ರೋಮ್ 4:11 - ಕೊಡವ ಬೈಬಲ್

¹¹ ಅದಲ್ಲತೆ, ಅಂವೊಂಗ್ ಸುನ್ನತಿ ಆಪಕ್ ಮಿಂಞ, ನಂಬಿಕೇರ ಮೂಲಕ ಅಂವೊಂಗ್ ಕ್‍ಟ್ಟ್‌ನ ನೀತಿಕ್ ಮುದ್ರೆಯಾಯಿತ್ ಸುನ್ನತಿ ಎಣ್ಣುವ ಗುರ್‍ತ್‍ನ ಅಂವೊಂಗ್ ಕೊಡ್‍ತತ್. ಆನಗುಂಡ್, ಸುನ್ನತಿ ಮಾಡತಯಿಂಗಳಾಯಿತ್ ನಂಬುವ ಎಲ್ಲಾರ್‌ಕು, ನೀತಿರ ಲೆಕ್ಕ ಕ್‍ಟ್ಟಿತ್ ಅಯಿಂಗಕ್ ಸಹ ಅಂವೊ ಅಪ್ಪನಾಯಿತ್ ಇಪ್ಪನೆಕೆ ಆಚಿ.

ರೋಮ್ 4:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:24

ಅಬ್ರಹಾಮಂಗ್‌ ಸುನ್ನತಿ ಮಾಡ್‌ವಕ ಅಂವೊಂಗ್‌ ತೊಂಬತೊಯಿಂಬದ್‌ ವಯಸ್ಸಾಯಿತ್‌ಂಜತ್.

ಮತ್ತಾಯ 16:16

ಅದ್ಂಗ್ ಸೀಮೋನ ಪೇತ್ರ: ನೀನ್ ಎಕ್ಕಾಲು ಬದ್‍ಕಿಯಂಡುಳ್ಳ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಎಣ್ಣ್‌ಚಿ.

ಮತ್ತಾಯ 8:11

ದುಂಬ ಜನ ಕ್‍ೕಕ್ ದಿಕ್ಕಿಂಜ, ಪಡ್‍ಞಾರ್ ದಿಕ್ಕಿಂಜ ಬಂದಿತ್ ಪರಲೋಕ ರಾಜ್ಯತ್‍ಲ್ ಅಬ್ರಹಾಮ ಇಸಾಕ ಪಿಂಞ ಯಾಕೋಬಂಡ ಕೂಡೆ ಗದ್ದಾಳ ಉಂಬಕ್ ಅಳ್‌ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:9

ಅದ್ಂಗ್ ಯೇಸು: ಇಂದ್ ನೀಕ್ ಪಿಂಞ ನೀಡ ಮನೆಲ್ ಉಳ್ಳಯಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ; ಎನ್ನಂಗೆಣ್ಣ್‌ಚೇಂಗಿ, ಇಂವೊ ಸಹ ಅಬ್ರಹಾಮಂಡ ನೇರಾನ ಕುಮಾರನಾಯಿತುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 3:33

ಅಂವೊಂಡ ಸಾಕ್ಷಿನ ತಕ್ಕಾರ ಮಾಡ್‌ವಂವೊ, ದೇವ ಎಣ್ಣ್‌ನದ್ ಸತ್ಯಾಂದ್ ಉಳ್ಳ ವಿಷಯತ್‍ನ ಮುದ್ರೆ ಇಟ್ಟಿತ್ ದೃಡಪಡ್‌ತಿಯಂಡುಂಡ್.

ಯೋಹಾನ 3:36

ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್‍ಟ್ಟುಲೆ. ಅದ್ಂಡ ಬದ್‍ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್‌ಚಿ.

ಯೋಹಾನ 6:35

ನಾನೇ ನಿಂಗಕ್ ಜೀವ ತಪ್ಪ ಒಟ್ಟೀಂದ್ ಯೇಸು ಎಣ್ಣ್‌ಚಿ. ದಾರ್ ನಾಡ ಪಕ್ಕ ಬಪ್ಪ, ಅಯಿಂಗಕ್ ಎಕ್ಕಾಲು ಕೆಲ ಪಯಿಪುಲೆ. ದಾರ್ ನನ್ನ ನಂಬುವ ಅಯಿಂಗಕ್ ಎಕ್ಕಾಲು ಬಾಯಾರಿಕೆ ಆಪುಲೆ.

