ರೋಮ್ 16:10 - ಕೊಡವ ಬೈಬಲ್

¹⁰ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಬಿಕಸ್ತಾಂದ್ ಪೆದ ಕ್‍ಟ್ಟ್‌ನ ಉತ್ತಮ ಮನುಷ್ಯನಾನ ಅಪೆಲ್ಲ ಎಣ್ಣ್‌ವಂವೊಂಗ್ ವಂದನೆ ಎಣ್ಣಿ; ಅರಿಸ್ತೊಬೂಲಂಡ ಮನೆಕಾರಂಗಕ್ ವಂದನೆ ಎಣ್ಣಿ.

ರೋಮ್ 16:10 ပူးပေါင်းရင်းမြစ်များ

ರೋಮ್ 14:18

ಈ ವಿಷಯತ್‍ಲ್ ಎಚ್ಚರ ಎಡ್‍ತಂಡ್ ಕ್ರಿಸ್ತನ ಸೇವೆ ಮಾಡ್‌ವಂವೊಂಡ ಮೇಲೆ ದೇವನು ಕುಶಿ ಪಡುವ, ಮನುಷ್ಯಂಗಡಿಂಜ ಅಂಗಿಕಾರವು ಕ್‍ಟ್ಟುವ.

ರೋಮ್ 16:3

ಕ್ರಿಸ್ತ ಯೇಸುರಲ್ಲಿ ಕೂಡೆ ಉಳ್ಳ ಐಕ್ಯತ್‍ಲ್ ನಾಡ ಕೂಡೆ ಸೇವ ಮಾಡ್‍ನ ಪ್ರಿಸ್ಕಿಲ್ಲ ಪಿಂಞ ಅಕ್ವಿಲಂಗು ನಾಡ ವಂದನೆ ಎಣ್ಣಿ.

ರೋಮ್ 16:7

ಅಪೊಸ್ತಲಂಗಡಡೆಲ್ ಚಾಯಿ ಗೊತ್ತುಳ್ಳಯಿಂಗಳು, ನಾಕಿಂಜ ಮಿಂಞ ಕ್ರಿಸ್ತಂಡ ಪಕ್ಕ ಬಂದಯಿಂಗಳು, ನಾಡ ಬೆಂದ್‌ವಳುವಾನ ನಾಡ ಕೂಡೆ ಸೆರಮನೇಲ್ ಕೈದಿಯಾಯಿತ್ ಇಂಜ ಅಂದ್ರೋನಿಕ ಎಣ್ಣ್‌ವಂವೊಂಗು ಯೂನ್ಯ ಎಣ್ಣ್‌ವಂವೊಂಗು ವಂದನೆ ಎಣ್ಣಿ.

ರೋಮ್ 8:11

ಅದಲ್ಲತೆ, ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊಂಡ ಆತ್ಮ ನಿಂಗಡ ಒಳ್‍ಲ್ ವಾಸಮಾಡಿಯಂಡಿಂಜತೇಂಗಿ, ಕ್ರಿಸ್ತ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊ, ನಿಂಗಡಲ್ಲಿ ವಾಸ ಮಾಡಿಯಂಡುಳ್ಳ ತಾಂಡ ಆತ್ಮತ್‍ರಗುಂಡ್ ಚತ್ತ್ ಪೋಪಕುಳ್ಳ ನಿಂಗಡ ತಡೀನ ಸಹ ಎಪ್ಪ್‌ಚಿಡುವ.

1 ಕೊರಿಂಥ 11:19

ನಿಂಗಡಲ್ಲಿ ಬೋರೆ ಬೋರೆ ಅಬಿಪ್ರಾಯ ಬೋಂಡು, ಅನ್ನನೆ ಇಂಜತೇಂಗಿ ದಾರ್ ದೇವಡ ವಿಷಯತ್‍ಲ್ ನೇರಾನಯಿಂಗಾಂದ್ ಜನಕ್ ಗೊತ್ತಾಪ.

2 ಕೊರಿಂಥ 12:2

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಇಂಜ ಒರ್ ಮನುಷ್ಯನ ನಾಕ್ ಗೊತ್ತುಂಡ್; ಪದನಾಲ್ ಕಾಲಕ್ ಮಿಂಞ ದೇವ ಅಂವೊನ ಮೂಂದನೆ ಪರಲೋಕಕತ್ತನೆ ಎಡ್‍ತಂಡತ್. ಅಂವೊ ಅಂವೊಂಡ ತಡೀಲ್ ಇಂಜತಾ ಅಥವ ತಡಿಕ್ ಪೊರಮೆ ಇಂಜತಾಂದ್ ನಾಕ್ ಗೊತ್ತ್‌ಲ್ಲೆ; ದೇವಕ್ ಗೊತ್ತುಂಡ್.

