ರೋಮ್ 3:5 - ಕೊಡವ ಬೈಬಲ್

⁵ ನಂಗಡ ಅನೀತಿ ದೇವಡ ನೀತಿನ ಕಾಟ್‍ಚೇಂಗಿ, ನಂಗ ಎಂತ ಎಣ್ಣುವಕ್ ಕಯ್ಯು? ಶಿಕ್ಷೆ ತಪ್ಪ ದೇವ ಅನೀತಿವಂತಂವೊನ? (ನಾನ್ ಇದ್‍ನ, ಮನುಷ್ಯ ರೀತಿಲ್ ತಕ್ಕ್ ಪರ್ಂದಂಡುಳ್ಳ).

ರೋಮ್ 3:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:25

ನೀನ್‌ ನೇರಾಯಿತು ದುಷ್ಟಂಗಡ ಕೂಡೆ ನೀತಿವಂತಯಿಂಗಳ ನಾಶ ಮಾಡುಲೆ. ನೀನ್‌ ಎನ್ನನೆ ದುಷ್ಟಂಗಳ ಪಿಂಞ ನೀತಿವಂತಯಿಂಗಳ ಒರೇ ಲೆಕ್ಕತ್‌ ನೋಟ್‌ವಕಯ್ಯು. ನೀನ್‌ ನೇರಾಯಿತು ಅನ್ನನೆ ಮಾಡುಲೆ! ಬೂಮಿರ ನ್ಯಾಯಾದಿಪತಿ ನ್ಯಾಯವಾನದ್‌ನೇ ಮಾಡುವಲ್ಲಾಂದ್‌ ಎಣ್ಣ್‌ಚಿ.

ರೋಮ್ 12:19

ನಾಡ ಪ್ರೀತಿರ ಜನಳೇ, ಪಗೆ ತ್‍ೕಪದ್ ನಾಡ ಕೆಲಸ, ನಾನೇ ಪಗೆ ತ್‍ೕಪೀಂದ್ ಒಡೆಯ ಎಣ್ಣಿತುಂಡ್‍ೕಂದ್ ಒಳ್‍ದಿತುಳ್ಳಾಂಗ್, ನಿಂಗ ದಾರ್‌ಕು ಪಗೇನ ತ್‍ೕಕತೆ, ದೇವಡ ಬಲ್ಯ ಚೆಡಿಕ್ ಬುಟ್ಟ್ ಕೊಡಿ.

ರೋಮ್ 2:5

ಆಚೇಂಗಿ, ನಿಂಗಡ ಕಠಿಣ ಹೃದಯತ್‍ರಗುಂಡ್ ಪಿಂಞ ವಾಸಿ ಆಕತ ಹೃದಯತ್‍ರಗುಂಡ್, ನೀತಿಯುಳ್ಳ ತೀರ್ಪ್ ತಪ್ಪ ದೇವಡ ಬಲ್ಯ ಚೆಡಿರ ದಿವಸತ್‍ಲ್, ನಿಂಗ ನಿಂಗಕಾಯಿತ್ ದೇವಡ ಬಲ್ಯ ಚೆಡಿನ ಕೂಟಿ ಬೆಚ್ಚಂಡುಳ್ಳಿರಲ್ಲ?

ರೋಮ್ 3:19

ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.

ರೋಮ್ 3:7

ನಾನ್ ಪೊಟ್ಟ್ ಪರಿಯುವಗುಂಡ್, ದೇವಡ ಸತ್ಯ ಅಂವೊಂಗ್ ಮಹಿಮೆನ ಬಲ್ಯದ್ ಮಾಡ್‌ವದಾಚೇಂಗಿ, ನಾಕ್ ಎನ್ನಂಗ್ ಇಂಞು ಮಿಂಞಕ್ ಪಾಪೀಂದ್ ತೀರ್ಪ್ ಕ್‍ಟ್ಟಂಡು?

ರೋಮ್ 4:1

ನಂಗಡ ಜನಾಂಗತ್‍ರ ಮುತ್ತಜ್ಜನಾನ ಅಬ್ರಹಾಮಂಡ ವಿಷಯತ್‍ಲ್ ನಂಗಕ್ ಎಂತ ಎಣ್ಣ್‌ವಕ್ ಕಯ್ಯು? ಅಂವೊ ಎನ್ನನೆ ನೀತಿವಂತವೊನಾಚಿ?

ರೋಮ್ 5:8

ಆಚೇಂಗಿ, ನಂಗ ಪಾಪಿಯಳಾಯಿತ್ ಇಪ್ಪಕಲೆ ಕ್ರಿಸ್ತ ನಂಗಕಾಯಿತ್ ಚತ್ತಗುಂಡ್, ಅದ್, ದೇವ ನಂಗಡ ಮೇಲೆ ಬೆಚ್ಚಿತ್ಂಜ ಪ್ರೀತಿನ ಕಾಟುವ.

ರೋಮ್ 6:1

ಆನಗುಂಡ್ ನಂಗ ಎಂತ ಎಣ್ಣಡ್? ದೇವಡ ಕೃಪೆ ದುಂಬ ಕ್‍ಟ್ಟಂಡೂಂದ್, ನಂಗ ಪಾಪತ್‍ಲೇ ಬದ್‍ಕಿಯಂಡಿರೊಂಡುವ?

