ರೋಮ್ 3:19 - ಕೊಡವ ಬೈಬಲ್

¹⁹ ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.

ರೋಮ್ 3:19 ပူးပေါင်းရင်းမြစ်များ

ಯೋಹಾನ 15:25

ಅಯಿಂಗ ನನ್ನ ಒರ್ ಕಾರಣವು ಇಲ್ಲತೆ ವಿರೋದಿಚಿಡುವಾಂದ್ ಅಯಿಂಗಡ ನ್ಯಾಯಪ್ರಮಾಣತ್‍ಲ್ ಒಳ್‍ದ್‍ನ ತಕ್ಕ್ ಆಪನೆಕೆ ಆಚಿ.

ಯೋಹಾನ 8:9

ಯೇಸು ಇನ್ನನೆ ತಕ್ಕ್ ಪರಿವಾನ ಕ್‍ೕಟದು, ಪೆರಿಯಯಿಂಗಯಿಂಜ ಚೆರಿಯಯಿಂಗಕತ್ತನೆ ಒಬ್ಬೊಬ್ಬಂಗಳಾಯಿತ್ ಅಲ್ಲಿಂಜ ಪೋಯಿರ್‌ತ್. ಯೇಸು ಒಬ್ಬನೇ ಅಲ್ಲಿ ಇಂಜತ್. ಆ ಪೊಣ್ಣಾಳ್ ಅಲ್ಲಿಯೇ ನಿಂದಂಡಿಂಜತ್.

ರೋಮ್ 1:20

ದೇವ, ಈ ಲೋಕತ್‍ನ ಸೃಷ್ಟಿ ಮಾಡ್‍ನ ಕಾಲತ್ಂಜ ಕಣ್ಣ್‌ಕ್ ಕಾಂಬಕ್ ಕಯ್ಯತ, ನಿತ್ಯ ಶಕ್ತಿ ಪಿಂಞ ಅಂವೊಂಡ ಪವಿತ್ರವಾನ ಗುಣತ್‍ನ ಎಲ್ಲಾರು ಕಾಂಬನೆಕೆ ಮಾಡ್‍ಚಿ. ದೇವಡ ಸೃಷ್ಟಿನ ನೋಟ್‍ವಕ ಅದ್ ನಂಗಕ್ ಗೊತ್ತಾಪ. ಆನಗುಂಡ್ ಈಂಗಕ್ ಗೊತ್ತಿಲ್ಲೇಂದ್ ಎಣ್ಣ್‌ವಕ್ ಕಯ್ಯುಲೆ.

ರೋಮ್ 3:2

ಅಯಿಂಗ ಯೆಹೂದ್ಯಂಗಳಾಯಿತ್ ಉಳ್ಳಾಂಗ್ ಎಲ್ಲಾ ರೀತಿಲ್ ಅಯಿಂಗ ಬಲ್ಯಂಗಳಾಯಿತ್ ಉಂಡ್. ಎಲ್ಲಾಕಿಂಜ ಮುಕ್ಯವಾಯಿತ್ ದೇವಡ ವಾಕ್ಯ ಅಯಿಂಗಡ ಪಕ್ಕ ಒಪ್ಪ್‌ಚಿಟ್ಟಿತ್ಂಜತ್.

ರೋಮ್ 3:23

ಎಲ್ಲಾರು ಪಾಪ ಮಾಡಿತ್, ದೇವಡ ಮಹಿಮೆನ ಕಳೆಂದಯಿಂಗಳಾಯಿತುಂಡ್.

ರೋಮ್ 3:4

ಅನ್ನನೆ ಆಪುಲೆ. ನೀನ್ ಎಣ್ಣುವದ್ ಸತ್ಯಾಂದ್ ಎಲ್ಲಾರ್‌ಕು ಗೊತ್ತಾಂಡು, ಪಿಂಞ ನೀಡ ನ್ಯಾಯತ್‍ನ ವಿಚಾರಣೆ ಮಾಡ್‌ವಕ ನೀಕ್ ಜಯ ಕ್‍ಟ್ಟಂಡೂಂದ್ ಒಳ್‍ದಿತುಳ್ಳನೆಕೆ, ದೇವ ಮಾತ್ರ ಸತ್ಯವಂತಂವೊ, ಮನುಷ್ಯಂಗೆಲ್ಲಾ ಪೊಟ್ಟ್ ಪರಿಯುವಯಿಂಗಾಂದ್ ಆಚಿ.

