ರೋಮ್ 2:20 - ಕೊಡವ ಬೈಬಲ್

²⁰ ಜ್ಞಾನ ಇಲ್ಲತಯಿಂಗಕ್ ಬೋದನೆ ಮಾಡ್‌ವಯಿಂಗಳಾಯಿತ್, ಮಕ್ಕಕ್ ಉಪಾದ್ಯಂಗಳಾಯಿತ್, ನ್ಯಾಯಪ್ರಮಾಣತ್‍ರ ಮೂಲಕ ಜ್ಞಾನ ಪಡ್ಂದಿತುಳ್ಳಯಿಂಗಳಾಯಿತ್ ಪಿಂಞ ಸತ್ಯ ಗೊತ್ತುಳ್ಳಯಿಂಗಳಾಯಿತ್ ಗೇನಮಾಡಿಯಂಡುಳ್ಳಿರಲ್ಲ?

ರೋಮ್ 2:20 ပူးပေါင်းရင်းမြစ်များ

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ರೋಮ್ 2:19

ಇನ್ನನೆ ನಿಂಗ, ಕುರ್‌ಡಂಗಕ್ ಬಟ್ಟೆ ಕಾಟ್‌ವಯಿಂಗಳಾಯಿತ್, ಇರ್‌ಟ್‌ಲ್ ಉಳ್ಳಯಿಂಗಕ್ ಬೊಳಿಯಾಯಿತ್,

ರೋಮ್ 3:31

ಅನ್ನನೆ ಆಚೇಂಗಿ, ನಂಬಿಕೇರಗುಂಡ್ ನ್ಯಾಯಪ್ರಮಾಣತ್‍ನ ನಂಗ ಅಲ್ಲಗೆಳೆಯುವದಾ? ಅನ್ನನೆ ಅಲ್ಲ, ನ್ಯಾಯಪ್ರಮಾಣತ್‍ನ ನಂಗ ಸ್ತಿರಪಡ್‌ತಿಯಂಡುಂಡ್.

ರೋಮ್ 6:17

ಮಿಂಞ ನಿಂಗ ಪಾಪತ್‍ರ ಅಡಿಯಾಳಾಯಿತ್ಂಜಿರ, ಇಕ್ಕ ನಿಂಗ, ನಿಂಗಕ್ ಒಪ್ಪ್‌ಚಿಟ್ಟ ಬೋದನೆನ ಪೂರ್ತಿ ಮನಸ್ಸ್‌ಲ್ ಸ್ವೀಕಾರ ಮಾಡ್‍ನಗುಂಡ್ ದೇವಕ್ ವಂದನೆ ಎಣ್ಣಿಯಂಡುಂಡ್.

1 ಕೊರಿಂಥ 3:1

ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಡ ಕೂಡೆ ಇಪ್ಪಕಾಪಕ, ಆತ್ಮೀಯ ಬದ್‍ಕ್‍ಲ್ ಬೊಳ್‌ಂದಯಂಗಳಾಯಿತ್ ನಿಂಗಡ ಕೂಡೆ ತಕ್ಕ್‌ಪರಿವಕ್ ಕಯ್ಯತೆ, ಈ ಲೋಕತ್‍ರ ಜನತ್‍ರನೆಕೆ, ಪಿಂಞ ಕ್ರಿಸ್ತಂಡ ಕೂಡೆ ಉಳ್ಳ ನಿಂಗಡ ಆತ್ಮೀಯ ಬದ್‍ಕ್‍ಲ್ ಚೆರಿಯ ಮಕ್ಕಡನೆಕೆ ನಿಂಗಳ ಗೇನ ಮಾಡಿತ್ ತಕ್ಕ್ ಪರಿವಕಾಚಿ.

2 ತಿಮೊಥೆಯ 1:13

ನೀನ್ ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೆಯಿಂಜ, ಪ್ರೀತಿಯಿಂಜ, ನಾಡ ಪಕ್ಕ ಕ್‍ೕಟಿತ್ತುಳ್ಳ ಆರೋಗ್ಯವಾನ ಬೋದನೆನ ಒರ್ ಉದಾರಣೆಯಾಯಿತ್ ಬೆಚ್ಚಂಡ್, ಅನ್ನನೆ ಮಾಡ್.

2 ತಿಮೊಥೆಯ 3:5

ದೇವಡ ಮೇಲೆ ಬಕ್ತಿ ಉಳ್ಳಯಿಂಗಡನೆಕೆ ವೇಷ ಇಡ್‌ವ, ಆಚೇಂಗಿ, ದೇವಡ ಶಕ್ತಿನ ಅಯಿಂಗಡ ಒಳ್‍ಲ್ ಕ್ರಿಯೆ ಮಾಡ್‌ವಕ್ ಬುಡುಲೆ. ಈಂಗಳ ಬುಟ್ಟಿತ್ ನೀನ್ ದೂರ ಇರ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:16

ಅಯಿಂಗ ದೇವನ ಗೊತ್ತುಂಡ್‍ೕಂದ್ ಎಣ್ಣುವ, ಆಚೇಂಗಿ ಅಯಿಂಗ ಮಾಡ್‌ವ ಕ್ರಿಯೆ ಅಯಿಂಗಕ್ ದೇವ ಗೊತ್ತ್‌ಲ್ಲೇಂದ್ ಕಾಟಿತಪ್ಪ. ಅಯಿಂಗ, ಜನ ದ್ವೇಶ ಮಾಡ್‌ವಯಿಂಗಳಾಯಿತು, ಏದ್ ಅದಿಕಾರಕು ಬಗ್ಗಿತ್ ನಡ್‍ಕತಯಿಂಗಳಾಯಿತು ಉಂಡ್. ಆನಗುಂಡ್ ಅಯಿಂಗ ಏದ್ ನಲ್ಲ ಕ್ರಿಯೆ ಮಾಡ್‌ವಕು ಯೋಗ್ಯತೆ ಇಲ್ಲತಯಿಂಗಳಾಯಿತುಂಡ್.

ಇಬ್ರಿಯ 5:13

ಪಾಲ್ ಮಾತ್ರ ಕುಡಿಪಯಿಂಗ ಕುಂಞಿಯಾಯಿತ್ ಉಳ್ಳಗುಂಡ್, ನೀತಿರ ವಾಕ್ಯತ್‍ರ ಬೋದನೆ ಅಯಿಂಗಕ್ ಅಬ್ಯಾಸ ಇಲ್ಲೆ.

ಯಾಕೋಬ 3:1

ನಾಡ ಅಣ್ಣತಮ್ಮಣಂಗಳೇ, ದೇವ ನಿಂಗಕ್ ಕಠಿಣ ತೀರ್ಪ್ ತಪ್ಪಾಂದ್ ಗೊತ್ತಾನಗುಂಡ್ ನಿಂಗ ಎಲ್ಲಾರು ಬೋದನೆಕಾರಂಗಳಾಯಿತ್ ಆಕತಿರಿ.

1 ಪೇತ್ರ 2:2

ಒರ್ ಪುಟ್ಟ್‌ನ ಕುಂಞಿರನೆಕೆ, ರಕ್ಷಣೆಲ್ ಬೊಳಿಯುವಕ್, ಆತ್ಮೀಯ ಪಾಲಾಯಿತ್ ಉಳ್ಳ ಶುದ್ದವಾನ ದೇವಡ ವಾಕ್ಯತ್‍ನ ಕುಡಿಪಕ್ ಕುಶಿಪಡಿ.