ರೋಮ್ 2:27 - ಕೊಡವ ಬೈಬಲ್

²⁷ ತಡೀಲ್ ಸುನ್ನತಿ ಮಾಡತಯಿಂಗಳಾಯಿತ್ ಇಂಜತೇಂಗಿಯು, ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಳಾಯಿತ್ಂಜತೇಂಗಿ, ನ್ಯಾಯಪ್ರಮಾಣ ಗೊತ್ತುಳ್ಳಯಿಂಗಳಾಯಿತು, ಸುನ್ನತಿ ಮಾಡ್‍ನಯಿಂಗಳಾಯಿತು ಉಳ್ಳ ನಿಂಗ ನ್ಯಾಯಪ್ರಮಾಣತ್‍ನ ಮೀರಿತ್ ನಡ್‍ಪಕ, ಅಯಿಂಗ ನಿಂಗಳ ತೀರ್ಪ್ ಮಾಡ್‌ವ ಅಲ್ಲ?

ರೋಮ್ 2:27 ပူးပေါင်းရင်းမြစ်များ

ಮತ್ತಾಯ 3:15

ಅದ್ಂಗ್ ಯೇಸು: ಇಕ್ಕ ಇದ್‍ನ ಇನ್ನನೆ ಮಾಡ್‌ವಕ್ ಬುಡ್. ಇನ್ನನೆ ಮಾಡ್‌ವಕ ನಂಗ ದೇವಡ ಎಲ್ಲಾ ನೀತಿ ಕಾರ್ಯತ್‍ನ ಪೂರ್ತಿ ಮಾಡ್‌ವಾಂದ್ ಎಣ್ಣ್‌ನಾಂಗ್ ಯೋಹಾನ ಒತ್ತಂಡತ್.

ಅಪೊಸ್ತಲ 13:22

ದೇವ ಸೌಲನ ಅಲ್ಲಗೆಳೆದಿತ್, ದಾವೀದನ ಅಯಿಂಗಡ ರಾಜನಾಯಿತ್ ಮಾಡಿತ್, ಇಷಯಂಡ ಮೋಂವೊನಾನ ದಾವೀದ ನಾನ್ ಇಷ್ಟಪಟ್ಟನೆಕೆ ಉಂಡ್, ಅಂವೊ ನಾನ್ ಕುಶಿ ಪಡ್‍ವ ಎಲ್ಲಾ ಕಾರ್ಯತ್‍ನ ಮಾಡ್‌ವಾಂದ್ ಅಂವೊಂಡ ವಿಷಯತ್ ಸಾಕ್ಷಿ ಕೊಡ್‍ತತ್.

ರೋಮ್ 13:10

ಪ್ರೀತಿ ಬೋರೆಯಿಂಗಕ್ ಕೆಟ್ಟದ್ ಮಾಡುಲೆ, ಆನಗುಂಡ್ ಪ್ರೀತಿ, ನ್ಯಾಯಪ್ರಮಾಣತ್‍ನ ಪೂರ್ತಿ ಮಾಡ್‌ವದಾಯಿತ್ ಉಂಡ್.

ರೋಮ್ 2:15

ಅಯಿಂಗಡ ಮನಸಾಕ್ಷಿ ಸಹ ಸಾಕ್ಷಿ ಎಣ್ಣ್‌ವಗುಂಡ್, ಇದ್ ತಪ್ಪ್ ಇದ್ ತಪ್ಪ್ ಅಲ್ಲಾಂದ್ ಅಯಿಂಗಡ ಗೇನ ಒಂದಾನ ಒಂದ್ ತೀರ್ಪ್ ಮಾಡ್‌ವಗುಂಡ್ ಪಿಂಞ ನ್ಯಾಯಪ್ರಮಾಣತ್‍ರ ಪ್ರಕಾರ ಮಾಡ್‌ವಕುಳ್ಳ ಕ್ರಿಯೆ ಅಯಿಂಗಡ ಹೃದಯತ್‍ಲ್ ಒಳ್‍ದಿತುಂಡ್‍ೕಂದ್ ಅಯಿಂಗ ಕಾಟಿಯಂಡುಂಡ್.

