ರೋಮ್ 2:14 - ಕೊಡವ ಬೈಬಲ್

¹⁴ ನ್ಯಾಯಪ್ರಮಾಣ ಕ್‍ಟ್ಟತ ಯೆಹೂದ್ಯಂಗಲ್ಲತ ಜನ ಅಯಿಂಗಡ ಸ್ವಾಬಾವಿಕವಾಯಿತ್ ಮಾಡ್‌ವಗುಂಡ್, ನ್ಯಾಯಪ್ರಮಾಣ ಇಲ್ಲತ ಅಯಿಂಗ, ಅಯಿಂಗಕ್ ಅಯಿಂಗಳೇ ನೇರಾಯಿತ್ ನ್ಯಾಯಪ್ರಮಾಣವಾಯುತುಂಡ್.

ರೋಮ್ 2:14 ပူးပေါင်းရင်းမြစ်များ

ಅಪೊಸ್ತಲ 10:35

ಅಯಿಂಗ ಏದ್ ದೇಶತ್‍ರ ಜನವಾಯಿತ್ಂಜತೇಂಗಿಯು ಆಡ್, ಆಚೇಂಗಿ ಅಯಿಂಗ ದೇವಕ್ ಬೊತ್ತಿತ್, ನೀತಿರ ಬಟ್ಟೇಲ್ ನಡ್ಂದತೇಂಗಿ ಅಂವೊ ಸ್ವೀಕಾರ ಮಾಡ್‌ವ.

ಅಪೊಸ್ತಲ 14:16

ಕಯಿಂಜ ಕಾಲತ್‍ಲ್, ಅಂವೊ ಎಲ್ಲಾ ಜನತ್‍ನ ಅಯಿಂಗಯಿಂಗಡ ಮನಸ್ಸ್‌ಕ್ ಕುಶಿಯಾನ ಬಟ್ಟೇಲ್ ನಡ್‍ಪಕ್ ಬುಟ್ಟತೇಂಗಿಯು,

ಅಪೊಸ್ತಲ 17:30

ಜನಕ್ ನೇರಾಯಿತು ಗೊತ್ತಿಲ್ಲತ ಕಾಲತ್‍ಲ್ ಇನ್ನನೆ ಮಾಡ್‌ನಾನ ದೇವ ಲೆಕ್ಕ ಬೆಚ್ಚಿತ್‌ಲ್ಲೆ. ಆಚೇಂಗಿ ಇಕ್ಕ, ಎಲ್ಲಾ ಜಾಗತು, ಎಲ್ಲಾ ಜನಳು ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರ್‌ಗಂಡೂಂದ್ ಹುಕುಮ್ ಕೊಡ್‍ತಂಡುಂಡ್.

ರೋಮ್ 1:32

ಇನ್ನನೆ ಮಾಡ್‌ವಯಿಂಗ ಮರಣಕ್ ಯೋಗ್ಯವಾನಯಿಂಗಾಂದ್ ದೇವಡ ನ್ಯಾಯತೀರ್ಪ್ ಅಯಿಂಗಕ್ ಗೊತ್ತುಂಡೇಂಗಿಯು, ಅಯಿಂಗ ಅದ್‍ನ ಮಾಡ್‍ವದಲ್ಲತೆ, ಇನ್ನನೆ ಕೆಟ್ಟ ಕೆಲಸ ಮಾಡ್‌ವಯಿಂಗಳ ಇಂಞು ಮಾಡ್‌ವಕ್ ಒತ್ತಾಸೆ ಕೊಡ್‍ಪಯಿಂಗಳಾಯಿತುಂಡ್.

ರೋಮ್ 2:12

ನ್ಯಾಯಪ್ರಮಾಣ ಇಲ್ಲತೆ ಪಾಪ ಮಾಡ್‌ವಯಿಂಗ, ನ್ಯಾಯಪ್ರಮಾಣ ಇಲ್ಲತೆ ನಾಶ ಆಯಿಪೋಪ, ದಾರೆಲ್ಲ ನ್ಯಾಯಪ್ರಮಾಣಕ್ ಒಳಪಟ್ಟಿತ್ ಪಾಪ ಮಾಡ್‍ಚೋ ಅಯಿಂಗಕ್ ನ್ಯಾಯಪ್ರಮಾಣತ್‍ರಗುಂಡ್ ನ್ಯಾಯತೀರ್ಪ್ ಕ್‍ಟ್ಟ್‌ವ.

ರೋಮ್ 2:15

ಅಯಿಂಗಡ ಮನಸಾಕ್ಷಿ ಸಹ ಸಾಕ್ಷಿ ಎಣ್ಣ್‌ವಗುಂಡ್, ಇದ್ ತಪ್ಪ್ ಇದ್ ತಪ್ಪ್ ಅಲ್ಲಾಂದ್ ಅಯಿಂಗಡ ಗೇನ ಒಂದಾನ ಒಂದ್ ತೀರ್ಪ್ ಮಾಡ್‌ವಗುಂಡ್ ಪಿಂಞ ನ್ಯಾಯಪ್ರಮಾಣತ್‍ರ ಪ್ರಕಾರ ಮಾಡ್‌ವಕುಳ್ಳ ಕ್ರಿಯೆ ಅಯಿಂಗಡ ಹೃದಯತ್‍ಲ್ ಒಳ್‍ದಿತುಂಡ್‍ೕಂದ್ ಅಯಿಂಗ ಕಾಟಿಯಂಡುಂಡ್.

