ರೋಮ್ 4:19 - ಕೊಡವ ಬೈಬಲ್

¹⁹ ಅಂವೊ ಸುಮಾರ್ ನೂರ್ ವಯಸಾಯಿತ್ ಇಪ್ಪಕ, ತಾಂಡ ತಡಿಯಿಂಜ ಒರ್ ಕುಂಞಿ ತಪ್ಪಕುಳ್ಳ ಶಕ್ತಿ ಇಲ್ಲೇಂದು, ಅಂವೊಂಡ ಪೊಣ್ಣ್ ಸಾರಳಡ ಗರ್ಬಗೂಡ್ ಚತ್ತ್ ಪೋಯಿತ್‍ೕಂದು ಗೊತ್ತ್ಂಜತ್. ಆಚೇಂಗಿಯು, ಅಂವೊಂಡ ನಂಬಿಕೆ ಕಮ್ಮಿಯಾಯಿತ್‌ಲ್ಲೆ.

ರೋಮ್ 4:19 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:17

ಅಕ್ಕ ಅಬ್ರಹಾಮ ಅಡ್ಡ ಬದ್ದಿತ್: ನೂರ್‌ ವಯಸ್ಸಾನಪಿಂಞ ನಾಕ್‍ ಮೊಂವೊ ಪುಟ್ಟ್‌ವೋ? ತೊಂಬದ್‌ ವಯಸ್ಸಾನ ಸಾರಾಳ್‌ಕ್‌ ಕುಂಞಿನ ಪೆರುವಕಯ್ಯುವಾಂದ್‌ ತಾಂಡ ಹೃದಯತ್‌ಲ್‌ ಗೇನ ಮಾಡಿತ್‌ ಮನಸ್ಸ್‌ಲೇ ತೆಳ್‌ಚತ್.

ಮತ್ತಾಯ 14:29

ಯೇಸು ಬಾಂದ್ ಎಣ್ಣ್‌ಚಿ. ಅಕ್ಕ, ಪೇತ್ರ ಯೇಸುರ ಪಕ್ಕ ಪೋಪಕ್ ದೋಣಿಯಿಂಜ ಇಳಿಂಜಿತ್, ನೀರ್‌ರ ಮೇಲೆ ನಡ್ಂದತ್.

ಮತ್ತಾಯ 14:31

ಯೇಸು ಒಡನೆ ಕೈಯಿನ ನೀಟುವಂಜಿ ಅಂವೊನ ಪುಡ್‌ಚಿತ್: ಓ ಅಲ್ಪ ನಂಬಿಕೆ ಉಳ್ಳಂವೊನೇ, ಎನ್ನಂಗ್ ನಾಡ ಮೇಲೆ ಅನುಮಾನ ಪಟ್ಟಿಯಾಂದ್ ಕ್‍ೕಟತ್.

ಮತ್ತಾಯ 6:30

ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಇಂದ್ ಇಂಜಿತ್ ನಾಳೆ ಪೋಪ ಪೂವ್‍ನ ದೇವ ಇಚ್ಚಕ್ ಚಾಯಿತೆ ನೋಟ್‍ಚೇಂಗಿ, ನಿಂಗಳ ನೇರಾಯಿತು ಎಚ್ಚಕ್ ಚಾಯಿತೆ ನೋಟ್‌ವ?

ಮತ್ತಾಯ 8:26

ಅದ್ಂಗ್ ಯೇಸು: ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಎನ್ನಂಗ್ ನಿಂಗಕ್ ಅಚ್ಚಕ್ ಪೋಡಿ ಆಚೀಂದ್ ಕ್‍ೕಟಿತ್, ಏವಂಜಿ, ಗಾಳಿಕೂ ಅಲೆಕೂ ಮುಂಡತ್‌ಪ್ಪಕ್ ಆಜ್ಞೆ ಮಾಡ್‍ಚಿ. ಬಯ್ಯ ದುಂಬ ಶಾಂತವಾಚಿ.

ರೋಮ್ 14:21

ಯರ್ಚಿ ತಿಂಬದು, ಕುಡಿಪದು, ಬೋರೆ ಎಂತಾಚು ಮಾಡ್‌ವದು, ಯೇಸುನ ನಂಬ್‍ನಯಿಂಗ ಪಾಪತ್‍ಲ್ ಬುದ್ದ್ ಪೂಪನೆಕೆ ಬಟ್ಟೆ ಕೊಡ್‍ತತೇಂಗಿ, ಅದ್‍ಲ್ ಒರ್ ವಿಷಯತ್‍ನು ಮಾಡತೆ ಇಪ್ಪದ್ ನಲ್ಲದ್.