ರೋಮ್ 4:6 - ಕೊಡವ ಬೈಬಲ್

⁶ ಅನ್ನನೆ ಕ್ರಿಯೆ ಮಾಡತೆ, ದೇವಡಗುಂಡ್ ನೀತಿವಂತವೊನಾಪ ಮನುಷ್ಯಂಡ ಆಶೀರ್ವಾದತ್‍ನ ದಾವೀದ ಸಹ ಇನ್ನನೆ ಎಣ್ಣಿತುಂಡ್.

ರೋಮ್ 4:6 ပူးပေါင်းရင်းမြစ်များ

ಮತ್ತಾಯ 25:19

ದುಂಬ ಕಾಲ ಆನ ಪಿಂಞ, ಆ ಆಳ್‍ವಡ ಎಜಮಾನ ಬಂದಿತ್ ಅಯಿಂಗಡ ಪಕ್ಕ ಲೆಕ್ಕ ಕ್‍ೕಟತ್.

ರೋಮ್ 1:17

ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‌ಕ್‌ವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ, ನಂಬಿಕೇರ ಮೂಲಕ ಕ್‍ಟ್ಟುವ ದೇವಡ ನೀತಿ, ನಂಬಿಕೆಕಾಯಿತ್, ದೇವಡ ನಲ್ಲ ಸುದ್ದಿರ ಮೂಲಕ ಕಾಂಬನೆಕೆ ಆಚಿ.

ರೋಮ್ 3:27

ಅಕ್ಕ, ಎನ್ನಂಗ್ ಹೊಗಳಿಚಿಡಂಡು? ಅನ್ನನೆ ಮಾಡ್‌ವಕ್ ಜಾಗ ಇಲ್ಲತೆ ಪೋಚಿ. ನಂಗಕ್ ಪಾಪತ್‍ರ ಶಿಕ್ಷೆ ಕ್‍ಟ್ಟತನೆಕೆ ಮಾಡ್‍ನದ್ ಏದ್ ಪ್ರಮಾಣತ್‍ರಗುಂಡ್? ಕ್ರಿಯೆರ ಪ್ರಮಾಣತ್‍ರಗುಂಡಾ? ಅಲ್ಲ, ನಂಬಿಕೇರ ಪ್ರಮಾಣತ್‍ರ ಮೂಲಕವೇ.

ರೋಮ್ 4:11

ಅದಲ್ಲತೆ, ಅಂವೊಂಗ್ ಸುನ್ನತಿ ಆಪಕ್ ಮಿಂಞ, ನಂಬಿಕೇರ ಮೂಲಕ ಅಂವೊಂಗ್ ಕ್‍ಟ್ಟ್‌ನ ನೀತಿಕ್ ಮುದ್ರೆಯಾಯಿತ್ ಸುನ್ನತಿ ಎಣ್ಣುವ ಗುರ್‍ತ್‍ನ ಅಂವೊಂಗ್ ಕೊಡ್‍ತತ್. ಆನಗುಂಡ್, ಸುನ್ನತಿ ಮಾಡತಯಿಂಗಳಾಯಿತ್ ನಂಬುವ ಎಲ್ಲಾರ್‌ಕು, ನೀತಿರ ಲೆಕ್ಕ ಕ್‍ಟ್ಟಿತ್ ಅಯಿಂಗಕ್ ಸಹ ಅಂವೊ ಅಪ್ಪನಾಯಿತ್ ಇಪ್ಪನೆಕೆ ಆಚಿ.

ರೋಮ್ 4:24

ನಂಗಡ ಒಡೆಯನಾನ ಯೇಸುನ ಚಾವ್‍ಯಿಂಜ ಎಪ್ಪ್‌ಚಿಟ್ಟಂವೊನ ನಂಬುವ ನಂಗಕ್ ಅನ್ನನೆ ಲೆಕ್ಕ ಆಪ.

ರೋಮ್ 4:5

ಒಬ್ಬ ಕ್ರಿಯೆ ಮಾಡತೆ, ಪಾಪಿಯಳ ನೀತಿವಂತಂವೊನಾಯಿತ್ ಮಾಡ್‌ವಂವೊಂಡ ಮೇಲೆ ನಂಬಿಕೆ ಇಟ್ಟತೇಂಗಿ, ಅಂವೊಂಡ ನಂಬಿಕೆಯೇ ಅಂವೊಂಗ್ ನೀತಿಯಾಯಿತ್ ಲೆಕ್ಕ ಆಪಲ್ಲ.

ರೋಮ್ 4:7

ದಾಡ ಅಕ್ರಮಕೆಲ್ಲ ಮನ್ನಿಪ್ ಕ್‍ಟ್ಟ್‌ಚೋ, ದಾಡ ಪಾಪತ್‍ನೆಲ್ಲ ದೇವ ಮುಚ್ಚಿತೋ ಅಯಿಂಗೆಲ್ಲ ಆಶೀರ್ವಾದ ಪಡ್ಂದಯಿಂಗ.

