ರೋಮ್ 2:1 - ಕೊಡವ ಬೈಬಲ್

¹ ಆನಗುಂಡ್, ಬೋರೆಯಿಂಗಳ ತೀರ್ಪ್ ಮಾಡ್‌ವ ನಿಂಗ ದಾರಾಯಿತ್ ಇಂಜತೇಂಗಿಯು, ನಿಂಗ ಮಾಡ್‍ನದ್ ಸರೀಂದ್ ಎಣ್ಣ್‌ವಕ್ ಕಯ್ಯುಲೆ; ನಿಂಗ ಪಾಪಾಂದ್ ತೀರ್ಪ್ ಮಾಡ್‌ವ ವಿಷಯತ್‍ನ ನಿಂಗಳೇ ಮಾಡ್‌ವಗುಂಡ್, ನಿಂಗ ಮಾಡ್‌ವ ತೀರ್‌ಪಿಂಜ, ನಿಂಗಳ ನಿಂಗಳೇ ಪಾಪ ಮಾಡ್‌ನಯಿಂಗಾಂದ್ ತೀರ್ಪ್ ಮಾಡ್‌ವಿರ.

ರೋಮ್ 2:1 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:14

ನಾಡ ಸ್ನೇಹಿತನೇ: ನಿಂಗಡ ಆಸ್ತಿನ ದಂಡಾಳ್‌ಕ್ ಪಾಲ್ ಮಾಡ್‌ವಕು, ನ್ಯಾಯಾದಿಪತಿಯಾಯಿತ್ ದಾರ್ ನನ್ನ ನೇಮಿಚಿಟ್ಟತ್‍ೕಂದ್ ಯೇಸು ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:22

ಅದ್ಂಗ್ ರಾಜ: ನೀನ್ ಒಂದಂಗೂ ಪ್ರಯೋಜನ ಇಲ್ಲತ ಆಳ್, ನಾಡದಲ್ಲತ್‍ದ್‍ನ ನಾನ್ ಎಡ್‍ಪೀಂದು, ನಾನ್ ಬಿತ್ತತ್‍ದ್‍ನ ಕೊಯ್ಯುವೀಂದು ನೀಕ್ ಗೊತ್ತ್ಂಜತಲ್ಲ? ಪಿಂಞ ಎನ್ನಂಗ್ ನೀನ್ ನಾಡ ಪಣತ್‍ನ ಬಡ್ಡಿಕ್ ಕೊಡ್‍ತಿತ್‌ಲ್ಲೆ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:37

ನಿಂಗ ದಾರ್‌ನು ತೀರ್ಪ್ ಮಾಡತಿ, ಅಕ್ಕ ದೇವ ನಿಂಗಳ ಸಹ ತೀರ್ಪ್ ಮಾಡುಲೆ; ನಿಂಗ ದಾರ್‌ನು ಕಂಡನೆ ಮಾಡತಿ, ಅಕ್ಕ ದೇವ ನಿಂಗಳ ಸಹ ಕಂಡನೆ ಮಾಡುಲೆ; ಮನ್ನಿಚಿಡಿ, ಅಕ್ಕ ದೇವ ನಿಂಗಳ ಮನ್ನಿಚಿಡುವ.

ರೋಮ್ 14:22

ಅದ್‍ಲ್ ತಪ್ಪು ಒಂದು ಇಲ್ಲೇಂದ್ ನೀನ್ ನಂಬ್‍ಚೇಂಗಿ, ಅದ್‍ನ ನೀಕು ದೇವಕು ಮದ್ಯತ್‍ಲ್ ಬೆಚ್ಚೊಳಿ. ನೀಕ್ ನಲ್ಲದ್‍ೕಂದ್ ನೀನ್ ತೀರ್ಮಾನ ಮಾಡ್‍ನ ವಿಷಯತ್‍ಲ್, ನಿನ್ನ ತಪ್ಪ್ ಮಾಡತಂವೊನಾಯಿತ್ ಕಾಪಾಡಿಯಂಡತೇಂಗಿ ನೀನ್ ಆಶೀರ್ವಾದ ಪಡ್ಂದಂವೊ.

ರೋಮ್ 2:2

ಇನ್ನನೆ ಮಾಡ್‌ವಯಿಂಗಕ್, ದೇವಡ ನ್ಯಾಯತೀರ್ಪ್ ಸತ್ಯತ್‍ರ ಪ್ರಕಾರ, ಉಂಡ್‍ೕಂದ್ ನಂಗಕ್ ಗೊತ್ತುಂಡ್.

ರೋಮ್ 2:3

ಅನ್ನನೆ ಪಾಪ ಮಾಡ್‌ವಯಿಂಗಳ ತೀರ್ಪ್ ಮಾಡ್‌ವ ಮನುಷ್ಯಂಗಳೇ, ಆ ಪಾಪತ್‍ನ ನಿಂಗಳೇ ಮಾಡ್‍ಚೇಂಗಿ, ದೇವಡ ನ್ಯಾಯ ತೀರ್ಪ್‌ಯಿಂಜ ನಿಂಗ ಬಚಾವ್ ಆಪಿರಾಂದ್ ಗೇನ ಮಾಡ್‌ವಿರ?

