ರೋಮ್ 15:26 - ಕೊಡವ ಬೈಬಲ್

²⁶ ಯೆರೂಸಲೇಮ್‍ಲ್ ಗರೀಬಂಗಳಾನ ದೇವಡ ಮಕ್ಕಕ್ ಚೆನ್ನ ಪಣ ಸಹಾಯ ಮಾಡ್‌ವಕ್ ಮಕೆದೋನ್ಯ ಪಿಂಞ ಅಖಾಯ ಪಟ್ಟಣತ್‍ಲ್ ಉಳ್ಳಯಿಂಗ ಮನಸುಳ್ಳಯಿಂಗಳಾಯಿತುಂಡ್.

ರೋಮ್ 15:26 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:21

ನೆರೆಮನೆಕಾರನ ಮರ್ಯಾದಿಯಿಲ್ಲತೆ ನಡ್‌ತ್‌ವಂವೊ ಪಾಪ ಮಾಡಿಯಂಡುಂಡ್. ಆಚೇಂಗಿ ಗರೀಬಂಗಕ್‌ ಕರುಣೆ ಕಾಟ್‌ವಂವೊ ಆಶೀರ್ವಾದ ಪಡೆಯುವ.

ಜ್ಞಾನತ್‌ರ ಪಡಿಮ 14:31

ಗರೀಬನ ಹಿಂಸೆಪಡ್‌ತವಂವೊ ಅಂವೊನ ಸೃಷ್ಟಿ ಮಾಡನಂವೊನ ಕಮ್ಮಿಯಾಯಿತ್‌ ನೋಟಿಯಂಡುಂಡ್. ಗರೀಬಂಗ್‌ ಕರುಣೆ ಕಾಟ್‌ವಂವೊ ಅಂವೊನ ಗನಪಡ್‌ತುವ.

ಜ್ಞಾನತ್‌ರ ಪಡಿಮ 17:5

ಗರೀಬನ ಪರಿಹಾಸ ಮಾಡ್‌ವಂವೊ ಅಂವೊನ ಸೃಷ್ಟಿ ಮಾಡ್‌ನಂವೊನ ಅವಮಾನ ಮಾಡ್‌ವ. ಬೋರೆ ಒಬ್ಬ ಅಪಾಯತ್‌ಲ್‌ ಇಪ್ಪದ್‌ನ ಕಂಡಿತ್‌ ಕುಶಿಪಡ್‌ವಂವೊಂಗ್‌ ಶಿಕ್ಷೆ ಕಂಡಿತ.

ಮತ್ತಾಯ 25:40

ಅಕ್ಕ ರಾಜ, ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಮಾಡ್‍ಚೇಂಗಿಯು, ಅದ್‍ನ ನಿಂಗ ನಾಕ್ ಮಾಡ್‌ನನೆಕೇಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 26:11

ಗರೀಬಂಗ ಎಕ್ಕಾಲು ನಿಂಗಡ ಕೂಡೆ ಇಪ್ಪ. ಆಚೇಂಗಿ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:13

ನೀನ್ ನೀಡ ಮನೆಕ್ ಉಂಬಕ್ ಕಾಕ್‌ವಕಾಪಕ ಗರೀಬಳ, ಕುಂಟಂಗಳ, ಕುರ್‌ಡಂಗಳ, ಊನಕಾರಂಗಳ ಕಾಕ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:20

ಅಕ್ಕ ಯೇಸು, ಅಂವೊಂಡ ಶಿಷ್ಯಂಗಳ ನೋಟಿತ್: ಗರೀಬಂಗಳಾಯಿತುಳ್ಳ ನಿಂಗ ಆಶೀರ್ವಾದ ಪಡ್ಂದಯಿಂಗ, ದೇವಡ ರಾಜ್ಯ ನಿಂಗಡ‌ದ್!

ಅಪೊಸ್ತಲ 16:12

ಫಿಲಿಪ್ಪಿ ಎಣ್ಣುವ ಪಟ್ಟಣ ಮಕೆದೋನ್ಯತ್‍ರ ಮುಕ್ಯಪಟ್ಟ ಪಟ್ಟಣವಾಯಿತ್ಂಜತ್, ರೋಮ್ ರಾಜ್ಯತ್‍ರ ಜನ ಅಲ್ಲಿ ಬಂದಿತ್ ವಾಸ ಮಾಡಿಯಂಡಿಂಜತ್. ಈ ಪಟ್ಟಣತ್‍ಲ್ ನಂಗ ಚೆನ್ನ ದಿವಸ ಇಂಜತ್.

