ರೋಮ್ 16:25 - ಕೊಡವ ಬೈಬಲ್

²⁵ ನಾಡ ದೇವಡ ನಲ್ಲ ಸುದ್ದಿ ಎಣ್ಣುವನೆಕೆ, ನಿಂಗಳ ಸ್ತಿರಪಡ್‌ತ್‍ವಕ್ ಶಕ್ತಿ ಉಳ್ಳಂವೊನಾಯಿತ್ತುಳ್ಳ ದೇವಕ್ ಎಲ್ಲಾ ಮಹಿಮೆಯು ಇರಡ್. ಯೇಸು ಕ್ರಿಸ್ತಂಡ ಈ ವಿಷಯತ್‍ರ ಮೂಲಕ ಯೆಹೂದ್ಯಂಗಲ್ಲತಯಿಂಗಕ್, ಪಂಡಿಂಜೇ ಗುಟ್ಟಾಯಿತ್ ಬೆಚ್ಚಿತ್ಂಜ ಮರ್ಮ, ಪ್ರಕಟನೆ ಆಚಿ.

ರೋಮ್ 16:25 ပူးပေါင်းရင်းမြစ်များ

ಮತ್ತಾಯ 13:17

ದುಂಬ ಪ್ರವಾದಿಯಳು, ನೀತಿವಂತಯಿಂಗಳು ನಿಂಗ ನೋಟ್‍ವಾನ ನೋಟ್‍ವಕೂ, ನಿಂಗ ಕ್‍ೕಟಂಡುಳ್ಳಾನ ಕ್‍ೕಪಕು ದುಂಬ ಆಸೆ ಪಟ್ಟತ್, ಆಚೇಂಗಿ ಅಯಿಂಗ ಇದ್‍ನೆಲ್ಲಾ ಕಾಂಗತೆ, ಕ್‍ೕಕತೆ ಪೋಚೀಂದ್ ನಾನ್ ನೇರಾಯಿತು ನಿಂಗಕ್ ಎಣ್ಣುವಿ.

ಮತ್ತಾಯ 13:35

ನಾನ್ ಕಥೇರ ರೂಪತ್‌ಲ್ ತಕ್ಕ್ ಪರಿಯುವಿ; ಬೂಲೋಕ ಸೃಷ್ಟಿ ಆಪಕಿಂಜ ಮಿಂಞ ಗುಟ್ಟಾಯಿತ್ಂಜಾನೆಲ್ಲ ಅರ್ಥ ಮಾಡಿ ತಪ್ಪೀಂದ್, ಪ್ರವಾದಿ ಎಣ್ಣ್‌ನದ್ ಇಕ್ಕ ನೆರವೇರ್‍ಚಿ.

ಮತ್ತಾಯ 20:7

ಅದ್ಂಗ್ ಅಯಿಂಗ: ನಂಗಳ ದಾರೂ ಕೆಲಸಕ್ ಕಾಕಿತ್‌ಲ್ಲೇಂದ್ ಎಣ್ಣ್‌ಚಿ. ಅಕ್ಕ ಅಂವೊ ಅಯಿಂಗಳ ನೋಟಿತ್: ಅನ್ನನಾಚೇಂಗಿ ನಿಂಗಳು ನಾಡ ತೋಟತ್‍ಲ್ ಪಣಿಕ್ ಪೋಯೀಂದ್ ಅಯಿಚತ್.

ಅಪೊಸ್ತಲ 20:32

ನಾನ್ ಇಕ್ಕ ನಿಂಗಳ ದೇವಂಗೂ ಅಂವೊಂಡ ಕೃಪೇರ ವಾಕ್ಯ‌ಕೂ ಒಪ್ಪ್‌ಚಿಟ್ಟಿತ್ ಪೋಪಿ. ಈ ಕೃಪೇರ ವಾಕ್ಯ ನಿಂಗಡ ಬಕ್ತಿ ಬೊಳಿವಕು, ಅಂವೊಂಗಾಯಿತ್ ಬೋರೆ ಮಾಡಿತುಳ್ಳ ಪವಿತ್ರವಾನ ಜನಕ್ ಬೆಚ್ಚಿತುಳ್ಳ ಬಾದ್ಯತ್‌ಲ್ ನಿಂಗಕು ಕ್‍ಟ್ಟ್‌ವನೆಕೆ ಮಾಡ್‌ವ.

