ರೋಮ್ 2:16 - ಕೊಡವ ಬೈಬಲ್

¹⁶ ಇದ್, ನಾನ್ ಎಣ್ಣುವ ದೇವಡ ನಲ್ಲ ಸುದ್ದಿರನೆಕೆ, ದೇವ ಯೇಸು ಕ್ರಿಸ್ತಂಡ ಮೂಲಕ ಮನುಷ್ಯಂಗಡ ಗುಟ್ಟ್‌ನೆಲ್ಲ ನ್ಯಾಯತೀರ್ಪ್ ಮಾಡ್‌ವ ದಿವಸತ್‍ಲ್ ಆಪ.

ರೋಮ್ 2:16 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:25

ನೀನ್‌ ನೇರಾಯಿತು ದುಷ್ಟಂಗಡ ಕೂಡೆ ನೀತಿವಂತಯಿಂಗಳ ನಾಶ ಮಾಡುಲೆ. ನೀನ್‌ ಎನ್ನನೆ ದುಷ್ಟಂಗಳ ಪಿಂಞ ನೀತಿವಂತಯಿಂಗಳ ಒರೇ ಲೆಕ್ಕತ್‌ ನೋಟ್‌ವಕಯ್ಯು. ನೀನ್‌ ನೇರಾಯಿತು ಅನ್ನನೆ ಮಾಡುಲೆ! ಬೂಮಿರ ನ್ಯಾಯಾದಿಪತಿ ನ್ಯಾಯವಾನದ್‌ನೇ ಮಾಡುವಲ್ಲಾಂದ್‌ ಎಣ್ಣ್‌ಚಿ.

ಮತ್ತಾಯ 16:27

ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:17

ಪೊರಮೆ ಬಕ್ಕತೆ ಇಪ್ಪ ಗುಟ್ಟ್ ಒಂದು ಇಲ್ಲೆ, ಒಳ್‌ಪ್‌ಚ್ಚಿಟಂಡ್ ಉಳ್ಳದೆಲ್ಲ ಪೊರಮೆ ಬಪ್ಪ, ಮುಚ್ಚಿತುಳ್ಳದೆಲ್ಲಾ ಬೊಳಿಕ್ ಬಪ್ಪ. ಆನಗುಂಡ್ ನಿಂಗ ಎಂತ ಕ್‍ೕಪಿರ, ಅದ್‍ನ ಎಚ್ಚರತ್‍ಲ್ ಕ್‍ೕಳಿ.

ಯೋಹಾನ 12:48

ನನ್ನ ಅಲ್ಲಗೆಳೆದಿತ್, ನಾಡ ವಾಕ್ಯತ್‍ನ ಸ್ವೀಕಾರ ಮಾಡತಯಿಂಗಳ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಎಣ್ಣ್‌ನ ದೇವಡ ವಾಕ್ಯವೇ ಆಕೀರ್ ದಿವಸತ್‍ಲ್ ಅಂವೊನ ನ್ಯಾಯತೀರ್ಪ್ ಮಾಡ್‌ವ.

ಅಪೊಸ್ತಲ 10:42

ಅಂವೊನೇ ಜೀವವಾಯಿತುಳ್ಳಯಿಂಗಕು, ಚತ್ತಯಿಂಗಕು ದೇವ ನೇಮಿಚಿಟ್ಟ ನ್ಯಾಯಾದಿಪತಿಯಾಯಿತುಂಡ್‍ೕಂದ್ ಜನಕ್ ಪ್ರಸಂಗ ಮಾಡ್‌ವಕು, ಸಾಕ್ಷಿಯಾಯಿತ್ ಎಣ್ಣ್‌ವಕು, ಅಂವೊ ನಂಗಕ್ ಆಜ್ಞೆ ಕೊಡ್‌ತಿತುಂಡ್.

