ರೋಮ್ 4:13 - ಕೊಡವ ಬೈಬಲ್

¹³ ಅಬ್ರಹಾಮಂಗ್ ಪಿಂಞ ಅಂವೊಂಡ ಸಂತಾನಕಾರಂಗಕ್, ಈ ಲೋಕತ್‍ರ ಹಕ್ಕ್‌ದಾರಂಗಳಾಪಿರಾಂದ್ ಕ್‍ಟ್ಟ್‌ನ ವಾಗ್ದಾನ, ನ್ಯಾಯಪ್ರಮಾಣತ್‍ರ ಮೂಲಕ ಕ್‍ಟ್ಟತೆ, ನಂಬಿಕೇರ ಮೂಲಕ ಬಪ್ಪ ನೀತಿರಗುಂಡ್ ಕ್‍ಟ್ಟ್‌ಚಿ.

ರೋಮ್ 4:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:3

ನಿನ್ನ ಆಶೀರ್ವಾದ ಮಾಡುವಯಿಂಗಳ, ನಾನ್‌ ಆಶೀರ್ವಾದ ಮಾಡುವಿ, ನೀಕ್‌ ಶಾಪ ಇಡ್‌ವಯಿಂಗಳ ನಾನ್‌ ಶಾಪ ಇಡುವಿ. ಈ ಬೂಮಿಲ್‌ ಉಳ್ಳ ಎಲ್ಲಾ ವಂಶವು ನೀಡ ಮೂಲಕ ಆಶೀರ್ವಾದ ಪೊಂದುವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:16

ನಾನ್‌ ಅವಳ ಆಶೀರ್ವಾದ ಮಾಡಿತ್, ಅವಡ ಮೂಲಕ ನೀಕ್‌ ಒರ್‌ ಮೋಂವೊನ ತಪ್ಪಿ. ಅವ ದುಂಬ ಜನಾಂಗಕ್‌ ಅವ್ವಳಾಯಿತು, ಅವಡ ಮೂಲಕ ಅನೇಕ ಜನಾಂಗತ್‌ರ ರಾಜಂಗಳ ಪುಟ್ಟ್‌ಚಿಟ್ಟಿತು, ಅವಳ ಆಶೀರ್ವಾದ ಮಾಡುವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 28:14

ನೀಡ ಸಂತಾನ ಲೆಕ್ಕ ಮಾಡ್‌ವಕಯ್ಯತನೆಕೆ ಈ ಬೂಮಿರ ದೂಳ್‌ರಚ್ಚಕ್‌ ಇಪ್ಪ. ನೀನ್‌ ಪಡ್‌ಞಾರ್, ಕ್‍ೕಕ್, ಬಡಕ್‌ ತೆಕ್ಕ್‌ ದಿಕ್ಕ್‌ಲ್‌ ಪಬ್ಬ್‌ವಿಯ. ನೀಡಯಿಂಜಲು ನೀಡ ಸಂತಾನತ್‌ಂಜಲು ಬೂಮಿರ ಎಲ್ಲಾ ಕುಲತ್‌ರ ಜನ ಆಶೀರ್ವಾದ ಪೊಂದ್ವ.

ಆದ್ಯತ್‌ರ ಪುಸ್ತಕ 49:10

ಸಮಾದಾನತ್‌ರ ಆಳುವಿಕೆ ತಪ್ಪಂವೊ ಬಪ್ಪಕತ್ತನೆ, ರಾಜ ಅದಿಕಾರ ಯೆಹೂದನ ಬುಟ್ಟಿತ್‌ ಪೋಪದು ಇಲ್ಲೆ, ಆಳ್‌ವಿಕೆರೆ ಕೋಲ್‌ ಅಂವೊಂಡ ಕಾಲ್‌ನ ಬುಟ್ಟಿತ್‌ ಪೋಪದು ಇಲ್ಲೆ. ದುಂಬ ಜನಾಂಗ ಅಂವೊಂಗ್‌ ಬಗ್ಗಿತ್‌ ನಡ್‌ಪ.