ಅಪೊಸ್ತಲ 9:20

ಒಮ್ಮಕೆ, ಅಂವೊ ಸಬಾಮಂದಿರತ್‍ಲೆಲ್ಲ ಪೋಯಿತ್ ಯೇಸುವೇ ದೇವಡ ಮೋಂವೋಂದ್ ಪ್ರಸಂಗ ಮಾಡ್‌ವಕ್ ಸುರ್ ಮಾಡ್‍ಚಿ.

ರೋಮ್ 11:25

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನಮಾಡತನೆಕೆ, ನಾನ್ ನಿಂಗಕ್ ಒರ್ ಗುಟ್ಟ್‌ನ ಎಣ್ಣಿ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತಯಿಂಗಡ ರಕ್ಷಣೆರ ಲೆಕ್ಕ ಪೂರ್ತಿ ಆಪಕತ್ತನೆ, ಇಸ್ರಾಯೇಲ್‍ರ ಒರ್ ಗುಂಪ್ ಕಠಿಣ ಮನಸ್ಸಾಯಿತೇ ಇಪ್ಪ.

ರೋಮ್ 14:4

ಬೋರೆ ಒಬ್ಬಂಡ ಆಳ್‌ನ ತೀರ್ಪ್ ಮಾಡ್‌ವಕ್ ನೀನ್ ದಾರ್? ಅಂವೊ ನಿಂದತೇಂಗಿಯು, ಬುದ್ದತೇಂಗಿಯು ಅಂವೊ ಅಂವೊಂಡ ಎಜಮಾನಂಗ್ ಕೂಡ್‍ನಂವೊನಾಪ. ಅಂವೊ ನಿಪ್ಪಕ್ ದೇವ ಶಕ್ತಿ ಕೊಡ್‍ಪಂವೊನಾಯಿತುಂಡಲ್ಲ.

ರೋಮ್ 16:24

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗ ಎಲ್ಲಾಡ ಕೂಡೆ ಇಕ್ಕಡ್. ಆಮೆನ್.

ರೋಮ್ 2:16

ಇದ್, ನಾನ್ ಎಣ್ಣುವ ದೇವಡ ನಲ್ಲ ಸುದ್ದಿರನೆಕೆ, ದೇವ ಯೇಸು ಕ್ರಿಸ್ತಂಡ ಮೂಲಕ ಮನುಷ್ಯಂಗಡ ಗುಟ್ಟ್‌ನೆಲ್ಲ ನ್ಯಾಯತೀರ್ಪ್ ಮಾಡ್‌ವ ದಿವಸತ್‍ಲ್ ಆಪ.

1 ಕೊರಿಂಥ 1:23

ಆಚೇಂಗಿ ನಂಗ, ಶಿಲುಬೇಲ್ ಚತ್ತ ಕ್ರಿಸ್ತನ ಬೋದನೆ ಮಾಡಿಯಂಡುಂಡ್; ಆ ಬೋದನೆನ ಯೆಹೂದ್ಯಂಗ ನಂಬುವಕ್ ಕುಶಿಪಡುಲೆ, ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನ ಇದ್ ಪುಚ್ಚಿ ತಕ್ಕ್‌ರನೆಕೆ ಉಂಡ್‍ೕಂದ್ ಎಣ್ಣುವ.

1 ಕೊರಿಂಥ 2:7

ಆಚೇಂಗಿ ಈ ಲೋಕ ಸೃಷ್ಟಿ ಆಪಕ್ ಮಿಂಞಲೇ ನಂಗಡ ಮಹಿಮೆಕಾಯಿತ್ ಉಂಟ್‍ಮಾಡಿತ್, ಅದ್‍ನ ಒಳ್‌ಪ್‍ಚಿಟ್ಟಿತ್‌ಂಜ ಗುಟ್ಟಾನ ದೇವಡ ಜ್ಞಾನತ್‍ನ ನಂಗ ಪರಿವ.

