ರೋಮ್ 16:7 - ಕೊಡವ ಬೈಬಲ್

⁷ ಅಪೊಸ್ತಲಂಗಡಡೆಲ್ ಚಾಯಿ ಗೊತ್ತುಳ್ಳಯಿಂಗಳು, ನಾಕಿಂಜ ಮಿಂಞ ಕ್ರಿಸ್ತಂಡ ಪಕ್ಕ ಬಂದಯಿಂಗಳು, ನಾಡ ಬೆಂದ್‌ವಳುವಾನ ನಾಡ ಕೂಡೆ ಸೆರಮನೇಲ್ ಕೈದಿಯಾಯಿತ್ ಇಂಜ ಅಂದ್ರೋನಿಕ ಎಣ್ಣ್‌ವಂವೊಂಗು ಯೂನ್ಯ ಎಣ್ಣ್‌ವಂವೊಂಗು ವಂದನೆ ಎಣ್ಣಿ.

ರೋಮ್ 16:7 ပူးပေါင်းရင်းမြစ်များ

ಯೋಹಾನ 14:20

ನಾನ್ ನಾಡ ಅಪ್ಪಂಡಲ್ಲಿ, ನಿಂಗ ನಾಡಲ್ಲಿ, ನಾನ್ ನಿಂಗಡಲ್ಲಿ ಇಪ್ಪದ್‍ನ ಆ ದಿವಸತ್‍ಲ್ ನಿಂಗ ಅರ್ಥಮಾಡ್‍ವಿರ.

ಯೋಹಾನ 15:2

ನಾಡಲ್ಲಿ ಇಂಜಂಡ್ ಫಲ ಕೊಡ್‍ಕತ ಕೊಂಬ್‌ನೆಲ್ಲ ಅಂವೊ ಮುರಿಚಿತ್ ಇಡ್‌ವ; ಫಲ ತಪ್ಪ ಕೊಂಬ್‍ನ ಇಂಞು ದುಂಬ ಫಲ ತಪ್ಪನೆಕೆ ಕಪಾತ್ ಮಾಡ್‌ವ.

ಯೋಹಾನ 6:56

ನಾಡ ತಡೀನ ತಿಂದಿತ್, ನಾಡ ಚೋರೆನ ಕುಡಿಪಯಿಂಗ ನಾಡಲ್ಲಿ ವಾಸ ಮಾಡ್‌ವ; ನಾನ್ ಅಯಿಂಗಡಲ್ಲಿ ವಾಸ ಮಾಡ್‌ವಿ.

ರೋಮ್ 16:10

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಬಿಕಸ್ತಾಂದ್ ಪೆದ ಕ್‍ಟ್ಟ್‌ನ ಉತ್ತಮ ಮನುಷ್ಯನಾನ ಅಪೆಲ್ಲ ಎಣ್ಣ್‌ವಂವೊಂಗ್ ವಂದನೆ ಎಣ್ಣಿ; ಅರಿಸ್ತೊಬೂಲಂಡ ಮನೆಕಾರಂಗಕ್ ವಂದನೆ ಎಣ್ಣಿ.

ರೋಮ್ 16:11

ನಾಡ ಬೆಂದ್‌ಕನಾನ ಹೆರೊಡಿಯೋ ಎಣ್ಣ್‌ವಂವೊಂಗ್ ವಂದನೆ ಎಣ್ಣಿ. ನಾರ್ಕಿಸ್ಸಂಡ ಮನೆಲ್ ಒಡೆಯಂಡ ಜನಕ್ ವಂದನೆ ಎಣ್ಣಿ.

ರೋಮ್ 16:21

ನಾಡ ಕೂಡೆ ಸೇವೆ ಮಾಡ್‌ವ ತಿಮೊಥೆಯನು ನಾಡ ಬೆಂದ್‌ವಳಾನ ಲೂಕ್ಯನು, ಯಾಸೋನ ಪಿಂಞ ಸೋಸಿಪತ್ರನು ನಿಂಗಕ್ ವಂದನೆ ಎಣ್ಣಿಯಂಡುಂಡ್.