ಅಪೊಸ್ತಲ 17:31

ದೇವ ಒರ್ ದಿವಸತ್‍ನ ಗೊತ್ತ್ ಮಾಡಿತುಂಡ್; ಅಂವೊ ನೇಮಿಚಿಟ್ಟಂವೊಂಡ ಮೂಲಕ, ಈ ಲೋಕತ್‍ನ ಸರಿಯಾಯಿತ್ ನ್ಯಾಯತೀರ್ಪ್ ಮಾಡ್‌ವ; ಆ ಮನುಷ್ಯನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ನಗುಂಡ್, ಅನ್ನನೆ ಮಾಡ್‌ವಾಂದ್ ಅಂವೊ ಎಲ್ಲಾ ಜನಕು ಸಾಕ್ಷಿಯಾಯಿತ್ ಮಾಡ್‍ಚೀಂದ್ ಪೌಲ ಎಣ್ಣ್‌ಚಿ.

ರೋಮ್ 16:25

ನಾಡ ದೇವಡ ನಲ್ಲ ಸುದ್ದಿ ಎಣ್ಣುವನೆಕೆ, ನಿಂಗಳ ಸ್ತಿರಪಡ್‌ತ್‍ವಕ್ ಶಕ್ತಿ ಉಳ್ಳಂವೊನಾಯಿತ್ತುಳ್ಳ ದೇವಕ್ ಎಲ್ಲಾ ಮಹಿಮೆಯು ಇರಡ್. ಯೇಸು ಕ್ರಿಸ್ತಂಡ ಈ ವಿಷಯತ್‍ರ ಮೂಲಕ ಯೆಹೂದ್ಯಂಗಲ್ಲತಯಿಂಗಕ್, ಪಂಡಿಂಜೇ ಗುಟ್ಟಾಯಿತ್ ಬೆಚ್ಚಿತ್ಂಜ ಮರ್ಮ, ಪ್ರಕಟನೆ ಆಚಿ.

ರೋಮ್ 2:5

ಆಚೇಂಗಿ, ನಿಂಗಡ ಕಠಿಣ ಹೃದಯತ್‍ರಗುಂಡ್ ಪಿಂಞ ವಾಸಿ ಆಕತ ಹೃದಯತ್‍ರಗುಂಡ್, ನೀತಿಯುಳ್ಳ ತೀರ್ಪ್ ತಪ್ಪ ದೇವಡ ಬಲ್ಯ ಚೆಡಿರ ದಿವಸತ್‍ಲ್, ನಿಂಗ ನಿಂಗಕಾಯಿತ್ ದೇವಡ ಬಲ್ಯ ಚೆಡಿನ ಕೂಟಿ ಬೆಚ್ಚಂಡುಳ್ಳಿರಲ್ಲ?

ರೋಮ್ 3:6

ಅನ್ನನೆ ಅಲ್ಲ! ಅನ್ನನೆ ಆಚೇಂಗಿ, ದೇವ ಎನ್ನನೆ ಈ ಲೋಕತ್‍ನ ತೀರ್ಪ್ ಮಾಡ್‌ವ?

1 ಕೊರಿಂಥ 15:1

ಅಕ್ಕ, ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಮಿಂಞಲೇ ಪ್ರಚಾರ ಮಾಡ್‍ನ ದೇವಡ ನಲ್ಲ ಸುದ್ದಿನ ಪುನಃ ನಿಂಗಡ ನೆನಪ್‌ಕ್ ಕೊಂಡ್ ಬಪ್ಪಿ. ಅಕ್ಕ ನಿಂಗಕ್ ಕ್‍ಟ್ಟ್‌ನ ಈ ಬೋದನೆಲ್ ಬೊಳ್ಂದಂಡ್, ನಂಬಿಕೇಲ್ ದೃಡವಾಯಿತುಳ್ಳಿರ.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

2 ಕೊರಿಂಥ 5:10

ಎನ್ನಂಗೆಣ್ಣ್‌ಚೇಂಗಿ, ಒಬ್ಬೊಬ್ಬನು ತಡೀಲ್ ಮಾಡ್‍ನ ನಲ್ಲದಾಡ್ ಕೆಟ್ಟದಾಡ್, ಅದ್ಂಡ ತಕ್ಕ ಫಲ ಕ್‍ಟ್ಟ್‌ವಕಾಯಿತ್ ಕ್ರಿಸ್ತಂಡ ನ್ಯಾಯಾಸ್ತಾನತ್‍ರ ಮಿಂಞ ನಿಕ್ಕಂಡು.

