ರೋಮ್ 3:31 - ಕೊಡವ ಬೈಬಲ್

³¹ ಅನ್ನನೆ ಆಚೇಂಗಿ, ನಂಬಿಕೇರಗುಂಡ್ ನ್ಯಾಯಪ್ರಮಾಣತ್‍ನ ನಂಗ ಅಲ್ಲಗೆಳೆಯುವದಾ? ಅನ್ನನೆ ಅಲ್ಲ, ನ್ಯಾಯಪ್ರಮಾಣತ್‍ನ ನಂಗ ಸ್ತಿರಪಡ್‌ತಿಯಂಡುಂಡ್.

ರೋಮ್ 3:31 ပူးပေါင်းရင်းမြစ်များ

ಮತ್ತಾಯ 15:6

ಇನ್ನನೆ ಮಾಡ್‍ಚೇಂಗಿ ನಿಂಗ ನಿಂಗಡ ಜವಾಬ್ದಾರಿ ತ್‍ೕಂದತ್‍ೕಂದ್ ಎಣ್ಣುವಿರ, ಇನ್ನನೆ ನಿಂಗ ಮಾಡ್‍ಚೇಂಗಿ, ನಿಂಗ ನಿಂಗಡ ಪದ್ದತಿಕಾಯಿತ್ ದೇವಡ ವಾಕ್ಯತ್‍ನ ಬುಟ್ಟ್‌ರ್‌ವಿರ.

ಮತ್ತಾಯ 3:15

ಅದ್ಂಗ್ ಯೇಸು: ಇಕ್ಕ ಇದ್‍ನ ಇನ್ನನೆ ಮಾಡ್‌ವಕ್ ಬುಡ್. ಇನ್ನನೆ ಮಾಡ್‌ವಕ ನಂಗ ದೇವಡ ಎಲ್ಲಾ ನೀತಿ ಕಾರ್ಯತ್‍ನ ಪೂರ್ತಿ ಮಾಡ್‌ವಾಂದ್ ಎಣ್ಣ್‌ನಾಂಗ್ ಯೋಹಾನ ಒತ್ತಂಡತ್.

ಮತ್ತಾಯ 5:17

ನ್ಯಾಯಪ್ರಮಾಣ ಅಥವ ಪ್ರವಾದಿಯಂಗಡ ಬೋದನೆನ ನಾಶ ಮಾಡ್‌ವಕಾಯಿತ್ ನಾನ್ ಬಂದಿಯೇಂದ್ ನಿಂಗ ಗೇನ ಮಾಡತಿ. ನಾಶ ಮಾಡ್‌ವಕಾಯಿತ್ ಅಲ್ಲ ಆಚೇಂಗಿ ಅದ್‍ನ ನೆರೆವೇರಿಚಿಡ್‌ವಕಾಯಿತ್ ಬಂದಿಯೆ.

ಮತ್ತಾಯ 5:20

ನಾನ್ ನಿಂಗಕ್ ಎಣ್ಣ್‌ವಿ: ನಿಂಗಡ ನೀತಿ ಫರಿಸಾಯಂಗಡ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ನೀತಿಗಿಂಜ ಬಲ್ಯದಾಯಿತ್ ಇಲ್ಲತೆಪೋಚೇಂಗಿ ನೇರಾಯಿತು ನಿಂಗ ಪರಲೋಕ ರಾಜ್ಯತ್‍ಲ್ ಪ್ರವೇಶ ಮಾಡುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:16

ಅಂವೊ ಅಯಿಂಗಳ ಕೊಂದ್‍ರ್‍ವಂಜಿ ಬೋರೆ ವಾರಕಾರಂಗಕ್ ತೋಟತ್‍ನ ಕೊಡ್‍ಪಾಂದ್ ಯೇಸು ಎಣ್ಣ್‌ಚಿ. ಜನ ಈ ತಕ್ಕ್‌ನ ಕ್‍ೕಪದು: ಆಚೇಂಗಿ, ಅನ್ನನೆ ಆಕತೆ ಇರಡ್‍ೕಂದ್ ಎಣ್ಣ್‌ಚಿ.

ರೋಮ್ 10:4

ನಂಬುವ ಏದ್ ಮನುಷ್ಯಂಗು, ನೀತಿ ಉಳ್ಳಯಿಂಗಳಾಪಕ್, ಕ್ರಿಸ್ತ ನ್ಯಾಯಪ್ರಮಾಣತ್‍ರ ಅಂತ್ಯವಾಯಿತುಂಡ್.

ರೋಮ್ 2:20

ಜ್ಞಾನ ಇಲ್ಲತಯಿಂಗಕ್ ಬೋದನೆ ಮಾಡ್‌ವಯಿಂಗಳಾಯಿತ್, ಮಕ್ಕಕ್ ಉಪಾದ್ಯಂಗಳಾಯಿತ್, ನ್ಯಾಯಪ್ರಮಾಣತ್‍ರ ಮೂಲಕ ಜ್ಞಾನ ಪಡ್ಂದಿತುಳ್ಳಯಿಂಗಳಾಯಿತ್ ಪಿಂಞ ಸತ್ಯ ಗೊತ್ತುಳ್ಳಯಿಂಗಳಾಯಿತ್ ಗೇನಮಾಡಿಯಂಡುಳ್ಳಿರಲ್ಲ?

