ರೋಮ್ 14:22 - ಕೊಡವ ಬೈಬಲ್

²² ಅದ್‍ಲ್ ತಪ್ಪು ಒಂದು ಇಲ್ಲೇಂದ್ ನೀನ್ ನಂಬ್‍ಚೇಂಗಿ, ಅದ್‍ನ ನೀಕು ದೇವಕು ಮದ್ಯತ್‍ಲ್ ಬೆಚ್ಚೊಳಿ. ನೀಕ್ ನಲ್ಲದ್‍ೕಂದ್ ನೀನ್ ತೀರ್ಮಾನ ಮಾಡ್‍ನ ವಿಷಯತ್‍ಲ್, ನಿನ್ನ ತಪ್ಪ್ ಮಾಡತಂವೊನಾಯಿತ್ ಕಾಪಾಡಿಯಂಡತೇಂಗಿ ನೀನ್ ಆಶೀರ್ವಾದ ಪಡ್ಂದಂವೊ.

ರೋಮ್ 14:22 ပူးပေါင်းရင်းမြစ်များ

ಅಪೊಸ್ತಲ 24:16

ಇದ್‍ನಗುಂಡ್, ದೇವಡ ವಿಷಯತ್‍ಲು ಮನುಷ್ಯಂಗಡ ವಿಷಯತ್‍ಲು ನಾನ್ ಕುತ್ತ ಇಲ್ಲತ ಮನಸಾಕ್ಷಿಲ್ ಇಪ್ಪಕ್ ಪ್ರಯತ್ನಪಟ್ಟಂಡುಳ್ಳ.

ರೋಮ್ 14:14

ಏದ್ ಆಹಾರವು ಅದಾಯಿತೇ ಅಶುದ್ದ ಆಯಿತಿಪ್ಪುಲೇಂದ್ ಒಡೆಯನಾನ ಯೇಸುರಲ್ಲಿ ಗೊತ್ತಾಯಿತ್ ದೃಡವಾಯಿತ್ ನಂಬುವಿ; ಏದಾಚು ಒರ್ ಆಹಾರ ವಸ್ತುನ ಅಶುದ್ದಾಂದ್ ಒಬ್ಬ ಗೇನ ಮಾಡ್‍ಚೇಂಗಿ, ಅಂವೊಂಗ್ ಅದ್ ಅಶುದ್ದವಾಯಿತ್‌ಪ್ಪ.

ರೋಮ್ 14:2

ಒಬ್ಬ ಎಂತ ಬೋಂಡ್‍ಚೇಂಗಿಯು ತಿಂಗಲೂಂದ್ ನಂಬಿಯಂಡುಂಡ್; ನಂಬಿಕೇಲ್ ಸ್ತಿರವಿಲ್ಲತಂವೊ, ತರ್ಕಾರಿನ ಮಾತ್ರ ತಿಂದಂಡುಂಡ್.

ರೋಮ್ 14:23

ಒಬ್ಬ ಅನುಮಾನತ್‍ಲ್ ತಿಂದತೇಂಗಿ, ಅಂವೊಂಗ್ ತೀರ್ಪ್ ಕ್‍ಟ್ಟ್‌ವ; ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅದ್‍ನ ನಂಬಿಕೆಯಿಂಜ ತಿಂದಂಡಿಲ್ಲೆ. ನಂಬಿಕೇರ ಆದಾರ ಮೇಲೆ ಬರತದ್ ಎಲ್ಲಾ ಪಾಪವೇ.

ರೋಮ್ 14:5

ಅದಲ್ಲತೆ ಒಬ್ಬ, ಒರ್ ದಿವಸತ್‍ನ ಬೋರೆ ಒರ್ ದಿವಸತ್ಂಜ ವಿಶೇಷವಾನದ್‍ೕಂದ್ ಗೇನ ಮಾಡಿಯಂಡುಂಡ್; ಬೋರೆ ಒಬ್ಬ ಎಲ್ಲಾ ದಿವಸತ್‍ನ ಒರೇ ರೀತಿಯಾಯಿತುಂಡ್‍ೕಂದ್ ಗೇನ ಮಾಡಿಯಂಡುಂಡ್; ಒಬ್ಬೊಬ್ಬನು ಅಯಿಂಗ ಅರ್ಥಮಾಡ್‍ನದ್‍ಲ್ ಸ್ತಿರವಾಯಿತ್ ಇರಂಡು.

