ರೋಮ್ 5:13 - ಕೊಡವ ಬೈಬಲ್

¹³ ನ್ಯಾಯಪ್ರಮಾಣ ಬಪ್ಪಕ್ ಮಿಂಞಲೇ ಪಾಪ ಈ ಲೋಕತ್‍ಲ್ ಇಂಜತ್; ನ್ಯಾಯಪ್ರಮಾಣ ಇಲ್ಲತೆಪೋಚೇಂಗಿ, ಪಾಪ ಎಂತ್‍ೕಂದ್ ಗೊತ್ತಾಪಕಿಂಜಿಲೆ.

ರೋಮ್ 5:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:13

ಆಚೇಂಗಿ ಸೊದೋಮ್‌ ಪಟ್ಟಣತ್‌ರ ಜನ ಯೆಹೋವಂಡ ಮಿಂಞತ್‌ ಬಾರಿ ದುಷ್ಟಂಗಳು ಪಿಂಞ ಪಾಪ ಮಾಡುವಯಿಂಗಳಾಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 18:20

ಇದಲ್ಲತೆ ಯೆಹೋವ: ಸೊದೋಮ್‌ ಗೊಮೋರತ್‌ರ ಜನ ಬಾರೀ ಮೋಸವಾನಯಿಂಗಾಂದು, ಅಯಿಂಗಡ ಪಾಪ ಬಾರಿ ಕ್ರೂರವಾನದ್‍ೕಂದು ನಾಕ್‍ ಗೊತ್ತಾಚಿ.

ಆದ್ಯತ್‌ರ ಪುಸ್ತಕ 19:32

ಬಾ, ನಂಗ ಅಪ್ಪಂಗ್‌ ಕಳ್ಳ್ ಕುಡಿಪ್‌ಚಿಟ್ಟಿತ್‌ ಅಂವೊಂಡ ಕೂಡೆ ಬುದ್ದೋನ. ಅಕ್ಕ ನಂಗಕ್‌ ಮಕ್ಕ ಆಯಿತ್‌ ಅಪ್ಪನಗುಂಡ್‌ ಸಂತಾನತ್‌ನ ಉಳಿಚಿಡನಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 19:36

ಇನ್ನನೆ ಲೋಟಂಡ ಮೂಡಿ ಮಕ್ಕ ದಂಡಾಳು ತಂಗಡ ಅಪ್ಪಂಡಗುಂಡ್‌ ಕೆಲಕಾರ್ತಿಯಾಚಿ.

ಆದ್ಯತ್‌ರ ಪುಸ್ತಕ 19:4

ಅಯಿಂಗ ವರ್ವಕ್‌ ಮಿಂಞ, ಸೋದೋಮ್‌ ಪಟ್ಟಣತ್‌ರ ಎಲ್ಲಾ ಬಾಗತ್‌ಂಜ ಬಾಲ್ಯಕಾರ ಮಕ್ಕಯಿಂಜ ಪುಡ್‌ಚಿತ್‌ ವಯಸ್ಸಾನಯಿಂಗಕತ್ತನೆ ಎಲ್ಲಾ ಆಣಾಳ್‌ವಳು ಬಂದಿತ್‌ ಅಂವೊಂಡ ಮನೆರ ಸುತ್ತ್‌ಲ್‌ ನಿಂದತ್.

ಆದ್ಯತ್‌ರ ಪುಸ್ತಕ 38:10

ಅಂವೊ ಇನ್ನನೆ ಮಾಡ್‌ವದ್‌ ಯೆಹೋವಂಡ ದೃಷ್ಟಿಲ್‌ ಕೆಟ್ಟದಾಯಿತಿಂಜಂಗ್, ಅಂವೊನ ಸಹ ಅಂವೊ ಚಾವನೆಕೆ ಮಾಡಚಿ.

ಆದ್ಯತ್‌ರ ಪುಸ್ತಕ 38:7

ಆಚೇಂಗಿ ಯೆಹೂದಂಡ ಪೆರಿಯ ಮೊಂವೊನಾನ ಏರ್‌ ಯೆಹೋವಂಡ ದೃಷ್ಟಿಲ್‌ ಕೆಟ್ಟಂವೊನಾಯಿತ್‌ಂಜಂಗ್‌ ಯೆಹೋವ ಅಂವೊನ ಚಾವನೆಕೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 6:11

ದೇವಡ ಮಿಂಞತ್‌ ಈ ಲೋಕ ಮೋಸವಾಯಿತ್‌ಂಜತ್‌ ಪಿಂಞ ಈ ಲೋಕತ್‌ಲ್‌ ಅನ್ಯಾಯ ದುಂಬಿತಿಂಜಿತ್.

