ರೋಮ್ 15:19 - ಕೊಡವ ಬೈಬಲ್

¹⁹ ಇನ್ನನೆ ಯೆರೂಸಲೇಮ್ಂಜ ಇಲ್ಲುರಿಕ ಎಣ್ಣುವ ಜಾಗತ್‍ರ ಸುತ್ತ್‌ಮುತ್ತ್‌ಕತ್ತನೆ ಕ್ರಿಸ್ತಂಡ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಬೋದನೆ ಮಾಡಿಯೆ.

ರೋಮ್ 15:19 ပူးပေါင်းရင်းမြစ်များ

ಮತ್ತಾಯ 12:28

ನಾನ್ ದೇವಡ ಆತ್ಮತ್‍ರಗುಂಡ್ ಕೂಳಿಯಳ ಬುಡ್‌ತಿಯಂಡುಳ್ಳಗುಂಡ್, ದೇವಡ ರಾಜ್ಯ ನಿಂಗಡ ಪಕ್ಕ ಇಕ್ಕಲೆ ಬಂದಿತುಂಡ್.

ಯೋಹಾನ 4:48

ಅಕ್ಕ ಯೇಸು: ನಿಂಗ ಗುರ್‌ತ್ ಪಿಂಞ ಆಶ್ಚರ್ಯ ಕಾರ್ಯತ್‍ನ ಕಾಂಗತೆ ಪೋಚೇಂಗಿ ನಿಂಗ ದಾರೂ ನನ್ನ ನಂಬುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 13:14

ಪಿಂಞ ಅಯಿಂಗ ಪೆರ್ಗೆಯಿಂಜ ಪಿಸಿದ್ಯ ಸೀಮೆಕ್ ಕೂಡ್‍ನ ಅಂತಿಯೋಕ್ಯಕ್ ಬಾತ್. ಸಬ್ಬತ್ ದಿವಸತ್‍ಲ್ ಅಲ್ಲಿಯತ್‍ರ ಸಬಾಮಂದಿರಕ್ ಪೋಯಿತ್ ಅಳ್‌ತತ್.

ಅಪೊಸ್ತಲ 13:51

ಈಂಗ ತಂಗಡ ಕಾಲ್‌ಲ್ ಉಳ್ಳ ದೂಳ್‍ನ, ಅಯಿಂಗಕ್ ವಿರೋದವಾಯಿತ್ ಕೊಡ್‍ಕಿತ್, ಇಕೋನ್ಯ ಪಟ್ಟಣಕ್ ಪೋಚಿ.

ಅಪೊಸ್ತಲ 14:10

ನೀಡ ಕಾಲ್‌ನ ನೇರೆ ನ್‍ೕಟಿತ್ ನಿಂದಾಂದ್ ಬಲ್ಯ ಸ್ವರತ್ ಎಣ್ಣ್‌ಚಿ. ಅಕ್ಕನ್ನೆ, ಆ ಮನುಷ್ಯ ಪಾರಿಯಂಡ್ ಎದ್ದಿತ್ ನಡ್‍ಪಕ್ ಸುರು ಮಾಡ್‍ಚಿ.

ಅಪೊಸ್ತಲ 14:20

ಪಿಂಞ, ಯೇಸುನ ನಂಬ್‍ನಯಿಂಗ ಅಂವೊಂಡ ಸುತ್ತ್‌ಲ್ ನಿಂದಂಡಿಪ್ಪಕ ಅಂವೊ, ಎದ್ದಿತ್ ಊರ್‌ರ ಒಳ್‍ಕ್ ಪೋಚಿ. ಪಿತ್ಯಾಂದ್ ಬಾರ್ನಬಂಡ ಕೂಡೆ ದೆರ್ಬೆಕ್ ಪೊರಟತ್.

ಅಪೊಸ್ತಲ 14:25

ಅದ್ಂಗ್ ಕೂಡ್‍ನ ಪೆರ್ಗೆ ಊರ್‌ಲ್ ದೇವಡ ವಾಕ್ಯತ್‍ನ ಪ್ರಸಂಗ ಮಾಡಿತ್, ಪಿಂಞ ಅತಾಲ್ಯ ಪಟ್ಟಣಕ್ ಪೋಚಿ.