1 ಕೊರಿಂಥ 4:1

ನಿಂಗ ಅಪೊಲ್ಲೋಸನ ಪಿಂಞ ನನ್ನ, ದೇವ ನಂಗಕ್ ಕಾಂಬ್‍ಚಿಟ್ಟ ಗುಟ್ಟ್‌ಕ್ ನೇಮಿಚಿಟ್ಟಿತುಳ್ಳ ಕ್ರಿಸ್ತಂಡ ಸೇವಕಂಗಾಂದು ಪಿಂಞ ದೇವಡ ಜವಾಬ್ದಾರಂಗಳಾಯಿತ್ ಉಂಡ್‍ೕಂದು ಗೇನ ಮಾಡಂಡು.

2 ಕೊರಿಂಥ 4:3

ನಂಗ ಬೋದನೆ ಮಾಡ್‌ವ ದೇವಡ ನಲ್ಲ ಸುದ್ದಿ ಮುಚ್ಚಿತ್ ಇಂಜತೇಂಗಿ, ಅದ್ ನಾಶ ಆಯಿಪೋಪಯಿಂಗಕೇ ಮುಚ್ಚಿತ್‌ಪ್ಪ.

2 ಕೊರಿಂಥ 4:5

ನಂಗ ನಂಗಡ ವಿಷಯತ್‍ನ ಬೋದನೆ ಮಾಡಿಯಂಡಿಲ್ಲೆ. ಯೇಸು ಕ್ರಿಸ್ತ ಒಡೆಯಾಂದೂ, ಆಚೇಂಗಿ ನಂಗಳ ಯೇಸುರಗುಂಡ್ ನಿಂಗಡ ಸೇವಕಂಗಾಂದೂ ಪ್ರಚಾರ ಮಾಡಿಯಂಡುಂಡ್.

ಗಲಾತ್ಯ 2:2

ನಾನ್ ಪೋಯಿತೇ ಪೋಕಂಡೂಂದ್ ನಾಡ ಮನಸ್ಸ್‌ಲ್ ದೇವ ಎಣ್ಣ್‌ನಗುಂಡ್ ನಾನ್ ಅಲ್ಲಿಕ್ ಪೋಯೆ. ನಾನ್ ಅಲ್ಲಿ ಇಪ್ಪಕ, ಅಲ್ಲಿಯತ್‍ರ ಸಬೆರ ಮುಕ್ಯಪ್ಪಟಯಿಂಗಕ್, ನಾನ್ ಯೆಹೂದ್ಯರಲ್ಲತಯಿಂಗಡ ಮದ್ಯತ್‍ಲ್ ಬೋದನೆ ಮಾಡ್‌ವ ನಲ್ಲ ಸುದ್ದಿರ ವಿಷಯ ಚಾಯಿ ಗೊತ್ತಾಂಡೂಂದ್ ಒಬ್ಬೊಬ್ಬಂಗಕು ವಿವರಿಚಿಟ್ಟಿಯೆ; ಅಯಿಂಗಳು ನಾನು, ಈ ವಿಷಯತ್‍ಲ್ ಒತ್ತೊರ್ಮೆಲ್ ಇರಂಡೂಂದ್ ನಾನ್ ಇನ್ನನೆ ಮಾಡಿಯೆ. ಇಲ್ಲತೆಪೋಚೇಂಗಿ, ನಾನ್ ಇಲ್ಲಿಕತ್ತನೆ ಮಾಡ್‍ನದ್ ಪಿಂಞ ಮಾಡಿಯಂಡುಳ್ಳದ್ ಪಾಳಾಯಿ ಪೋಪಾಂದ್ ನಾಕ್ ಪೋಡಿಯಿಂಜತ್.

ಎಫೆಸ 1:9

ದೇವ ಕ್ರಿಸ್ತಂಡ ಮೂಲಕ ಮಾಡಂಡೂಂದ್ ತೀರ್ಮಾನ ಮಾಡಿತ್ಂಜ, ಅಂವೊಂಡ ಕುಶೀರ ಚಿತ್ತತ್‍ರ ಗುಟ್ಟ್‌ನ ನಂಗ ಗೊತ್ತಾಪನೆಕೆ ಮಾಡ್‍ಚಿ.

