ರೋಮ್ 15:32 - ಕೊಡವ ಬೈಬಲ್

³² ಅನ್ನನೆ ದೇವಡ ಚಿತ್ತ ಇಂಜತೇಂಗಿ, ನಾನ್ ನಿಂಗಡ ಪಕ್ಕ ಕುಶೀಲ್ ಬಂದಿತ್, ನಿಂಗಡಗುಂಡ್ ಆರಾಮ್‍ಲ್ ಇಪ್ಪಿ.

ರೋಮ್ 15:32 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 25:13

ಕೊಯ್ಯಿಪಣಿರ ಕಾಲತ್‌ ಮಂಜಿರ ತಂಪ್ ಎನ್ನನೆ ಇಪ್ಪೊ, ಅನ್ನನೆ ನಂಬಿಕಸ್ತನಾನ ದೂತನು ಇಪ್ಪ. ಅಂವೊ ತಾಂಡ ಒಡೆಯಂಡ ಆತ್ಮತ್‌ನ ತಂಪಾಯಿತ್‌ ಮಾಡುವ.

ಅಪೊಸ್ತಲ 18:21

ದೇವಡ ಚಿತ್ತವಾಚೇಂಗಿ ಪುನಃ ನಿಂಗಡ ಪಕ್ಕ ಬಪ್ಪೀಂದ್ ಎಣ್ಣಿತ್ ಅಯಿಂಗಡ ಅಪ್ಪಣೆನ ಪಡ್ಂದಿತ್ ಪೋಚಿ. ಅಲ್ಲಿಂಜ ಹಡಗ್‍ಲ್ ಪತ್ತಿತ್ ಎಫೆಸ ಪಟ್ಟಣತ್‍ನ ಬುಟ್ಟಿತ್ ಪೋಚಿ.

ಅಪೊಸ್ತಲ 27:1

ನಂಗ ಸಮುದ್ರ ಮಾರ್ಗವಾಯಿತ್ ಇತಾಲ್ಯ ದೇಶಕ್ ಪೋಕಂಡೂಂದ್ ತೀರ್ಮಾನ ಮಾಡ್‍ನ ಪಿಂಞ ಔಗುಸ್ತ ಎಣ್ಣುವ ಚಕ್ರವರ್ತಿರ ಪೆದ ಉಳ್ಳ ಪಟಾಲತ್‍ರ ನೂರ್ ಸಿಪಾಯಿಯಂಗಡ ಅದಿಕಾರಿಯಾನ ಯೂಲ್ಯ ಎಣ್ಣ್‌ವಂವೊಂಡ ಪಕ್ಕ ಪೌಲ ಪಿಂಞ ಅಂವೊಂಡ ಕೂಡೆ ಇಂಜ ಚೆನ್ನ ಕೈದಿಯಳ ಒಪ್ಪ್‌ಚಿಟ್ಟತ್.

ರೋಮ್ 15:29

ನಾನ್ ನಿಂಗಡ ಪಕ್ಕ ಬಪ್ಪಕ ಕ್ರಿಸ್ತಂಡ ಪೂರ್ತಿ ಆಶೀರ್ವಾದತ್‍ರ ಅಳ್‌ತೆಲ್ ಬಪ್ಪೀಂದ್ ನಾಕ್ ಗೊತ್ತುಂಡ್.

1 ಕೊರಿಂಥ 16:18

ಅಯಿಂಗ ನಾಕ್ ಪಿಂಞ ನಿಂಗಕ್ ಚಾಯಿ ಒತ್ತಾಸೆ ಮಾಡ್‍ಚಿ, ಅನ್ನನೆ ದೇವಡ ಸೇವೇನ ಚಾಯಿ ಮಾಡ್‌ವಯಿಂಗಳ ನಿಂಗ ದುಂಬ ಗನಪಡ್‌ತಂಡು.

