ರೋಮ್ 2:17 - ಕೊಡವ ಬೈಬಲ್

¹⁷ ಇಕ್ಕ, ನಿಂಗಳ ಯೆಹೂದ್ಯಂಗಾಂದ್ ಕಾಕಿಯಂಡ್, ನ್ಯಾಯಪ್ರಮಾಣತ್‍ನ ಪುಡ್‍ಚಂಡ್, ದೇವಡ ಕೂಡೆ ಉಳ್ಳ ನಿಂಗಡ ಸಂಬಂದತ್‍ಲ್ ಹೊಗಳಿಯಂಡ್ ಉಳ್ಳಿರ.

ರೋಮ್ 2:17 ပူးပေါင်းရင်းမြစ်များ

ಮತ್ತಾಯ 3:9

ಅಬ್ರಹಾಮ ನಂಗಡ ಅಪ್ಪಾಂದ್ ಎಣ್ಣುವಕ್ ಗೇನ ಮಾಡತಿ. ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:28

ಯೇಸು ಅಂವೊಂಗ್: ಅಕ್ಕು, ಸರಿಯಾಯಿತ್ ಎಣ್ಣಿಯ. ಅನ್ನನೆ ಮಾಡ್ ಅಕ್ಕ ನೀನ್ ಬದ್‌ಕ್‍ವಿಯಾಂದ್ ಎಣ್ಣ್‌ಚಿ.

ಯೋಹಾನ 5:39

ನಿಂಗ ದೇವಡ ವಾಕ್ಯತ್‍ನ ಚಾಯಿ ಪಡಿಚಿತ್ ನೋಟಿ; ಅದ್‍ನಗುಂಡ್ ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ನಿಂಗ ಗೇನಮಾಡಿಯಂಡುಳ್ಳಿರಲ್ಲ! ಅದೇ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಯೋಹಾನ 5:45

ಅಪ್ಪನಾನ ದೇವಡ ಮಿಂಞತ್‍ಲ್ ನಿಂಗಡ ವಿಷಯತ್ ನಾನ್ ಕುತ್ತ ಪರಿಯುವೀಂದ್ ಗೇನ ಮಾಡತಿ; ನಿಂಗ ನಂಬುವ ಮೋಶೆನೇ ನಿಂಗಡ ಮೇಲೆ ಕುತ್ತ ಪರಿಯುವ.

ಯೋಹಾನ 7:19

ಮೋಶೆ ನಿಂಗಕ್ ನ್ಯಾಯಪ್ರಮಾಣತ್‍ನ ತಂದಿತ್‌ಲ್ಲೆಯಾ? ಆಚೇಂಗಿಯು, ದಾರೂ ಅಂವೊಂಡ ನ್ಯಾಯಪ್ರಮಾಣ ಎಣ್ಣುವನೆಕೆ ಮಾಡುಲೆ; ಪಿಂಞ, ನಿಂಗ ಎನ್ನಂಗಾಯಿತ್ ನನ್ನ ಕೊಲ್ಲ್‌ವಕ್ ಪೇಚಾಡ್‌ವಿರಾಂದ್ ಕ್‍ೕಟತ್.

ಯೋಹಾನ 8:33

ಅದ್ಂಗ್ ಅಯಿಂಗ: ನಂಗ ಅಬ್ರಹಾಮಂಡ ಸಂತಾನಕಾರಂಗ, ನಂಗ ಏದ್ ಸಮಯತ್‍ಲು ದಾರ್‌ಕು ಅಡಿಯಾಳಾಯಿತ್ ಇಂಜಿತ್‌ಲ್ಲೆ; ಅನ್ನನೆ ಇಪ್ಪಕ, ನಿಂಗ ಬುಡ್‍ಗಡೆ ಆಪಿರಾಂದ್ ಎನ್ನನೆ ಎಣ್ಣುವಿಯಾಂದ್ ಕ್‍ೕಟತ್.