ರೋಮ್ 2:20

ಜ್ಞಾನ ಇಲ್ಲತಯಿಂಗಕ್ ಬೋದನೆ ಮಾಡ್‌ವಯಿಂಗಳಾಯಿತ್, ಮಕ್ಕಕ್ ಉಪಾದ್ಯಂಗಳಾಯಿತ್, ನ್ಯಾಯಪ್ರಮಾಣತ್‍ರ ಮೂಲಕ ಜ್ಞಾನ ಪಡ್ಂದಿತುಳ್ಳಯಿಂಗಳಾಯಿತ್ ಪಿಂಞ ಸತ್ಯ ಗೊತ್ತುಳ್ಳಯಿಂಗಳಾಯಿತ್ ಗೇನಮಾಡಿಯಂಡುಳ್ಳಿರಲ್ಲ?

ರೋಮ್ 2:25

ನಿಂಗ ನ್ಯಾಯಪ್ರಮಾಣ ಎಣ್ಣುವನೆಕೆ ನಡ್ಂದತೇಂಗಿ, ಸುನ್ನತಿ ಮಾಡ್‍ನದ್ ಪ್ರಯೋಜನವಾಪ. ನಿಂಗ ನ್ಯಾಯಪ್ರಮಾಣತ್‍ನ ಮೀರಿತ್ ನಡ್ಂದತೇಂಗಿ, ನಿಂಗಕ್ ಮಾಡ್‍ನ ಸುನ್ನತಿ, ಮಾಡತನೆಕೆ ಆಯಿಪೋಪ.

ರೋಮ್ 2:26

ಇದ್‍ಲ್ಲತೆ, ಸುನ್ನತಿ ಮಾಡತಯಿಂಗ ನ್ಯಾಯಪ್ರಮಾಣ ಎಣ್ಣುವ ಪ್ರಕಾರ ನಡ್ಂದತೇಂಗಿ, ಸುನ್ನತಿ ಮಾಡತ ಅಯಿಂಗ, ಸುನ್ನತಿ ಮಾಡ್‍ನನೆಕೆ ಆಪಲ್ಲ?

ರೋಮ್ 2:29

ಹೃದಯತ್‍ಲ್ ಯೆಹೂದ್ಯನಾಯಿತ್ ಇಪ್ಪಯಿಂಗಳೇ ನೇರಾಯಿತುಳ್ಳ ಯೆಹೂದ್ಯಂಗ; ಒಳ್‍ತ್‍ರ ಪ್ರಕಾರ ಅಲ್ಲ, ಆತ್ಮತ್‍ರ ಪ್ರಕಾರ ಹೃದಯತ್‍ಲ್ ಆಪ ಸುನ್ನತಿಯೇ ನೇರಾನ ಸುನ್ನತಿ; ಇನ್ನನೆ ಉಳ್ಳಯಿಂಗಕ್ ಕ್‍ಟ್ಟುವ ಗನ, ಮನುಷ್ಯಡಿಂಜ ಅಲ್ಲ, ಆಚೇಂಗಿ ದೇವಡಯಿಂಜ ಬಪ್ಪ.

ರೋಮ್ 3:30

ಸುನ್ನತಿ ಮಾಡ್‍ನಯಿಂಗಳ ನಂಬಿಕೇರಗುಂಡ್ ಪಿಂಞ ಸುನ್ನತಿ ಇಲ್ಲತಯಿಂಗಳ ನಂಬಿಕೇರ ಮೂಲಕ ನೀತಿವಂತಯಿಂಗಳಾಯಿತ್ ಮಾಡ್‌ವ ದೇವ ಒಬ್ಬನೇ.

ರೋಮ್ 8:4

ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಂಗ ನಡ್‍ಕತೆ, ಪವಿತ್ರಾತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಪ ನಂಗಕ್, ನ್ಯಾಯಪ್ರಮಾಣತ್‍ರ ನೀತಿ ನೆರೆವೇರುವನೆಕೆ ದೇವ ಇನ್ನನೆ ಮಾಡ್‍ಚಿ.

1 ಕೊರಿಂಥ 7:19

ನೀಕ್ ಸುನ್ನತಿ ಆಯಿತ್ಂಜತೇಂಗಿಯು, ಸುನ್ನತಿ ಆಕತ ಇಂಜತೇಂಗಿಯು ಅದ್ ನಿಂಗಳ ದೇವಡ ಪಕ್ಕ ಬಲ್ಯಂಗಳಾಯಿತ್ ಕಾಟ್‌ಲೆ. ಅದ್ಂಡ ಬದ್‍ಲ್ ದೇವಡ ಆಜ್ಞೆರನೆಕೆ ಮಾಡ್‌ವದೇ ಮುಕ್ಯ.

