ರೋಮ್ 2:23 - ಕೊಡವ ಬೈಬಲ್

²³ ನ್ಯಾಯಪ್ರಮಾಣತ್‍ನ ಹೊಗಳುವ ನಿಂಗ ಅದ್ ಎಣ್ಣುವನೆಕೆ ನಡ್‍ಕತೆ, ದೇವಕ್ ಅವಮಾನ ಆಪನೆಕೆ ಮಾಡಲುವ?

ರೋಮ್ 2:23 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:11

ಫರಿಸಾಯ ಎದ್ದಿತ್: ದೇವ! ನಾನ್ ದುರಾಸೆ ಉಳ್ಳಂವೊನೆಕೆ, ಮೋಸ ಮಾಡ್‌ವಂವೊನೆಕೆ ಪಿಂಞ ವ್ಯಬಿಚಾರ ಮಾಡ್‌ವಂವೊನೆಕೆ ಇಲ್ಲತಗುಂಡ್ ನಾನ್ ನೀಕ್ ವಂದನೆ ಎಣ್ಣ್‌ವಿ. ಅದಲ್ಲತೆ ಅಲ್ಲಿ ನಿಂದಿತುಳ್ಳ ಕಂದಾಯ ಎಡ್‌ಪಂವೊನೆಕೆ ನಾನ್ ಇಲ್ಲತಗುಂಡ್ ನೀಕ್ ವಂದನೆ ಮಾಡ್‌ವಿ.

ಯೋಹಾನ 5:45

ಅಪ್ಪನಾನ ದೇವಡ ಮಿಂಞತ್‍ಲ್ ನಿಂಗಡ ವಿಷಯತ್ ನಾನ್ ಕುತ್ತ ಪರಿಯುವೀಂದ್ ಗೇನ ಮಾಡತಿ; ನಿಂಗ ನಂಬುವ ಮೋಶೆನೇ ನಿಂಗಡ ಮೇಲೆ ಕುತ್ತ ಪರಿಯುವ.

ರೋಮ್ 2:17

ಇಕ್ಕ, ನಿಂಗಳ ಯೆಹೂದ್ಯಂಗಾಂದ್ ಕಾಕಿಯಂಡ್, ನ್ಯಾಯಪ್ರಮಾಣತ್‍ನ ಪುಡ್‍ಚಂಡ್, ದೇವಡ ಕೂಡೆ ಉಳ್ಳ ನಿಂಗಡ ಸಂಬಂದತ್‍ಲ್ ಹೊಗಳಿಯಂಡ್ ಉಳ್ಳಿರ.

ರೋಮ್ 3:2

ಅಯಿಂಗ ಯೆಹೂದ್ಯಂಗಳಾಯಿತ್ ಉಳ್ಳಾಂಗ್ ಎಲ್ಲಾ ರೀತಿಲ್ ಅಯಿಂಗ ಬಲ್ಯಂಗಳಾಯಿತ್ ಉಂಡ್. ಎಲ್ಲಾಕಿಂಜ ಮುಕ್ಯವಾಯಿತ್ ದೇವಡ ವಾಕ್ಯ ಅಯಿಂಗಡ ಪಕ್ಕ ಒಪ್ಪ್‌ಚಿಟ್ಟಿತ್ಂಜತ್.

ರೋಮ್ 3:27

ಅಕ್ಕ, ಎನ್ನಂಗ್ ಹೊಗಳಿಚಿಡಂಡು? ಅನ್ನನೆ ಮಾಡ್‌ವಕ್ ಜಾಗ ಇಲ್ಲತೆ ಪೋಚಿ. ನಂಗಕ್ ಪಾಪತ್‍ರ ಶಿಕ್ಷೆ ಕ್‍ಟ್ಟತನೆಕೆ ಮಾಡ್‍ನದ್ ಏದ್ ಪ್ರಮಾಣತ್‍ರಗುಂಡ್? ಕ್ರಿಯೆರ ಪ್ರಮಾಣತ್‍ರಗುಂಡಾ? ಅಲ್ಲ, ನಂಬಿಕೇರ ಪ್ರಮಾಣತ್‍ರ ಮೂಲಕವೇ.

ರೋಮ್ 9:4

ಅಯಿಂಗ ಇಸ್ರಾಯೇಲ್ ಜನ; ಮಕ್ಕಕುಳ್ಳ ಹಕ್ಕ್ ಅಯಿಂಗಡದೇ, ದೇವಡ ಮಹಿಮೇನೆ ಅಯಿಂಗಕೇ ಕಾಂಬ್‍ಚಿಟ್ಟತ್; ಅಯಿಂಗಕೇ ಒಪ್ಪಂದ ಮಾಡ್‍ಚಿ, ಅಯಿಂಗಕೇ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಅಯಿಂಗಕೇ ಆರಾದನೆ ಮಾಡ್‌ವ ಬಾಗ್ಯತ್‍ನ ಕೊಡ್‍ತತ್ ಪಿಂಞ ಅಯಿಂಗಕೇ ದೇವಡ ವಾಗ್ದಾನವು ಕ್‍ಟ್ಟ್‌ಚಿ.