1 ಕೊರಿಂಥ 4:19

ಆಚೇಂಗಿಯು, ಒಡೆಯಂಡ ಚಿತ್ತ ಉಂಡೇಂಗಿ ನಾನ್ ನಿಂಗಡ ಪಕ್ಕ ಬೆರಿಯ ಬಪ್ಪಿ. ಬಂದಿತ್, ಆಂಗಾರತ್‍ಲ್ ಬಲ್ಯರಿಕೇಲ್ ಉಳ್ಳ ಜನಡ ತಕ್ಕ್ ಮಾತ್ರ ಅನ್ನನೆ ಉಂಡಾ ಅಥವ ನೇರಾಯಿತು ಅಯಿಂಗಕ್ ಎಂತಾಚು ಶಕ್ತಿ ಉಂಡಾಂದ್ ಕಂಡ್‌ಪುಡಿಪಿ.

2 ಕೊರಿಂಥ 7:13

ಅನ್ನನೆ, ನಿಂಗಕ್ ಪುರ್‌ಡ್ ಕ್‍ಟ್ಟ್‌ನಗುಂಡ್ ನಂಗಕ್ ಪುರ್‌ಡ್ ಕ್‍ಟ್ಟ್‌ಚಿ; ವಿಶೇಷವಾಯಿತ್ ತೀತಂಡ ಆತ್ಮಕ್ ನಿಂಗ ಎಲ್ಲಾಡಗುಂಡ್ ಪುರ್‌ಡ್ ಕ್‍ಟ್ಟ್‌ನಗುಂಡ್, ಅಂವೊಂಡ ಕುಶೀಲ್ ನಂಗ ದುಂಬ ಕುಶಿಪಟ್ಟತ್.

2 ತಿಮೊಥೆಯ 1:16

ದೇವ ಒನೇಸಿಫೊರಂಡ ಮನೆಕ್ ಕರುಣೆ ಕಾಟಡ್. ಎನ್ನಂಗೆಣ್ಣ್‌ಚೇಂಗಿ ಅಂವೊ ದುಂಬ ಕುರಿ ಬಂತ್ ನಾಕ್ ಪುರ್‌ಡ್ ಕೊಡ್‍ತತ್; ಪಿಂಞ ನಾನ್ ಕೈದಿಯಾಯಿತ್ ಇಂಜತೇಂಗಿಯು ಅಂವೊ ಞಾಣ ಪಟ್ಟಿತ್ತ್‌ಲ್ಲೆ.

ಫಿಲೆಮೋನ 1:20

ಅಕ್ಕು, ಪ್ರೀತಿರ ಫಿಲೆಮೋನನೇ, ಕ್ರಿಸ್ತಂಡಗುಂಡ್ ನೀಡಲ್ಲಿ ನಾಕ್ ಸಮಾದಾನ ಆಡ್. ಕ್ರಿಸ್ತಂಗಾಯಿತ್ ನಾಡ ಹೃದಯತ್‍ನ ನೀನ್ ಕುಶಿಪಡ್‍ತ್.

ಫಿಲೆಮೋನ 1:7

ನಾಡ ಪ್ರೀತಿರ ಫಿಲೆಮೋನನೇ, ನೀಡಗುಂಡ್ ದೇವಡ ಮಕ್ಕಡ ಹೃದಯಕ್ ದುಂಬ ಒತ್ತಾಸೆ ಆನಗುಂಡ್, ನೀಡ ಪ್ರೀತಿಯಿಂಜ ನಂಗಕ್ ದುಂಬ ಕುಶಿಯು ಸಮಾದಾನವು ಆಚಿ.

ಯಾಕೋಬ 4:15

ಆನಗುಂಡ್: ಇದ್ ದೇವಕ್ ಚಿತ್ತ ಉಂಡೇಂಗಿ, ನಂಗ ಬದ್‌ಕಿತ್ ಅದ್ ಇದ್ ಮಾಡ್‌ವಾಂದ್ ಎಣ್ಣಂಡು.