ರೋಮ್ 6:19

ನಿಂಗಕ್ ಅರ್ಥ ಮಾಡ್‌ವಕ್ ಕಷ್ಟ ಉಳ್ಳಾಂಗ್, ಮನುಷ್ಯ ರೀತಿಲ್ ನಾನ್ ನಿಂಗಕ್ ಎಣ್ಣಿ ತಪ್ಪಿ. ಮಿಂಞ ನಿಂಗ ನಿಂಗಡ ತಡೀನ ಅಶುದ್ದ ಕಾರ್ಯಕು, ದುಷ್ಟತನತ್‍ಲ್ ಇಂಞು ಅಕ್ರಮ ಮಾಡ್‌ವಕ್ ಅಡಿಯಾಳಾಯಿತ್ ಒಪ್ಪ್‌ಚಿಟ್ಟನೆಕೆ, ಇಕ್ಕ ಪವಿತ್ರ ಆಪಕಾಯಿತ್, ನಿಂಗಡ ತಡೀನ ನೀತಿಕ್ ಅಡಿಯಾಳಾಯಿತ್ ಒಪ್ಪ್‌ಚಿಡಿ.

ರೋಮ್ 7:7

ಆನಗುಂಡ್ ನಂಗ ಎಂತ ಎಣ್ಣಡ್? ನ್ಯಾಯಪ್ರಮಾಣ ಪಾಪವಾ? ಅನ್ನನೆ ಅಲ್ಲ, ಪಾಪ ಎಂತ್‍ೕಂದ್ ನ್ಯಾಯಪ್ರಮಾಣತ್‍ರಗುಂಡ್ ನಾಕ್ ಗೊತ್ತಾಚಲ್ಲ? ಇಲ್ಲತಪೋಚೇಂಗಿ ಎನ್ನನೆ ಗೊತ್ತಾಪಕಿಂಜತ್? ಬೋರೆಯಿಂಗಡ ವಸ್ತುರ ಮೇಲೆ ಆಸೆ ಪಡ್‌ವಕ್ಕಾಗಾಂದ್ ನ್ಯಾಯಪ್ರಮಾಣ ನಾಕ್ ಎಣ್ಣತೆ ಪೋಚೇಂಗಿ, ಬೋರೆಯಿಂಗಡ ವಸ್ತುರ ಮೇಲೆ ಆಸೆ ಪಡ್‍ವದ್ ಪಾಪಾಂದ್ ನಾಕ್ ಗೊತ್ತಿಲ್ಲತೆ ಪೋಪ ಅಲ್ಲ?

ರೋಮ್ 8:31

ಇದ್ಂಡ ವಿಷಯತ್ ನಂಗ ಎಂತ ಎಣ್ಣಡ್? ದೇವ ನಂಗಡ ಪಕ್ಕ ಇಂಜತೇಂಗಿ ನಂಗಕ್ ವಿರೋದವಾಯಿತ್ ಬಪ್ಪಂವೊ ದಾರ್?

ರೋಮ್ 9:30

ಆನಗುಂಡ್ ನಂಗ ಎಂತ ಎಣ್ಣುವಕ್ ಕಯ್ಯು? ನೀತಿನ ತ್‍ೕಡತ ಯೆಹೂದ್ಯಂಗಲ್ಲತ ಜನಕ್ ನೀತಿ ಕ್‍ಟ್ಟ್‌ಚಿ, ಅದ್ ನಂಬಿಕೇರ ಮೂಲಕ, ಕ್‍ಟ್ಟುವ ನೀತಿಯೇ.

1 ಕೊರಿಂಥ 15:32

ನಾನ್ ಎಫೆಸ ಪಟ್ಟಣತ್‍ಲ್ ಇಪ್ಪಕ, ಅಲ್ಲಿಯತ್‍ರ ಜನ ನಾಡ ಕೂಡೆ ಕಾಡ್ ಪ್ರಾಣಿಯರನೆಕೆ ಜಗಳ ಮಾಡ್‍ಚೀಂದ್ ಒರ್ ಸಾದಾರಣ ಮನುಷ್ಯಂಡನೆಕೆ ಎಣ್ಣ್‌ವಿ. ಇದ್‍ನಗುಂಡ್ ನಾಕ್ ಎಂತ ಲಾಬ? ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳಯಿಂಗ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬರತ ಪೋಚೇಂಗಿ, ಬಾರಿ! ನಂಗ ಉಂಡಿತ್, ಕುಡಿಚಿತ್ ನಾಳೆ ಚತ್ತ್ ಪೋಕನಾಂದ್ ಎಣ್ಣ್‌ವಕ್ ಕಯ್ಯು ಅಲ್ಲ?

1 ಕೊರಿಂಥ 9:8

ನಾನ್ ಇನ್ನನೆ, ಮನುಷ್ಯಂಡ ದೃಷ್ಟಿಲ್ ಎಣ್ಣಿಯಂಡುಳ್ಳದಾ? ನಂಗಡ ನ್ಯಾಯಪ್ರಮಾಣ ಸಹ ಇದ್‍ನ ಎಣ್ಣಿಯಂಡುಂಡಲ್ಲ?

