ರೋಮ್ 16:4 - ಕೊಡವ ಬೈಬಲ್

⁴ ಅಯಿಂಗ ನನ್ನ ಕಾಪಾಡ್‌ವಕಾಯಿತ್ ಅಯಿಂಗಡ ಜೀವತ್‍ನ ಕೊಡ್‍ಪನೆಕೆ ಬೋಳೆನ ಕೊಡ್‍ತತ್; ಅಯಿಂಗಡ ವಿಷಯತ್ ನಾನ್ ಮಾತ್ರ ಅಲ್ಲ, ಯೆಹೂದ್ಯಂಗ ಅಲ್ಲತಯಿಂಗಡ ಮದ್ಯತ್‍ಲ್ ಉಳ್ಳ ಎಲ್ಲಾ ಸಬೇಕಾರಳು ನಲ್ಲರಿಕೆರ ಚಾಯಿ ತಕ್ಕ್ ಎಣ್ಣಿಯಂಡುಂಡ್.

ರೋಮ್ 16:4 ပူးပေါင်းရင်းမြစ်များ

ಯೋಹಾನ 15:13

ಒಬ್ಬ ತಾಂಡ ಸ್ನೇಹಿತಂ‌ಗಾಯಿತ್ ಪ್ರಾಣತ್‍ನ ಕೊಡ್‍ಪ ಪ್ರೀತಿಗಿಂಜ ಬಲ್ಯ ಪ್ರೀತಿ ಬೋರೆ ಒಂದು ಇಲ್ಲೆ.

ಅಪೊಸ್ತಲ 15:26

ನಂಗಡ ಕಡೇಯಿಂಜ ಚೆನ್ನ ಜನತ್‍ನ ಗೊತ್ತ್ ಮಾಡಿತ್ ಅಯಿಪಕ್ ತೀರ್ಮಾನ ಎಡ್‍ತತ್.

ಅಪೊಸ್ತಲ 15:41

ಅಕ್ಕ ಅಯಿಂಗ ಅಲ್ಲಿಂಜ ಪೊರಟಿತ್ ಸಿರಿಯ ಕಿಲಿಕ್ಯ ಸೀಮೆಲ್ ಪ್ರಯಾಣ ಮಾಡಿತ್, ಅಲ್ಲಿ ಇಂಜ ಸಬೇನೆಲ್ಲ ದೃಡಪಡ್‍ತ್‍ಚಿ.

ಅಪೊಸ್ತಲ 16:5

ಆನಗುಂಡ್, ಅಲ್ಲಿಯತ್‍ರ ಸಬೇಯೆಲ್ಲ ಕ್ರಿಸ್ತಂಡ ನಂಬಿಕೇಲ್ ದೃಡವಾಯಿತ್ ಜನಡ ಸಂಖ್ಯೆ ದಿನದಿನಕ್ ಬಲ್ಯದಾಯಂಡ್ ಬಾತ್.

ಅಪೊಸ್ತಲ 9:31

ಇನ್ನನೆ ಇಪ್ಪಕ ಯೂದಾಯ ಗಲಿಲಾಯ ಸಮಾರ್ಯ ಪ್ರಾಂತ್ಯತ್‍ಲ್ ಉಳ್ಳ ಸೆಬೇಕೆಲ್ಲ ಸಮಾದಾನ ಕ್‍ಟ್ಟ್‌ಚಿ; ಅನ್ನನೆ ಅಯಿಂಗ ಒಡೆಯಂಡ ಬಕ್ತಿಲ್ ಪಿಂಞ ಪವಿತ್ರಾತ್ಮ ತಪ್ಪ ಪುರಡ್‍ಲ್ ಬದ್‍ಕಿಯಂಡ್, ಬೊಳ್ಂದಂಡ್ ಬಲಪಟ್ಟಂಡ್ ಇಂಜತ್.

ರೋಮ್ 16:3

ಕ್ರಿಸ್ತ ಯೇಸುರಲ್ಲಿ ಕೂಡೆ ಉಳ್ಳ ಐಕ್ಯತ್‍ಲ್ ನಾಡ ಕೂಡೆ ಸೇವ ಮಾಡ್‍ನ ಪ್ರಿಸ್ಕಿಲ್ಲ ಪಿಂಞ ಅಕ್ವಿಲಂಗು ನಾಡ ವಂದನೆ ಎಣ್ಣಿ.

ರೋಮ್ 16:5

ಅಯಿಂಗಡ ಮನೆಲ್ ಕೂಡಿ ಬಪ್ಪ ಸಬೇಕು ವಂದನೆ ಎಣ್ಣಿ. ಆಸ್ಯ ಪ್ರಾಂತ್ಯತ್‍ಲ್ ನಾಡ ಸೇವೇರ ಆದ್ಯ ಪಣ್ಣಾಯಿತುಳ್ಳ ನಾಡ ಪ್ರೀತಿರ ಎಪೈನೆತ ಎಣ್ಣ್‌ವಂವೊಂಗು ವಂದನೆ ಎಣ್ಣಿ.