ಅಪೊಸ್ತಲ 14:6

ಅಪೊಸ್ತಲಂಗ ಇದ್‍ನ ಅರಿಂಜಂಡ್ ಲುಕವೋನ್ಯ ಸೀಮೆರ ಲುಸ್ತ್ರ ಪಿಂಞ ದೆರ್ಬೆ ಪಟ್ಟಣತ್‍ರ ಪಕ್ಕ ಓಡಿ ಪೋಯಿತ್,

ಅಪೊಸ್ತಲ 15:12

ಅಕ್ಕ, ಅಲ್ಲಿ ಕೂಡಿತ್ಂಜ ಎಲ್ಲಾರು ಒರ್ ತಕ್ಕು ಎಣ್ಣತೆ, ಬಾರ್ನಬ ಪಿಂಞ ಪೌಲಂಡ ಮೂಲಕ ದೇವ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ಮಾಡ್‍ನ ಎಲ್ಲಾ ಆಶ್ಚರ್ಯ ಗುರ್‌ತ್ ಕಾರ್ಯತ್‍ನ ಅಯಿಂಗ ವಿವರಿಚಿಡುವಾನ ಕ್‍ೕಟತ್.

ಅಪೊಸ್ತಲ 16:18

ಇನ್ನನೆ ದುಂಬ ದಿವಸ ಮಾಡ್‍ನಗುಂಡ್ ಪೌಲಂಗ್ ದುಂಬ ಚೆಡಿ ಬಂತ್, ಅವಡ ಪಕ್ಕ ತಿರಿತ್ ಆ ಕೂಳಿಕ್: ನೀನ್ ಇವಳ ಬುಟ್ಟಿತ್ ಪೋಂಡೂಂದ್ ಯೇಸು ಕ್ರಿಸ್ತಂಡ ಪೆದತ್‍ಲ್ ನೀಕ್ ಆಜ್ಞೆ ಮಾಡ್‌ವೀಂದ್ ಎಣ್ಣ್‌ಚಿ. ಅದೇ ಗಳಿಗೆಲ್ ಅದ್ ಅವಳ ಬುಟ್ಟಿತ್ ಪೋಚಿ.

ಅಪೊಸ್ತಲ 17:10

ಒಡನೆ, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಬಯಿಟ್ ನೇರತೆ ಪೌಲ ಪಿಂಞ ಸೀಲನ ಬೆರೋಯ ಪಟ್ಟಣಕ್ ಅಯಿಚತ್; ಅಯಿಂಗ ಅಲ್ಲಿಕ್ ಎತ್ತಿತ್ ಯೆಹೂದ್ಯಂಗಡ ಸಬಾಮಂದಿರಕ್ ಪೋಚಿ.

ಅಪೊಸ್ತಲ 17:15

ಪೌಲಂಡ ಕೂಡೆ ಪೋನಯಿಂಗ ಅಂವೊನ ಅಥೇನೆ ಪಟ್ಟಣಕತ್ತನೆ ಕಾಕಿಯಂಡ್ ಪೋಯಿತ್, ಸೀಲ ಪಿಂಞ ತಿಮೊಥೆಯ ನಾಡ ಪಕ್ಕ ಬೆರಿಯ ಬರಂಡೂಂದ್ ಉಳ್ಳ ಪೌಲಂಡ ಅಪ್ಪಣೆನ ಪಡ್ಂದಿತ್ ವಾಪಸ್ ಪೋಚಿ.

ಅಪೊಸ್ತಲ 18:1

ಇದಾನ ಪಿಂಞ ಪೌಲ ಅಥೇನೆ ಪಟ್ಟಣತ್‍ನ ಬುಟ್ಟಿತ್ ಕೊರಿಂಥ ಪಟ್ಟಣಕ್ ಪೋಚಿ.

