ರೋಮ್ 16:2 - ಕೊಡವ ಬೈಬಲ್

² ಏದ್ ವಿಷಯತ್‍ಲ್ ಅವಕ್ ಸಹಾಯ ಬೋಂಡ್‌ವೋ ಅದ್‍ನ ಅವಕ್ ನಿಂಗ ಮಾಡಂಡೂಂದ್ ನಿಂಗಡ ಪಕ್ಕ ಅವಳ ನಾನ್ ಒಪ್ಪ್‌ಚಿಡುವಿ; ಅವ ದುಂಬ ಜನಕ್ ಪಿಂಞ ನಾಕ್ ಸಹ ಸಹಾಯ ಮಾಡಿತುಂಡ್.

ರೋಮ್ 16:2 ပူးပေါင်းရင်းမြစ်များ

ಮತ್ತಾಯ 25:40

ಅಕ್ಕ ರಾಜ, ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಮಾಡ್‍ಚೇಂಗಿಯು, ಅದ್‍ನ ನಿಂಗ ನಾಕ್ ಮಾಡ್‌ನನೆಕೇಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 9:13

ಅದ್ಂಗ್ ಅನನೀಯ: ಒಡೆಯನೇ, ಆ ಮನುಷ್ಯ ಯೆರೂಸಲೇಮ್‍ಲ್ ನಿನ್ನ ನಂಬುವ ದೇವಡ ಮಕ್ಕಕ್ ಎಚ್ಚಕೋ ಕೆಟ್ಟದ್‍ನ ಮಾಡಿತುಂಡ್‍ೕಂದ್ ಅಂವೊಂಡ ವಿಷಯತ್ ದುಂಬ ಜನ ಎಣ್ಣ್‌ವಾನ ಕ್‍ೕಟಿಯೆ.

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

ಅಪೊಸ್ತಲ 9:36

ಯೊಪ್ಪ ಎಣ್ಣುವ ಒರ್ ಊರ್‌ಲ್ ತಬಿಥಾ ಎಣ್ಣುವ ಒಬ್ಬ ಯೇಸುನ ನಂಬ್‍ನವಳಾಯಿತ್ ಇಂಜತ್. ಗ್ರೀಕ್ ತಕ್ಕ್‌ಲ್ ಅವಡ ಪೆದಕ್ ದೊರ್ಕ. ಅವ ಎಕ್ಕಲೂ ನಲ್ಲ ಕ್ರಿಯೆ ಮಾಡಿಯಂಡ್ ಗರೀಬಯಿಂಗಕ್ ಸಹಾಯ ಮಾಡಿಯಂಡಿಂಜತ್.

ಅಪೊಸ್ತಲ 9:39

ಪೇತ್ರ ಈ ದಂಡಾಳ್‌ರ ಕೂಡೆ ಪೋಚಿ. ಅಂವೊ ಅಲ್ಲಿ ಪೋಯಿತ್ ಎತ್ತ್‌ನ ಪಿಂಞ ಅಯಿಂಗ ಪೇತ್ರನ ಕೊಡಿಲ್ ಉಳ್ಳ ಕೋಂಬರೇಕ್ ಕಾಕಿಯಂಡ್ ಪೋಚಿ. ಅಲ್ಲಿ ವಿದವೆಯಂಗ ಮೊರಟಂಡ್, ದೊರ್ಕ ಅಯಿಂಗಡ ಕೂಡೆ ಇಪ್ಪಕ ಅಯಿಂಗಕ್ ಮಾಡಿಕೊಡ್‌ತಿತ್ಂಜ ಒಳ್‍ಲ್ ಪಿಂಞ ಪೊರಮೆ ಇಡ್‌ವ ಬಟ್ಟೇನ ಕಾಟಿತ್ ಅಂವೊಂಡ ಸುತ್ತ್‌ಲ್ ನಿಂದತ್.