ರೋಮ್ 2:27

ತಡೀಲ್ ಸುನ್ನತಿ ಮಾಡತಯಿಂಗಳಾಯಿತ್ ಇಂಜತೇಂಗಿಯು, ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಳಾಯಿತ್ಂಜತೇಂಗಿ, ನ್ಯಾಯಪ್ರಮಾಣ ಗೊತ್ತುಳ್ಳಯಿಂಗಳಾಯಿತು, ಸುನ್ನತಿ ಮಾಡ್‍ನಯಿಂಗಳಾಯಿತು ಉಳ್ಳ ನಿಂಗ ನ್ಯಾಯಪ್ರಮಾಣತ್‍ನ ಮೀರಿತ್ ನಡ್‍ಪಕ, ಅಯಿಂಗ ನಿಂಗಳ ತೀರ್ಪ್ ಮಾಡ್‌ವ ಅಲ್ಲ?

1 ಕೊರಿಂಥ 11:14

ಒರ್ ಆಣಾಳ್ ಅಂವೊಂಡ ತೆಲ್‍ಮಿನ ಉದ್ದವಾಯಿತ್ ಬೊಳ್‍ತ್‍ವದ್ ಅಂವೊಂಗ್ ಅವಮಾನವಾಯಿತುಂಡ್‍ೕಂದು,

1 ಕೊರಿಂಥ 9:21

ನ್ಯಾಯಪ್ರಮಾಣತ್‍ನ ಗೊತ್ತಿಲ್ಲತ ಯೆಹೂದ್ಯರಲ್ಲತ ಜನಡ ಕೂಡೆ ಇಪ್ಪಕ, ಅಯಿಂಗಳ ಸಂಪಾದನೆ ಮಾಡ್‌ವಕಾಯಿತ್ ನಾನು ನ್ಯಾಯಪ್ರಮಾಣತ್‍ನ ಮಾಡತಂವೊನಾಯಿತ್ ಇಂಜ್. ಆಚೇಂಗಿಯು, ನಾನ್ ನ್ಯಾಯಪ್ರಮಾಣತ್‍ನ ತ್‍ಕ್ಕಾರ ಮಾಡಿತ್ತ್‌ಲ್ಲೆ; ಕ್ರಿಸ್ತಂಡ ಕಾನೂನ್‍ಕ್ ತಗ್ಗಿತ್ ನಡ್‍ಪಂವೊನಾಯಿತ್ ಉಂಡ್.

ಎಫೆಸ 2:12

ಅಕ್ಕ ನಿಂಗ ಕ್ರಿಸ್ತಂಡಲ್ಲಿ ಕೂಡತಯಿಂಗಳಾಯಿತ್, ಇಸ್ರಾಯೇಲ್ ರಾಜ್ಯಕ್ ಕೂಡತಯಿಂಗಳಾಯಿತ್, ದೇವಡ ಒಪ್ಪಂದತ್‍ರ ವಾಗ್ದಾನಕ್ ಕೂಡತಯಿಂಗಳಾಯಿತ್, ನಿರೀಕ್ಷೆ ಇಲ್ಲತಯಿಂಗಳಾಯಿತ್, ಈ ಲೋಕತ್‍ಲ್ ದೇವ ಇಲ್ಲತಯಿಂಗಳಾಯಿತ್ ಬದ್‌ಕಿಯಂಡಿಂಜಿರಾಂದ್ ಗೇನ ಬೆಚ್ಚೊಳಿ.

ಎಫೆಸ 2:3

ನಂಗಳು ಸಹ ಅನ್ನನೆ ನಂಗಡ ತಡೀರ ಇಚ್ಛೆರ ಪ್ರಕಾರ ನಡ್ಂದಂಡ್, ನಂಗಡ ತಡಿ ಪಿಂಞ ಮನಸ್ಸ್ ಇಷ್ಟ ಪಟ್ಟಾನ ಮಾಡಿಯಂಡ್ ಇಂಜತ್. ಅನ್ನನೆ ನಂಗಡ ಪಾಪ ಗುಣತ್‍ರ ಪ್ರಕಾರ ಬೋರೆಯಿಂಗಡನೆಕೆ ದೇವಡ ಬಲ್ಯ ಚೆಡಿರ ಮಕ್ಕಳಾಯಿತ್ ಶಿಕ್ಷೆಕ್ ಒಳಪಟ್ಟಿತ್ಂಜತ್.

ಫಿಲಿಪ್ಪಿ 4:8

ಆಕೀರ್‌ಕ್, ನಾಡ ಅಣ್ಣತಮ್ಮಣಂಗಳೇ, ಏದೆಲ್ಲಾ ಸತ್ಯವೊ, ಏದೆಲ್ಲಾ ಯೋಗ್ಯವೊ, ಏದೆಲ್ಲಾ ನೀತಿಯುಳ್ಳದೋ, ಏದೆಲ್ಲಾ ಶುದ್ದವಾನದೋ, ಏದೆಲ್ಲಾ ನಲ್ಲದೋ, ಏದೆಲ್ಲಾ ಬಾರಿ ಚಾಯಿ ಉಂಡೋ, ಎದಂಗೆಲ್ಲಾ ನಲ್ಲ ಪೆದ ಉಂಡೋ, ಏದೆಲ್ಲಾ ಹೊಗಳುವನಕೆ ಉಂಡೋ ಅಂತ ವಿಷಯತ್‍ನ ನಿಂಗ ಎಕ್ಕಾಲು ಗೇನ ಮಾಡಿಯಂಡಿರಿ.