ರೋಮ್ 2:1

ಆನಗುಂಡ್, ಬೋರೆಯಿಂಗಳ ತೀರ್ಪ್ ಮಾಡ್‌ವ ನಿಂಗ ದಾರಾಯಿತ್ ಇಂಜತೇಂಗಿಯು, ನಿಂಗ ಮಾಡ್‍ನದ್ ಸರೀಂದ್ ಎಣ್ಣ್‌ವಕ್ ಕಯ್ಯುಲೆ; ನಿಂಗ ಪಾಪಾಂದ್ ತೀರ್ಪ್ ಮಾಡ್‌ವ ವಿಷಯತ್‍ನ ನಿಂಗಳೇ ಮಾಡ್‌ವಗುಂಡ್, ನಿಂಗ ಮಾಡ್‌ವ ತೀರ್‌ಪಿಂಜ, ನಿಂಗಳ ನಿಂಗಳೇ ಪಾಪ ಮಾಡ್‌ನಯಿಂಗಾಂದ್ ತೀರ್ಪ್ ಮಾಡ್‌ವಿರ.

ರೋಮ್ 7:15

ಎನ್ನನೆ ಎಣ್ಣ್‌ಚೇಂಗಿ, ನಾನ್ ಮಾಡ್‍ವದ್ ನಾಕೇ ಗೊತ್ತಾಯಂಡಿಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ನಾನ್ ಮಾಡಂಡೂಂದ್ ಉಳ್ಳಾನ ನಾನ್ ಮಾಡಿಯಂಡಿಲ್ಲೆ, ಆಚೇಂಗಿ, ನಾನ್ ಎಂತ ದ್ವೇಶ ಮಾಡ್‌ವ ಅದ್‍ನ ಮಾಡಿಯಂಡುಳ್ಳ.

ರೋಮ್ 7:24

ಓ! ನಾನ್ ಎಚ್ಚಕ್ ಬೇಜಾರತ್‍ಲ್ ಉಳ್ಳ ಮನುಷ್ಯ! ಈ ಚಾವಕುಳ್ಳ ತಡಿಯಿಂಜ ದಾರ್ ನನ್ನ ಕಾಪಾಡ್‌ವ?

1 ಕೊರಿಂಥ 8:7

ಆಚೇಂಗಿಯು, ಈ ವಿಷಯತ್‍ರ ಅರಿವ್ ಎಲ್ಲಾರ್‌ಕು ಇಲ್ಲೆ. ಚೆನ್ನ ಜನ ಇಕ್ಕಲು ವಿಗ್ರಹಕ್ ಜೀವ ಉಂಡ್‍ೕಂದ್ ಗೇನ ಮಾಡಿಯಂಡ್, ವಿಗ್ರಹಕ್ ಅರ್ಪಿಚಿಟ್ಟ ಕೂಳ್‌ನ ತಿಂದಂಡುಂಡ್, ಅಯಿಂಗಡ ಮನಸಾಕ್ಷಿ ಬಲಹೀನವಾಯಿತ್ ಉಳ್ಳಾಂಗ್ ಅದ್ ಅಶುದ್ದವಾಯಿತುಂಡ್.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

ಗಲಾತ್ಯ 6:1

ನಾಡ ಅಣ್ಣತಮ್ಮಣಂಗಳೇ, ದೇವಡ ಮಕ್ಕಡಡೆಲ್ ಒಬ್ಬ ಪಾಪ ಮಾಡ್‍ನದ್ ಗೊತ್ತಾಯಿತ್, ನಿಂಗ ಅಂವೊನ ಪುಡ್‌ಚತೇಂಗಿ, ದೇವಡ ಆತ್ಮತ್‍ನಗುಂಡ್ ನಡ್‍ಪಯಿಂಗಳಾನ ನಿಂಗ, ಶಾಂತ ಗುಣತ್‍ಲ್ ಅಂವೊನ ಚಾಯಿ ಮಾಡಂಡು. ಅದೇ ಸಮಯತ್‍ಲ್ ನಿಂಗ ಸಹ ಅದೇ ಪಾಪತ್‍ಲ್ ಬೂವತನೆಕೆ ಎಚ್ಚರತ್‍ಲ್ ಇರಂಡು.

ಯಾಕೋಬ 3:13

ನಿಂಗಡ ಕೂಟ್‌ಲ್ ಜ್ಞಾನಿಯು ಬುದ್ದಿವಂತಂವೊನು ದಾರೋ, ಅಂವೊ ಅದ್‍ನ ತಾಂಡ ಬದ್‍ಕ್‍ಲ್ ಜ್ಞಾನತ್‍ರ ಫಲವಾಯಿತ್ ಬಪ್ಪ ಶಾಂತ ಗುಣತ್‍ಲ್ ಅಂವೊಂಡ ನಲ್ಲರಿಕೆನ ಕಾಟಡ್.

1 ಯೋಹಾನ 3:21

ಅಂದಕ ನಾಡ ಪ್ರೀತಿರ ಮಕ್ಕಳೇ, ನಂಗಡ ಹೃದಯ ನಂಗಳ ಕಂಡನೆ ಮಾಡಿತ್‌ಲ್ಲೇಂದ್ ಎಣ್ಣ್‌ಚೇಂಗಿ ನಂಗಕ್ ದೇವಡ ಪ್ರಸನ್ನತ್‌ಲ್ ದೈರ್ಯ ಉಂಡ್.