ರೋಮ್ 3:4

ಅನ್ನನೆ ಆಪುಲೆ. ನೀನ್ ಎಣ್ಣುವದ್ ಸತ್ಯಾಂದ್ ಎಲ್ಲಾರ್‌ಕು ಗೊತ್ತಾಂಡು, ಪಿಂಞ ನೀಡ ನ್ಯಾಯತ್‍ನ ವಿಚಾರಣೆ ಮಾಡ್‌ವಕ ನೀಕ್ ಜಯ ಕ್‍ಟ್ಟಂಡೂಂದ್ ಒಳ್‍ದಿತುಳ್ಳನೆಕೆ, ದೇವ ಮಾತ್ರ ಸತ್ಯವಂತಂವೊ, ಮನುಷ್ಯಂಗೆಲ್ಲಾ ಪೊಟ್ಟ್ ಪರಿಯುವಯಿಂಗಾಂದ್ ಆಚಿ.

ರೋಮ್ 3:6

ಅನ್ನನೆ ಅಲ್ಲ! ಅನ್ನನೆ ಆಚೇಂಗಿ, ದೇವ ಎನ್ನನೆ ಈ ಲೋಕತ್‍ನ ತೀರ್ಪ್ ಮಾಡ್‌ವ?

ರೋಮ್ 4:14

ನ್ಯಾಯಪ್ರಮಾಣತ್‍ರನೆಕೆ ಮಾಡ್‌ವಯಿಂಗ ಹಕ್ಕ್‌ದಾರಂಗಳಾಚೇಂಗಿ, ನಂಬಿಕೇಕ್ ಒರ್ ಬೆಲೆಯು ಇಪ್ಪುಲೆ, ವಾಗ್ದಾನವು ಅರ್ಥ ಇಲ್ಲತೆ ಪೋಪ.

ರೋಮ್ 7:22

ನಾಡ ಒಳ್‍ಲ್ ಉಳ್ಳ ಮುನುಷ್ಯನಗುಂಡ್ ದೇವಡ ನ್ಯಾಯಪ್ರಮಾಣತ್‍ಲ್ ನಾನ್ ಕುಶಿಪಟ್ಟಂಡುಳ್ಳ.

ರೋಮ್ 7:25

ಇಕ್ಕ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ದೇವಕ್ ವಂದನೆ ಮಾಡ್‌ವಿ. ಆನಗುಂಡ್, ನಾನ್ ನಾಡ ಮನಸ್ಸ್‌ರಗುಂಡ್ ದೇವಡ ನ್ಯಾಯಪ್ರಮಾಣಕು, ಆಚೇಂಗಿ, ನಾಡ ಪಾಪತ್‍ರ ಗುಣತ್‍ರಗುಂಡ್, ಪಾಪತ್‍ರ ಕಾನೂನ್‍ಕು ಸೇವೆ ಮಾಡಿಯಂಡುಳ್ಳ.

ರೋಮ್ 8:4

ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಂಗ ನಡ್‍ಕತೆ, ಪವಿತ್ರಾತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಪ ನಂಗಕ್, ನ್ಯಾಯಪ್ರಮಾಣತ್‍ರ ನೀತಿ ನೆರೆವೇರುವನೆಕೆ ದೇವ ಇನ್ನನೆ ಮಾಡ್‍ಚಿ.

1 ಕೊರಿಂಥ 9:21

ನ್ಯಾಯಪ್ರಮಾಣತ್‍ನ ಗೊತ್ತಿಲ್ಲತ ಯೆಹೂದ್ಯರಲ್ಲತ ಜನಡ ಕೂಡೆ ಇಪ್ಪಕ, ಅಯಿಂಗಳ ಸಂಪಾದನೆ ಮಾಡ್‌ವಕಾಯಿತ್ ನಾನು ನ್ಯಾಯಪ್ರಮಾಣತ್‍ನ ಮಾಡತಂವೊನಾಯಿತ್ ಇಂಜ್. ಆಚೇಂಗಿಯು, ನಾನ್ ನ್ಯಾಯಪ್ರಮಾಣತ್‍ನ ತ್‍ಕ್ಕಾರ ಮಾಡಿತ್ತ್‌ಲ್ಲೆ; ಕ್ರಿಸ್ತಂಡ ಕಾನೂನ್‍ಕ್ ತಗ್ಗಿತ್ ನಡ್‍ಪಂವೊನಾಯಿತ್ ಉಂಡ್.

ಗಲಾತ್ಯ 2:19

ನಾನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಮೂಲಕ ಆ ನ್ಯಾಯಪ್ರಮಾಣಕ್ ಚತ್ತ್‌ಪೋನ. ಆ ನ್ಯಾಯಪ್ರಮಾಣತ್ಂಜ ಬುಡ್‍ಗಡೆ ಆಯಿತ್ ದೇವಕ್‍ೕಂದ್ ಬದ್‍ಕ್‍ವಕಾಚಿ.

ಗಲಾತ್ಯ 2:21

ನಾನ್ ದೇವಡ ಕೃಪೇನ ಮುಂಡತೆ ಪಾಳ್ ಮಾಡಿಯಂಡಿಪಂವೊ ಅಲ್ಲ; ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪದಿಂಜ ನಂಗ ನೀತಿವಂತಯಿಂಗಳಾಪದಾಚೇಂಗಿ, ಕ್ರಿಸ್ತ ಚತ್ತಾಂಗ್ ಅರ್ಥ ಇಲ್ಲೆ.