2 ಕೊರಿಂಥ 6:4

ಬಲ್ಯ ಪೊರುಮೇಲ್ ಎಲ್ಲಾ ಹಿಂಸೆನ, ಕಷ್ಟತ್‍ನ, ನೊಂಬಲತ್‍ನ ನಂಗ ಸಹಿಸಿಯಂಡ್ ಉಂಡ್.

2 ಕೊರಿಂಥ 7:11

ದೇವಡ ಚಿತ್ತತ್‍ರನೆಕೆ ಬಂದ ಈ ದುಃಖ ನಿಂಗಡಲ್ಲಿ ಎಚ್ಚಕ್ ಜಾಗ್ರತೆನ, ಎಚ್ಚಕ್ ನಿಂಗಳ ಗೊತ್ತಿಲ್ಲತಯಿಂಗಾಂದ್ ಕಾಂಬ್‍ಚಿಡುವಕ್, ಎಚ್ಚಕ್ ಪಗೇನ, ಎಚ್ಚಕ್ ಪೋಡಿನ, ಎಚ್ಚಕ್ ದುಂಬ ಆಸೇನ, ಎಚ್ಚಕ್ ಬಕ್ತಿನ, ಎಚ್ಚಕ್ ಕಂಡಿತತ್‍ನ ಉಂಟ್ ಮಾಡ್‍ಚಿ? ಈ ಎಲ್ಲಾ ವಿಷಯತ್‍ಲ್ ನಿಂಗ ನಿಂಗಳ ಶುದ್ದವಾನಯಿಂಗಾಂದ್ ಕಾಂಬ್‍ಚಿಟ್ಟಿತುಳ್ಳಿರ.

ಗಲಾತ್ಯ 2:18

ನಾನ್ ಪೊಳಿಚಿಟ್ಟ ಪಳೆಯ ಕಾನೂನ್‌ನ ನಾನ್ ಪುನಃ ಕೆಟ್ಟ್‌ಚೇಂಗಿ, ನಾನ್ ಪಂಡಿಂಜೇ ತಪ್ಪ್ ಮಾಡ್‍ನಂವೋಂದ್ ಗೊತ್ತಾಪ.

ಗಲಾತ್ಯ 3:15

ನಾಡ ಅಣ್ಣತಮ್ಮಣಂಗಳೇ, ನಾನ್ ನಂಗಡ ಬದ್‍ಕಿಂಜ ಒರ್ ಉದಾರಣೆ ತಂದಿತ್ ಎಣ್ಣ್‌ವಿ; ಒರ್ ವಿಷಯತ್‍ಲ್ ದಂಡ್ ಮನುಷ್ಯಂಗ ಒತ್ತಂಡ್, ಆ ವಿಷಯಕ್ ಒಪ್ಪಂದ ಮಾಡ್‍ಚೇಂಗಿ, ಅಯಿಂಗ ಅಲ್ಲತ ಬೋರೆ ದಾರ್‌ಕು ಆ ಒಪ್ಪಂದತ್‍ನ ಪೊಳಿಪಕ್ ಕಯ್ಯುಲೆ. ಅದ್ಂಗ್ ಬೋರೆ ಒಂದು ಕೂಟ್‌ವಕೂ ಕಯ್ಯುಲೆ.

ಪ್ರಕಟನೆ 15:3

ಅಯಿಂಗ ದೇವಡ ಸೇವಕನಾನ ಮೋಶೇರ ಪಾಟ್ ಪಿಂಞ ಕೊರಿಕುಟ್ಟಿರ ಪಾಟ್‍ನ ಪಾಡಿಯಂಡ್ ಇಂಜತ್. ಸರ್ವ ಶಕ್ತಿವಂತ ದೇವಾದಿ ದೇವನೇ, ನೀಡ ಕ್ರಿಯೆ ಎಲ್ಲಾ ಮಹತ್ವ ದುಂಬ್‍ನದಾಯಿತು, ಆಶ್ಚರ್ಯವಾಯಿತು ಉಂಡ್. ಎಲ್ಲಾ ಜಾತಿಯಡ ರಾಜನೇ, ನೀಡ ಬಟ್ಟೆ ನೀತಿಯಾನದು ಸತ್ಯ ದುಂಬ್‍ನದಾಯಿತು ಉಂಡ್.

ಪ್ರಕಟನೆ 18:20

ಓ ಪರಲೋಕವೇ, ಪವಿತ್ರವಾನ ಅಪೊಸ್ತಲಂಗಳೇ, ಪ್ರವಾದಿಯಳೇ, ಇವ ನಿಂಗಕ್ ಮಾಡ್‍ನಂಗಾಯಿತ್ ದೇವ ನ್ಯಾಯತೀರ್ಪ್ ಮಾಡ್‍ನಗುಂಡ್, ಇವಕಾಯಿತ್ ನಿಂಗ ಕುಶಿ ಪಡಿರಿ.