ರೋಮ್ 16:3

ಕ್ರಿಸ್ತ ಯೇಸುರಲ್ಲಿ ಕೂಡೆ ಉಳ್ಳ ಐಕ್ಯತ್‍ಲ್ ನಾಡ ಕೂಡೆ ಸೇವ ಮಾಡ್‍ನ ಪ್ರಿಸ್ಕಿಲ್ಲ ಪಿಂಞ ಅಕ್ವಿಲಂಗು ನಾಡ ವಂದನೆ ಎಣ್ಣಿ.

ರೋಮ್ 16:6

ನಂಗಕಾಯಿತ್ ದುಂಬ ಕಷ್ಟಪಟ್ಟ ಮರಿಯಕ್ ವಂದನೆ ಎಣ್ಣಿ.

ರೋಮ್ 16:8

ಒಡೆಯಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಾಡ ಪ್ರೀತಿರ ಅಂಪ್ಲಿಯ ಎಣ್ಣ್‌ವಂವೊಂಗ್ ವಂದನೆ ಎಣ್ಣಿ.

ರೋಮ್ 16:9

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಡ ಕೂಡೆ ಸೇವೆ ಮಾಡ್‍ನ ಉರ್ಬಾ ಎಣ್ಣ್‌ವಂವೊಂಗು, ನಾಡ ಪ್ರೀತಿರ ಸ್ತಾಖು ಎಣ್ಣ್‌ವಂವೊಂಗು ವಂದನೆ ಎಣ್ಣಿ.

ರೋಮ್ 8:1

ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ.

ರೋಮ್ 8:11

ಅದಲ್ಲತೆ, ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊಂಡ ಆತ್ಮ ನಿಂಗಡ ಒಳ್‍ಲ್ ವಾಸಮಾಡಿಯಂಡಿಂಜತೇಂಗಿ, ಕ್ರಿಸ್ತ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊ, ನಿಂಗಡಲ್ಲಿ ವಾಸ ಮಾಡಿಯಂಡುಳ್ಳ ತಾಂಡ ಆತ್ಮತ್‍ರಗುಂಡ್ ಚತ್ತ್ ಪೋಪಕುಳ್ಳ ನಿಂಗಡ ತಡೀನ ಸಹ ಎಪ್ಪ್‌ಚಿಡುವ.

ರೋಮ್ 9:3

ತಡೀರ ಪ್ರಕಾರ ನಾಡ ಜನವಾಯಿತ್ ಉಳ್ಳ ನಾಡ ಅಣ್ಣತಮ್ಮಣಂಗಕ್ ಬದ್‍ಲ್, ನಾನೇ ಕ್ರಿಸ್ತನ ಬುಟ್ಟಿತ್ ಶಾಪ ಕ್‍ಟ್ಟ್‌ನಂವೊನಾಯಿತ್ ಇಪ್ಪಕ್ ನಾನ್ ಆಸೆ ಪಡುವಿ.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

2 ಕೊರಿಂಥ 11:23

ಅಯಿಂಗ ಕ್ರಿಸ್ತಂಡ ಸೇವಕಂಗಳಾ? ನಾನ್ ಅಯಿಂಗಕಿಂಜ ಕ್ರಿಸ್ತಂಡ ಬಲ್ಯ ಸೇವಕ. ನಾನ್ ಬುದ್ದಿ ಇಲ್ಲತಂವೊಂಡನೆಕೆ ತಕ್ಕ್ ಪರ್ಂದಂಡುಳ್ಳ. ನಾನ್ ದುಂಬ ಕಷ್ಟಪಟ್ಟಂವೊ, ಜನ ನನ್ನ ದುಂಬ ಪೊಜ್ಜಿತುಂಡ್, ಜೈಲ್‍ಲ್ ದುಂಬ ಇಂಜಂವೊ, ದುಂಬ ಕುರಿ ಚಾವ್‍ಕ್ ಚಿಕ್ಕಿತುಳ್ಳ.

2 ಕೊರಿಂಥ 12:2

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಇಂಜ ಒರ್ ಮನುಷ್ಯನ ನಾಕ್ ಗೊತ್ತುಂಡ್; ಪದನಾಲ್ ಕಾಲಕ್ ಮಿಂಞ ದೇವ ಅಂವೊನ ಮೂಂದನೆ ಪರಲೋಕಕತ್ತನೆ ಎಡ್‍ತಂಡತ್. ಅಂವೊ ಅಂವೊಂಡ ತಡೀಲ್ ಇಂಜತಾ ಅಥವ ತಡಿಕ್ ಪೊರಮೆ ಇಂಜತಾಂದ್ ನಾಕ್ ಗೊತ್ತ್‌ಲ್ಲೆ; ದೇವಕ್ ಗೊತ್ತುಂಡ್.

