ರೋಮ್ 3:20 - ಕೊಡವ ಬೈಬಲ್

²⁰ ಆನಗುಂಡ್, ನ್ಯಾಯಪ್ರಮಾಣತ್‍ರಗುಂಡ್ ಒರ್ ಮನುಷ್ಯನು ದೇವಡ ಮಿಂಞತ್ ನೀತಿವಂತವೊನಾಯಿತ್ ಆಪಕ್ ಕಯ್ಯುಲೆ. ಆಚೇಂಗಿ ನ್ಯಾಯಪ್ರಮಾಣತ್‍ರ ಮೂಲಕ ಪಾಪ ಎಂತ್‍ೕಂದ್ ಗೊತ್ತಾಪ.

ರೋಮ್ 3:20 ပူးပေါင်းရင်းမြစ်များ

ಅಪೊಸ್ತಲ 13:39

ಮೋಶೇರ ನ್ಯಾಯಪ್ರಮಾಣತ್‍ರಗುಂಡ್ ನಿಂಗ ನೀತಿವಂತಯಿಂಗಳಾಯಿತ್ ಆಪಕ್ ಕಯ್ಯತೆ ಇಂಜಿರ. ಆಚೇಂಗಿ, ಯೇಸುರ ಮೂಲಕ, ದಾರೆಲ್ಲಾ ಅಂವೊಂಡ ಮೇಲೆ ನಂಬಿಕೆ ಇಡ್‌ವ, ಅಯಿಂಗೆಲ್ಲ ನೀತಿವಂತಯಿಂಗಳಾಯಿತ್ ಆಪಕ್ ಅಂವೊ ಮಾಡ್‍ಚಿ.

ರೋಮ್ 2:13

ನ್ಯಾಯಪ್ರಮಾಣತ್‍ನ ಕ್‍ೕಪಯಿಂಗ ದೇವಡ ಮಿಂಞತ್ ನೀತಿವಂದಯಿಂಗ ಅಲ್ಲ, ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನೀತಿವಂತಯಿಂಗಳಾಪ.

ರೋಮ್ 3:28

ಆನಗುಂಡ್, ಮನುಷ್ಯ ನ್ಯಾಯಪ್ರಮಾಣತ್‍ರ ಕ್ರಿಯೇರಗುಂಡ್ ಅಲ್ಲ, ನಂಬಿಕೇರ ಮೂಲಕವೇ ನೀತಿವಂತಂವೊನಾಪಾಂದ್ ನಂಗ ತೀರ್ಮಾನ ಮಾಡಿಯಂಡುಂಡ್.

ರೋಮ್ 4:13

ಅಬ್ರಹಾಮಂಗ್ ಪಿಂಞ ಅಂವೊಂಡ ಸಂತಾನಕಾರಂಗಕ್, ಈ ಲೋಕತ್‍ರ ಹಕ್ಕ್‌ದಾರಂಗಳಾಪಿರಾಂದ್ ಕ್‍ಟ್ಟ್‌ನ ವಾಗ್ದಾನ, ನ್ಯಾಯಪ್ರಮಾಣತ್‍ರ ಮೂಲಕ ಕ್‍ಟ್ಟತೆ, ನಂಬಿಕೇರ ಮೂಲಕ ಬಪ್ಪ ನೀತಿರಗುಂಡ್ ಕ್‍ಟ್ಟ್‌ಚಿ.

ರೋಮ್ 4:15

ನ್ಯಾಯಪ್ರಮಾಣ ದೇವಡ ಬಲ್ಯ ಚೆಡಿನ ಕೊಂಡ್ ಬಪ್ಪ, ನ್ಯಾಯಪ್ರಮಾಣ ಇಲ್ಲೇಂಗಿ ಅಪರಾದವು ಇಲ್ಲೆ.

ರೋಮ್ 5:13

ನ್ಯಾಯಪ್ರಮಾಣ ಬಪ್ಪಕ್ ಮಿಂಞಲೇ ಪಾಪ ಈ ಲೋಕತ್‍ಲ್ ಇಂಜತ್; ನ್ಯಾಯಪ್ರಮಾಣ ಇಲ್ಲತೆಪೋಚೇಂಗಿ, ಪಾಪ ಎಂತ್‍ೕಂದ್ ಗೊತ್ತಾಪಕಿಂಜಿಲೆ.

ರೋಮ್ 5:20

ಅದಲ್ಲತೆ, ಅಪರಾದ ಜಾಸ್ತಿ ಆಂಡೂಂದ್ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಆಚೇಂಗಿ, ಎಲ್ಲಿ ಪಾಪ ಜಾಸ್ತಿ ಆಚೋ, ಅಲ್ಲಿ ಕೃಪೆಯು ಇಂಞು ಜಾಸ್ತಿಯಾಚಿ.