ಯೋಹಾನ 6:40

ಮೋಂವೊನ ನೋಟಿತ್, ಅಂವೊನ ನಂಬುವ ಎಲ್ಲಾರು ನಿತ್ಯ ಜೀವತ್‍ನ ಪಡೆಯುವದು, ನಾನ್ ಅಂವೊನ ಆಕೀರ್ ದಿವಸತ್‍ಲ್ ಎಪ್ಪ್‌ವದು ನನ್ನ ಅಯಿಚಂವೊಂಡ ಚಿತ್ತವಾಯಿತುಂಡ್.

ಯೋಹಾನ 6:47

ನೇರಾಯಿತು, ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ನನ್ನ ನಂಬ್‌ವಯಿಂಗಕ್ ನಿತ್ಯ ಜೀವ ಉಂಡ್.

ಯೋಹಾನ 8:33

ಅದ್ಂಗ್ ಅಯಿಂಗ: ನಂಗ ಅಬ್ರಹಾಮಂಡ ಸಂತಾನಕಾರಂಗ, ನಂಗ ಏದ್ ಸಮಯತ್‍ಲು ದಾರ್‌ಕು ಅಡಿಯಾಳಾಯಿತ್ ಇಂಜಿತ್‌ಲ್ಲೆ; ಅನ್ನನೆ ಇಪ್ಪಕ, ನಿಂಗ ಬುಡ್‍ಗಡೆ ಆಪಿರಾಂದ್ ಎನ್ನನೆ ಎಣ್ಣುವಿಯಾಂದ್ ಕ್‍ೕಟತ್.

ರೋಮ್ 10:11

ಅಂವೊಂಡ ಮೇಲೆ ನಂಬಿಕೆ ಬೆಪ್ಪಂವೊ ದಾರಾಯಿತ್ ಇಂಜತೇಂಗಿಯು ಅಂವೊಂಗ್ ಞಾಣ ಆಪುಲೇಂದ್ ದೇವಡ ವಾಕ್ಯ ಎಣ್ಣಿಯಂಡುಂಡ್.

ರೋಮ್ 10:4

ನಂಬುವ ಏದ್ ಮನುಷ್ಯಂಗು, ನೀತಿ ಉಳ್ಳಯಿಂಗಳಾಪಕ್, ಕ್ರಿಸ್ತ ನ್ಯಾಯಪ್ರಮಾಣತ್‍ರ ಅಂತ್ಯವಾಯಿತುಂಡ್.

ರೋಮ್ 10:6

ಆಚೇಂಗಿ, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿ ಇನ್ನನೆ ಎಣ್ಣಿಯಂಡುಂಡ್: ಕ್ರಿಸ್ತನ, ಅಡಿಕ್ ಕೊಂಡ್ ಬಪ್ಪಕಾಯಿತ್ ಪರಲೋಕಕ್ ಪತ್ತಿತ್ ಪೋಪಂವೊ ದಾರ್?

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

ರೋಮ್ 3:26

ಆಚೇಂಗಿ, ಇಕ್ಕ, ಅನ್ನನೆ ಮಾಡಿತ್, ಅಂವೊಂಡ ನೀತಿನ ಕಾಂಬ್‍ಚಿಟ್ಟಂಡುಂಡ್. ಇನ್ನನೆ ಮಾಡ್‍ನಗುಂಡ್, ದೇವ ಒಬ್ಬನೇ ನೀತಿವಂತಂವೋಂದು, ಯೇಸುನ ನಂಬುವಯಿಂಗಳ ದೇವಡ ಮಿಂಞತ್ ನೀತಿವಂತಯಿಂಗಳಾಯಿತ್ ಮಾಡಿಯಂಡ್ ಉಂಡ್‍ೕಂದು ಗೊತ್ತಾಚಿ.

ರೋಮ್ 3:30

ಸುನ್ನತಿ ಮಾಡ್‍ನಯಿಂಗಳ ನಂಬಿಕೇರಗುಂಡ್ ಪಿಂಞ ಸುನ್ನತಿ ಇಲ್ಲತಯಿಂಗಳ ನಂಬಿಕೇರ ಮೂಲಕ ನೀತಿವಂತಯಿಂಗಳಾಯಿತ್ ಮಾಡ್‌ವ ದೇವ ಒಬ್ಬನೇ.

ರೋಮ್ 4:10

ಅಕ್ಕ, ಅದ್ ಅಂವೊಂಗ್ ಎಕ್ಕ ಕ್‍ಟ್ಟ್‌ಚಿ? ಅಂವೊಂಗ್ ಸುನ್ನತಿ ಮಾಡ್‌ವಕ್ ಮಿಂಞ ಕ್‍ಟ್ಟ್‌ಚಾ? ಅಥವ ಸುನ್ನತಿ ಆನ ಪಿಂಞ ಕ್‍ಟ್ಟ್‌ಚಾ? ಸುನ್ನತಿ ಆನ ಪಿಂಞ ಅಲ್ಲ, ಸುನ್ನತಿ ಆಪಕ್ ಮಿಂಞಲೇ ಕ್‍ಟ್ಟ್‌ಚಿ.

