ರೋಮ್ 14:23 - ಕೊಡವ ಬೈಬಲ್

²³ ಒಬ್ಬ ಅನುಮಾನತ್‍ಲ್ ತಿಂದತೇಂಗಿ, ಅಂವೊಂಗ್ ತೀರ್ಪ್ ಕ್‍ಟ್ಟ್‌ವ; ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅದ್‍ನ ನಂಬಿಕೆಯಿಂಜ ತಿಂದಂಡಿಲ್ಲೆ. ನಂಬಿಕೇರ ಆದಾರ ಮೇಲೆ ಬರತದ್ ಎಲ್ಲಾ ಪಾಪವೇ.

ರೋಮ್ 14:23 ပူးပေါင်းရင်းမြစ်များ

ರೋಮ್ 13:2

ಆನಗುಂಡ್, ಅದಿಕಾರಕ್ ಎದ್‍ರ್ ನಿಪ್ಪಂವೊ ದೇವ ನೇಮಿಚಿಟ್ಟದಂಗ್ ಎದ್‍ರಾಯಿತ್ ನಿಂದಂಡ್ ಉಂಡ್. ಅನ್ನನೆ ಎದ್‍ರ್ ನಿಪ್ಪಯಿಂಗ ಅಯಿಂಗಕ್ ಅಯಿಂಗಳೇ ತೀರ್ಪ್ ಮಾಡಿಯಂಡುಂಡ್.

ರೋಮ್ 14:5

ಅದಲ್ಲತೆ ಒಬ್ಬ, ಒರ್ ದಿವಸತ್‍ನ ಬೋರೆ ಒರ್ ದಿವಸತ್ಂಜ ವಿಶೇಷವಾನದ್‍ೕಂದ್ ಗೇನ ಮಾಡಿಯಂಡುಂಡ್; ಬೋರೆ ಒಬ್ಬ ಎಲ್ಲಾ ದಿವಸತ್‍ನ ಒರೇ ರೀತಿಯಾಯಿತುಂಡ್‍ೕಂದ್ ಗೇನ ಮಾಡಿಯಂಡುಂಡ್; ಒಬ್ಬೊಬ್ಬನು ಅಯಿಂಗ ಅರ್ಥಮಾಡ್‍ನದ್‍ಲ್ ಸ್ತಿರವಾಯಿತ್ ಇರಂಡು.

1 ಕೊರಿಂಥ 8:7

ಆಚೇಂಗಿಯು, ಈ ವಿಷಯತ್‍ರ ಅರಿವ್ ಎಲ್ಲಾರ್‌ಕು ಇಲ್ಲೆ. ಚೆನ್ನ ಜನ ಇಕ್ಕಲು ವಿಗ್ರಹಕ್ ಜೀವ ಉಂಡ್‍ೕಂದ್ ಗೇನ ಮಾಡಿಯಂಡ್, ವಿಗ್ರಹಕ್ ಅರ್ಪಿಚಿಟ್ಟ ಕೂಳ್‌ನ ತಿಂದಂಡುಂಡ್, ಅಯಿಂಗಡ ಮನಸಾಕ್ಷಿ ಬಲಹೀನವಾಯಿತ್ ಉಳ್ಳಾಂಗ್ ಅದ್ ಅಶುದ್ದವಾಯಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:15

ದೇವಡ ಮಕ್ಕಳಾಯಿತ್ ಹೃದಯತ್‍ಲ್ ಶುದ್ದವಾಯಿತುಳ್ಳಯಿಂಗಕ್ ಎಲ್ಲಾ ಶುದ್ದವಾಯಿತ್‌ಪ್ಪ. ಆಚೇಂಗಿ, ಹೃದಯತ್‍ಲ್ ಅಶುದ್ದವಾಯಿತ್ ದೇವಡ ಮೇಲೆ ನಂಬಿಕೆ ಬೆಕ್ಕತಯಂಗಕ್ ಏದು ಶುದ್ದವಾಯಿತ್ ಇಪ್ಪುಲೆ. ಅಯಿಂಗಡ ಬುದ್ದಿ ಪಿಂಞ ಮನಸಾಕ್ಷಿ ಅಶುದ್ದವಾಯಿತೇ ಇಪ್ಪ.

ಇಬ್ರಿಯ 11:6

ನಂಬಿಕೆ ಇಲ್ಲತಪೋನಕ ದೇವನ ಕುಶಿ ಪಡ್‍ತ್‍ವಕ್ ಸಾದ್ಯ ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ದೇವಡ ಪಕ್ಕ ಕೂಡ್‍ವಂವೊ ದೇವ ಉಂಡ್‍ೕಂದು, ಅಂವೊನ ತ್‍ೕಡ್‌ವ ಜನಕ್ ಅಂವೊ ಪ್ರತಿಫಲ ತಪ್ಪಾಂದು ನಂಬಂಡು.