ರೋಮ್ 3:9

ಅನ್ನನಾಚೇಂಗಿ ಎಂತ? ನಂಗ ಅಯಿಂಗಕಿಂಜ ವಿಷೇಶವಾನಯಿಂಗಳ? ಅನ್ನನೆ ಒಂದು ಇಲ್ಲೆ! ಯೆಹೂದ್ಯಂಗಳಾಚೇಂಗಿಯು ಸರಿ, ಯೆಹೂದ್ಯಂಗಲ್ಲತಯಿಂಗಳಾಚೇಂಗಿಯು ಸರಿ, ಎಲ್ಲಾರು ಪಾಪತ್‍ರ ಶಕ್ತಿರ ಅಡಿಕ್ ಒಳಪಟ್ಟಿತುಂಡ್‍ೕಂದ್ ನಾನ್ ಮಿಂಞಲೇ ದೃಡ ಪಡ್‍ತ್‍ನ.

1 ಕೊರಿಂಥ 1:29

ಅನ್ನನೆ ಮಾಡ್‍ನಗುಂಡ್, ದಾರೂ ದೇವಡ ಮಿಂಞತ್‍ಲ್ ಹೊಗಳುವಕ್ ಕಯ್ಯುಲೆ.

ಗಲಾತ್ಯ 3:10

ಆಚೇಂಗಿ, ನ್ಯಾಯಪ್ರಮಾಣತ್‍ರ ಮೂಲಕ ದೇವಡ ಮಿಂಞತ್‍ಲ್ ನೀತಿವಂತಂವೊಂಡನೆಕೆ ನಿಪ್ಪಕ್ ಕಯ್ಯೂಂದ್ ನಂಬುವಯಿಂಗೆಲ್ಲ ಶಾಪತ್‍ಲ್ ಉಂಡ್; ಎನ್ನಂಗೆಣ್ಣ್‌ಚೇಂಗಿ, ನ್ಯಾಯಪ್ರಮಾಣಕ್ ತಗ್ಗಿತ್ ನಡ್‍ಕತೆ, ಅದ್ ಎಣ್ಣ್‌ನನೆಕೆ ಮಾಡತಯಿಂಗೆಲ್ಲಾ ಶಾಪತ್‍ಲ್ ಉಳ್ಳಯಿಂಗಾಂದ್ ಒಳ್‍ದಿತುಂಡಲ್ಲ.

ಗಲಾತ್ಯ 4:21

ನ್ಯಾಯಪ್ರಮಾಣ ಎಣ್ಣ್‌ವನಕೆ ನಡ್‍ಪಕ್ ಕುಶೀಲುಳ್ಳ ನಿಂಗ, ಅದ್ ಎಂತ ಎಣ್ಣಿಯಂಡ್ ಉಂಡ್‍ೕಂದ್ ಕ್‍ೕಪ್‌ಲೆಯಾ? ಇದ್‍ನ ನಿಂಗ ನಾಕ್ ಎಣ್ಣಿ.

ಗಲಾತ್ಯ 4:5

ನ್ಯಾಯಪ್ರಮಾಣಕ್ ಆಡಿಯಾಳಯಿತ್ಂಜ ನಂಗಳ ಬುಡುಗಡೆ ಮಾಡ್‌ವಕಾಯಿತ್ ದೇವ ಅಂವೊನ ಅಯಿಚತ್. ಆನಗುಂಡ್ ಅಂವೊಂಗ್, ನಂಗಳ ಅಂವೊಂಡ ಹಕ್ಕ್‌ದಾರಂಗಳಾನ ಮಕ್ಕಳಾಯಿತ್ ಮಾಡ್‌ವಕ್ ಕಯಿಂಜತ್.

ಗಲಾತ್ಯ 5:18

ನಿಂಗಳ ದೇವಡ ಆತ್ಮ ನಡ್‍ತಿಯಂಡ್ ಉಂಡೇಂಗಿ ನಿಂಗ ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗ ಅಲ್ಲ.