ಅಪೊಸ್ತಲ 18:19

ಪೌಲ ಎಫೆಸ ಪಟ್ಟಣಕ್ ಬಪ್ಪಕ, ಅಯಿಂಗಳ ಅಲ್ಲೇ ಬುಟ್ಟತ್. ತಾನ್ ಮಾತ್ರ ಸಬಾಮಂದಿರತ್‍ರ ಒಳ್‍ಕ್ ಪೋಯಿತ್ ಯೆಹೂದ್ಯಂಗಡ ಕೂಡೆ ವಾದ ಮಾಡ್‍ಚಿ.

ಅಪೊಸ್ತಲ 19:1

ಅಪೊಲ್ಲೋಸ ಕೊರಿಂಥ ಪಟ್ಟಣತ್‍ಲ್ ಇಪ್ಪಕ, ಪೌಲ ಅಲ್ಲಿಂಜ ಮುಕ್ಯ ಬಟ್ಟೇಲ್ ಪ್ರಯಾಣ ಮಾಡತೆ, ಊರ್‌ರ ಬಟ್ಟೇಲ್ ಪ್ರಯಾಣ ಮಾಡಿತ್ ಎಫೆಸ ಪಟ್ಟಣಕ್ ಎತ್ತ್‌ಚಿ. ಅಲ್ಲಿ, ಯೇಸುನ ನಂಬ್‍ನ ಚೆನ್ನ ಜನಳ ಕಂಡತ್.

ಅಪೊಸ್ತಲ 20:20

ನಿಂಗಕ್ ಪ್ರಯೋಜನವಾನದ್‍ನ ಒಂದು ಒಳ್‌ಪ್‍ಚೆಡತೆ, ಎಲ್ಲಾನ ಎಲ್ಲಾಡ ಮಿಂಞತ್, ಮನೆ ಮನೆಲ್ ಬೋದನೆ ಮಾಡಿತ್, ಪ್ರಸಂಗ ಮಾಡಿಯೆ.

ಅಪೊಸ್ತಲ 20:6

ಪುಳಿಯಿಲ್ಲತ ಒಟ್ಟಿ ತಿಂಬ ನಮ್ಮೆ ಆನ ಪಿಂಞ ನಂಗ ಫಿಲಿಪ್ಪಿ ಪಟ್ಟಣತ್ಂಜ ಪೊರಟಿತ್ ಹಡಗ್ ಪತ್ತಿತ್, ಅಂಜ್ ದಿನ ಆನ ಪಿಂಞ ತ್ರೋವ ಪಟ್ಟಣಕ್ ಬಂತ್ ಎತ್ತಿಯೆ. ಅಲ್ಲಿ ನಂಗ ಅಯಿಂಗಡ ಕೂಡೆ ಏಳ್ ದಿವಸ ಒಳಿಂಜಿತ್.

ರೋಮ್ 15:13

ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ನಿಂಗಡ ನಿರೀಕ್ಷೆ ಬಲ್ಯದಾಪಕಾಯಿತ್, ನಿರಿಕ್ಷೇರ ದೇವ, ನಂಬಿಕೇರ ಮೂಲಕ ಕ್‍ಟ್ಟುವ ಎಲ್ಲಾ ಕುಶೀರಗುಂಡ್ ಸಮಾದಾನತ್‍ರಗುಂಡ್ ನಿಂಗಳ ದುಂಬ್‌ಚಿಡಡ್.

ರೋಮ್ 15:16

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಲ್ಲತಯಿಂಗ ಒರ್ ಬಲಿರನೆಕೆ ಪವಿತ್ರಾತ್ಮತ್‍ರಗುಂಡ್ ಶುದ್ದ ಆಯಿತ್, ದೇವಕ್ ಒರ್ ಕುಶೀರ ಬಲಿಯಾಪನೆಕೆ, ನಲ್ಲ ಸುದ್ದಿರ ದೇವಡ ಯಾಜಕನಾಯಿತ್, ಯೇಸು ಕ್ರಿಸ್ತಂಡ ಸೇವಕನಾಯಿತ್ ಯೆಹೂದ್ಯಲ್ಲತಯಿಂಗಕ್ ನಾನ್ ಆನ.