ರೋಮ್ 9:30

ಆನಗುಂಡ್ ನಂಗ ಎಂತ ಎಣ್ಣುವಕ್ ಕಯ್ಯು? ನೀತಿನ ತ್‍ೕಡತ ಯೆಹೂದ್ಯಂಗಲ್ಲತ ಜನಕ್ ನೀತಿ ಕ್‍ಟ್ಟ್‌ಚಿ, ಅದ್ ನಂಬಿಕೇರ ಮೂಲಕ, ಕ್‍ಟ್ಟುವ ನೀತಿಯೇ.

ರೋಮ್ 9:33

ಇದ್: ನೋಟಿ, ತಡ್‍ಪಕುಳ್ಳ ಕಲ್ಲ್‌ನ ಪಿಂಞ ಬೂವಕ್ ಮಾಡ್‌ವ ಬಂಡೆ ಕಲ್ಲ್‌ನ ಚೀಯೋನ್‌ ಪಟ್ಟಣತ್‍ಲ್ ಬೆಚ್ಚಿಯೆ; ಅಂವೊಂಡ ಮೇಲೆ ನಂಬಿಕೆ ಬೆಪ್ಪಂವೊ ದಾರಾಯಿತ್ ಇಂಜತೇಂಗಿಯು ಅಂವೊಂಗ್ ಞಾಣ ಆಪುಲೇಂದ್ ಒಳ್‍ದಿತುಳ್ಳನೆಕೆ ಇದ್ ಆಚಿ.

ರೋಮ್ 9:6

ದೇವಡ ವಾಕ್ಯ ನೆರೆವೇ‍ರತೆ ಪೋಚೀಂದ್ ಎಣ್ಣುವಕ್ಕಾಗ, ಇಸ್ರಾಯೇಲ್ ವಂಶತ್‌ಲ್ ಪುಟ್ಟ್‌ನಯಿಂಗ ಎಲ್ಲಾರು, ನೇರಾನ ಇಸ್ರಾಯೇಲ್ ಜನ ಅಲ್ಲ.

2 ಕೊರಿಂಥ 1:22

ಅಂವೊನೇ ನಂಗಕ್ ಮುದ್ರೆ ಇಟ್ಟಿತ್, ನಂಗಡ ಹೃದಯತ್‍ಲ್ ಪವಿತ್ರಾತ್ಮತ್‍ನ ಬಪ್ಪಕುಳ್ಳ ವಿಷಯಕ್ ಸಂಚಕಾರವಾಯಿತ್ ತಂದಿತುಂಡ್.

ಗಲಾತ್ಯ 3:22

ಆಚೇಂಗಿ ಈ ಬೂಲೋಕ ಪಾಪತ್‍ರ ಶಕ್ತಿಕ್ ಅಡಿಮೆಯಾಯಿತುಂಡ್‍ೕಂದ್ ದೇವಡ ವಾಕ್ಯ ಎಣ್ಣಿಯಂಡುಂಡ್. ಆಂಗ್ ಯೇಸು ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ವಾಗ್ದಾನ ಮಾಡ್‍ನ ಆಶೀರ್ವಾದ ಅಂವೊಂಡ ಮೇಲೆ ನಂಬಿಕೆ ಬೆಪ್ಪಯಿಂಗಕ್ ಮಾತ್ರ ಕ್‍ಟ್ಟ್‌ವ.

ಗಲಾತ್ಯ 3:29

ನಿಂಗ ಕ್ರಿಸ್ತಂಡ ಜನವಾಯಿತ್ಂಜತೇಂಗಿ ನಿಂಗ ಅಬ್ರಹಾಮಂಡ ಸಂತಾನಕಾರಂಗ, ಪಿಂಞ ದೇವ ಎಂತ ವಾಗ್ದಾನ ಮಾಡ್‍ಚೋ ಅದ್ ನಿಂಗಕ್ ಕ್‍ಟ್ಟ್‌ವ.

ಗಲಾತ್ಯ 3:7

ಆನಗುಂಡ್ ದೇವಡ ಮೇಲೆ ನಂಬಿಕೆ ಬೆಪ್ಪ ಜನ ಮಾತ್ರ ಅಬ್ರಹಾಮಂಡ ನೇರಾನ ಸಂತಾನಕಾರಂಗಳಾಪಾಂದ್ ನಿಂಗ ಅರ್ಥ ಮಾಡಿಯೊಳಿ.

