ರೋಮ್ 4:14 - ಕೊಡವ ಬೈಬಲ್

¹⁴ ನ್ಯಾಯಪ್ರಮಾಣತ್‍ರನೆಕೆ ಮಾಡ್‌ವಯಿಂಗ ಹಕ್ಕ್‌ದಾರಂಗಳಾಚೇಂಗಿ, ನಂಬಿಕೇಕ್ ಒರ್ ಬೆಲೆಯು ಇಪ್ಪುಲೆ, ವಾಗ್ದಾನವು ಅರ್ಥ ಇಲ್ಲತೆ ಪೋಪ.

ರೋಮ್ 4:14 ပူးပေါင်းရင်းမြစ်များ

ರೋಮ್ 3:31

ಅನ್ನನೆ ಆಚೇಂಗಿ, ನಂಬಿಕೇರಗುಂಡ್ ನ್ಯಾಯಪ್ರಮಾಣತ್‍ನ ನಂಗ ಅಲ್ಲಗೆಳೆಯುವದಾ? ಅನ್ನನೆ ಅಲ್ಲ, ನ್ಯಾಯಪ್ರಮಾಣತ್‍ನ ನಂಗ ಸ್ತಿರಪಡ್‌ತಿಯಂಡುಂಡ್.

ರೋಮ್ 4:16

ಆನಗುಂಡ್, ಬಾದ್ಯತೆ ಕೃಪೆಯಿಂಜ ಬಪ್ಪನೆಕೆ ಅದ್ ನಂಬಿಕೇರ ಮೂಲಕ ಬಾತ್; ನ್ಯಾಯಪ್ರಮಾಣಕ್ ಕೂಡ್‍ನ ಸಂತಾನಕಾರಂಗಕ್ ಮಾತ್ರ ಅಲ್ಲತೆ, ನಂಗ ಎಲ್ಲಾರ್‌ಕು ಅಪ್ಪನಾನ ಅಬ್ರಹಾಮಂಡ ನಂಬಿಕೇಕ್ ಕೂಡ್‍ನ ಎಲ್ಲಾ ಸಂತಾನಕಾರಂಗಕು ಆ ವಾಗ್ದಾನ ಕಂಡಿತವಾಯಿತ್ ಬಂದಂಡುಂಡ್.

1 ಕೊರಿಂಥ 1:13

ಅಕ್ಕ ನಾನ್ ನಿಂಗಳ ಇನ್ನನೆ ಕ್‍ೕಪಿ, ಕ್ರಿಸ್ತ ಬೋರೆ ಬೋರೆ ಆಯಿತುಂಡಾ? ಅಥವ ಜನ, ಪೌಲನ ನಿಂಗಕಾಯಿತ್ ಶಿಲುಬೇಲ್ ಇಟ್ಟ್‌ಚಾ? ಅಥವ ಪೌಲಂಡ ಪೆದತ್‍ಲ್ ನಿಂಗಕ್ ದೀಕ್ಷಾಸ್ನಾನ ಕ್‍ಟ್ಟ್‌ಚಾ?

ಗಲಾತ್ಯ 2:21

ನಾನ್ ದೇವಡ ಕೃಪೇನ ಮುಂಡತೆ ಪಾಳ್ ಮಾಡಿಯಂಡಿಪಂವೊ ಅಲ್ಲ; ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪದಿಂಜ ನಂಗ ನೀತಿವಂತಯಿಂಗಳಾಪದಾಚೇಂಗಿ, ಕ್ರಿಸ್ತ ಚತ್ತಾಂಗ್ ಅರ್ಥ ಇಲ್ಲೆ.

ಗಲಾತ್ಯ 5:4

ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರಗುಂಡ್ ನೀತಿವಂತಯಿಂಗಳಾಯಿತ್ ಆಪಕ್ ಕುಶಿಯುಳ್ಳ ನಿಂಗೆಲ್ಲಾರು ಯೇಸು ಕ್ರಿಸ್ತಂಡಿಂಜ ದೂರ ಆಯಿತುಳ್ಳಿರ ಪಿಂಞ ದೇವಡ ಕೃಪೆಯಿಂಜ ಬುದ್ದ್‌ಪೋಯಿತುಳ್ಲಿರ.

ಫಿಲಿಪ್ಪಿ 3:9

ಕ್ರಿಸ್ತನ ನಾಕ್ ಸ್ವಂತವಾಯಿತ್ ಮಾಡ್‌ವಕ್, ನ್ಯಾಯಪ್ರಮಾಣತ್‍ರ ಪ್ರಕಾರ ನಾಕ್ ಕ್‍ಟ್ಟುವ ನೀತಿನ ಎಡ್‍ಕತೆ, ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ದೇವ ನಾಕ್ ತಪ್ಪ ನೀತಿನ ಎಡ್‍ತೊವಿ.

ಇಬ್ರಿಯ 7:19

ನ್ಯಾಯಪ್ರಮಾಣ ಒರ್ ವಿಷಯತ್‍ನ ಕೂಡೆ ಪೂರ್ತಿ ಮಾಡ್‌ವಕಿಂಜಿಲೆ. ಆಚೇಂಗಿ, ಅದ್ಂಗಿಂಜ ಬಲ್ಯ ನಿರಿಕ್ಷೇರ ನಂಬಿಕೆ ಪೂರ್ತಿ ಮಾಡ್‌ವಕಾಯಿತ್ ಇಕ್ಕ ಕ್‍ಟ್ಟ್‌ಚಿ. ಅದ್ಂಡ ಮೂಲಕ ನಂಗ ದೇವಡ ಪಕ್ಕ ಪೋಯಂಡುಂಡ್.

ಇಬ್ರಿಯ 7:28

ನ್ಯಾಯಪ್ರಮಾಣ, ಬಲ ಇಲ್ಲತ ಮನುಷ್ಯಂಗಳ ಯಾಜಕಂಗಳಾಯಿತ್ ನೇಮಿಚಿಟ್ಟತ್, ನ್ಯಾಯಪ್ರಮಾಣತ್‍ರ ಕಾಲಕ್ ಬಯ್ಯ ಬಂದಿತುಳ್ಳ ಆಣೆರ ತಕ್ಕ್, ಕಾಲಕಾಲಕು ಪೂರ್ತಿಯಾಯಿತ್ ಮಾಡಿತುಳ್ಳ ದೇವಡ ಮೋಂವೊನ ಯಾಜಕನಾಯಿತ್ ನೇಮಿಚಿಟ್ಟತ್.