ರೋಮ್ 3:9

ಅನ್ನನಾಚೇಂಗಿ ಎಂತ? ನಂಗ ಅಯಿಂಗಕಿಂಜ ವಿಷೇಶವಾನಯಿಂಗಳ? ಅನ್ನನೆ ಒಂದು ಇಲ್ಲೆ! ಯೆಹೂದ್ಯಂಗಳಾಚೇಂಗಿಯು ಸರಿ, ಯೆಹೂದ್ಯಂಗಲ್ಲತಯಿಂಗಳಾಚೇಂಗಿಯು ಸರಿ, ಎಲ್ಲಾರು ಪಾಪತ್‍ರ ಶಕ್ತಿರ ಅಡಿಕ್ ಒಳಪಟ್ಟಿತುಂಡ್‍ೕಂದ್ ನಾನ್ ಮಿಂಞಲೇ ದೃಡ ಪಡ್‍ತ್‍ನ.

ರೋಮ್ 9:20

ಅನ್ನನೆ ಆಚೇಂಗಿ ಮನುಷ್ಯ! ದೇವಕ್ ವಿರೋದವಾಯಿತ್ ತಕ್ಕ್ ಪರಿಯುವಕ್ ನೀನ್ ದಾರ್? ಒರ್ ವಸ್ತು, ಅದ್‍ನ ಮಾಡ್‌ನಂವೊನ ನೋಟಿತ್, ನೀನ್ ಎನ್ನಂಗ್ ನನ್ನ ಇನ್ನನೆ ಮಾಡಿಯಾಂದ್ ಕ್‍ೕಪದ್ ಸರಿಯಾ?

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

1 ಕೊರಿಂಥ 7:16

ಪೊಣ್ಣಾಳುವಳೇ, ಕ್ರಿಸ್ತಂಡ ಮೇಲೆ ನಂಬಿಕೆ ಇಲ್ಲತೆ ವಡಿಯಂಡ ಕೂಡೆ ನೀನ್ ಬದ್‍ಕ್‍ವಗುಂಡ್ ಅಂವೊಂಗ್ ರಕ್ಷಣೆ ಕ್‍ಟ್ಟ್‌ವಾಂದ್ ನೀನ್ ಎನ್ನನೆ ಎಣ್ಣ್‌ವಕ್ ಕಯ್ಯು? ಅಥವ ವಡಿಯಂಗಳೇ, ಕ್ರಿಸ್ತಂಡ ಮೇಲೆ ನಂಬಿಕೆ ಇಲ್ಲತ ಪೊಣ್ಣ್‌ರ ಕೂಡೆ ನೀನ್ ಬದ್‍ಕ್‍ವಗುಂಡ್ ಅವಕ್ ರಕ್ಷಣೆ ಕ್‍ಟ್ಟ್‌ವಾಂದ್ ನೀನ್ ಎನ್ನನೆ ಎಣ್ಣ್‌ವಕ್ ಕಯ್ಯು?

ಯಾಕೋಬ 2:20

ಮುಠಾಳ ಮನುಷ್ಯಂಗಳೇ, ಕ್ರಿಯೆ ಇಲ್ಲತ ನಂಬಿಕೆ ಪ್ರಯೋಜನ ಇಲ್ಲೇಂದ್ ಎಕ್ಕ ಪಡಿಪಿರ?

ಯಾಕೋಬ 4:11

ನಾಡ ಅಣ್ಣತಮ್ಮಣಂಗಳೇ, ನಿಂಗ ಒಬ್ಬಂಗೊಬ್ಬ ವಿರೋದವಾಯಿತ್ ಕೆಟ್ಟದ್ ಪರಿಯತಿ; ನಿಂಗ ಒಬ್ಬಂಗೊಬ್ಬ ತಪ್ಪ್ ಪರ್ಂದಿತ್, ದೂಷಣೆ ಮಾಡ್‍ಚೇಂಗಿ, ಅಕ್ಕ ನಿಂಗ ನ್ಯಾಯಪ್ರಮಾಣತ್‍ಲ್ ತಪ್ಪ್ ಕಂಡ್‍ಪುಡ್‌ಚಿತ್ ದೂಷಣೆ ಮಾಡ್‍ನನೆಕೆ; ನ್ಯಾಯಪ್ರಮಾಣ ಸರಿ ತಪ್ಪ್‍ೕಂದ್ ನಿಂಗ ತೀರ್ಪ್ ಕೊಡ್‍ಪಕ್ಕಾಗ, ಅದ್‍ನ ಕ್‍ೕಟಿತ್ ನಡ್‍ಪದೇ ನಿಂಗಡ ಕೆಲಸ.