ಎಫೆಸ 3:11

ಇದ್‍ನ ಇಕ್ಕ ಅಂವೊ ಅಂವೊಂಡ ನಿತ್ಯ ತೀರ್ಮಾನತ್‍ರ ಪ್ರಕಾರ ನಂಗಡ ಒಡೆಯನಾನ ಕ್ರಿಸ್ತ ಯೇಸುರ ಮೂಲಕ ಪೂರ್ತಿ ಮಾಡ್‍ಚಿ.

ಎಫೆಸ 3:9

ಎಲ್ಲಾನ ಸೃಷ್ಟಿ ಮಾಡ್‍ನ ದೇವ, ಆದಿಯಿಂಜಲೆ ಮುಚ್ಚಿ ಬೆಚ್ಚಿತ್ಂಜ ಈ ಗುಟ್ಟ್‌ನ, ಎಲ್ಲಾರ್‌ಕು ಅರಿಚಿಡ್‌ವಕ್ ನನ್ನ ಗೊತ್ತ್ ಮಾಡ್‍ಚಿ.

ಎಫೆಸ 6:19

ದೇವಡ ನಲ್ಲ ಸುದ್ದಿಕಾಯಿತ್ ಕೈದಿಯಾಯಿತ್ ಉಳ್ಳ ರಾಯಬಾರಿಯಾನ ನಾನ್, ಅದ್‍ನ ಎನ್ನನೆ ಎಣ್ಣಂಡುವೊ ಅನ್ನನೆ ಅದ್‍ನ ದೈರ್ಯವಾಯಿತ್ ಎಣ್ಣ್‌ವಕು,

ಕೊಲೊಸ್ಸೆ 2:2

ನಾಡ ಕುಶಿ ಎಂತ ಎಣ್ಣ್‌ಚೇಂಗಿ, ಅಯಿಂಗಕ್ ಪುರ್‌ಡ್ ಕ್‍ಟ್ಟಿತ್, ಒಬ್ಬಂಡ ಮೇಲೆ ಒಬ್ಬಂಗ್ ಉಳ್ಳ ಪ್ರೀತಿಲ್ ಒಂದಾಯಿತ್ ಇರಂಡೂಂದ್ ಉಳ್ಳದೇ. ಪಿಂಞ ದೇವಡ ಗುಟ್ಟಾನ ಕ್ರಿಸ್ತನ ಅಯಿಂಗಕ್ ಪೂರ್ತಿ ನಿಶ್ಚಯವಾಯಿತ್ ಅರ್ಥ ಮಾಡ್‍ವಕಯ್ಯೂಂದ್ ಉಳ್ಳ ನಂಬಿಕೆ ಅಯಿಂಗಕ್ ಇರಂಡು.

ಕೊಲೊಸ್ಸೆ 4:3

ನಂಗ ಕ್ರಿಸ್ತಂಡ ಗುಟ್ಟ್‌ನ ಅರಿಚಿಡ್‍ವಕಾಯಿತ್ ದೇವ ಪಡಿ ತೊರ್‌ಕಂಡೂಂದ್ ನಂಗಕ್ ಸಹ ಪ್ರಾರ್ಥನೆ ಮಾಡಿ. ಅದ್‍ನ ಎಣ್ಣ್‌ನ ಕಾರಣಕಾಯಿತೇ ಇಕ್ಕ ನಾನ್ ಕೈದಿಯಾಯಿತ್ ಜೈಲ್‍ಲ್ ಉಳ್ಳ.

1 ಥೆಸಲೊನೀಕ 3:13

ಇನ್ನನೆ, ನಂಗಡ ಒಡೆಯನಾನ ಯೇಸು ಕ್ರಿಸ್ತ ತಾಂಡ ಪವಿತ್ರವಾನಯಿಂಗಡ ಕೂಡೆ ಪುನಃ ಬಪ್ಪಕಾಪಕ, ದೇವಡ ಸನ್ನಿದಾನತ್‍ಲ್ ನಿಂಗೆಲ್ಲಾರು ಒರ್ ತಪ್ಪಿಲ್ಲತನೆಕೆ, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ನಿಂಗಡ ಹೃದಯತ್‍ನ ಸ್ತಿರಪಡ್‍ತಡ್.

