ರೋಮ್ 15:24 - ಕೊಡವ ಬೈಬಲ್

²⁴ ನಾನ್ ಸ್ಪೇನ್ ದೇಶಕ್ ಪ್ರಯಾಣ ಮಾಡ್‌ವಕ, ನಿಂಗಡ ಪಕ್ಕ ಬಂದಿತ್, ಚೆನ್ನ ಸಮಯ ನಿಂಗಡ ಕೂಡೆ ಒಳಿಂಜಿತ್, ಕುಶೀಲ್ ಇಂಜಿತ್, ನಿಂಗಡ ಸಹಾಯತ್‍ಲ್ ಪೊರಟಿತ್ ಪೋಪಕ್ ಸಮಯ ಕ್‌ಟ್ಟೂಂದ್ ನಂಬಿಕೇಲ್ ಉಳ್ಳ.

ರೋಮ್ 15:24 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 25:17

ನೀಡ ನೆರೆಮನೆಕಾರಂಡ ಮನೆಕ್‌ ಅಕ್ಕಕ್ಕ ಪೋಕತೆ. ಅನ್ನನೆ ಪೋಚೇಂಗಿ ಅಂವೊಂಗ್‌ ಮದಿಯಾಯಿತ್‌ ನಿನ್ನ ದ್ವೇಷ ಮಾಡುವ.

ಅಪೊಸ್ತಲ 15:3

ಸಬೆರ ಜನ ಅಯಿಂಗಳ ಅಯಿಚ ಪಿಂಞ, ಅಯಿಂಗ ಫೊಯಿನಿಕೆ ಪಿಂಞ ಸಮಾರ್ಯ ಸೀಮೆರ ಬಟ್ಟೇಲ್ ಪೋಯಂಡಿಪ್ಪಕ, ಯೆಹೂದ್ಯ ಅಲ್ಲತ ಬೋರೆ ಜನಳು ದೇವಡ ಪಕ್ಕ ಬಂದ ಸಂಗತಿನ, ಅಯಿಂಗಡ ಬಟ್ಟೇಲ್ ಕಂಡ ಯೇಸುನ ನಂಬ್‍ನಯಿಂಗಕ್ ವಿವರವಾಯಿತ್ ಎಣ್ಣ್‌ಚಿ. ಅಯಿಂಗ ಇದ್‍ನ ಕ್‍ೕಪಕ ದುಂಬ ಕುಶಿಪಟ್ಟತ್.

ಅಪೊಸ್ತಲ 19:21

ಇನ್ನನೆಲ್ಲ ಆನ ಪಿಂಞ ಪೌಲ, ತಾನ್ ಮಕೆದೋನ್ಯಕ್ ಪೋಪಕ್ ಮಿಂಞ ಅಖಾಯ ಪಟ್ಟಣಕ್ ಪೋಯಿತ್, ಬಯ್ಯ ಯೆರೂಸಲೇಮ್‌ಕ್ ಪೋಪೀಂದ್ ಅಂವೊಂಡ ಆತ್ಮತ್‍ಲ್ ಗೇನ ಮಾಡಿತ್: ನಾನ್ ಅಲ್ಲಿಕ್ ಪೋನ ಪಿಂಞ ರೋಮ್ ಪಟ್ಟಣಕ್ ಪೋಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 21:5

ಆಚೇಂಗಿ, ಹಡಗ್ ಅಲ್ಲಿಂಜ ಪೊರಡ್‌ವ ಸಮಯ ಬಪ್ಪಕ, ಅಯಿಂಗೆಲ್ಲಾರು ಪೊಣ್ಣ್ ಮಕ್ಕಡ ಕೂಡೆ ಪಟ್ಟಣತ್‍ರ ಕಡೇಕತ್ತನೆ ನಂಗಡ ಕೂಡೆ ಬಾತ್. ನಂಗ ಕಡಕರೆಲ್ ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡ್‍ಚಿ.

ರೋಮ್ 1:12

ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನ ನಾನ್ ಕಾಂಬಕ ನಾಕ್ ಪುರ್‌ಡ್ ಕ್‍ಟ್ಟುವನೆಕೆ, ನಿಂಗಕು ಸಹ ನಾನ್ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನೆ ಕಂಡಿತ್ ಪುರ್‌ಡ್ ಕ್‍ಟ್ಟುವ. ಇನ್ನನೆ ದಂಡಾಳ್‍ಕು ಆಶೀರ್ವಾದ ಆಪ.

ರೋಮ್ 15:28

ಈ ವಿಷಯತ್‍ನ ನಾನ್ ನೆರೆವೇರಿಚಿಟ್ಟಿತ್, ಅಯಿಂಗಕಾಯಿತ್ ಕೂಟ್‍ನ ಈ ಸಹಾಯತ್‍ನ ಅಯಿಂಗಡ ಕೈಲ್ ಒಪ್ಪ್‌ಚಿಟ್ಟ ಪಿಂಞ ಸ್ಪೇನ್ ದೇಶಕ್ ಪೋಪಕ ನಿಂಗಡ ಪಕ್ಕ ಬಂದಿತ್ ಪೋಪಿ.

2 ಕೊರಿಂಥ 1:16

ನಾನ್ ಮಕೆದೋನ್ಯ ಪ್ರಾಂತ್ಯಕ್ ಪೋಪಕ ನಿಂಗಳ ಕಂಡಿತ್ ಪೋಪಿ, ಪುನಃ ಅಲ್ಲಿಂಜ ಬಪ್ಪಕಲು ನಿಂಗಳ ಕಂಡಿತ್ ಬಪ್ಪಕ್ ಗೇನ ಮಾಡಿಯಂಡುಳ್ಳ. ಬಯ್ಯ ನಿಂಗ ನನ್ನ ಯೂದಾಯಕ್ ಅಯಿಕಲು.

3 ಯೋಹಾನ 1:6

ನೀನ್ ಕಾಟ್‍ನ ಪ್ರೀತಿನ ಅಯಿಂಗ ಇಲ್ಲಿ ಸಬೇಲ್ ಎಣ್ಣ್‌ಚಿ. ಇಂಞು ಅಯಿಂಗಳ ನೀನ್ ದೇವಡ ಸೇವಕಂಗಕ್ ಯೋಗ್ಯವಾನ ತರತ್‍ಲ್ ನೋಟಿತ್ ಅಯಿಚತೇಂಗಿ ಚಾಯಿಪ್ಪ.