ಅಪೊಸ್ತಲ 13:32

ನಂಗಡ ಅಜ್ಜಂಗಕ್ ದೇವ ವಾಗ್ದಾನ ಮಾಡ್‍ನ ನಲ್ಲ ಸುದ್ದಿನ ನಂಗ ನಿಂಗಕ್ ಪ್ರಚಾರ ಮಾಡಿಯಂಡುಂಡ್.

ರೋಮ್ 4:12

ಅಬ್ರಹಾಮ, ಸುನ್ನತಿ ಮಾಡ್‍ನಯಿಂಗಕ್, ಅಯಿಂಗ ಸುನ್ನತಿ ಮಾಡ್‍ನಗುಂಡ್ ಮಾತ್ರ ಅಪ್ಪನಾಯಿತ್ ಅಲ್ಲತೆ, ಅಂವೊ ಸುನ್ನತಿ ಮಾಡ್‌ವಕ್ ಮಿಂಞ ಅಂವೊಂಗ್ ಇಂಜ ನಂಬಿಕೇರನೆಕೆ, ಸುನ್ನತಿ ಮಾಡ್‍ನಯಿಂಗ ನಂಬಿಕೆ ಇಡ್‍ವಕ, ಅಂವೊ ಅಯಿಂಗಕ್ ಅಪ್ಪನಾಯಿತ್ ಆಪನೆಕೆ ಆಚಿ.

ರೋಮ್ 9:8

ಎನ್ನನೆ ಎಣ್ಣ್‌ಚೇಂಗಿ, ತಡೀರ ಪ್ರಕಾರ ಮಕ್ಕ ಆನಯಿಂಗ ಎಲ್ಲಾರು ದೇವಡ ಮಕ್ಕ ಅಲ್ಲ, ವಾಗ್ದಾನತ್‍ರ ಪ್ರಕಾರ ಮಕ್ಕ ಆನಯಿಂಗಳೇ ಅಂವೊಂಡ ಸಂತಾನಕಾರಂಗಳಾಯಿತ್‌ಪ್ಪ.

ಗಲಾತ್ಯ 3:29

ನಿಂಗ ಕ್ರಿಸ್ತಂಡ ಜನವಾಯಿತ್ಂಜತೇಂಗಿ ನಿಂಗ ಅಬ್ರಹಾಮಂಡ ಸಂತಾನಕಾರಂಗ, ಪಿಂಞ ದೇವ ಎಂತ ವಾಗ್ದಾನ ಮಾಡ್‍ಚೋ ಅದ್ ನಿಂಗಕ್ ಕ್‍ಟ್ಟ್‌ವ.

ಇಬ್ರಿಯ 11:7

ನಂಬಿಕೇರ ಮೂಲಕ ನೋಹ, ಅಂವೊ ಬದ್‍ಕಿಯಂಡ್ ಇಂಜ ಕಾಲತ್‍ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್‍ಲ್ ದೇವಡಿಂಜ ಎಚ್ಚರ ಕ್‍ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್‌ವಕ್ ಒರ್ ಕಪ್ಪಲ್‌ನ ಮಾಡ್‍ಚಿ; ಅದ್‍ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್‍ಟ್ಟ್‌ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕ್ ಬಾದ್ಯತೆ ಕ್‌ಟ್ಟ್‌ನಂವೊನಾಚಿ.

ಇಬ್ರಿಯ 7:6

ಆಚೇಂಗಿಯು, ಮೆಲ್ಕಿಜೆದೇಕ ಲೇವಿರ ವಂಶಾವಳಿಲ್ ಬರತೆ ಪೋಚೇಂಗಿಯು, ಅಬ್ರಹಾಮಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಎಡ್‍ತಿತ್ ವಾಗ್ದಾನ ಕ್‍ಟ್ಟ್‌ನಂವೊನ ಆಶೀರ್ವಾದ ಮಾಡ್‍ಚಿ.