2 ಕೊರಿಂಥ 2:9

ನಿಂಗ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್ಂದಂಡುಳ್ಳಿರಾಂದ್ ಪರೀಕ್ಷೆ ಮಾಡ್‌ವಕಾಯಿತೇ ಅನ್ನನೆ ಒಳ್‍ದಿಯೆ.

2 ಕೊರಿಂಥ 5:17

ಇನ್ನನೆ ಇಪ್ಪಕ, ಒಬ್ಬ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಂಜತೇಂಗಿ ಅಂವೊ ಪುದಿಯ ಸೃಷ್ಟಿಯಾಯಿತುಂಡ್. ಪಳೆಯದೆಲ್ಲ ಕಾಂಗತೆ ಆಯಿಪೋಚಿ, ಎಲ್ಲಾ ಪುದಿಯದಾಚಿ.

2 ಕೊರಿಂಥ 8:22

ಈಂಗಡ ಕೂಡೆ ನಂಗಡ ಇಂಞೊಬ್ಬನ ಸಹ ನಂಗ ಅಯಿಚಂಡುಂಡ್. ಅಂವೊ ದುಂಬ ವಿಷಯತ್‍ಲ್ ಜಾಗ್ರತೆಲ್ ಉಳ್ಳಂವೊನಾಯಿತ್ ನಂಗ ದುಂಬ ಸಮಯ ಅಂವೊನ ಕಂಡಿತುಂಡ್. ಇಕ್ಕ ನಿಂಗಡ ಮೇಲೆ ಬೆಚ್ಚಿತುಳ್ಳ ಬಲ್ಯ ನಂಬಿಕೇಲ್ ಇಂಞು ದುಂಬ ಜಾಗ್ರತೆಲ್ ಉಂಡ್.

ಗಲಾತ್ಯ 1:22

ಆಚೇಂಗಿ, ಆ ಸಮಯತ್‍ಲ್ ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ಸಬೇಕ್ ನನ್ನ ಗೊತ್ತ್‌ಂಜತ್‌ಲ್ಲೆ.

ಫಿಲಿಪ್ಪಿ 2:22

ನಿಂಗಕ್ ಗೊತ್ತುಳ್ಳನೆಕೆ ಅಪ್ಪಂಡ ಕೂಡೆ ಒರ್ ಮೋಂವೊ ಸೇವೆ ಮಾಡ್‌ವನೆಕೆ ದೇವಡ ನಲ್ಲ ಸುದ್ದಿರ ವಿಷಯತ್‍ಲ್ ದೇವಡ ಬೋದನೆನ ಪಬ್ಬ್‌ಚಿಡ್‌ವಕ್ ಅಂವೊ ನಾಕ್ ದುಂಬ ಸಹಾಯ ಮಾಡ್‍ಚೀಂದ್ ಅಂವೊಂಡ ನಂಬಿಕಸ್ತ ಗುಣ ನಿಂಗಕ್ ಗೊತ್ತುಂಡ್.

1 ತಿಮೊಥೆಯ 3:10

ಇಂಞು ಈಂಗಳ ಮಿಂಞಲೇ ಪರೀಕ್ಷೆ ಮಾಡಿತ್, ಅಯಿಂಗಡ ಮೇಲೆ ದಾರೂ ಕುತ್ತ ಪರಿಯತನೆಕೆ ಇಂಜತೇಂಗಿ, ಅಕ್ಕ ಅಯಿಂಗ ದೇವಡ ಸೇವೆ ಮಾಡಡ್.

2 ತಿಮೊಥೆಯ 4:19

ಪ್ರಿಸ್ಕಿಲ್ಲಂಗೂ, ಅಕ್ವಿಲ್ಲಂಗೂ ಪಿಂಞ ಒನೇಸಿಫೊನಂಡ ಮನೆಕಾರಂಗೂ ನಾಡ ವಂದನೆನ ಎಣ್ಣ್.

1 ಪೇತ್ರ 1:7

ಪಾಳಾಯಿ ಪೋಪ ಪೊನ್ನ್‌ನ ತಿತ್ತ್‌ರಗುಂಡ್ ಸೋದನೆ ಮಾಡ್‌ವ; ಆಚೇಂಗಿ, ಅದ್ಂಗಿಂಜ ಬಲ್ಯ ಬೆಲೆಯುಳ್ಳ ನಿಂಗಡ ನಂಬಿಕೆ ಈ ಕಷ್ಟತ್‍ರಗುಂಡ್ ಸೋದನೆಕ್ ಒಳಪಟ್ಟಿತ್, ನೇರಾನದ್‍ೕಂದ್‌ ಗೊತ್ತಾಪಗುಂಡ್, ಯೇಸು ಕ್ರಿಸ್ತ ಬಪ್ಪಕ, ಅದ್ ನಿಂಗಕ್ ಕೀರ್ತಿಯಾಯಿತ್, ಗನವಾಯಿತ್ ಪಿಂಞ ಮಹಿಮೆಯಾಯಿತ್ ಕ್‍ಟ್ಟುವನೆಕೆ ಆಪ.