪಕ್ ಬಾತ್.

ಯೋಹಾನ 12:32

ನನ್ನ ಕೊಡಿಕ್ ನೇತುವಕ, ಎಲ್ಲಾರ್‌ನ ನಾನ್ ನಾಡ ಪಕ್ಕ ಬಲ್‍ಚಿರುವೀಂದ್ ಎಣ್ಣ್‌ಚಿ.

ಯೋಹಾನ 3:26

ಅಯಿಂಗ ಯೋಹಾನಂಡ ಪಕ್ಕ ಪೋಪಂಜಿ: ಉಪಾದ್ಯನೇ, ಯೊರ್ದನ್ ಕೆರೆರ ಆಬರಿಲ್ ನೀಡ ಕೂಡೆ ಒಬ್ಬ ಇಂಜತಲ್ಲ, ನೀನ್ ಸಹ ಅಂವೊಂಡ ವಿಷಯತ್ ಸಾಕ್ಷಿ ಕೊಡ್‍ತಿಯಲ್ಲ? ಇಕ್ಕ ನೋಟಿ, ಅಂವೊ ದೀಕ್ಷಾಸ್ನಾನ ಕೊಡ್‍ತಂಡುಂಡ್, ಜನ ಎಲ್ಲಾರು ಅಂವೊಂಡ ಪಕ್ಕ ಪೋಯಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 13:39

ಮೋಶೇರ ನ್ಯಾಯಪ್ರಮಾಣತ್‍ರಗುಂಡ್ ನಿಂಗ ನೀತಿವಂತಯಿಂಗಳಾಯಿತ್ ಆಪಕ್ ಕಯ್ಯತೆ ಇಂಜಿರ. ಆಚೇಂಗಿ, ಯೇಸುರ ಮೂಲಕ, ದಾರೆಲ್ಲಾ ಅಂವೊಂಡ ಮೇಲೆ ನಂಬಿಕೆ ಇಡ್‌ವ, ಅಯಿಂಗೆಲ್ಲ ನೀತಿವಂತಯಿಂಗಳಾಯಿತ್ ಆಪಕ್ ಅಂವೊ ಮಾಡ್‍ಚಿ.

ರೋಮ್ 3:25

ತಾಂಡ ಚೋರೆರ ಮೂಲಕ ನಂಬಿಕೆ ಇಡ್‌ವಯಿಂಗಡ ಪಾಪತ್‍ರ ಪರಿಹಾರವಾಯಿತ್ ಆಪನೆಕೆ ಯೇಸುನ ಎಲ್ಲಾಡ ಮಿಂಞತ್ ಅರ್ಪಣೆ ಮಾಡ್‍ಚಿ. ಇನ್ನನೆ ದೇವ ನೀತಿಯುಳ್ಳಂವೋಂದ್ ನಿರೂಬಿಚಿಟ್ಟತ್. ಎನ್ನಂಗೆಣ್ಣ್‌ಚೇಂಗಿ, ದೇವ ತಾಂಡ ಪೊರುಮೇಲ್, ಕಯಿಂಜ ಕಾಲತ್‍ಲ್ ಮಾಡ್‍ನ ಪಾಪತ್‍ನ ಕಾಂಗತನೆಕೆ ಇಂಜತ್.

ರೋಮ್ 4:25

ನಂಗ ನೀತಿವಂತಯಿಂಗಳಾಯಿತ್ ಆಂಡೂಂದ್, ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟಿತ್, ಅಂವೊನ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್.

ರೋಮ್ 5:12

ಅನ್ನನೆ, ಒರ್ ಮುನುಷ್ಯನಗುಂಡ್ ಪಾಪವು, ಪಾಪತ್‍ರಗುಂಡ್ ಚಾವು ಈ ಲೋಕತ್‍ಲ್ ಬಾತ್. ಇನ್ನನೆ ಎಲ್ಲಾರು ಪಾಪ ಮಾಡ್‍ನಗುಂಡ್, ಚಾವ್ ಎಲ್ಲಾರ್‌ಕು ಬಾತ್.

