ರೋಮ್ 2:9 - ಕೊಡವ ಬೈಬಲ್

⁹ ಕೆಟ್ಟ ಕೆಲಸ ಮಾಡ್‌ವ ಓರೋರ್ ಮನುಷ್ಯಂಡ ಆತ್ಮಕು ನೊಂಬಲ ಪಿಂಞ ಕಷ್ಟ ಬಪ್ಪ, ಅದ್ ಮಿಂಞ ಯೆಹೂದ್ಯಂಗಕು ಬಯ್ಯ ಯೆಹೂದ್ಯ ಅಲ್ಲತಯಿಂಗಕು ಉಂಟಾಪ.

ರೋಮ್ 2:9 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 11:23

ನೀತಿವಂತಯಿಂಗಡ ಆಸೆಯೆಲ್ಲ ನಲ್ಲದೇ ಆಯಿತಿಪ್ಪ, ಆಚೇಂಗಿ ದುಷ್ಟಂಗಡ ನಿರೀಕ್ಷೆ ಬಲ್ಯ ಚೆಡಿರ ದಂಡನೆಕ್‌ ಕೊಂಡಪೋಪ.

ಮತ್ತಾಯ 16:26

ಒರ್ ಮನುಷ್ಯ ಈ ಲೋಕತ್‍ಲ್ ಉಳ್ಳಾನೆಲ್ಲಾ ತಾಂಗ್ ಸ್ವಂತವಾಯಿತ್ ಮಾಡ್‍ಚೇಂಗಿಯು, ಅಂವೊ ನಾಡ ಶಿಷ್ಯನಾಯಿತ್ ನಾಡ ಬಯ್ಯತ್ ಬರತೆ ಪೋಚೇಂಗಿ, ಅಂವೊಂಗ್ ಎಂತ ಲಾಬ? ಅಂವೊ ನಿತ್ಯ ಜೀವ ಇಲ್ಲತೆ ಚತ್ತ್ ಪೋಪ. ಅನ್ನನೆ ಆಚೇಂಗಿ ಅಂವೊಂಗ್ ನಿತ್ಯ ಜೀವ ಕ್‍ಟ್ಟ್‌ವಕ್ ಒಂದು ಮಾಡ್‌ವಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:47

ಇಂಞು: ಯೆರೂಸಲೇಮ್ಂಜ ಎಲ್ಲಾ ದೇಶತ್‍ರ ಜನಕ್ ಪಾಪಕ್ಷಮೆ ಕ್‍ಟ್ಟ್‌ವಕ್ ದೇವಡ ಪಕ್ಕ ತಿರಿಗಿತ್ ಬರಂಡೂಂದ್ ನಾಡ ಅದಿಕಾರತ್‍ಲ್ ಪ್ರಚಾರ ಮಾಡೀಂದ್ ಎಣ್ಣಿ ಕೊಡ್‍ತತ್.

ಅಪೊಸ್ತಲ 11:18

ಇದ್‍ನೆಲ್ಲ ಅಯಿಂಗ ಕ್‍ೕಪಕ: ಅನ್ನನೆ ಆಚೇಂಗಿ, ದೇವ ಯೆಹೂದ್ಯರಲ್ಲತ ಬೋರೆ ಜಾತಿಯಂಗಕು, ಅಯಿಂಗ ತಂಗಡ ಪಾಪತ್ಂಜ ತಿರ್‌ಗಿತ್, ಯೇಸುನ ನಂಬ್‍ಚೇಂಗಿ, ನಿತ್ಯ ಜೀವತ್‍ನ ಪಡೆಯುವಕ್ ಒರ್ ಅವಕಾಶ ಕೊಡ್‍ತಿತುಂಡ್‍ೕಂದ್ ಎಣ್ಣಿತ್ ಒಂದು ಎಣ್ಣತೆ ದೇವನ ತುದಿಚತ್.

ಅಪೊಸ್ತಲ 13:26

ಅಣ್ಣತಮ್ಮಣಂಗಳೇ, ಅಬ್ರಹಾಮಂಡ ಸಂತಾನಕಾರಳೇ, ದೇವನ ಆರಾದನೆ ಮಾಡ್‌ವ ಯೆಹೂದ್ಯ ಅಲ್ಲತ ಜನಳೇ, ಈ ರಕ್ಷಣೆರ ಬೋದನೆನ ನಂಗಕಾಯಿತೇ ಅಯಿಚತ್.