2 ಕೊರಿಂಥ 5:17

ಇನ್ನನೆ ಇಪ್ಪಕ, ಒಬ್ಬ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಂಜತೇಂಗಿ ಅಂವೊ ಪುದಿಯ ಸೃಷ್ಟಿಯಾಯಿತುಂಡ್. ಪಳೆಯದೆಲ್ಲ ಕಾಂಗತೆ ಆಯಿಪೋಚಿ, ಎಲ್ಲಾ ಪುದಿಯದಾಚಿ.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಗಲಾತ್ಯ 1:22

ಆಚೇಂಗಿ, ಆ ಸಮಯತ್‍ಲ್ ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ಸಬೇಕ್ ನನ್ನ ಗೊತ್ತ್‌ಂಜತ್‌ಲ್ಲೆ.

ಗಲಾತ್ಯ 2:2

ನಾನ್ ಪೋಯಿತೇ ಪೋಕಂಡೂಂದ್ ನಾಡ ಮನಸ್ಸ್‌ಲ್ ದೇವ ಎಣ್ಣ್‌ನಗುಂಡ್ ನಾನ್ ಅಲ್ಲಿಕ್ ಪೋಯೆ. ನಾನ್ ಅಲ್ಲಿ ಇಪ್ಪಕ, ಅಲ್ಲಿಯತ್‍ರ ಸಬೆರ ಮುಕ್ಯಪ್ಪಟಯಿಂಗಕ್, ನಾನ್ ಯೆಹೂದ್ಯರಲ್ಲತಯಿಂಗಡ ಮದ್ಯತ್‍ಲ್ ಬೋದನೆ ಮಾಡ್‌ವ ನಲ್ಲ ಸುದ್ದಿರ ವಿಷಯ ಚಾಯಿ ಗೊತ್ತಾಂಡೂಂದ್ ಒಬ್ಬೊಬ್ಬಂಗಕು ವಿವರಿಚಿಟ್ಟಿಯೆ; ಅಯಿಂಗಳು ನಾನು, ಈ ವಿಷಯತ್‍ಲ್ ಒತ್ತೊರ್ಮೆಲ್ ಇರಂಡೂಂದ್ ನಾನ್ ಇನ್ನನೆ ಮಾಡಿಯೆ. ಇಲ್ಲತೆಪೋಚೇಂಗಿ, ನಾನ್ ಇಲ್ಲಿಕತ್ತನೆ ಮಾಡ್‍ನದ್ ಪಿಂಞ ಮಾಡಿಯಂಡುಳ್ಳದ್ ಪಾಳಾಯಿ ಪೋಪಾಂದ್ ನಾಕ್ ಪೋಡಿಯಿಂಜತ್.

ಗಲಾತ್ಯ 2:6

ಅಯಿಂಗಡ ಪೆರಿಯಯಿಂಗಾಂದ್ ಎಣ್ಣ್‌ವಯಿಂಗ ನಾನ್ ಎಣ್ಣ್‌ನ ವಿಷಯತ್‍ರ ಕೂಡೆ ಒಂದು ಕೂಟಿತ್ ತಕ್ಕ್ ಪರ್ಂದಿತ್‌ಲ್ಲೆ. (ಅಯಿಂಗ ಎಚ್ಚಕ್ ಪೆರಿಯಯಿಂಗಳಾಯಿತ್ ಇಂಜತೇಂಗಿಯು ನಾಕ್ ಒಂದು ಇಲ್ಲೆ, ಎನ್ನಂಗೆಣ್ಣ್‌ಚೇಂಗಿ, ದೇವಡ ಮಿಂಞತ್‍ಲ್ ಪೆರಿಯಂವೊ ಚೆರಿಯಂವೋಂದ್ ದಾರೂ ಇಲ್ಲೆ).