2 ಥೆಸಲೊನೀಕ 2:14

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮಹಿಮೇಕ್ ಪಾಲ್‍ದಾರಂಗಳಾಯಿತ್ ಇಪ್ಪಕ್, ನಂಗ ನಿಂಗಕ್ ಮಾಡ್‍ನ ನಲ್ಲ ಸುದ್ದಿರ ಬೋದನೆರ ಮೂಲಕ ಅಂವೊಂಡ ಪಕ್ಕ ನಿಂಗಳ ಕಾಕ್‍ಚಿ.

2 ಥೆಸಲೊನೀಕ 3:3

ಆಚೇಂಗಿ, ನಂಗಡ ದೇವ ಸತ್ಯವಂತಂವೊ, ಆನಗುಂಡ್, ಅಂವೊ ನಿಂಗಳ ಸ್ತಿರಪಡ್‌ತಿತ್, ಮೋಸ ಮಾಡ್‌ವ ಸೈತಾನಂಡ ಕೈಯಿಂಜ ಕಾಪಾಡ್‌ವ.

2 ತಿಮೊಥೆಯ 1:9

ಎನ್ನಂಗೆಣ್ಣ್‌ಚೇಂಗಿ ದೇವ ನಂಗಳ ರಕ್ಷಣೆ ಮಾಡಿತ್, ಪವಿತ್ರವಾನ ಬದ್‍ಕ್ ಬಾಳ್‌ವಕ್ ನಂಗಳ ಕಾಕಿತುಂಡ್. ನಂಗಕ್ ಇದ್ ಕ್‍ಟ್ಟ್‌ವಕ್ ಒರ್ ಯೊಗ್ಯತೆಯು ಇಲ್ಲೆ. ಆಚೇಂಗಿ, ಕಾಲ ಸುರ್ ಆಪಕ್ ಮಿಂಞಲೇ, ಈ ಕೃಪೆ ಯೇಸು ಕ್ರಿಸ್ತನಗುಂಡ್ ನಂಗಕ್ ಕ್‍ಟ್ಟಂಡೂಂದ್ ದೇವಡ ಚಿತ್ತವಾಯಿತ್ಂಜತ್.

2 ತಿಮೊಥೆಯ 2:8

ದಾವೀದಂಡ ಸಂತಾನಕಾರನಾನ ಯೇಸು ಕ್ರಿಸ್ತ, ನಾನ್ ಬೋದನೆ ಮಾಡ್‍ನ ನಲ್ಲ ಸುದ್ದಿರನೆಕೆ, ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಾತ್‍ೕಂದ್ ಎಣ್ಣುವ ವಿಷಯತ್‍ನ ಗೇನ ಬೆಚ್ಚ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:2

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.

1 ಪೇತ್ರ 1:20

ಅಂವೊ, ಬೂಲೋಕ ಉಂಟಾಪಕ್ ಮಿಂಞಲೇ ಗೊತ್ತ್ ಮಾಡ್‍ನಂವೊನಾಯಿತ್ಂಜತ್. ಆಚೇಂಗಿ, ಈ ಆಕೀರ್ ಕಾಲತ್‍ಲ್ ಅಂವೊಂಡ ಮೂಲಕ ನಿಂಗಕಾಯಿತ್ ಕಾಂಬ್‍ಚಿಟ್ಟತ್.

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.

ಪ್ರಕಟನೆ 10:7

ಇಂಞು ಮಿಂಞಕ್ ಸಮಯ ಇಲ್ಲೆ; ಆಚೇಂಗಿಯು, ದೇವ ತಾಂಡ ಸೇವಕಂಗಳಾನ ಪ್ರವಾದಿಯಂಗಕ್ ನಲ್ಲ ಸುದ್ದಿಯಾಯಿತ್ ಅರಿಚಿಟ್ಟನೆಕೆ, ಏಳನೆ ದೇವದೂತ ವಾಲಗ ಕೊಂಬ್‍ನ ಊದ್‍ವ ಸಮಯತ್‍ಲ್, ದೇವಡ ಮರ್ಮ ನೆರವೇರ್‌ವಾಂದ್ ಎಣ್ಣ್‌ಚಿ.