ಅಪೊಸ್ತಲ 20:21

ಪಾಪತ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಕಂಡಿತವಾಯಿತ್ ತಿರ್‍ಗಂಡೂಂದು, ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಂಡೂಂದು, ಯೆಹೂದ್ಯಂಗಕು ಯೆಹೂದ್ಯ ಅಲ್ಲತ ಜನಕು ಸಾಕ್ಷಿಯಾಯಿತ್ ಬೋದನೆ ಮಾಡ್‍ನಂವೊನಾಯಿತ್ಂಜ್.

ಅಪೊಸ್ತಲ 26:20

ಅಕ್ಕ, ಆದ್ಯವಾಯಿತ್ ದಮಸ್ಕತ್‍ಲ್, ಅಲ್ಲಿಂಜ ಯೆರೂಸಲೇಮ್‍ಲ್, ಯೂದಾಯತ್‍ಲ್ ಎಲ್ಲಾ ಸೀಮೆಲ್ ಪಿಂಞ ಯೆಹೂದ್ಯಂಗಲ್ಲತಯಿಂಗಕ್ ಸಹ ಪೋಯಿತ್ ಬೋದನೆ ಮಾಡ್‍ನ. ಅಯಿಂಗ ಪಾಪತ್ಂಜ ತಿರಿತ್, ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್ ಬರಂಡೂಂದು, ಪಿಂಞ ಅಯಿಂಗ ದೇವಡ ಪಕ್ಕ ತಿರಿರ್‌ತ್‍ೕಂದ್ ಕಾಂಬ್‍ಚಿಡುವನೆಕೆ, ಯೋಗ್ಯವಾನ ಬದ್‍ಕ್ ಬದ್‍ಕಂಡೂಂದ್ ಅಯಿಂಗಕ್ ಎಣ್ಣಿಯೆ.

ಅಪೊಸ್ತಲ 28:17

ಮೂಂದ್ ದಿವಸ ಕಯಿಂಜ ಪಿಂಞ, ಪೌಲ ಯೆಹೂದ್ಯ ಜನಡಡೆಲ್ ಮುಕ್ಯಪಟ್ಟಯಿಂಗಳ ತಾಂಡ ಪಕ್ಕ ಕಾಕ್‌ಚಿಟ್ಟತ್. ಅಯಿಂಗೆಲ್ಲಾರು ಸಬೇಕೂಡ್‌ನ ಪಿಂಞ, ಅಂವೊ ಅಯಿಂಗಳ ನೋಟಿತ್: ನಾಡ ಅಣ್ಣತಮ್ಮಣಂಗಳೇ, ನಾನ್ ನಂಗಡ ಜನಕ್, ನಂಗಡ ಅಜ್ಜಂಗಡ ಆಚಾರಕ್ ವಿರೋದವಾಯಿತ್ ಒಂದು ಮಾಡತೆ ಪೋಚೇಂಗಿಯು, ಯೆರೂಸಲೇಮ್‍ಲ್ ರೋಮ್ ರಾಜ್ಯತ್‍ರ ಜನಡ ಕೈಕ್ ಕೈದಿಯಾಯಿತ್ ನನ್ನ ಒಪ್ಪ್‌ಚಿಟ್ಟತ್.

ಅಪೊಸ್ತಲ 28:28

ಆನಗುಂಡ್ ದೇವಡ ರಕ್ಷಣೆರ ವಿಷಯತ್ ದೇವಡ ವಾಕ್ಯ ಯೆಹೂದ್ಯಂಗ ಅಲ್ಲತ ಬೋರೆ ಜಾತಿ ಜನಕ್ ಪೋಯಂಡುಂಡ್‍ೕಂದ್ ನಿಂಗಕ್ ಚಾಯಿತೆ ಗೊತ್ತಿರಡ್; ಅಯಿಂಗ ಇದ್‍ನ ಕ್‍ೕಟಿತ್ ಅದ್ಂಗ್ ಕೆಮಿ ಕೊಡ್‍ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 3:26

ದೇವ ನಿಂಗಳ ನಿಂಗಡ ಕೆಟ್ಟ ಗುಣತ್ಂಜ ತಿರಿಕಿತ್ ಬಪ್ಪ್‌ಚಿಡುವಕಾಯಿತ್ ಪಿಂಞ ನಿಂಗಳ ಆಶೀರ್ವಾದ ಮಾಡ್‌ವಕಾಯಿತ್, ದೇವ ಅಂವೊಂಡ ಮೋಂವೊನಾನ ಯೇಸುನ, ನಿಂಗಡ ಕಡೆಯೇ ಆದ್ಯವಾಯಿತ್ ಕೊಂಡ್ ಬಾತ್‍ೕಂದ್ ಪೇತ್ರ ಎಣ್ಣ್‌ಚಿ.