ಯೋಹಾನ 8:41

ನಿಂಗ ನಿಂಗಡ ಅಪ್ಪ ಮಾಡ್‌ನಾನ ಮಾಡ್‌ವಿರಾಂದ್ ಎಣ್ಣ್‌ಚಿ. ಅಕ್ಕ ಅಯಿಂಗ ಅಂವೊಂಗ್: ನಂಗ ತಪ್ಪಾಯಿತ್ ಪುಟ್ಟ್‌ನಯಿಂಗ ಅಲ್ಲ, ನಂಗಕ್ ಒರೇ ಅಪ್ಪ ಮಾತ್ರ ಉಂಡ್, ಅಂವೊನೇ ನಂಗಡ ದೇವಾಂದ್ ಕೂತ್ ಕೊಡ್‍ತತ್.

ರೋಮ್ 2:23

ನ್ಯಾಯಪ್ರಮಾಣತ್‍ನ ಹೊಗಳುವ ನಿಂಗ ಅದ್ ಎಣ್ಣುವನೆಕೆ ನಡ್‍ಕತೆ, ದೇವಕ್ ಅವಮಾನ ಆಪನೆಕೆ ಮಾಡಲುವ?

ರೋಮ್ 3:27

ಅಕ್ಕ, ಎನ್ನಂಗ್ ಹೊಗಳಿಚಿಡಂಡು? ಅನ್ನನೆ ಮಾಡ್‌ವಕ್ ಜಾಗ ಇಲ್ಲತೆ ಪೋಚಿ. ನಂಗಕ್ ಪಾಪತ್‍ರ ಶಿಕ್ಷೆ ಕ್‍ಟ್ಟತನೆಕೆ ಮಾಡ್‍ನದ್ ಏದ್ ಪ್ರಮಾಣತ್‍ರಗುಂಡ್? ಕ್ರಿಯೆರ ಪ್ರಮಾಣತ್‍ರಗುಂಡಾ? ಅಲ್ಲ, ನಂಬಿಕೇರ ಪ್ರಮಾಣತ್‍ರ ಮೂಲಕವೇ.

ರೋಮ್ 9:32

ಎನ್ನಂಗೆಣ್ಣ್‌ಚೇಂಗಿ: ಅಯಿಂಗ ನಂಬಿಕೇರ ಮೂಲಕ ಅದ್‍ನ ತ್‍ೕಡತೆ, ನ್ಯಾಯಪ್ರಮಾಣತ್‍ರ ಕ್ರಿಯೆರ ಮೂಲಕ ಅದ್‍ನ ತ್‍ೕಡ್‍ನಗುಂಡ್ ಅಯಿಂಗಕ್ ಕ್‍ಟ್ಟಿತ್‌ಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ತಡ್‍ಪ ಕಲ್ಲ್‌ರಗುಂಡ್ ಅದ್ಂಡಮೇಲೆ ಅಯಿಂಗ ಬುದ್ದತ್.

2 ಕೊರಿಂಥ 11:22

ಅಯಿಂಗ ಇಬ್ರಿಯರಾ? ನಾನು ಇಬ್ರಿಯನೇ. ಅಯಿಂಗ ಇಸ್ರಾಯೇಲರ? ನಾನು ಇಸ್ರಾಯೇಲನೇ. ಅಯಿಂಗ ಅಬ್ರಹಾಮಂಡ ಸಂತಾನಕಾರಂಗಳಾ? ನಾನು ಅಬ್ರಹಾಮಂಡ ಸಂತಾನಕಾರನೇ.

ಗಲಾತ್ಯ 2:15

ನಾನು ನಿಂಗಳು ಯೆಹೂದ್ಯಂಗಳಾಯಿತೇ ಪುಟ್ಟ್‌ನಯಿಂಗ, ಯೆಹೂದ್ಯರಲ್ಲತ ಜನಡರನೆಕೆ ಪಾಪಿಯಂಗ ಅಲ್ಲ.

