ರೋಮ್ 3:1 - ಕೊಡವ ಬೈಬಲ್

¹ ಅನ್ನನಾಚೇಂಗಿ, ಯೆಹೂದ್ಯಂಗಳಾಯಿತ್ ಇಪ್ಪದ್‍ಲ್ ಬಲ್ಯರಿಕೆ ಎಂತ? ಸುನ್ನತಿ ಮಾಡ್‌ವಗುಂಡ್ ಅಯಿಂಗಕ್ ಎಂತ ಪ್ರಯೋಜನ?

ರೋಮ್ 3:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 25:32

ಅದ್‌ಂಗ್‌ ಏಸಾವ: ನೋಟ್, ನಾನ್‌ ಕೆಲಪೈಚಿತ್‌ ಚತ್ತ್‌ ಪೋಯಂಡುಳ್ಳ. ಪೆರಿಯ ಮೋಂವೋಂದ್‌ ಉಳ್ಳ ಹಕ್ಕ್‌ನ ಬೆಚ್ಚಂಡ್‌ ನಾಕ್‍ ಎಂತ ಪ್ರಯೋಜನಾಂದ್‌ ಎಣ್ಣ್‌ಚಿ.

ಮಲಾಕಿ 3:14

ದೇವಂಗ್‌ ಸೇವೆ ಮಾಡ್‌ವದ್‌ ವ್ಯರ್ತ. ಅಂವೊಂಡ ಆಜ್ಞೆರ ಪ್ರಕಾರ ನಡ್‌ಂದಿತ್, ನಂಗ ಮಾಡ್‌ನ ಪಾಪಕಾಯಿತ್‌ ಸೇನೇನ ಒಡಯನಾನ ಯಹೋವಂಡ ಮಿಂಞತ್‌ ದುಃಖ ಪಟ್ಟಂಡುಳ್ಳಗುಂಡ್‌ ಎಂತ ಪ್ರಯೋಜನಾಂದ್‌ ನಿಂಗ ಎಣ್ಣಿಯಂಡುಳ್ಳಿರ.

ಯೋಹಾನ 4:22

ಸಮಾರ್ಯ ಜನಳಾನ ನಿಂಗ ಗೊತ್ತಿಲ್ಲತದ್‍ನ ಆರಾದನೆ ಮಾಡ್‌ವಿರ; ಯೆಹೂದ್ಯಂಗಳಾನ ನಂಗ ಗೊತ್ತುಳ್ಳದ್‍ನ ಆರಾದನೆ ಮಾಡಿಯಂಡುಂಡ್. ಎನ್ನಂಗೆಣ್ಣ್‌ಚೇಂಗಿ, ದೇವಡ ರಕ್ಷಣೆ ಯೆಹೂದ್ಯಂಗಡ ಮೂಲಕ ಬಪ್ಪ.

ರೋಮ್ 3:2

ಅಯಿಂಗ ಯೆಹೂದ್ಯಂಗಳಾಯಿತ್ ಉಳ್ಳಾಂಗ್ ಎಲ್ಲಾ ರೀತಿಲ್ ಅಯಿಂಗ ಬಲ್ಯಂಗಳಾಯಿತ್ ಉಂಡ್. ಎಲ್ಲಾಕಿಂಜ ಮುಕ್ಯವಾಯಿತ್ ದೇವಡ ವಾಕ್ಯ ಅಯಿಂಗಡ ಪಕ್ಕ ಒಪ್ಪ್‌ಚಿಟ್ಟಿತ್ಂಜತ್.

ರೋಮ್ 3:9

ಅನ್ನನಾಚೇಂಗಿ ಎಂತ? ನಂಗ ಅಯಿಂಗಕಿಂಜ ವಿಷೇಶವಾನಯಿಂಗಳ? ಅನ್ನನೆ ಒಂದು ಇಲ್ಲೆ! ಯೆಹೂದ್ಯಂಗಳಾಚೇಂಗಿಯು ಸರಿ, ಯೆಹೂದ್ಯಂಗಲ್ಲತಯಿಂಗಳಾಚೇಂಗಿಯು ಸರಿ, ಎಲ್ಲಾರು ಪಾಪತ್‍ರ ಶಕ್ತಿರ ಅಡಿಕ್ ಒಳಪಟ್ಟಿತುಂಡ್‍ೕಂದ್ ನಾನ್ ಮಿಂಞಲೇ ದೃಡ ಪಡ್‍ತ್‍ನ.

1 ಕೊರಿಂಥ 15:32

ನಾನ್ ಎಫೆಸ ಪಟ್ಟಣತ್‍ಲ್ ಇಪ್ಪಕ, ಅಲ್ಲಿಯತ್‍ರ ಜನ ನಾಡ ಕೂಡೆ ಕಾಡ್ ಪ್ರಾಣಿಯರನೆಕೆ ಜಗಳ ಮಾಡ್‍ಚೀಂದ್ ಒರ್ ಸಾದಾರಣ ಮನುಷ್ಯಂಡನೆಕೆ ಎಣ್ಣ್‌ವಿ. ಇದ್‍ನಗುಂಡ್ ನಾಕ್ ಎಂತ ಲಾಬ? ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳಯಿಂಗ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬರತ ಪೋಚೇಂಗಿ, ಬಾರಿ! ನಂಗ ಉಂಡಿತ್, ಕುಡಿಚಿತ್ ನಾಳೆ ಚತ್ತ್ ಪೋಕನಾಂದ್ ಎಣ್ಣ್‌ವಕ್ ಕಯ್ಯು ಅಲ್ಲ?

ಇಬ್ರಿಯ 13:9

ಬೋರೆ ಬೋರೆ ಬೋದನೆಲ್ ಚಿಕ್ಕಿತ್ ಬಟ್ಟೆ ತಪ್ಪಿ ಪೋಕತಿ. ಏದ್ ತರ ಕೂಳ್ ಎನ್ನನೆ ತಿಂಗಂಡೂಂದ್ ತಿಂಬಗುಂಡ್ ಅಲ್ಲ, ಕೃಪೇರ ಮೂಲಕ ಹೃದಯ ಸ್ತಿರವಾಪದ್ ನಲ್ಲದ್. ಕೂಳ್‍ರ ವಿಷಯತ್ ಆಚಾರ ವಿಚಾರ ಮಾಡ್‌ವಗುಂಡ್ ಒರ್ ಪ್ರಯೋಜನವು ಇಲ್ಲೆ.