ರೋಮ್ 1:16

ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಾಕ್ ಞಾಣ ಆಪುಲೆ. ಎನ್ನಂಗೆಣ್ಣ್‌ಚೇಂಗಿ, ಆದ್ಯವಾಯಿತ್ ಯೆಹೂದ್ಯ ಜನತ್‍ಲ್ ಪಿಂಞ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ದಾರೆಲ್ಲಾ ನಂಬುವ, ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟುವಕ್ ಅದ್ ದೇವಡ ಶಕ್ತಿಯಾಯಿತುಂಡ್.

ರೋಮ್ 10:12

ಯೆಹೂದ್ಯಂಗಾಂದು, ಯೆಹೂದ್ಯ ಅಲ್ಲತಯಿಂಗಾಂದು ವೆತ್ಯಾಸ ಇಲ್ಲೆ, ಎಲ್ಲಾರ್‌ಕು ಒಡೆಯನಾಯಿತ್ ಉಳ್ಳ ಅಂವೊ, ಅಂವೊನ ಆರಾದನೆ ಮಾಡ್‌ವಯಿಂಗಕೆಲ್ಲಾ ದಾರಾಳವಾಯಿತ್ ಆಶೀರ್ವಾದ ಮಾಡ್‌ವಂವೊನಾಯಿತುಂಡ್.

ರೋಮ್ 2:10

ನಲ್ಲದ್ ಮಾಡ್‌ವಯಿಂಗ ದಾರಾಯಿತ್ಂಜತೇಂಗಿಯು ಅಯಿಂಗಕ್ ಮಹಿಮೆ, ಗನ ಪಿಂಞ ಸಮಾದಾನ ಕ್‍ಟ್ಟುವ. ಆದ್ಯವಾಯಿತ್ ಯೆಹೂದ್ಯಂಗಕೂ ಪಿಂಞ ಯೆಹೂದ್ಯ ಅಲ್ಲತಯಿಂಗಕು ಅನ್ನನೆ ಆಪ.

ರೋಮ್ 8:35

ಕಷ್ಟತ್‍ಲ್ ಇಂಜತೇಂಗಿಯು, ನೊಂಬಲತ್‍ಲ್ ಇಂಜತೇಂಗಿಯು, ಹಿಂಸೆ ಬಾತೇಂಗಿಯು, ಕೆಲ ಪಯಿಚಂಡ್ ಇಂಜತೇಂಗಿಯು, ಬಟ್ಟೆ ಇಲ್ಲತೆ ಇಂಜತೇಂಗಿಯು, ಅಪಾಯ ಬಾತೇಂಗಿಯು, ಬಾಳ್ ಕತ್ತಿ ನಂಗಕ್ ವಿರೋದವಾಯಿತ್ ಬಾತೇಂಗಿಯು, ಕ್ರಿಸ್ತಂಡ ಪ್ರೀತಿಯಿಂಜ ನಂಗಳ ಬೋರೆ ಮಾಡ್‌ವಂವೊ ದಾರ್?

ರೋಮ್ 9:24

ದೇವಡ ಬಲ್ಯ ಚೆಡಿಕ್ ಯೋಗ್ಯವಾನ ಪಾತ್ರತ್‍ರಮೇಲೆ, ದುಂಬ ತಾಳ್ಮೆಲ್ ಸಹಿಸಿಯಂಡ್ ಇಂಜತೇಂಗಿ ನೀಕ್ ಎಂತ?

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಕೊಲೊಸ್ಸೆ 3:11

ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

2 ಥೆಸಲೊನೀಕ 1:6

ನಿಂಗಕ್ ಕಷ್ಟ ತಪ್ಪಯಿಂಗಕ್ ದೇವ ಕಷ್ಟ ತಂದಿತ್ ದೇವಕ್ ನೀತಿಯಾಯಿತ್ ಕಾಂಬದ್‍ನ ಮಾಡ್‌ವ.

1 ಪೇತ್ರ 4:17

ದೇವಡ ನ್ಯಾಯತೀರ್ಪ್ ಅಂವೊಂಡ ಮಕ್ಕಡಲ್ಲಿಯೇ ಸುರು ಆಪಕುಳ್ಳ ಸಮಯವಾಯಿತುಂಡ್; ಅದ್ ನಂಗಡಲ್ಲಿಯೇ ಸುರು ಆಚೇಂಗಿ, ದೇವಡ ನಲ್ಲ ಸುದ್ದಿಕ್ ಕೆಮಿ ಕೊಡ್‌ಕತಯಿಂಗಡ ಸ್ತಿತಿ ಎನ್ನನೆ ಆಯಿತ್‌ಪ್ಪ?