ರೋಮ್ 15:12 - ಕೊಡವ ಬೈಬಲ್

¹² ಯೆಶಾಯ ಪ್ರವಾದಿ: ಇಷಯ ಎಣ್ಣ್‌ವಂವೊಂಡ ಸಂತಾನತ್‍ಲ್ ಬಪ್ಪಂವೊನು, ಯೆಹೂದ್ಯ ಅಲ್ಲತಯಿಂಗಳ ಆಳುವಂವೊನು ಆಯಿತುಳ್ಳ ಒಬ್ಬ, ಬಂದಂಡುಂಡ್, ಅಂವೊಂಡಲ್ಲಿ ಯೆಹೂದ್ಯ ಅಲ್ಲತಯಿಂಗ ನಂಬಿಕೆ ಇಡ್‍ವಾಂದ್ ಎಣ್ಣ್‌ಚಿ.

ರೋಮ್ 15:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 49:10

ಸಮಾದಾನತ್‌ರ ಆಳುವಿಕೆ ತಪ್ಪಂವೊ ಬಪ್ಪಕತ್ತನೆ, ರಾಜ ಅದಿಕಾರ ಯೆಹೂದನ ಬುಟ್ಟಿತ್‌ ಪೋಪದು ಇಲ್ಲೆ, ಆಳ್‌ವಿಕೆರೆ ಕೋಲ್‌ ಅಂವೊಂಡ ಕಾಲ್‌ನ ಬುಟ್ಟಿತ್‌ ಪೋಪದು ಇಲ್ಲೆ. ದುಂಬ ಜನಾಂಗ ಅಂವೊಂಗ್‌ ಬಗ್ಗಿತ್‌ ನಡ್‌ಪ.

ಮತ್ತಾಯ 12:21

ಎಲ್ಲಾ ಜನಳು ಅಂವೊಂಡ ಪೆದತ್‍ಲ್ ನಿರಿಕ್ಷೇಲ್ ಇಪ್ಪ ಎಣ್ಣ್‌ವದೇ.

1 ಕೊರಿಂಥ 15:19

ನಂಗ ಯೇಸುರ ಮೇಲೆ ಬೆಚ್ಚಿತುಳ್ಳ ನಂಬಿಕೆ ಈ ಲೋಕತ್‍ರ ಬದ್‍ಕ್‍ಕಾಯಿತ್ ಮಾತ್ರ ಇಪ್ಪದಾಚೇಂಗಿ, ದೇವಡ ನಲ್ಲ ಸುದ್ದಿರ ಮೇಲೆ ನಂಬಿಕೆ ಇಲ್ಲತ ಜನಕಿಂಜ ನಂಗಡ ಸ್ತಿತಿ ಮೋಸವಾನದಾಯಿತ್‌ಪ್ಪ.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

1 ಪೇತ್ರ 1:21

ಅಂವೊಂಡ ಮೂಲಕ ನಿಂಗ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ಮಾಡಿಯತ್. ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎಪ್ಪ್‌ಚಿಟ್ಟಿತ್, ಅಂವೊಂಗ್ ಬಲ್ಯ ಮಹಿಮೆನ ಕೊಡ್‍ತತ್. ಆನಗುಂಡ್, ನಿಂಗ ದೇವಡ ಮೇಲೆ ನಂಬಿಕೆಯು ನಿರೀಕ್ಷೇಯು ಬೆಚ್ಚಿತುಳ್ಳಿರ.

1 ಯೋಹಾನ 3:3

ಯೇಸುರ ಮೇಲೆ ನಂಬಿಕೆ ಉಳ್ಳ ಎಲ್ಲಾರು, ಕ್ರಿಸ್ತ ಶುದ್ದವಾಯಿತ್ ಉಳ್ಳನೆಕೆ ಅಯಿಂಗಳು ಅಯಿಂಗಳ ಶುದ್ದ ಮಾಡ್‌ವ.

ಪ್ರಕಟನೆ 22:16

ಯೇಸುವಾನ ನಾನ್, ಸಬೇಕಾಯಿತ್, ನಿಂಗಡ ಕೂಡೆ ಇದ್‍ನೆಲ್ಲಾ ಸಾಕ್ಷಿಯಾಯಿತ್ ಎಣ್ಣುವಕ್, ನಾಡ ದೂತನ ಅಯಿಚಿಯೆ. ನಾನ್ ದಾವೀದಂಡ ಬೇರಾಯಿತು, ಅಂವೊಂಡ ಸಂತಾಕಾರನಾಯಿತು, ಪೊಲಾಕ ಕಾಂಬ ಪ್ರಕಾಶವಾನ ಬಾನತ್‍ರ ಮೀನಾಯಿ‍ತು ಉಳ್ಳ್‌ಂದ್ ಎಣ್ಣ್‌ಚಿ.

ಪ್ರಕಟನೆ 5:5

ಅಕ್ಕ, ಪೆರಿಯಯಿಂಗಡಲ್ಲಿ ಒಬ್ಬ, ನನ್ನ ನೋಟಿತ್: ನೀನ್ ಮೊರಡತೆ, ಯೆಹೂದ್ಯ ಕುಲತ್‍ರ ಸಿಂಹವೂ, ದಾವೀದ ರಾಜಂಡ ಬೇರಾಯಿತ್ ಉಳ್ಳಂವೊ ಈ ಪುಸ್ತಕತ್‍ನ ತೊರ್‌ಪಕು ಅದ್ಂಡ ಏಳ್ ಮುದ್ರೆಯಳ ಪೊಳಿಪಕು ಗೆದ್ದಿತುಂಡ್‍ೕಂದ್ ಎಣ್ಣ್‌ಚಿ.