ಗಲಾತ್ಯ 5:5

ಆಚೇಂಗಿ ಪವಿತ್ರಾತ್ಮಂಡ ಸಹಾಯತ್‍ಲ್ ನಂಬಿಕೇರಗುಂಡ್, ಬದ್‍ಕಿಯಂಡುಳ್ಳ ನಂಗ, ನಂಬಿಕೇರಗುಂಡ್ ದೇವಡ ನೀತಿ ಎಕ್ಕ ಕ್‌ಟ್ಟುವಾಂದ್ ಕುಶೀಲ್ ಪಾರಕಾತಂಡ್ ಉಂಡ್.

ಗಲಾತ್ಯ 6:16

ಈ ಪ್ರಮಾಣತ್‍ರನೆಕೆ ನಡ್‌ಪಯಿಂಗಕೂ, ದೇವಡ ಮಕ್ಕಳಾನ ಇಸ್ರಾಯೇಲ್ ಜನಕು ಸಮಾದಾನ ಪಿಂಞ ಕರುಣೆ ಕ್‍ಟ್ಟಡ್.

ಎಫೆಸ 1:13

ನಿಂಗಕ್ ರಕ್ಷಣೆ ತಪ್ಪ ಕ್ರಿಸ್ತಂಡ ನೇರಾನ ನಲ್ಲ ಸುದ್ದಿ ನಿಂಗಡ ಪಕ್ಕ ಬಪ್ಪಕ, ಅದ್‍ನ ಕ್‍ೕಟಿತ್ ನಿಂಗಳು ಸಹ ನಂಬಿತುಳ್ಳಿರ. ಅದ್‍ನ ನಿಂಗ ನಂಬ್‌ವಕ, ಅಂವೊ ವಾಗ್ದಾನ ಮಾಡ್‍ನ ಪವಿತ್ರಾತ್ಮತ್‍ರಗುಂಡ್, ಅಂವೊಂಡಲ್ಲಿ ನಿಂಗ ಅಂವೊಂಗ್ ಸ್ವಂತವಾನಯಿಂಗಾಂದ್ ಉಳ್ಳ ಮುದ್ರೆನ ಪಡ್ಂದಿತುಳ್ಳಿರ.

ಎಫೆಸ 4:30

ವಿಮೋಚನ ಕ್‍ಟ್ಟ್‌ವ ನಾಳ್‍ಕಾಯಿತ್, ನಿಂಗಕ್ ಮುದ್ರೆ ಇಟ್ಟಿತ್ತುಳ್ಳ ದೇವಡ ಪವಿತ್ರಾತ್ಮನ ದುಃಖಪಡ್‌ತತಿ.

ಫಿಲಿಪ್ಪಿ 3:9

ಕ್ರಿಸ್ತನ ನಾಕ್ ಸ್ವಂತವಾಯಿತ್ ಮಾಡ್‌ವಕ್, ನ್ಯಾಯಪ್ರಮಾಣತ್‍ರ ಪ್ರಕಾರ ನಾಕ್ ಕ್‍ಟ್ಟುವ ನೀತಿನ ಎಡ್‍ಕತೆ, ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ದೇವ ನಾಕ್ ತಪ್ಪ ನೀತಿನ ಎಡ್‍ತೊವಿ.

ಇಬ್ರಿಯ 11:7

ನಂಬಿಕೇರ ಮೂಲಕ ನೋಹ, ಅಂವೊ ಬದ್‍ಕಿಯಂಡ್ ಇಂಜ ಕಾಲತ್‍ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್‍ಲ್ ದೇವಡಿಂಜ ಎಚ್ಚರ ಕ್‍ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್‌ವಕ್ ಒರ್ ಕಪ್ಪಲ್‌ನ ಮಾಡ್‍ಚಿ; ಅದ್‍ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್‍ಟ್ಟ್‌ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕ್ ಬಾದ್ಯತೆ ಕ್‌ಟ್ಟ್‌ನಂವೊನಾಚಿ.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

ಪ್ರಕಟನೆ 9:4

ಬೂಮಿಲುಳ್ಳ ಪಿಲ್ಲ್‌ನ, ಏದ್ ಒರ್ ಪಚ್ಚೆ ಗಿಡತ್‍ನ ಅಥವ ಮರತ್‍ನ ಪಾಳ್ ಮಾಡತೆ, ನೆತ್ತಿಲ್ ದೇವಡ ಮುದ್ರೆ ಇಲ್ಲತಯಿಂಗಳ ಮಾತ್ರ ಹಿಂಸೆ ಮಾಡ್‌ವಕ್ ಅಯಿಂಗಕ್ ಹುಕುಮ್ ಕ್‍ಟ್ಟಿತ್ಂಜತ್.