ರೋಮ್ 5:7

ನೀತಿವಂತಂವೊನಾನ ಒರ್ ಮನುಷ್ಯಂಗಾಯಿತ್ ಒಬ್ಬ ಚಾವದೇ ಕಷ್ಟ ಕಾರ್ಯ, ಒರ್ ನಲ್ಲ ಮನುಷ್ಯಂಗಾಯಿತ್ ಒಮ್ಮೊಮ ದಾರಾಚು ಚಾವಕ್ ಸಹ ದೈರ್ಯ ಎಡ್‍ತವ.

1 ಕೊರಿಂಥ 16:1

ಯೆರೂಸಲೇಮ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗಕ್ ಸಹಾಯ ಮಾಡ್‌ವಕಾಯಿತ್ ಕೂಟಿತ್ ಬೆಪ್ಪ ಪಣತ್‍ರ ವಿಷಯತ್‍ಲ್, ಗಲಾತ್ಯ ನಾಡ್‍ಲ್ ಉಳ್ಳ ಸಬೇಕ್ ನಾನ್ ಆಜ್ಞೆ ಮಾಡ್‍ನನೆಕೆ ನಿಂಗಳು ಮಾಡಿ.

1 ಕೊರಿಂಥ 7:17

ದೇವ ನಿಂಗಕ್ ಎಂತ ಬದ್‍ಕ್‍ನ ಪಾಲ್ ಮಾಡಿತ್ ತಂದಿತುಂಡೋ ಅನ್ನನೆ ನಿಂಗ ಬದ್‍ಕ್‍ವದ್ ನಲ್ಲದ್. ದೇವ ನಿಂಗಳ ಎನ್ನನೆ ಕಾಕಿತುಂಡೋ ಅನ್ನನೆ ಬದ್‍ಕ್‍ವದ್ ನಲ್ಲದ್. ಇನ್ನನೆ ನಾನ್ ಎಲ್ಲಾ ಸಬೇಕು ಬೋದನೆ ಮಾಡಿಯಂಡುಳ್ಳ.

ಫಿಲಿಪ್ಪಿ 2:30

ಎನ್ನಂಗೆಣ್ಣ್‌ಚೇಂಗಿ, ನಿಂಗ ನಾಕ್ ಮಾಡ್‌ವಕುಳ್ಳ ಸೇವೇಲ್, ನಿಂಗ ಮಾಡ್‌ವಕ್ ಕಯ್ಯತದ್‍ನ ಪೂರ್ತಿ ಮಾಡ್‌ವಕಾಯಿತ್, ಅಂವೊ ಅಂವೊಂಡ ಜೀವತ್‍ನ ಕೂಡೆ ನೋಟತೆ, ಕ್ರಿಸ್ತಂಡ ಸೇವೆ ಮಾಡ್‍ನಗುಂಡ್ ಚತ್ತ್ ಪೋಪನೆಕೆ ಇಂಜತ್.

1 ಥೆಸಲೊನೀಕ 2:14

ನಂಗಡ ಅಣ್ಣತಮ್ಮಣಂಗಳೇ, ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ದೇವಡ ಸಬೇರನೆಕೆ ನಿಂಗಳು ಆಯಿತುಳ್ಳಿರ. ಯೆಹೂದ್ಯ ಸಬೆರ ಜನ ಎನ್ನನೆ ಯೇಸುನ ನಂಬತೆ ಅಯಿಂಗಡ ಸ್ವಂತ ಜನವಾಯಿತುಳ್ಳ ಯೆಹೂದ್ಯಂಗಡಗುಂಡ್ ಕಷ್ಟಪಟ್ಟತೋ ಅನ್ನನೆ ನಿಂಗಳು ಸಹ, ನಿಂಗಡ ಜನಾಂಗಡಗುಂಡ್ ಕಷ್ಟಪಟ್ಟಿರ.

1 ಯೋಹಾನ 3:16

ಕ್ರಿಸ್ತ ನಂಗಕಾಯಿತ್ ತಾಂಡ ಜೀವತ್‍ನ ತಂದಗುಂಡ್, ಪ್ರೀತಿ ಎಣ್ಣುವದ್ ಎಂತದ್‍ೕಂದ್ ನಂಗಕೆಲ್ಲ ಗೊತ್ತಾಚಿ. ಆನಗುಂಡ್ ನಂಗಳು ಸಹ ನಂಗಡ ಅಣ್ಣತಮ್ಮಣಂಗಕಾಯಿತ್ ಜೀವತ್‍ನ ಕೊಡ್‍ಕಂಡು!

ಪ್ರಕಟನೆ 1:4

ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಏಳ್ ಸಬೇಕ್ ಯೋಹಾನ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ: ಇಕ್ಕ ಇಪ್ಪಂವೊನು, ಮಿಂಞ ಇಂಜಂವೊನು, ಮಿಂಞಕ್ ಬಪ್ಪಕುಳ್ಳಂವೊನು ಆಯಿತುಳ್ಳ ಯೇಸು ಕ್ರಿಸ್ತಂಡ ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್. ಯೇಸು ತಾಂಡ ಸಿಂಹಾಸನತ್‍ರ ಮಿಂಞತ್‌ ವಾಸ ಮಾಡಿಯಂಡುಳ್ಳ ಏಳ್ ಆತ್ಮತ್‍ರಗುಂಡ್,