ರೋಮ್ 5:15

ಆಚೇಂಗಿ, ಆದಾಮಂಡ ಪಾಪಕು, ದೇವಡ ಕೃಪೇರ ಇನಾಮ್ಂಗು ದುಂಬ ವೆತ್ಯಾಸ ಉಂಡ್. ಎನ್ನಂಗೆಣ್ಣ್‌ಚೇಂಗಿ ಆದಾಮನಾನ ಒರೇ ಮನುಷ್ಯಂಡ ಪಾಪತ್‍ರುಗುಂಡ್ ದುಂಬ ಜನ ಚತ್ತ್ ಪೋಚೇಂಗಿ, ದೇವಡ ಕೃಪೆಯು, ಯೇಸು ಕ್ರಿಸ್ತ ಎಣ್ಣುವ ಒರೇ ಮನುಷ್ಯಂಡ ಕೃಪೆಯಿಂಜ ಬಪ್ಪ ಇನಾಮ್ ಎಲ್ಲಾ ಜನಡಮೇಲೆ ಎಚ್ಚಕ್ ದುಂಬ್‍ನದಾಯಿತ್‌ಪ್ಪ.

ರೋಮ್ 5:19

ಒರ್ ಮನುಷ್ಯಂಡ ಅಪರಾದತ್ಂಜ ದುಂಬ ಜನ ಪಾಪಿಯಳಾನನೆಕೆ, ಒಬ್ಬ ಬಗ್ಗ್‌ನಗುಂಡ್ ದುಂಬ ಜನ ನೀತಿವಂತಯಿಂಗಳಾಯಿತ್ ಆಪ.

ರೋಮ್ 6:14

ನಿಂಗ ನ್ಯಾಯಪ್ರಮಾಣತ್‍ರ ಅಡಿಕ್ ಬರತೆ, ಕೃಪೇರ ಅಡಿಕ್ ಬಂದಿತುಳ್ಳಗುಂಡ್ ಪಾಪ ನಿಂಗಳ ಆಳುವಕ್ ಕಯ್ಯುಲೆ.

1 ಕೊರಿಂಥ 15:22

ಆದಾಮ ಮಾಡ್‍ನ ಕಾರ್ಯತ್ಂಜ, ಚಾವ್ ಎಲ್ಲಾರ್‌ಕು ಬಾತ್. ಅನ್ನನೆ ಯೇಸು ಕ್ರಿಸ್ತ ಮಾಡ್‍ನ ಕಾರ್ಯತ್‍ನಗುಂಡ್, ಎಲ್ಲಾರು ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪನೆಕೆ ಮಾಡ್‍ಚಿ.

ಇಬ್ರಿಯ 2:9

ಆಚೇಂಗಿಯು, ದೇವಡ ಕೃಪೇರಗುಂಡ್ ಯೇಸು ಎಲ್ಲಾರ್‍ಕಾಯಿತ್ ಚಾವ್‍ನ ತಾಂಡ ತಡೀಲ್ ಎಡ್‌ಪಕಾಯಿತ್, ಚೆನ್ನ ಸಮಯಕ್ ದೇವದೂತಂಗಕಿಂಜ ಅಂವೊನ ಕಮ್ಮಿ ಮಾಡ್‍ಚೀಂದ್ ನಂಗ ನೋಟಿಯಂಡುಂಡ್. ಅಂವೊ ಚಾವ್‍ನ ಸ್ವೀಕಾರ ಮಾಡ್‍ನಗುಂಡ್ ದೇವ ಅಂವೊನ ಮಿಹಿಮೇರಗುಂಡ್, ಗನತ್‍ರಗುಂಡ್ ರಾಜನಾಯಿತ್ ಮಾಡ್‍ಚಿ.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

1 ಯೋಹಾನ 2:20

ಆಚೇಂಗಿ, ನಿಂಗ ಅನ್ನನೆ ಇಲ್ಲೆ, ಕ್ರಿಸ್ತ ನಿಂಗಳ ಪವಿತ್ರಾತ್ಮತ್‍ಲ್ ಅಬಿಷೇಕ ಮಾಡ್‍ನಗುಂಡ್ ನಿಂಗಕ್ ಸತ್ಯ ಏದ್‍ೕಂದ್ ಗೊತ್ತುಂಡ್.