ಅಪೊಸ್ತಲ 16:9

ಅಲ್ಲಿ ಅಂದ್ ಬಯಿಟ್, ಪೌಲ ಒರ್ ದರ್ಶನ ಕಂಡತ್. ಅದ್ ಎಂತ ಎಣ್ಣ್‌ಚೇಂಗಿ, ಮಕೆದೋನ್ಯ ದೇಶತ್‍ರ ಒರ್ ಮನುಷ್ಯ ನಿಂದಂಡ್: ನೀನ್ ಸಮುದ್ರತ್‍ನ ದಾಟಿತ್ ಮಕೆದೋನ್ಯಕ್ ಬಂದಿತ್ ನಂಗಕ್ ಸಹಾಯ ಮಾಡ್‍ೕಂದ್ ಅಂವೊನ ಕ್‍ೕಟಂಡತ್.

ಅಪೊಸ್ತಲ 18:12

ಗಲ್ಲಿಯೋನ ಎಣ್ಣ್‌ವಂವೊ ಅಖಾಯ ಪ್ರಾಂತ್ಯತ್‍ರ ಅದಿಪತಿಯಾಯಿತಿಪ್ಪಕ, ಯೆಹೂದ್ಯಂಗ ಒಕ್ಕಚೆ ಪೌಲಂಗ್ ವಿರೋದವಾಯಿತ್ ಎದ್ದಿತ್, ಗಲ್ಲಿಯೋನಂಡ ನ್ಯಾಯಸ್ತಾನತ್‍ರ ಮಿಂಞಕ್ ಪೌಲನ ಕೊಂಡ್ ಬಾತ್.

ಅಪೊಸ್ತಲ 19:21

ಇನ್ನನೆಲ್ಲ ಆನ ಪಿಂಞ ಪೌಲ, ತಾನ್ ಮಕೆದೋನ್ಯಕ್ ಪೋಪಕ್ ಮಿಂಞ ಅಖಾಯ ಪಟ್ಟಣಕ್ ಪೋಯಿತ್, ಬಯ್ಯ ಯೆರೂಸಲೇಮ್‌ಕ್ ಪೋಪೀಂದ್ ಅಂವೊಂಡ ಆತ್ಮತ್‍ಲ್ ಗೇನ ಮಾಡಿತ್: ನಾನ್ ಅಲ್ಲಿಕ್ ಪೋನ ಪಿಂಞ ರೋಮ್ ಪಟ್ಟಣಕ್ ಪೋಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 9:13

ಅದ್ಂಗ್ ಅನನೀಯ: ಒಡೆಯನೇ, ಆ ಮನುಷ್ಯ ಯೆರೂಸಲೇಮ್‍ಲ್ ನಿನ್ನ ನಂಬುವ ದೇವಡ ಮಕ್ಕಕ್ ಎಚ್ಚಕೋ ಕೆಟ್ಟದ್‍ನ ಮಾಡಿತುಂಡ್‍ೕಂದ್ ಅಂವೊಂಡ ವಿಷಯತ್ ದುಂಬ ಜನ ಎಣ್ಣ್‌ವಾನ ಕ್‍ೕಟಿಯೆ.

1 ಕೊರಿಂಥ 16:15

ನಾಡ ಅಣ್ಣತಮ್ಮಣಂಗಳೇ, ಸ್ತೆಫನಂಡ ಕುಟುಂಬತ್‍ಲ್ ಉಳ್ಳಯಿಂಗ ಅಖಾಯ ಪ್ರಾಂತ್ಯತ್‍ಲ್ ಆದ್ಯವಾಯಿತ್ ಯೇಸುನ ನಂಬ್‍ನಯಿಂಗಾಂದು, ಪಿಂಞ ದೇವಡ ಮಕ್ಕಕ್ ಸೇವೆ ಮಾಡ್‌ವಕ್ ಅಯಿಂಗೆಲ್ಲಾ ಅಯಿಂಗಳ ಒಪ್ಪ್‌ಚಿಟ್ಟಿತುಂಡ್‍ೕಂದೂ ನಿಂಗಕ್ ಗೊತ್ತುಂಡಲ್ಲ.

1 ಕೊರಿಂಥ 16:5

ನಾನ್ ಇಕ್ಕ ಮಕೆದೋನ್ಯ ನಾಡ್‍ರ ಬಟ್ಟೇಲ್ ಪೋಯಂಡುಳ್ಳಗುಂಡ್, ಅದಾನ ಪಿಂಞ ನಾನ್ ನಿಂಗಡ ಪಕ್ಕ ಬಪ್ಪಿ.