ಗಲಾತ್ಯ 1:11

ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಪ್ರಚಾರ ಮಾಡ್‍ನ ನಲ್ಲ ಸುದ್ದಿರ ಬೋದನೆ ಒರ್ ಮನುಷ್ಯಂಡ ಗೇನತ್‍ರಗುಂಡ್ ಕ್‍ಟ್ಟ್‌ನದ್ ಅಲ್ಲಾಂದ್ ನಿಂಗಕ್ ಚಾಯಿತೆ ಗೊತ್ತಾಂಡೂಂದ್ ನಿಂಗಕ್ ಎಣ್ಣ್‌ವಿ.

1 ತಿಮೊಥೆಯ 1:11

ಆಶೀರ್ವಾದತ್‍ರ ದೇವಡ ಮಹಿಮೆಯಾನ ನಲ್ಲ ಸುದ್ದಿರನೆಕೆ ನಾಕ್ ತಂದ ನಲ್ಲ ಬೋದನೆಕ್ ವಿರೋದವಾಯಿತ್ ಮಾಡ್‌ವಯಿಂಗಕೇ ಅದ್‍ನ ಕೊಡ್‍ತತ್.

2 ತಿಮೊಥೆಯ 2:8

ದಾವೀದಂಡ ಸಂತಾನಕಾರನಾನ ಯೇಸು ಕ್ರಿಸ್ತ, ನಾನ್ ಬೋದನೆ ಮಾಡ್‍ನ ನಲ್ಲ ಸುದ್ದಿರನೆಕೆ, ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಾತ್‍ೕಂದ್ ಎಣ್ಣುವ ವಿಷಯತ್‍ನ ಗೇನ ಬೆಚ್ಚ.

2 ತಿಮೊಥೆಯ 4:1

ದೇವಡ ಮಿಂಞತ್, ಪಿಂಞ ಬದ್‍ಕಿತುಳ್ಳಯಿಂಗಳ ಪಿಂಞ ಚತ್ತಯಿಂಗಳ ತೀರ್ಪ್ ಮಾಡ್‌ವಕುಳ್ಳ ಯೇಸು ಕ್ರಿಸ್ತಂಡ ಮಿಂಞತ್, ಪಿಂಞ ಅಂವೊ ಪುನಃ ಆಳುವಕ್ ರಾಜಾನಾಯಿತ್ ಬಪ್ಪಕುಳ್ಳ ಪ್ರಸನ್ನತ್‌ಲ್ ನಾನ್ ಇದ್‍ನ ನೀಕ್ ಆಜ್ಞೆ ಮಾಡ್‌ವಿ.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಇಬ್ರಿಯ 9:27

ಒರೇ ಕುರಿ ಚಾವದು, ಪಿಂಞ ನ್ಯಾಯತೀರ್ಪ್ ಕ್‍ಟ್ಟ್‌ವದು ಮನುಷ್ಯಂಗಕ್ ನೇಮಿಚಿಟ್ಟಿತುಂಡ್.

1 ಪೇತ್ರ 4:5

ಆಚೇಂಗಿ, ಅನ್ನನೆ ಬದ್‍ಕಿಯಂಡ್ ಉಳ್ಳಯಿಂಗಕ್ ಪಿಂಞ ಚತ್ತಯಿಂಗಕ್ ನ್ಯಾಯತೀರ್ಪ್ ಕೊಡ್‍ಪಕ್ ತಯಾರಾಯಿತ್ ಉಳ್ಳಂವೊಂಗ್ ಅಯಿಂಗ ಲೆಕ್ಕ ಕೊಡ್‍ಕಂಡು.

2 ಪೇತ್ರ 2:9

ಅನ್ನನೆ ಆಚೇಂಗಿ, ಬಕ್ತಿಯುಳ್ಳಯಿಂಗಳ ಅಯಿಂಗಕ್ ಬಪ್ಪ ಸೋದನೆಯಿಂಜ ಕಾಪಾಡ್‌ವಕು, ಅನೀತಿಯಾನಯಿಂಗಳ ನ್ಯಾಯತೀರ್ಪ್ ನಾಳ್‍ಕತ್ತನೆ ಶಿಕ್ಷೇಲ್ ಬೆಚ್ಚಿತ್‌ಪ್ಪಕು ಒಡೆಯಂಗ್ ಗೊತ್ತುಂಡ್.