11 ದೇವ ದಾರ್‌ಕು ಪಕ್ಷಪಾತ ಮಾಡುಲೆ.
ಅಯಿಂಗ ಹೆರೋದ ರಾಜಂಡ ಜನಡ ಕೂಡೆ ಅಯಿಂಗಡ ಶಿಷ್ಯಂಗಳ ಅಯಿಚತ್. ಅಯಿಂಗ ಬಂತ್, ಉಪಾದ್ಯನೇ, ನೀನ್ ಸತ್ಯ ಉಳ್ಳಂವೊನು, ದೇವಡ ಚಿತ್ತತ್‍ರ ವಿಷಯತ್ ಜನಕ್ ಸತ್ಯವಾಯಿತ್ ಬೋದನೆ ಮಾಡ್‍ವಿಯಾಂದೂ, ದಾರ್‌ಕು ಬೊತ್ತ್‌ವಂವೊ ಅಲ್ಲಾಂದು, ಪಕ್ಷಪಾತ ಇಲ್ಲತಂವೋಂದು ನಂಗಕ್ ಗೊತ್ತುಂಡ್.
ಅಯಿಂಗ ಯೇಸುರ ಪಕ್ಕ ಬಂತ್: ಉಪಾದ್ಯನೇ, ನೀನ್ ಪರಿಯುವ ತಕ್ಕ್ ಪಿಂಞ ಮಾಡ್‌ವ ಬೋದನೆ ಸತ್ಯಾಂದ್ ನಂಗಕ್ ಗೊತ್ತುಂಡ್. ಏದ್ ತರತ್‍ರ ಜನ ಆಯಿತುಂಡೇಂಗಿಯು, ನೀನ್ ಅಯಿಂಗಳ ಒರೇ ತರತ್‍ಲ್ ನೋಟಿತ್ ದೇವಡ ವಿಷಯತ್‍ನ ಸತ್ಯವಾಯಿತ್ ಬೋದನೆ ಮಾಡ್‌ವಿಯ.
ಅಕ್ಕ ಪೇತ್ರ ತಕ್ಕ್ ಪರಿಯುವಕ್ ಸುರು ಮಾಡಿತ್, ದೇವ ಪಕ್ಷಪಾತ ಮಾಡುಲೇಂದ್ ಇಕ್ಕ ನಾಕ್ ಅರ್ಥ ಆಚಿ.
ಅಕ್ಕ, ನಂಗಕ್ ಎಂತ ಎಣ್ಣುವಕ್ ಕಯ್ಯು? ದೇವಡ ಪಕ್ಕ ಅನೀತಿ ಉಂಡ್‍ೕಂದ್ ಎಣ್ಣ್‌ವದಾ? ಅನ್ನನೆ ಇಲ್ಲವೇ ಇಲ್ಲೆ.
ಅಯಿಂಗಡ ಪೆರಿಯಯಿಂಗಾಂದ್ ಎಣ್ಣ್‌ವಯಿಂಗ ನಾನ್ ಎಣ್ಣ್‌ನ ವಿಷಯತ್‍ರ ಕೂಡೆ ಒಂದು ಕೂಟಿತ್ ತಕ್ಕ್ ಪರ್ಂದಿತ್‌ಲ್ಲೆ. (ಅಯಿಂಗ ಎಚ್ಚಕ್ ಪೆರಿಯಯಿಂಗಳಾಯಿತ್ ಇಂಜತೇಂಗಿಯು ನಾಕ್ ಒಂದು ಇಲ್ಲೆ, ಎನ್ನಂಗೆಣ್ಣ್‌ಚೇಂಗಿ, ದೇವಡ ಮಿಂಞತ್‍ಲ್ ಪೆರಿಯಂವೊ ಚೆರಿಯಂವೋಂದ್ ದಾರೂ ಇಲ್ಲೆ).
ಎಜಮಾನಂಗಳೇ, ನಿಂಗಳು ಸಹ, ಅಡಿಯಾಳ್‌ವಕ್ ಮಾಡ್‌ವಕ್ಕುಳ್ಳಾನ ಮಾಡಿತ್, ಅಯಿಂಗಕು ನಿಂಗಕು ಒರೇ ಎಜಮಾನ ಪರಲೋಕತ್‍ಲ್ ಉಂಡ್‍ೕಂದು ಪಿಂಞ ಅಂವೊ ದಾರ್‌ಕು ಪಕ್ಷಪಾತ ಮಾಡುಲೇಂದ್ ಗೇನ ಮಾಡಿತ್, ಅಯಿಂಗಳ ಬೊತ್ತ್‌ಚಿಡತಿ.
ಆಚೇಂಗಿ, ನಿಂಗ ಅನ್ಯಾಯ ಮಾಡ್‍ಚೇಂಗಿ, ನಿಂಗ ಮಾಡ್‍ನ ಅನ್ಯಾಯಕ್ ತಕ್ಕಂತ ಫಲ ಕ್‍ಟ್ಟುವ, ಎನ್ನಂಗೆಣ್ಣ್‌ಚೇಂಗಿ, ದೇವ ದಾರ್‌ಕು ಪಕ್ಷಪಾತ ಮಾಡುಲೆ.
ಮೂಡ್‍ನ ನೋಟಿತ್ ಪಕ್ಷಪಾತವಿಲ್ಲತೆ, ಅಯಿಂಗಡ ಕ್ರೀಯರನೆಕೆ ನ್ಯಾಯತೀರ್ಪ್‌ನ ತಪ್ಪ ಅಪ್ಪನ ನಿಂಗ ಆರಾದರನೆ ಮಾಡಿಯಂಡ್ ಉಳ್ಳಾಂಗ್, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವನೆಕೆ, ದೇವಡ ಮೇಲೆ ಪೋಡಿಲ್ ಬದ್‍ಕಂಡು.