2 ಕೊರಿಂಥ 1:16

ನಾನ್ ಮಕೆದೋನ್ಯ ಪ್ರಾಂತ್ಯಕ್ ಪೋಪಕ ನಿಂಗಳ ಕಂಡಿತ್ ಪೋಪಿ, ಪುನಃ ಅಲ್ಲಿಂಜ ಬಪ್ಪಕಲು ನಿಂಗಳ ಕಂಡಿತ್ ಬಪ್ಪಕ್ ಗೇನ ಮಾಡಿಯಂಡುಳ್ಳ. ಬಯ್ಯ ನಿಂಗ ನನ್ನ ಯೂದಾಯಕ್ ಅಯಿಕಲು.

2 ಕೊರಿಂಥ 11:9

ನಾನ್ ನಿಂಗಡ ಪಕ್ಕ ಇಪ್ಪಕ, ಮಕೆದೋನ್ಯತ್ಂಜ ಬಂದ ನಾಡ ಅಣ್ಣತಮ್ಮಣಂಗ ನಾಕ್ ಬೋಂಡಿಯಾನದ್‍ನ ತಂದತ್. ನಿಂಗಕ್ ಆ ಬಾರತ್‍ನ ಕೊಡ್‍ತಿತ್‌ಲ್ಲೆ. ಎಲ್ಲಾ ವಿಷಯತ್ ನಾನ್ ನಿಂಗಕ್ ಬಾರವಾಯಿತ್ ಇಲ್ಲತಿಪ್ಪನೆಕೆ ಜಾಗ್ರತೆಲ್ ಇಂಜ. ಇಂಞು ಮಿಂಞಕು ಜಾಗ್ರತೆಲ್ ಇಪ್ಪಿ.

2 ಕೊರಿಂಥ 2:13

ಆಚೇಂಗಿಯು, ಅಲ್ಲಿ ನಾಡ ಪ್ರೀತಿರ ತಮ್ಮಣನಾನ ತೀತನ ಕಾಂಗತಗುಂಡ್, ನಾಡ ಮನಸ್ಸ್‌ಕ್ ಸಮಾದಾನ ಇಲ್ಲತಾಚಿ. ಆನಗುಂಡ್, ನಾನ್ ಪೊರಟಿತ್ ಪೋಪೀಂದ್ ಅಯಿಂಗಕ್ ಎಣ್ಣಿತ್, ಮಕೆದೋನ್ಯ ಪ್ರಾಂತ್ಯಕ್ ಪೋಯೆ.

2 ಕೊರಿಂಥ 7:5

ಎನ್ನನೆ ಎಣ್ಣ್‌ಚೇಂಗಿ, ನಂಗ ಮಕೆದೋನ್ಯ ಪ್ರಾಂತ್ಯಕ್ ಬಪ್ಪಕ, ನಂಗ ಆರಾಮ್‍ಲ್ ಇಪ್ಪಕ್ ಒರ್ ಜಾಗವು ಕ್‍ಟ್ಟಿತ್‌ಲ್ಲೆ. ಎಲ್ಲಾ ದಿಕ್ಕಿಂಜಲೂ ಹಿಂಸೆ ಇಂಜತ್; ಪೊರಮೆ ಪೋರಾಟವು, ಒಳ್‍ಕ್ ಪೋಡಿಯು ಇಂಜತ್.

2 ಕೊರಿಂಥ 9:12

ಈ ಪಣದಾನ ಸೇವೆ ದೇವಡ ಮಕ್ಕಡ ಗರೀಬತನತ್‍ನ ಬದ್‍ಲ್ ಮಾಡ್‌ವ, ಅದಲ್ಲತೆ, ದುಂಬ ಜನ ದೇವಕ್ ವಂದನೆ ಎಣ್ಣ್‌ವಗುಂಡ್, ಪೂರ್ತಿ ಫಲವು ಕ್‍ಟ್ಟುವ.

2 ಕೊರಿಂಥ 9:2

ನಿಂಗಡ ಮನಸ್ಸ್‌ರ ಆಸೆ ನಾಕ್ ಗೊತ್ತುಂಡ್; ಅಖಾಯ ಪ್ರಾಂತ್ಯತ್‍ಲ್ ಉಳ್ಳ ದೇವಡ ಮಕ್ಕ ಇದ್‍ನ ಮಾಡ್‌ವಕ್ ಒರ್ ಕಾಲತ್ಂಜ ತಯಾರಾಯಿತ್ ಉಂಡ್‍ೕಂದ್, ಮಕೆದೋನ್ಯ ಪಟ್ಟಣತ್‍ರ ಮಕ್ಕಕ್ ಎಣ್ಣಿತ್ ನಿಂಗಳ ಹೊಗಳ್‍ಚಿಟ್ಟಿಯೆ; ನಿಂಗಡ ಅಪೇಕ್ಷೆ ದುಂಬ ಜನಕ್ ಪುರ್‌ಡ್ ಕೊಡ್‍ತತ್.