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಗಲಾತ್ಯ 6:15

ಕ್ರಿಸ್ತ ಯೇಸುರ ವಿಷಯತ್‍ಲ್, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು ಒರ್ ಪ್ರಯೋಜನವು ಇಲ್ಲೆ, ಏದ್ ಮುಕ್ಯ ಎಣ್ಣ್‌ಚೇಂಗಿ, ನಂಗ ಅಂವೊಂಡ ಪುದಿಯ ಸೃಷ್ಟಿಯಾಯಿತ್ ಬದ್‍ಲಾಪದೇ.

ಎಫೆಸ 2:10

ಎನ್ನನೆ ಎಣ್ಣ್‌ಚೇಂಗಿ, ನಲ್ಲ ಕೆಲಸ ಮಾಡ್‌ವಕಾಯಿತ್ ನಂಗಳ ಪುದಿಯದಾಯಿತ್ ಕ್ರಿಸ್ತ ಯೇಸುರಲ್ಲಿ ಸೃಷ್ಟಿ ಮಾಡ್‍ನ ದೇವಡ ಕ್ರಿಯೇಯಾಯಿತುಂಡ್; ಅದ್‍ಲ್ ನಂಗ ನಡ್‍ಕಂಡೂಂದ್ ದೇವ ಮಿಂಞಲೇ ತಯಾರ್ ಮಾಡಿತುಂಡ್.

ಕೊಲೊಸ್ಸೆ 4:10

ನಾಡ ಕೂಡೆ ಜೈಲ್‍ಲ್ ಉಳ್ಳ ಅರಿಸ್ತಾರ್ಕ ಪಿಂಞ ಬಾರ್ನಬಂಡ ಅಕ್ಕಂಡ ಮೋಂವೊನಾನ ಮಾರ್ಕ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. (ಮಾರ್ಕಂಡ ವಿಷಯತ್ ನಿಂಗಕ್ ಮಿಂಞಲೇ ಅಪ್ಪಣೆ ಕ್‍ಟ್ಟಿತುಂಡ್; ಅಂವೊ ಬಪ್ಪಕ, ನಿಂಗ ಅಂವೊನ ಸತ್ಕಾರ ಮಾಡಂಡು).

ಫಿಲೆಮೋನ 1:23

ಯೇಸು ಕ್ರಿಸ್ತಂಗಾಯಿತ್ ನಾಡ ಕೂಡೆ ಕೈದಿಯಾಯಿತುಳ್ಳ ಎಪಫ್ರ ಪಿಂಞ ನಾಡ ಕೂಡೆ ದೇವಡ ಸೇವಕಂಗಳಾಯಿತುಳ್ಳ ಮಾರ್ಕ, ಅರಿಸ್ತಾರ್ಕ, ದೇಮ ಪಿಂಞ ಲೂಕ ಎಣ್ಣ್‌ವಯಿಂಗ ಎಲ್ಲಾರು ವಂದನೆ ಎಣ್ಣಿಯಂಡುಂಡ್.

1 ಯೋಹಾನ 4:13

ದೇವ ನಂಗಕ್ ಅಂವೊಂಡ ಆತ್ಮತ್‌ನ ತಂದಿಯತ್, ಅದ್ಂಗಾಯಿತ್ ನಂಗ ದೇವಡಲ್ಲಿ ಉಂಡ್‍ೕಂದು, ದೇವ ನಂಗಡಲ್ಲಿ ಉಂಡ್‍ೕಂದು ಗೊತ್ತಾಪ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.

ಪ್ರಕಟನೆ 1:9

ನಿಂಗಡ ಅಣ್ಣನು, ಯೇಸುಕಾಯಿತ್ ಬಪ್ಪ ಹಿಂಸೆಕು, ಅಂವೊಂಡ ರಾಜ್ಯಕು, ಅಂವೊಂಡ ಪೊರುಮೆಕು ನಿಂಗಡ ಕೂಡೆ ಪಾಲ್‍ದಾರನಾಯಿತುಳ್ಳ ಯೋಹಾನನಾನ ನಾನ್ ದೇವಡ ವಾಕ್ಯಕಾಯಿತು, ಯೇಸುರ ವಿಷಯತ್ ಸಾಕ್ಷಿಕಾಯಿತು ಪತ್ಮೊಸ್ ಎಣ್ಣುವ ದ್ವೀಪತ್‍ಲ್ ಇಂಜ.