2 ಕೊರಿಂಥ 3:6

ಪುದಿಯ ಒಪ್ಪಂದತ್‍ರ ಸೇವಕಂಗಳಾಯಿತ್ ಇಪ್ಪಕ್, ಅಂವೊನೇ ನಂಗಳ ಯೋಗ್ಯವಂತಯಿಂಗಳಾಯಿತ್ ಮಾಡಿತುಂಡ್; ಈ ಒಪ್ಪಂದ ಒಳ್‍ತ್‍ರ ಪ್ರಕಾರ ಅಲ್ಲ ಆಚೇಂಗಿ ಪವಿತ್ರಾತ್ಮತ್‍ರ ಪ್ರಕಾರ ಆನದ್. ಎನ್ನಂಗೆಣ್ಣ್‌ಚೇಂಗಿ, ಒಳ್‍ತ್ ನಂಗಳ ಕೊಲ್ಲುವ; ದೇವಡ ಆತ್ಮವೋ ನಂಗಕ್ ಜೀವ ತಪ್ಪ.

ಗಲಾತ್ಯ 5:14

ನಿಂಗ ನಿಂಗಳ ಎನ್ನನೆ ಪ್ರೀತಿ ಮಾಡ್‍ವಿರೋ ಅನ್ನನೆ ನಿಂಗಡ ನೆರೆಮನೆಕಾರಳ ಪ್ರೀತಿ ಮಾಡಿ ಎಣ್ಣುವ ಈ ಒರೇ ವಾಕ್ಯ, ನ್ಯಾಯಪ್ರಮಾಣತ್‍ಲ್ ಉಳ್ಳಾನೆಲ್ಲಾ ಪೂರ್ತಿ ಮಾಡ್‌ವ.

ಎಫೆಸ 2:11

ಆನಗುಂಡ್, ಮಿಂಞತ್‍ರ ಕಾಲತ್‍ಲ್ ಎನ್ನನೆ ಇಂಜಿರಾಂದ್ ಗೇನ ಮಾಡಿಯೊಳಿ; ನಿಂಗ ಯೆಹೂದ್ಯಂಗಳಾಯಿತ್ ತಡೀರ ಪ್ರಕಾರ ಪುಟ್ಟಿತ್‌ಲ್ಲೆ, ತಡೀಲ್ ಸುನ್ನತಿ ಮಾಡ್‍ನಯಿಂಗ ನಿಂಗಳ ಸುನ್ನತಿ ಮಾಡತಯಿಂಗಾಂದ್ ಕಾಕಿಯಂಡಿಂಜತ್.

2 ತಿಮೊಥೆಯ 3:15

ಯೇಸು ಕ್ರಿಸ್ತನ ನಂಬುವ ಮೂಲಕ ಕ್‍ಟ್ಟ್‌ವ ರಕ್ಷಣೆನ ನೀನ್ ಪಡೆಯುವಕ್, ನೀನ್ ಬಾಲ್ಯ ವಯಸಿಂಜ ಪಡಿಚ ಪವಿತ್ರವಾನ ದೇವಡ ವಾಕ್ಯ ನೀಕ್ ಜ್ಞಾನ ತಂದಿತುಂಡ್‍ೕಂದ್ ನೀಕ್ ಗೊತ್ತುಂಡ್.

ಇಬ್ರಿಯ 11:3

ನಂಬಿಕೇರ ಮೂಲಕ, ದೇವ ಈ ಲೋಕತ್‍ನ ಅಂವೊಂಡ ತಕ್ಕ್‌ರ ಮೂಲಕ ಸೃಷ್ಟಿ ಮಾಡ್‌ಚೀಂದು, ಅನ್ನನೆ ನಂಗಡ ಕಣ್ಣ್‌ಕ್ ಕಾಂಬ ವಿಷಯವೆಲ್ಲ, ಕಣ್ಣ್‌ಕ್ ಕಾಂಬಕಯ್ಯುವ ವಿಷಯತ್‍ರಗುಂಡ್ ಮಾಡಿತ್‌ಲ್ಲೇಂದು ನಂಗಕ್ ಗೊತ್ತುಂಡ್.