ರೋಮ್ 15:24

ನಾನ್ ಸ್ಪೇನ್ ದೇಶಕ್ ಪ್ರಯಾಣ ಮಾಡ್‌ವಕ, ನಿಂಗಡ ಪಕ್ಕ ಬಂದಿತ್, ಚೆನ್ನ ಸಮಯ ನಿಂಗಡ ಕೂಡೆ ಒಳಿಂಜಿತ್, ಕುಶೀಲ್ ಇಂಜಿತ್, ನಿಂಗಡ ಸಹಾಯತ್‍ಲ್ ಪೊರಟಿತ್ ಪೋಪಕ್ ಸಮಯ ಕ್‌ಟ್ಟೂಂದ್ ನಂಬಿಕೇಲ್ ಉಳ್ಳ.

1 ಕೊರಿಂಥ 2:4

ನಿಂಗಡ ನಂಬಿಕೆ, ಮನುಷ್ಯಂಡ ಜ್ಞಾನತ್ಂಜ ನಿಕ್ಕತೆ, ದೇವಡ ಶಕ್ತಿಲ್ ನಿಪ್ಪಕಾಯಿತ್,

2 ಕೊರಿಂಥ 12:12

ಅಪೊಸ್ತಲಂಗಕುಳ್ಳ ಗುರ್‍ತ್‍ನ ಎಲ್ಲಾ ವಿದವಾನ ಪೊರುಮೆಯಿಂಜ ಆಶ್ಚರ್ಯತ್ಂಜ, ಅದ್ಬುತತ್‌ಂಜ, ಶಕ್ತಿರ ಕೈಯಿಂಜ ನಿಂಗಡ ಮದ್ಯತ್‍ಲ್ ನಡ್ಂದತಲ್ಲಾ?

ಗಲಾತ್ಯ 3:5

ಅದಲ್ಲತೆ, ನಿಂಗಕ್ ಪವಿತ್ರಾತ್ಮತ್‍ನ ತಂದಿತ್, ನಿಂಗಡ ಮದ್ಯತ್‍ಲ್ ಅದ್ಬುತ ಕಾರ್ಯತ್‍ನ ಮಾಡ್‍ಚಿ. ನಿಂಗ ನ್ಯಾಯಪ್ರಮಾಣಕ್ ಬಗ್ಗಿತ್ ನಡ್‍ಪಗುಂಡ್ ಅನ್ನನೆ ಮಾಡ್‍ಚಾ? ಅನ್ನನೆ ಅಲ್ಲ. ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಕ್‍ೕಟಿತ್ ಅದ್‍ನ ನಂಬ್‍ನಗುಂಡ್ ಮಾತ್ರ ಅನ್ನನೆ ಮಾಡ್‍ಚಿ.

ಕೊಲೊಸ್ಸೆ 1:25

ನಿಂಗಕ್ ನಲ್ಲದಾಂಡೂಂದ್, ದೇವ ನಾಕ್ ಅಪ್ಪಣೆ ತಂದಿತುಳ್ಳ ಆ ಸೇವೆಯಾನ ದೇವಡ ವಾಕ್ಯತ್‍ನ ಪೂರ್ತಿಯಾಯಿತ್ ಗೊತ್ತ್ ಮಾಡಿ ಕೊಡ್‍ಪಕ್ ನಾನ್ ಸೇವಕನಾಯಿತ್ ಆನ.