ರೋಮ್ 4:9

ಈ ಆಶೀರ್ವಾದ ಸುನ್ನತಿ ಮಾಡ್‍ನಯಿಂಗಕ್ ಮಾತ್ರ ಕ್‍ಟ್ಟುವಾ? ಅಥವ ಸುನ್ನತಿ ಮಾಡತಯಿಂಗಕು ಉಂಡಾ? ಅಬ್ರಹಾಮಂಡ ನಂಬಿಕೆನ ಅಂವೊಂಗ್ ನೀತಿಯಾಯಿತ್ ಲೆಕ್ಕ ಮಾಡ್‍ಚೀಂದ್ ನಂಗ ಎಣ್ಣಿಯಂಡುಂಡಲ್ಲ?

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಗಲಾತ್ಯ 3:14

ಅಬ್ರಹಾಮಂಗ್ ಕ್‍ಟ್ಟ್‌ನ ಆಶೀರ್ವಾದ, ಯೆಹೂದ್ಯರಲ್ಲತಯಿಂಗಕ್ ಯೇಸು ಕ್ರಿಸ್ತಂಡ ಮೂಲಕ ಬಪ್ಪಕಾಯಿತು, ನಂಬಿಕೇರ ಮೂಲಕ ವಾಗ್ದಾನ ಮಾಡ್‍ನ ಪವಿತ್ರಾತ್ಮ ನಂಗಕ್ ಕ್‍ಟ್ಟ್‌ವಕಾಯಿತೂ ಇನ್ನನೆ ಆಚಿ.

ಗಲಾತ್ಯ 4:15

ನಿಂಗ ಅಚ್ಚಕ್ ಕುಶೀಲ್ ಇಂಜಿರ! ನಿಂಗಕ್ ಇಕ್ಕ ಎಂತ ಆಚಿ? ಆ ದಿವಸತ್‍ಲ್, ನಿಂಗಕ್ ಕಯ್ಯುವೇಂಗಿ ಇಲ್ಲೆ, ನಾನ್ ಕ್‍ೕಟತೇಂಗಿ ನಿಂಗಡ ಕಣ್ಣ್‌ನ ಕೂಡೆ ನಾಕಾಯಿತ್ ಬಲ್‍ಚಿತ್ ಕೊಡ್‍ಪಕಿಂಜಿರಾಂದ್, ನಿಂಗಡ ವಿಷಯತ್‍ಲ್ ಸಾಕ್ಷಿ ಎಣ್ಣ್‌ವಿ.

ಎಫೆಸ 1:3

ಪರಲೋಕತ್‍ರ ಎಲ್ಲಾ ಆತ್ಮೀಯ ಆಶೀರ್ವಾದತ್‍ರಗುಂಡ್ ನಂಗಳ ಕ್ರಿಸ್ತಂಡಲ್ಲಿ ಆಶೀರ್ವಾದ ಮಾಡಿತುಳ್ಳ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್.

ಫಿಲಿಪ್ಪಿ 3:9

ಕ್ರಿಸ್ತನ ನಾಕ್ ಸ್ವಂತವಾಯಿತ್ ಮಾಡ್‌ವಕ್, ನ್ಯಾಯಪ್ರಮಾಣತ್‍ರ ಪ್ರಕಾರ ನಾಕ್ ಕ್‍ಟ್ಟುವ ನೀತಿನ ಎಡ್‍ಕತೆ, ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ದೇವ ನಾಕ್ ತಪ್ಪ ನೀತಿನ ಎಡ್‍ತೊವಿ.

2 ತಿಮೊಥೆಯ 1:9

ಎನ್ನಂಗೆಣ್ಣ್‌ಚೇಂಗಿ ದೇವ ನಂಗಳ ರಕ್ಷಣೆ ಮಾಡಿತ್, ಪವಿತ್ರವಾನ ಬದ್‍ಕ್ ಬಾಳ್‌ವಕ್ ನಂಗಳ ಕಾಕಿತುಂಡ್. ನಂಗಕ್ ಇದ್ ಕ್‍ಟ್ಟ್‌ವಕ್ ಒರ್ ಯೊಗ್ಯತೆಯು ಇಲ್ಲೆ. ಆಚೇಂಗಿ, ಕಾಲ ಸುರ್ ಆಪಕ್ ಮಿಂಞಲೇ, ಈ ಕೃಪೆ ಯೇಸು ಕ್ರಿಸ್ತನಗುಂಡ್ ನಂಗಕ್ ಕ್‍ಟ್ಟಂಡೂಂದ್ ದೇವಡ ಚಿತ್ತವಾಯಿತ್ಂಜತ್.

ಯಾಕೋಬ 2:18

ದಾರೇಂಗಿಯು ಒಬ್ಬ: ನೀಕ್ ನಂಬಿಕೆ ಉಂಡ್, ನಾಕ್ ಕ್ರಿಯೆ ಉಂಡ್; ನೀಕ್ ನಂಬಿಕೆ ಉಂಡ್‍ೕಂದ್ ಎಣ್ಣುವಿಯಲ್ಲ ಅದ್‍ನ ನಾಕ್ ಕ್ರಿಯೆ ಇಲ್ಲತೆ ಕಾಟಿತಾ, ನಾನ್ ನಾಡ ನಂಬಿಕೇನ ನಾನ್ ಮಾಡ್‌ವ ಕ್ರಿಯೇಲ್ ಕಾಟಿತಪ್ಪೀಂದ್ ಎಣ್ಣುವಲ್ಲ.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.