ಎಫೆಸ 2:11

ಆನಗುಂಡ್, ಮಿಂಞತ್‍ರ ಕಾಲತ್‍ಲ್ ಎನ್ನನೆ ಇಂಜಿರಾಂದ್ ಗೇನ ಮಾಡಿಯೊಳಿ; ನಿಂಗ ಯೆಹೂದ್ಯಂಗಳಾಯಿತ್ ತಡೀರ ಪ್ರಕಾರ ಪುಟ್ಟಿತ್‌ಲ್ಲೆ, ತಡೀಲ್ ಸುನ್ನತಿ ಮಾಡ್‍ನಯಿಂಗ ನಿಂಗಳ ಸುನ್ನತಿ ಮಾಡತಯಿಂಗಾಂದ್ ಕಾಕಿಯಂಡಿಂಜತ್.

ಪ್ರಕಟನೆ 2:9

ನೀಕುಳ್ಳ ಹಿಂಸೆನ ಪಿಂಞ ನೀನ್ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು ಗರೀಬನಾಯಿತ್ ಇಪ್ಪದ್ ನಾಕ್ ಗೊತ್ತುಂಡ್. ಪಿಂಞ ಯೆಹೂದ್ಯಂಗಾಂದ್ ಎಣ್ಣ್‌ಚೇಂಗಿಯು ಯೆಹೂದ್ಯ ಅಲ್ಲತಯಿಂಗಳಾಯಿತ್ ಅಯಿಂಗ ಎಣ್ಣುವ ದೂಷಣೆ ನಾಕ್ ಗೊತ್ತುಂಡ್. ಅಯಿಂಗ ಸೈತಾನಂಡ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತುಂಡ್.

ಪ್ರಕಟನೆ 3:1

ಸಾರ್ದಿಸಿ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ದೇವಡ ಏಳ್ ಆತ್ಮತ್‌ನ ಪಿಂಞ ಏಳ್ ನಕ್ಷತ್ರತ್‍ನ ಪುಡ್‌ಚಂಡುಳ್ಳಂವೊ ಇದ್‍ನ ಎಣ್ಣಿಯಂಡುಳ್ಳ. ನೀಡ ಕ್ರಿಯೆ ನಾಕ್ ಗೊತ್ತುಂಡ್, ನೀನ್ ಬದ್‍ಕಿಯಂಡ್ ಉಂಡ್‍ೕಂದ್‌ ಎಲ್ಲಾರು ಎಣ್ಣಿಯಂಡಿಂಜತೇಂಗಿಯು ನೀನ್ ಚತ್ತ್ ಪೋನಂವೊಂಡನೆಕೆ ಉಳ್ಳಿಯ.

ಪ್ರಕಟನೆ 3:9

ಇದಾ, ಯೆಹೂದ್ಯ ಅಲ್ಲತಯಿಂಗಳಾಯಿತ್ ಇಂಜತೇಂಗಿಯು ಯೆಹೂದ್ಯಂಗಾಂದ್ ಪೊಟ್ಟ್ ಪರ್ಂದಂಡುಳ್ಳ ಸೈತಾನಂಡ ಸಬಾಮಂದಿರಕ್ ಕೂಡ್‍ನ ಚೆನ್ನ ಜನಳ ನೀಕ್ ತಪ್ಪಿ; ಇದಾ, ಅಯಿಂಗ ನೀಡ ಕಾಲ್‌ಕ್ ಬೂವನೆಕೆ ನಾನ್ ಮಾಡ್‌ವಿ. ನಾನ್ ನಿನ್ನ ಪ್ರೀತಿ ಮಾಡಿಯಂಡುಳ್ಳ್‍ೕಂದ್ ಗೊತ್ತಾಪನೆಕೆ ಇನ್ನನೆ ಮಾಡ್‌ವಿ.