2 ಕೊರಿಂಥ 9:4

ಮಕೆದೋನ್ಯತ್‍ರ ಜನ ನಾಡ ಕೂಡೆ ಬಂದಿತ್, ನಿಂಗ ತಯಾರಾಯಿತ್ ಇಲ್ಲತದ್‍ನ ಕಾಂಬಕ, ಇಚ್ಚಕ್ ಬಲ್ಯದಾಯಿತ್ ನಾನ್ ನಿಂಗಡ ವಿಷಯತ್‍ನ ಎಣ್ಣ್‌ನಾಂಗ್, ನಿಂಗಕ್ ಞಾಣ ಆಪಾಂದ್ ನಾನ್ ಎಣ್ಣುವಕ್ ಬದ್‍ಲಾಯಿತ್, ನಂಗಳೇ ಞಾಣ ಪಡುವನೆಕೆ ಆಪ.

ಫಿಲಿಪ್ಪಿ 4:15

ಫಿಲಿಪ್ಪಿ ಪಟ್ಟಣತ್‍ರ ದೇವಡ ಮಕ್ಕಳೇ, ದೇವಡ ನಲ್ಲ ಸುದ್ದಿನ ನಾನ್ ಮಕೆದೋನ್ಯತ್ಂಜ ಎಣ್ಣಿಯಂಡ್ ಪೋಪಕ ಪಣ ಸಹಾಯ ಮಾಡ್‌ವ ವಿಷಯತ್‍ಲ್ ನಿಂಗ ಮಾತ್ರ ನಾಕ್ ಅಯಿಚದಲ್ಲತೆ ಬೋರೆ ಏದ್ ಸಬೇಯು ಅಯಿಚಿತ್‌ಲ್ಲೇಂದ್ ನಿಂಗಕೇ ಗೊತ್ತುಂಡ್.

1 ಥೆಸಲೊನೀಕ 1:7

ಇನ್ನನೆ ನಿಂಗ ಮಕೆದೋನ್ಯ ಪಟ್ಟಣತ್‍ಲ್ ಪಿಂಞ ಅಖಾಯ ಪ್ರಾಂತ್ಯತ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗಕ್ ಒರ್ ಉದಾರಣೆಯಾಯಿತುಳ್ಳಿರ.

1 ಥೆಸಲೊನೀಕ 1:8

ನಿಂಗಡಿಂಜ ದೇವಡ ಸುದ್ದಿ ಮಕೆದೋನ್ಯ ಪಟ್ಟಣಕ್ ಮಾತ್ರ ಅಲ್ಲತೆ ಅಖಾಯ ಪ್ರಾಂತ್ಯಕ್ ಸಹ ಪಬ್ಬ್‌ಚಿ. ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೆ, ಎಲ್ಲಾ ಜಾಗಕ್ ಗೊತ್ತಾಚಿ. ಆನಗುಂಡ್, ನಂಗ ನಿಂಗಡ ನಂಬಿಕೇರ ವಿಷಯತ್ ಒಂದು ಎಣ್ಣುವಕ್ ಒರ್ ಅವಸ್ಯವು ಇಲ್ಲತೆ ಪೋಚಿ.

1 ಥೆಸಲೊನೀಕ 4:10

ಅನ್ನನೆ ಮಕೆದೋನ್ಯ ನಾಡ್‍ಲ್ ಉಳ್ಳ ಯೇಸುನ ನಂಬ್‍ನ ಅಣ್ಣತಮ್ಮಣಂಗಳ ನಿಂಗ ಪ್ರೀತಿ ಮಾಡಿಯಂಡ್ ಉಳ್ಳಿರ. ಆಚೇಂಗಿ, ನಿಂಗ ಇಂಞು ಪ್ರೀತಿಲ್ ಬೊಳಿಯಂಡೂಂದ್ ನಂಗ ನಿಂಗಳ ಬೋಡುವ.

1 ತಿಮೊಥೆಯ 1:3

ನಾನ್ ಮಕೆದೋನ್ಯಕ್ ಪೋಯಂಡಿಪ್ಪಕ, ನೀನ್ ಎಫೆಸತ್‍ಲ್ ಇಪ್ಪಂಜಿ, ಕಳ್ಳ ಬೋದನೆ ಮಾಡ್‌ವಯಿಂಗ ಇಂಞು ಮಿಂಞಕ್ ಅದ್‍ನ ಮಾಡತನೆಕೆ ನೀನ್ ಅಯಿಂಗಳ ಎಚ್ಚರ ಮಾಡಂಡೂಂದ್ ನಾನ್ ನೀಕ್ ಒತ್ತಾಯ ಮಾಡ್‍ನ.