ರೋಮ್ 4:5 - ಕೊಡವ ಬೈಬಲ್

⁵ ಒಬ್ಬ ಕ್ರಿಯೆ ಮಾಡತೆ, ಪಾಪಿಯಳ ನೀತಿವಂತಂವೊನಾಯಿತ್ ಮಾಡ್‌ವಂವೊಂಡ ಮೇಲೆ ನಂಬಿಕೆ ಇಟ್ಟತೇಂಗಿ, ಅಂವೊಂಡ ನಂಬಿಕೆಯೇ ಅಂವೊಂಗ್ ನೀತಿಯಾಯಿತ್ ಲೆಕ್ಕ ಆಪಲ್ಲ.

ರೋಮ್ 4:5 ပူးပေါင်းရင်းမြစ်များ

ಮಾರ್ಕ 9:23

ಯೇಸು ಅಂವೊಂಗ್: ನೀಕ್ ನಂಬಿಕೆ ಉಂಡೇಂಗಿ ಆಪ, ನಂಬಿಕೆ ಉಳ್ಳಂವೊಂಗ್ ಎಲ್ಲಾ ಆಪಾಂದ್ ಎಣ್ಣ್‌ಚಿ.

ಯೋಹಾನ 5:24

ದಾರ್ ನಾಡ ತಕ್ಕ್‌ನ ಕ್‍ೕಟಿತ್, ನನ್ನ ಅಯಿಚಂವೊನ ನಂಬುವ, ಅಯಿಂಗಕ್ ನಿತ್ಯ ಜೀವ ಉಂಡ್, ಅಯಿಂಗಕ್ ಕ್‍ಟ್ಟುವ ಶಿಕ್ಷೇರ ತೀರ್ಪ್‌ಯಿಂಜ ಅಯಿಂಗ ಬಚಾವ್ ಆಪ. ಅನ್ನನೆ ಅಯಿಂಗಕ್ ಬಪ್ಪ ಚಾವ್‍ಯಿಂಜಲು, ಬದ್‌ಕಿತ್ ಜೀವವಾಯಿತ್ ಬಪ್ಪಾಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ.

ಯೋಹಾನ 6:29

ಅಯಿಂಗಕ್ ಯೇಸು: ಅಂವೊ ಅಯಿಚಂವೊನ ನಿಂಗ ನಂಬವುದೇ, ದೇವಕ್ ತಕ್ಕಂತ ಕ್ರಿಯೇಂದ್ ಉತ್ತರ ಕೊಡ್‍ತತ್.

ರೋಮ್ 10:3

ಅಯಿಂಗ ದೇವಡಗುಂಡ್ ಕ್‍ಟ್ಟ್‌ವ ನೀತಿನ ತ್‍ೕಡತೆ, ಅಯಿಂಗಡ ಕ್ರಿಯೇರಗುಂಡ್ ಬಪ್ಪ ನೀತಿನ ಸ್ತಾಪನೆ ಮಾಡ್‌ವಕ್ ಪ್ರಯತ್ನ ಪಟ್ಟಂಡುಳ್ಳಾಂಗ್, ಅಯಿಂಗ ಅಯಿಂಗಳ ದೇವಡ ನೀತಿಕ್ ತಗ್ಗಿತ್ ಕೊಡ್‍ತಂಡಿಲ್ಲೆ.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

ರೋಮ್ 4:24

ನಂಗಡ ಒಡೆಯನಾನ ಯೇಸುನ ಚಾವ್‍ಯಿಂಜ ಎಪ್ಪ್‌ಚಿಟ್ಟಂವೊನ ನಂಬುವ ನಂಗಕ್ ಅನ್ನನೆ ಲೆಕ್ಕ ಆಪ.

ರೋಮ್ 4:3

ದೇವಡ ವಾಕ್ಯ ಎಂತ ಎಣ್ಣಿಯಂಡುಂಡ್? ಅಬ್ರಹಾಮ ದೇವನ ನಂಬ್‍ಚಿ, ಅದ್‍ನ ದೇವ ಅಂವೊಂಗ್ ನೀತಿಯಾಯಿತ್ ಲೆಕ್ಕ ಮಾಡ್‍ಚೀಂದ್ ಎಣ್ಣಿಯಂಡುಂಡ್.

ರೋಮ್ 4:6

ಅನ್ನನೆ ಕ್ರಿಯೆ ಮಾಡತೆ, ದೇವಡಗುಂಡ್ ನೀತಿವಂತವೊನಾಪ ಮನುಷ್ಯಂಡ ಆಶೀರ್ವಾದತ್‍ನ ದಾವೀದ ಸಹ ಇನ್ನನೆ ಎಣ್ಣಿತುಂಡ್.

ಫಿಲಿಪ್ಪಿ 3:9

ಕ್ರಿಸ್ತನ ನಾಕ್ ಸ್ವಂತವಾಯಿತ್ ಮಾಡ್‌ವಕ್, ನ್ಯಾಯಪ್ರಮಾಣತ್‍ರ ಪ್ರಕಾರ ನಾಕ್ ಕ್‍ಟ್ಟುವ ನೀತಿನ ಎಡ್‍ಕತೆ, ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ದೇವ ನಾಕ್ ತಪ್ಪ ನೀತಿನ ಎಡ್‍ತೊವಿ.