ರೋಮ್ 15:5 - ಕೊಡವ ಬೈಬಲ್

⁵ ನಂಗಕ್ ಪೊರುಮೆ ಪಿಂಞ ಪುರ್‌ಡ್ ಕೊಡ್‍ಪ ದೇವ, ಕ್ರಿಸ್ತ ಯೇಸುಕ್ ತಗ್ಗಿತ್ ನಡ್ಂದಂಡ್ ಒರೇ ಮನಸ್ಸ್ ಉಳ್ಳಯಿಂಗಳಾಯಿತ್ ಇಪ್ಪಕ್ ನಿಂಗಕ್ ಸಹಾಯ ಮಾಡಡ್.

ರೋಮ್ 15:5 ပူးပေါင်းရင်းမြစ်များ

ಅಪೊಸ್ತಲ 4:32

ಯೇಸುನ ನಂಬ್‍ನಯಿಂಗ ಎಲ್ಲಾರು ಒರೇ ಮನಸ್ಸ್‌ಲ್ ಒರೇ ಹೃದಯತ್‍ಲ್ ಬದ್‍ಕಿಯಂಡಿಂಜತ್. ಒಬ್ಬ ಸಹ ತಾಂಡ ವಸ್ತುನ ಅಂವೊಂಗ್ ಮಾತ್ರಾಂದ್ ಎಣ್ಣಿಯಂಡಿಂಜಿಲೆ; ಅಲ್ಲಿ ಉಳ್ಳ ಎಲ್ಲಾನ ಎಲ್ಲಾರ್‌ಕು ಕೂಡನದಾಯಿತ್ಂಜತ್.

ರೋಮ್ 12:16

ಎಲ್ಲಾಡ ಕೂಡೆ ಒರೇ ಮನಸ್ಸುಳ್ಳಯಿಂಗಳಾಯಿತಿರಿ; ಜಂಬ ಮಾಡತೆ, ಕಮ್ಮಿಯಾಯಿತ್ ಉಳ್ಳಯಿಂಗಡ ಕೂಟ್‍ಕ್ ಕೂಡಿ. ನಿಂಗಳ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನ ಮಾಡತಿ.

ರೋಮ್ 15:13

ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ನಿಂಗಡ ನಿರೀಕ್ಷೆ ಬಲ್ಯದಾಪಕಾಯಿತ್, ನಿರಿಕ್ಷೇರ ದೇವ, ನಂಬಿಕೇರ ಮೂಲಕ ಕ್‍ಟ್ಟುವ ಎಲ್ಲಾ ಕುಶೀರಗುಂಡ್ ಸಮಾದಾನತ್‍ರಗುಂಡ್ ನಿಂಗಳ ದುಂಬ್‌ಚಿಡಡ್.

ರೋಮ್ 15:3

ಕ್ರಿಸ್ತ ಸಹ ಅಂವೊಂಡ ಕುಶಿಕಾಯಿತ್ ನಡ್‍ಕತೆ, ನಿಂಗಳ ದೂಷಣೆ ಮಾಡ್‌ವಯಿಂಗಡ ದೂಷಣೆ ನಾಡ ಮೇಲೆ ಬುದ್ದತ್‍ೕಂದ್ ಒಳ್‍ದಿತುಳ್ಳನೆಕೆ ಬದ್‍ಕ್‍ಚಿ.

1 ಕೊರಿಂಥ 1:10

ನಾಡ ಅಣ್ಣತಮ್ಮಣಂಗಳೇ, ನಿಂಗ ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರೀಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ನಾನ್ ನಿಂಗಳ ಬೋಡ್‍ವಿ. ಸಬೇಲ್ ನಿಂಗಡಡೆಲ್ ಏದ್ ವಿಂಗಡವೂ ಇಲ್ಲತೆ ನಿಂಗಡ ಗೇನತ್‍ಲ್ ಪಿಂಞ ಉದ್ದೇಶತ್‍ಲ್ ಒರೇ ಮನಸ್ಸ್‌ಲ್ ಇರಂಡು.

2 ಕೊರಿಂಥ 13:11

ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.

2 ಕೊರಿಂಥ 7:6

ಆಚೇಂಗಿಯು, ತಳ್ಂದ್ ಪೋಪಯಿಂಗಕ್ ಪುರ್‌ಡ್ ಕೊಡ್‍ಪ ದೇವ, ತೀತ ಬಂದ ಮೂಲಕ ನಂಗಕ್ ಪುರ್‌ಡ್ ಕೊಡ್‍ತತ್.