1 ಥೆಸಲೊನೀಕ 1:5

ನಂಗ ನಿಂಗಡ ಪಕ್ಕ ಎಣ್ಣ್‌ನ ದೇವಡ ನಲ್ಲ ಸುದ್ದಿ ತಕ್ಕಾಯಿತ್ ಮಾತ್ರ ಬಂದಿತ್‌ಲ್ಲೆ. ಆಚೇಂಗಿ ಅದ್ ಶಕ್ತಿಲ್, ಪವಿತ್ರಾತ್ಮತ್‍ಲ್ ಪಿಂಞ ತ್‍ೕರ ನಿಶ್ಚಯತ್‍ಲ್ ಬಾತ್‍ೕಂದ್ ನಂಗಕ್ ಗೊತ್ತುಂಡ್. ನಿಂಗಕ್ ಗೊತ್ತುಳ್ಳನೆಕೆ, ನಂಗ ನಿಂಗಡ ಕೂಡೆ ಇಪ್ಪಕ, ನಿಂಗಡ ನಲ್ಲಾಮೇಕಾಯಿತ್, ನಂಗ ಎನ್ನನೆ ಬದ್‍ಕಿಯಂಡ್ ಇಂಜತ್‍ೕಂದ್ ನಿಂಗಕ್ ಗೊತ್ತುಂಡಲ್ಲ?

2 ತಿಮೊಥೆಯ 4:17

ಆಚೇಂಗಿ ಒಡೆಯ ನಾಡ ಕೂಡೆ ನಿಂದಿತ್ ನನ್ನ ಬಲಪಡ್‍ತಿತ್, ನಾಡ ಮೂಲಕ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಪ್ರಚಾರ ಮಾಡ್‌ವಕ್, ಯೆಹೂದ್ಯಂಗಲ್ಲತ ಜನ ಅದ್‍ನ ಕ್‍ೕಪನೆಕೆ ಮಾಡ್‍ಚಿ. ಇದ್ ಅಲ್ಲತೆ ಸಿಂಹತ್‍ರ ಬಾಯಿಯಿಂಜ ನನ್ನ ಬುಡ್‍ಗಡೆ ಮಾಡ್‍ಚಿ.

ಇಬ್ರಿಯ 2:4

ಆಶ್ಚರ್ಯ ಕಾರ್ಯ, ಅದ್ಬುತ ಕಾರ್ಯತ್‍ನಗುಂಡ್ ಪಿಂಞ ಅಂವೊಂಡ ಶಕ್ತಿರಗುಂಡ್ ಎಚ್ಚಕೋ ಕ್ರಿಯೇನ ನಂಗ ಕಂಡಿತುಂಡ್. ತಾಂಡ ಚಿತ್ತತ್‍ರನೆಕೆ, ಪಾಲ್ ಮಾಡ್‍ನ ಪವಿತ್ರಾತ್ಮತ್‍ರ ವರತ್‍ರಗುಂಡ್ ದೇವನೇ ಸಾಕ್ಷಿ ಎಣ್ಣ್‌ನ ಇಚ್ಚಕ್ ಬಲ್ಯ ರಕ್ಷಣೆರ ವಿಷಯತ್ ನಂಗ ಎಚ್ಚರ ಇಲ್ಲತೆ ಇಂಜತೇಂಗಿ, ಬಪ್ಪಕುಳ್ಳ ಶಿಕ್ಷೆಕ್ ನಂಗ ಎನ್ನನೆ ಬಚಾವ್ ಆಪಕಯ್ಯು?

1 ಪೇತ್ರ 1:12

ಅಯಿಂಗಕಾಯಿತ್ ಅಲ್ಲತೆ, ನಂಗಕಾಯಿತೇ ಇನ್ನನೆ ಅಯಿಂಗ ಪ್ರವಾದನೆ ಎಣ್ಣ್‌ಚೀಂದ್ ಅಯಿಂಗಕ್ ಗೊತ್ತಾಚಿ. ಪರಲೋಕತ್ಂಜ ಈ ಲೋಕಕ್ ದೇವ ಅಯಿಚ ಪವಿತ್ರಾತ್ಮತ್‍ರಗುಂಡ್, ನಿಂಗಕ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನಯಿಂಗಡ ಮೂಲಕ, ಈ ವಿಷಯತ್‌ನೆಲ್ಲ ಇಕ್ಕ ನಿಂಗಕ್ ಎಣ್ಣಿಯಂಡುಂಡ್. ಇದ್‍ನ ದೇವದೂತಂಗ ಸಹ ಚಾಯಿ ನೋಟ್‍ವಕ್ ಕುಶೀಲ್ ಉಂಡ್.