ಅಪೊಸ್ತಲ 9:41

ಪೇತ್ರ ಅವಕ್ ಕೈಕೊಡ್‍ತಿತ್, ಎಪ್ಪಿತ್ ದೇವಡ ಮಕ್ಕಳ ಪಿಂಞ ವಿದವೆಯಂಗಳ ಕಾಕಿತ್, ಜೀವವಾಯಿತ್ತುಳ್ಳ ಅವಳ ಅಯಿಂಗಡ ಮಿಂಞತ್ ನಿಪ್ಪ್‌ಚಿಟ್ಟತ್.

ರೋಮ್ 15:7

ಆನಗುಂಡ್, ದೇವಕ್ ಮಹಿಮೆ ಕ್‍ಟ್ಟುವಕಾಯಿತ್, ಕ್ರಿಸ್ತ ನಂಗಳ ಸ್ವೀಕಾರ ಮಾಡ್‍ನನೆಕೆ, ನಿಂಗಳು ಸಹ ಒಬ್ಬೊಬ್ಬನ ಸ್ವೀಕಾರ ಮಾಡಂಡು.

ರೋಮ್ 16:15

ಫಿಲೊಲೊಗನಂಗು, ಯೂಲ್ಯಳಂಗು, ನೇರ್ಯನಂಗು, ಅಂವೊಂಡ ತಂಗೆಕು, ಒಲುಂಪಂಗು ಪಿಂಞ ಅಯಿಂಗಡ ಕೂಡೆ ಉಳ್ಳ ದೇವಡ ಮಕ್ಕಕು ವಂದನೆ ಎಣ್ಣಿ.

ರೋಮ್ 16:23

ನನ್ನ ಪಿಂಞ ಇಲ್ಲಿಯತ್‍ರ ಸಬೇನ ಚಾಯಿ ನೋಟಿಯಂಡುಳ್ಳ ಗಾಯನು ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಈ ಪಟ್ಟಣತ್‍ರ ಖಜಾನತ್‍ರ ಕಣಕ್ ನೋಟುವ ಎರಸ್ತ ಪಿಂಞ ತಮ್ಮಣನಾನ ಕ್ವರ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್.

ರೋಮ್ 16:6

ನಂಗಕಾಯಿತ್ ದುಂಬ ಕಷ್ಟಪಟ್ಟ ಮರಿಯಕ್ ವಂದನೆ ಎಣ್ಣಿ.

ರೋಮ್ 16:9

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಡ ಕೂಡೆ ಸೇವೆ ಮಾಡ್‍ನ ಉರ್ಬಾ ಎಣ್ಣ್‌ವಂವೊಂಗು, ನಾಡ ಪ್ರೀತಿರ ಸ್ತಾಖು ಎಣ್ಣ್‌ವಂವೊಂಗು ವಂದನೆ ಎಣ್ಣಿ.

ಎಫೆಸ 5:3

ದೇವಡ ಮಕ್ಕಕ್ ಯೋಗ್ಯವಲ್ಲತ ಏದ್ ಲೈಂಗಿಕ ಪಾಪವು, ಅಶುದ್ದ ಕಾರ್ಯವು, ಏದ್ ಬೋಂಡತ ಆಸೆಯು, ಇದ್ಂಡ ಪೆದ ಸಹ ನಿಂಗಡ ಮದ್ಯತ್‍ಲ್ ಇಪ್ಪಕ್ಕಾಗ.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಫಿಲಿಪ್ಪಿ 2:29

ಆನಗುಂಡ್, ಒಡೆಯಂಡ ಪ್ರೀತಿಲ್ ದುಂಬಿತ್, ಅಂವೊನ ಚಾಯಿತೆ ಸತ್ಕಾರ ಮಾಡಿತ್, ಇನ್ನನೆ ಉಳ್ಳಯಿಂಗಕ್ ಕೊಡ್‍ಪ ಮರ್ಯಾದೆನ ಕೊಡ್‍ಕಂಡು.