ಎಫೆಸ 5:2

ಕ್ರಿಸ್ತ ನಂಗಳ ಪ್ರೀತಿ ಮಾಡಿತ್, ನಂಗಕಾಯಿತ್, ದೇವಕ್ ಎನ್ನನೆ ಅಂವೊನನೇ ಒರ್ ಸುಗಂದ ವಾಸನೆರ ಕಾಣಿಕೆಯಾಯಿತು, ಬಲಿಯಾಯಿತು ಒಪ್ಪ್‌ಚಿಟ್ಟತೋ ಅನ್ನನೆ ನಿಂಗಳು ಸಹ ಪ್ರೀತಿಲ್ ನಡ್‌ಕಂಡು.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಫಿಲಿಪ್ಪಿ 2:2

ಅಂದಕ ನಿಂಗ ಎಲ್ಲಾರು ಒರೇ ಗೇನ ಉಳ್ಳಯಿಂಗಳಾಯಿತ್, ಒರೇ ತರ ಪ್ರೀತಿ ಉಳ್ಳಯಿಂಗಳಾಯಿತ್, ಒರೇ ಮನೆಸ್ಸ್‌ಲ್ ಪಿಂಞ ಕಾರ್ಯತ್‍ಲ್ ಒಂದಾಯಿತ್ ನಾಡ ಕುಶೀನ ಪೂರ್ತಿ ಮಾಡಿ.

ಫಿಲಿಪ್ಪಿ 3:16

ಆಚೇಂಗಿಯು ನಂಗ ಎಚ್ಚಕ್ ಬೊಳ್‌ಂದಿತುಂಡೋ ಅಚ್ಚಕ್ ಚಾಯಿತೆ ಗೇನ ಮಾಡಿತ್ ನಡ್‌ಕಂಡು.

ಫಿಲಿಪ್ಪಿ 4:2

ಯುವೊದ್ಯಳ ಪಿಂಞ ಸಂತುಕೆಯಳ, ಒಡೆಯಂಡ ಐಕ್ಯತ್‍ಲ್ ಒಂದಾಯಿತ್ ಇರೀಂದ್ ಕಂಡಿತವಾಯಿತ್ ಎಣ್ಣ್‌ವಿ.

1 ಪೇತ್ರ 3:20

ಆ ಆತ್ಮಂಗ, ಪಂಡ್ ಕಾಲತ್‍ಲ್ ನೋಹ ಕಪ್ಪಲ್ ಮಾಡಿಯಂಡಿಪ್ಪಕ, ದೇವ ತಾಳ್ಮೆಲ್ ಪಾರಕಾತಂಡಿಂಜ ಸಮಯತ್‍ಲ್, ದೇವಡ ಸದ್ದ್‌ಕ್ ಕೆಮಿ ಕೊಡ್‍ಕತೆ ಪೋನಯಿಂಗ. ಅಕ್ಕ, ಆ ಕಪ್ಪಲ್‍ಲ್ ಚೆನ್ನ ಜನವಾಯಿತ್ಂಜ ಎಟ್ಟ್ ಜನ ಮಾತ್ರ ಜಲ ಪ್ರಳಯತ್ಂಜ ತಪ್ಪ್‌ಚಿಟ್ಟತ್.

1 ಪೇತ್ರ 3:8

ಕಡೇಕ್ ನಾನ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ: ನಿಂಗ ಎಲ್ಲಾರು ಒಬ್ಬ ಒಬ್ಬಂಡ ಕೂಡೆ ಐಕ್ಯತ್‍ಲ್ ಬದ್‍ಕಂಡು; ದಯೆ ಉಳ್ಳಯಿಂಗಳಾಯಿತ್, ಯೇಸುನ ನಂಬ್‍ನಯಿಂಗಡ ಪ್ರೀತಿ ಉಳ್ಳಯಿಂಗಳಾಯಿತ್, ಕನಿಕರ ಉಳ್ಳಯಿಂಗಳಾಯಿತ್, ಪೊರುಮೆ ಉಳ್ಳಯಿಂಗಳಾಯಿತ್ ಇಕ್ಕಂಡು.

2 ಪೇತ್ರ 3:15

ನಂಗಡ ಒಡೆಯಂಡ ಬಲ್ಯ ತಾಳ್ಮೆನ, ಜನ ರಕ್ಷಣೆ ಆಪಕಾಯಿತ್‍ೕಂದ್ ಗೇನ ಮಾಡಂಡು; ನಂಗಡ ಪ್ರೀತಿರ ಅಣ್ಣ ಪೌಲನು, ದೇವ ಅಂವೊಂಗ್ ಕೊಡ್‍ತ ಜ್ಞಾನತ್‍ರನೆಕೆ, ಇನ್ನನೆ ನಿಂಗಕ್ ಒಳ್‍ದಿತುಂಡ್.

2 ಪೇತ್ರ 3:9

ಚೆನ್ನ ಜನ ಎಣ್ಣ್‌ವನೆಕೆ, ಒಡೆಯ ತಾಂಡ ವಾಗ್ದಾನತ್‍ನ ನೆರೆವೇರಿಚಿಡುವ ವಿಷಯತ್‍ಲ್ ತಡೆ ಮಾಡಿಯಂಡಿಲ್ಲೆ. ಒಬ್ಬ ಸಹ ನಾಶ ಆಕತೆ ಎಲ್ಲಾರು ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬರಂಡೂಂದ್ ಕುಶಿಪಟ್ಟಿತ್ ನಿಂಗಳ ಗೇನಮಾಡಿಯಂಡೇ, ದುಂಬ ತಾಳ್ಮೇಳ್ ಉಳ್ಳಂವೊನಾಯಿತುಂಡ್.