ರೋಮ್ 3:30 - ಕೊಡವ ಬೈಬಲ್

³⁰ ಸುನ್ನತಿ ಮಾಡ್‍ನಯಿಂಗಳ ನಂಬಿಕೇರಗುಂಡ್ ಪಿಂಞ ಸುನ್ನತಿ ಇಲ್ಲತಯಿಂಗಳ ನಂಬಿಕೇರ ಮೂಲಕ ನೀತಿವಂತಯಿಂಗಳಾಯಿತ್ ಮಾಡ್‌ವ ದೇವ ಒಬ್ಬನೇ.

ರೋಮ್ 3:30 ပူးပေါင်းရင်းမြစ်များ

ರೋಮ್ 2:26

ಇದ್‍ಲ್ಲತೆ, ಸುನ್ನತಿ ಮಾಡತಯಿಂಗ ನ್ಯಾಯಪ್ರಮಾಣ ಎಣ್ಣುವ ಪ್ರಕಾರ ನಡ್ಂದತೇಂಗಿ, ಸುನ್ನತಿ ಮಾಡತ ಅಯಿಂಗ, ಸುನ್ನತಿ ಮಾಡ್‍ನನೆಕೆ ಆಪಲ್ಲ?

ರೋಮ್ 2:27

ತಡೀಲ್ ಸುನ್ನತಿ ಮಾಡತಯಿಂಗಳಾಯಿತ್ ಇಂಜತೇಂಗಿಯು, ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಳಾಯಿತ್ಂಜತೇಂಗಿ, ನ್ಯಾಯಪ್ರಮಾಣ ಗೊತ್ತುಳ್ಳಯಿಂಗಳಾಯಿತು, ಸುನ್ನತಿ ಮಾಡ್‍ನಯಿಂಗಳಾಯಿತು ಉಳ್ಳ ನಿಂಗ ನ್ಯಾಯಪ್ರಮಾಣತ್‍ನ ಮೀರಿತ್ ನಡ್‍ಪಕ, ಅಯಿಂಗ ನಿಂಗಳ ತೀರ್ಪ್ ಮಾಡ್‌ವ ಅಲ್ಲ?

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

ರೋಮ್ 3:28

ಆನಗುಂಡ್, ಮನುಷ್ಯ ನ್ಯಾಯಪ್ರಮಾಣತ್‍ರ ಕ್ರಿಯೇರಗುಂಡ್ ಅಲ್ಲ, ನಂಬಿಕೇರ ಮೂಲಕವೇ ನೀತಿವಂತಂವೊನಾಪಾಂದ್ ನಂಗ ತೀರ್ಮಾನ ಮಾಡಿಯಂಡುಂಡ್.

ರೋಮ್ 4:16

ಆನಗುಂಡ್, ಬಾದ್ಯತೆ ಕೃಪೆಯಿಂಜ ಬಪ್ಪನೆಕೆ ಅದ್ ನಂಬಿಕೇರ ಮೂಲಕ ಬಾತ್; ನ್ಯಾಯಪ್ರಮಾಣಕ್ ಕೂಡ್‍ನ ಸಂತಾನಕಾರಂಗಕ್ ಮಾತ್ರ ಅಲ್ಲತೆ, ನಂಗ ಎಲ್ಲಾರ್‌ಕು ಅಪ್ಪನಾನ ಅಬ್ರಹಾಮಂಡ ನಂಬಿಕೇಕ್ ಕೂಡ್‍ನ ಎಲ್ಲಾ ಸಂತಾನಕಾರಂಗಕು ಆ ವಾಗ್ದಾನ ಕಂಡಿತವಾಯಿತ್ ಬಂದಂಡುಂಡ್.

ರೋಮ್ 4:9

ಈ ಆಶೀರ್ವಾದ ಸುನ್ನತಿ ಮಾಡ್‍ನಯಿಂಗಕ್ ಮಾತ್ರ ಕ್‍ಟ್ಟುವಾ? ಅಥವ ಸುನ್ನತಿ ಮಾಡತಯಿಂಗಕು ಉಂಡಾ? ಅಬ್ರಹಾಮಂಡ ನಂಬಿಕೆನ ಅಂವೊಂಗ್ ನೀತಿಯಾಯಿತ್ ಲೆಕ್ಕ ಮಾಡ್‍ಚೀಂದ್ ನಂಗ ಎಣ್ಣಿಯಂಡುಂಡಲ್ಲ?