ಆದ್ಯತ್‌ರ ಪುಸ್ತಕ 8:21

ಬಲಿ ಕೊಡ್‌ತ ನಲ್ಲ ವಾಸನೆ ಯೆಹೋವನ ಕುಶಿ ಪಡ್‌ತ್‌ಚಿ. ಅಕ್ಕ ಯೆಹೋವ: ಮನುಷ್ಯಂಡ ಮನಸ್ಸ್‌ ಚೆರ್ಪತ್‌ಂಜಲೇ ಕೆಟ್ಟದಾಯಿತ್‌ ಇಂಜತೇಂಗಿಯು, ನಾನ್‌ ಇಂಞು ಮಿಂಞಕ್‌ ಮನುಷ್ಯನಗುಂಡ್‌ ಬೂಮಿಕ್‌ ಶಾಪ ಇಡುಲೆ; ನಾನ್‌ ಇಕ್ಕ ನಾಶಮಾಡ್‌ನನೆಕೆ ಇಂಞು ಮಿಂಞಕ್‌ ಎಲ್ಲಾ ಜೀವಿಯಳ ನಾಶ ಮಾಡುಲೆ.

ರೋಮ್ 3:20

ಆನಗುಂಡ್, ನ್ಯಾಯಪ್ರಮಾಣತ್‍ರಗುಂಡ್ ಒರ್ ಮನುಷ್ಯನು ದೇವಡ ಮಿಂಞತ್ ನೀತಿವಂತವೊನಾಯಿತ್ ಆಪಕ್ ಕಯ್ಯುಲೆ. ಆಚೇಂಗಿ ನ್ಯಾಯಪ್ರಮಾಣತ್‍ರ ಮೂಲಕ ಪಾಪ ಎಂತ್‍ೕಂದ್ ಗೊತ್ತಾಪ.

ರೋಮ್ 4:15

ನ್ಯಾಯಪ್ರಮಾಣ ದೇವಡ ಬಲ್ಯ ಚೆಡಿನ ಕೊಂಡ್ ಬಪ್ಪ, ನ್ಯಾಯಪ್ರಮಾಣ ಇಲ್ಲೇಂಗಿ ಅಪರಾದವು ಇಲ್ಲೆ.

1 ಕೊರಿಂಥ 15:56

ಪಾಪತ್‍ರಗುಂಡ್ ಮಾತ್ರ ಚಾವ್‍ಕ್ ನಂಗಡ ಮೇಲೆ ಅದಿಕಾರ ಉಂಡ್. ನ್ಯಾಯಪ್ರಮಾಣತ್‍ರಗುಂಡ್ ಮಾತ್ರ ಪಾಪಕ್ ನಂಗಡ ಮೇಲೆ ಅದಿಕಾರ ಉಂಡ್.

1 ಯೋಹಾನ 3:14

ನಂಗಡ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‌ವಗೊಂಡ್, ನಂಗ ಮರಣತ್ಂಜ ತಪ್ಪಿ ಪೋಯಿತ್ ನಿತ್ಯ ಜೀವಕ್ ಕೂಡಿತುಂಡ್‍ೕಂದ್ ಗೊತ್ತುಂಡ್. ದಾರ್ ಪ್ರೀತಿ ಮಾಡುಲೆ ಅಂವೊ ಮರಣತ್‌ರ ಅದಿಕಾರತ್‌ಲ್ಲೇ ಉಂಡ್.

1 ಯೋಹಾನ 3:4

ಆಚೇಂಗಿ, ಪಾಪ ಮಾಡ್‌ವ ಎಲ್ಲಾರು ನ್ಯಾಯಪ್ರಮಾಣತ್‍ನ ಮೀರ್‌ವ. ಎನ್ನಂಗೆಣ್ಣ್‌ಚೇಂಗಿ ನ್ಯಾಯಪ್ರಮಾಣತ್‍ನ ಮೀರ್‌ವದೆ ಪಾಪ.