ಕೊಲೊಸ್ಸೆ 4:10

ನಾಡ ಕೂಡೆ ಜೈಲ್‍ಲ್ ಉಳ್ಳ ಅರಿಸ್ತಾರ್ಕ ಪಿಂಞ ಬಾರ್ನಬಂಡ ಅಕ್ಕಂಡ ಮೋಂವೊನಾನ ಮಾರ್ಕ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. (ಮಾರ್ಕಂಡ ವಿಷಯತ್ ನಿಂಗಕ್ ಮಿಂಞಲೇ ಅಪ್ಪಣೆ ಕ್‍ಟ್ಟಿತುಂಡ್; ಅಂವೊ ಬಪ್ಪಕ, ನಿಂಗ ಅಂವೊನ ಸತ್ಕಾರ ಮಾಡಂಡು).

1 ತಿಮೊಥೆಯ 2:10

ಆಚೇಂಗಿ, ದೇವಡ ಮೇಲೆ ಬಕ್ತಿ ಉಂಡ್‍ೕಂದ್ ಎಣ್ಣುವ ಪೊಣ್ಣಾಳ್, ಅಯಿಂಗ ಮಾಡ್‌ವ ನಲ್ಲ ಕೆಲಸತ್‍ಲ್ ಅಲಂಕಾರ ಮಾಡಂಡು.

2 ತಿಮೊಥೆಯ 1:18

ಯೇಸು ಕ್ರಿಸ್ತ ಪುನಃ ಬಪ್ಪ ದಿವಸತ್‍ಲ್, ಅಂವೊಂಡ ಮೇಲೆ ದೇವಡ ವಿಶೇಷ ಕರುಣೆ ಇರಡ್! ಅಂವೊ, ಎಫೆಸತ್‍ಲ್ ನಾಕ್ ಎಚ್ಚಕೋ ಸಹಾಯ ಮಾಡಿತುಂಡ್‍ೕಂದ್ ನೀಕ್ ಚಾಯಿತೆ ಗೊತ್ತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:3

ಅನ್ನನೆ ವಯಸ್ಸಾನ ಪೊಣ್ಣಾಳ್‍ವಳು, ದೇವಡ ಮೇಲೆ ಪ್ರೀತಿ ಉಳ್ಳಯಿಂಗ ನಡ್‍ಪನೆಕೆ ನಡ್‌ಕಂಡು. ಕುತ್ತ ಪರಿಯತಯಿಂಗಳಾಯಿತ್, ಕಳ್ಳ್ ಕುಡಿಚಂಡ್ ಇಪ್ಪಕ್ಕಾಗ. ಏದ್ ನಲ್ಲದೋ, ಅದ್‍ನ ಅಯಿಂಗ ಬೋರೆಯಿಂಗಕ್ ಪಡಿಪ್‍ಚಿಡಂಡು.

ಫಿಲೆಮೋನ 1:12

ನಾಕ್ ದುಂಬ ಪ್ರೀತಿ ಉಳ್ಳಂವೊನಾಯಿತುಳ್ಳ ಅಂವೊನ, ನೀಡ ಪಕ್ಕ ನಾನ್ ಅಯಿಪಿ.

ಫಿಲೆಮೋನ 1:17

ಆನಗುಂಡ್, ನೀನ್ ನನ್ನ ನೀಡಲ್ಲಿ ಐಕ್ಯ ಉಳ್ಳಂವೊನಾಯಿತ್ ಗೇನಮಾಡಿತುಂಡೇಂಗಿ, ನಾನ್ ನೀಡ ಪಕ್ಕ ಬಪ್ಪಕ ನನ್ನ ನೀನ್ ಎನ್ನನೆ ಸ್ವೀಕಾರ ಮಾಡ್‌ವಿಯೋ ಅನ್ನನೆ ಅಂವೊನ ಸಹ ಸ್ವೀಕಾರ ಮಾಡ್.

2 ಯೋಹಾನ 1:10

ಈ ಉಪದೇಶಕ್ ಒತ್ತತೆ ನಿಂಗಡ ಪಕ್ಕ ದಾರಾಚೇಂಗಿ ಬಂದಕ, ಅಯಿಂಗಳ ನಿಂಗಡ ಮನೆರ ಒಳ್‍ಕ್ ಕೂಟ್‌ವಕ್ಕಾಗ; ಅಯಿಂಗಳ ಸತ್ಕಾರ ಸಹ ಮಾಡ್‌ವಕ್ಕಾಗ.