ಗಲಾತ್ಯ 3:20

ದಂಡಾಳ್ ಒಪ್ಪಂದ ಮಾಡ್‌ವಕ, ಒರ್ ಮದ್ಯಸ್ತ ಬೋಂಡು, ಆಚೇಂಗಿ ಒಬ್ಬನೇ ಆನ ದೇವ ಅಬ್ರಹಾಮಂಗ್ ಒಪ್ಪಂದ ಮಾಡ್‌ವಕ ಒರ್ ಮದ್ಯಸ್ತನನೂ ಕಾಕಿತ್‌ಲ್ಲೆ.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಗಲಾತ್ಯ 3:8

ಇದ್‍ಲ್ಲತೆ, ದೇವ ನಂಬಿಕೇರಗುಂಡ್ ಯೆಹೂದ್ಯ ಅಲ್ಲತೆ ಬೋರೆ ಜನಳ ನೀತಿವಂತಯಿಂಗಳಾಯಿತ್ ಮಾಡ್‌ವಾಂದ್ ದೇವಡ ವಾಕ್ಯ ಮಿಂಞಲೇ ಗೊತ್ತ್ ಮಾಡ್‍ಚಿ. ಆನಗುಂಡ್ ದೇವ ಅಬ್ರಹಾಮಂಗ್ ನೀಡಗುಂಡ್ ಲೋಕತ್‍ರ ಎಲ್ಲಾ ಜಾತಿಯಕ್ ಆಶೀರ್ವಾದ ಕ್‍ಟ್ಟ್‌ವಾಂದ್ ಮಿಂಞಲೇ ಈ ನಲ್ಲ ಸುದ್ದಿನ ಎಣ್ಣ್‌ಚಿ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಗಲಾತ್ಯ 6:15

ಕ್ರಿಸ್ತ ಯೇಸುರ ವಿಷಯತ್‍ಲ್, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು ಒರ್ ಪ್ರಯೋಜನವು ಇಲ್ಲೆ, ಏದ್ ಮುಕ್ಯ ಎಣ್ಣ್‌ಚೇಂಗಿ, ನಂಗ ಅಂವೊಂಡ ಪುದಿಯ ಸೃಷ್ಟಿಯಾಯಿತ್ ಬದ್‍ಲಾಪದೇ.

ಫಿಲಿಪ್ಪಿ 3:3

ಅಯಿಂಗಕ್ ಸುನ್ನತಿ ಆನಗುಂಡ್ ಅಯಿಂಗಳೇ ನೇರಾನ ದೇವಡ ಜನಾಂದ್ ಅಯಿಂಗ ಗೇನ ಮಾಡಿಯಂಡುಂಡ್. ಆಚೇಂಗಿ, ಸುನ್ನತಿ ಮಾಡಿತುಂಡೇಂಗಿಯು, ಮಾಡತೆ ಇಂಜತೇಂಗಿಯು ನಂಗಳೇ ನೇರಾನ ದೇವಡ ಮಕ್ಕ. ಎನ್ನಂಗೆಣ್ಣ್‌ಚೇಂಗಿ, ಅಂವೊನ ತುದಿಪಕ್ ದೇವಡ ಆತ್ಮ ನಂಗಕ್ ಸಹಾಯ ಮಾಡಿಯಂಡುಂಡ್; ನಂಗ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಕುಶಿಪಟ್ಟಂಡುಂಡ್. ನಂಗಡ ತಡೀಲ್ ಮಾಡ್‌ವ ಏದ್ ಪದ್ದತಿರಗುಂಡು ನಂಗ ದೇವಡ ಮಕ್ಕಳಾಪುಲೆ.

1 ತಿಮೊಥೆಯ 2:5

ದೇವ ಒಬ್ಬನೇ, ದೇವ ಪಿಂಞ ಮನುಷ್ಯಂಗಕ್ ಮದ್ಯಸ್ತನು ಒಬ್ಬನೇ. ಅಂವೊನೇ ಮನುಷ್ಯನಾಯಿತ್ ಬಂದ ಯೇಸು ಕ್ರಿಸ್ತ.