ರೋಮ್ 7:11

ಅದ್ ಎನ್ನನೆ ಎಣ್ಣ್‌ಚೇಂಗಿ, ಪಾಪಕ್ ಕಾನೂನ್‍ರಗುಂಡ್ ಬಟ್ಟೆ ಕ್‍ಟ್ಟಿತ್, ನನ್ನ ವಂಚನೆ ಮಾಡಿತ್, ನನ್ನ ಚತ್ತನೆಕೆ ಮಾಡಿರ್‌ತ್.

ರೋಮ್ 9:32

ಎನ್ನಂಗೆಣ್ಣ್‌ಚೇಂಗಿ: ಅಯಿಂಗ ನಂಬಿಕೇರ ಮೂಲಕ ಅದ್‍ನ ತ್‍ೕಡತೆ, ನ್ಯಾಯಪ್ರಮಾಣತ್‍ರ ಕ್ರಿಯೆರ ಮೂಲಕ ಅದ್‍ನ ತ್‍ೕಡ್‍ನಗುಂಡ್ ಅಯಿಂಗಕ್ ಕ್‍ಟ್ಟಿತ್‌ಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ತಡ್‍ಪ ಕಲ್ಲ್‌ರಗುಂಡ್ ಅದ್ಂಡಮೇಲೆ ಅಯಿಂಗ ಬುದ್ದತ್.

1 ಕೊರಿಂಥ 15:56

ಪಾಪತ್‍ರಗುಂಡ್ ಮಾತ್ರ ಚಾವ್‍ಕ್ ನಂಗಡ ಮೇಲೆ ಅದಿಕಾರ ಉಂಡ್. ನ್ಯಾಯಪ್ರಮಾಣತ್‍ರಗುಂಡ್ ಮಾತ್ರ ಪಾಪಕ್ ನಂಗಡ ಮೇಲೆ ಅದಿಕಾರ ಉಂಡ್.

ಗಲಾತ್ಯ 2:16

ಒರ್ ಮನುಷ್ಯ ನ್ಯಾಯಪ್ರಮಾಣ ಎಣ್ಣ್‌ನನೆಕೆ ಮಾಡ್‍ವಗುಂಡಲ್ಲ, ಆಚೇಂಗಿ, ಯೇಸು ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ಮಾತ್ರ ಅಂವೊ ದೇವಡ ಮಿಂಞತ್ ನೀತಿವಂತಂವೊನಾಪಾಂದ್ ನಂಗಕ್ ಗೊತ್ತುಂಡ್. ಆನಗುಂಡ್ ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತ್ ಇಪ್ಪಕಾಯಿತ್ ನಂಗಳು ಸಹ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚತ್. ನಂಗ ನ್ಯಾಯಪ್ರಮಾಣ ಎಣ್ಣ್‌ನನೆಕೆ ಮಾಡ್‍ನಗುಂಡಲ್ಲ, ಎನ್ನಂಗೆಣ್ಣ್‌ಚೇಂಗಿ ನ್ಯಾಯಪ್ರಮಾಣತ್‍ರನೆಕೆ ಮಾಡ್‌ವಗುಂಡ್ ದಾರೂ ನೀತಿವಂತಯಿಂಗಳಾಪುಲೆ.

ಗಲಾತ್ಯ 2:19

ನಾನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಮೂಲಕ ಆ ನ್ಯಾಯಪ್ರಮಾಣಕ್ ಚತ್ತ್‌ಪೋನ. ಆ ನ್ಯಾಯಪ್ರಮಾಣತ್ಂಜ ಬುಡ್‍ಗಡೆ ಆಯಿತ್ ದೇವಕ್‍ೕಂದ್ ಬದ್‍ಕ್‍ವಕಾಚಿ.

ಗಲಾತ್ಯ 5:4

ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರಗುಂಡ್ ನೀತಿವಂತಯಿಂಗಳಾಯಿತ್ ಆಪಕ್ ಕುಶಿಯುಳ್ಳ ನಿಂಗೆಲ್ಲಾರು ಯೇಸು ಕ್ರಿಸ್ತಂಡಿಂಜ ದೂರ ಆಯಿತುಳ್ಳಿರ ಪಿಂಞ ದೇವಡ ಕೃಪೆಯಿಂಜ ಬುದ್ದ್‌ಪೋಯಿತುಳ್ಲಿರ.

ಇಬ್ರಿಯ 7:19

ನ್ಯಾಯಪ್ರಮಾಣ ಒರ್ ವಿಷಯತ್‍ನ ಕೂಡೆ ಪೂರ್ತಿ ಮಾಡ್‌ವಕಿಂಜಿಲೆ. ಆಚೇಂಗಿ, ಅದ್ಂಗಿಂಜ ಬಲ್ಯ ನಿರಿಕ್ಷೇರ ನಂಬಿಕೆ ಪೂರ್ತಿ ಮಾಡ್‌ವಕಾಯಿತ್ ಇಕ್ಕ ಕ್‍ಟ್ಟ್‌ಚಿ. ಅದ್ಂಡ ಮೂಲಕ ನಂಗ ದೇವಡ ಪಕ್ಕ ಪೋಯಂಡುಂಡ್.