ರೋಮ್ 14:2 - ಕೊಡವ ಬೈಬಲ್

² ಒಬ್ಬ ಎಂತ ಬೋಂಡ್‍ಚೇಂಗಿಯು ತಿಂಗಲೂಂದ್ ನಂಬಿಯಂಡುಂಡ್; ನಂಬಿಕೇಲ್ ಸ್ತಿರವಿಲ್ಲತಂವೊ, ತರ್ಕಾರಿನ ಮಾತ್ರ ತಿಂದಂಡುಂಡ್.

ರೋಮ್ 14:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:29

ಪಿಂಞ ದೇವ: ಇದಾ! ನಾನ್‌ ಬೂಮಿರ ಮೇಲೆ ಎಲ್ಲಾ ನಾನಾ ತರತ್‌ರ ಕಾಳ್‌ಕಡ್ಡಿಯಳ ಪಿಂಞ ಪಣ್ಣ್‌ ಫಲತ್‌ನ ನಿಂಗಕ್‌ ಉಂಬಕ್‌ ತಂದಿಯೆ.

ಆದ್ಯತ್‌ರ ಪುಸ್ತಕ 9:3

ನಾನ್‌ ನಿಂಗಕ್‌ ಕಾಳ್‌ಕಡ್ಡಿ ಪಿಂಞ ತರಕಾರಿನ ತಿಂಬಕ್‌ ತಂದನೆಕೆ, ಬೂಮಿರ ಮೇಲೆ ಉಳ್ಳ ಜೀವಜಂತುವಳ ನಿಂಗಕ್‌ ಆಹಾರವಾಯಿತ್‌ ತಂದಿಯೇ.

ಜ್ಞಾನತ್‌ರ ಪಡಿಮ 15:17

ದ್ವೇಷವುಳ್ಳ ಜಾಗತ್‌ ಬಲ್ಯ ಉಟಕಿಂಜಿ, ಪ್ರೀತಿವುಳ್ಳ ಜಾಗತ್‌ ಸಾದಾರಣ ಊಟ ಉಂಬದೇ ನಲ್ಲದ್.

ರೋಮ್ 14:1

ನಂಬಿಕೇಲ್ ಸ್ತಿರಯಿಲ್ಲತಯಿಂಗಳ ಕೂಟಿಯೊಳಿ; ಆಚೇಂಗಿಯು ಅಯಿಂಗಡ ಅನುಮಾನತ್‍ನ ಕುತ್ತ ಪರಿಯತಿರಿ.

ರೋಮ್ 14:14

ಏದ್ ಆಹಾರವು ಅದಾಯಿತೇ ಅಶುದ್ದ ಆಯಿತಿಪ್ಪುಲೇಂದ್ ಒಡೆಯನಾನ ಯೇಸುರಲ್ಲಿ ಗೊತ್ತಾಯಿತ್ ದೃಡವಾಯಿತ್ ನಂಬುವಿ; ಏದಾಚು ಒರ್ ಆಹಾರ ವಸ್ತುನ ಅಶುದ್ದಾಂದ್ ಒಬ್ಬ ಗೇನ ಮಾಡ್‍ಚೇಂಗಿ, ಅಂವೊಂಗ್ ಅದ್ ಅಶುದ್ದವಾಯಿತ್‌ಪ್ಪ.

ರೋಮ್ 14:20

ಆಹಾರ ವಿಷಯಕಾಯಿತ್ ದೇವಡ ಕ್ರಿಯೇನ ಪಾಳ್ ಮಾಡತಿ. ಎಲ್ಲಾ ಆಹಾರವು ಶುದ್ದವಾನದ್; ಆಚೇಂಗಿಯು, ಬೋರೆ ಒಬ್ಬ ಬುದ್ದ್‌ಪೋಪಕ್ ಕಾರಣವಾಯಿತ್ ಅಂವೊ ತಿಂದತೇಂಗಿ, ಅದ್ ಅಂವೊಂಗ್ ಕುತ್ತವಾಯಿತ್‌ಪ್ಪ.

ರೋಮ್ 15:1

ನಂಬಿಕೇಲ್ ಸ್ತಿರವಾಯಿತ್ ಉಳ್ಳ ನಂಗ, ನಂಗಡ ಕುಶಿಕಾಯಿತ್ ಬದ್‍ಕತೆ, ನಂಬಿಕೇಲ್ ಸ್ತಿರವಿಲ್ಲತಯಿಂಗಳ, ಅಯಿಂಗಡ ಬಲಹೀನತ್‍ಲ್ ತಾಂಗಂಡು. ನಂಗಡ ಕುಶಿಕಾಯಿತ್ ಬದ್‍ಕಿಯಂಡ್ ಇಪ್ಪಕ್ಕಾಗ.

1 ಕೊರಿಂಥ 10:25

ಯರ್ಚಿ ಅಂಗಡಿಲ್ ಮಾರ್‌ವ ಎಂತ ಬೋಂಡ್‍ಚೇಂಗಿಯು ನಿಂಗ ತಿಂಬಕಾಯಿತ್ ಎಡ್‍ಪಕ್ ಕಯ್ಯು; ಅದ್ಂಡ ವಿಷಯತ್ ನಿಂಗಡ ಮನಸಾಕ್ಷಿರಗುಂಡ್ ಒಂದು ಕ್‍ೕಪಕ್ ಪೋಕತಿ.

1 ಕೊರಿಂಥ 8:9

ನಿಂಗಕ್ ಎಂತ ಬೋಂಡ್‍ಚೇಂಗಿಯು ತಿಂಬಕ್ ಕಯ್ಯೂಂದ್ ಉಳ್ಳ ಸ್ವಾತಂತ್ರ ದೇವ ತಂದಿತುಂಡ್. ಆಚೇಂಗಿ ಆ ಸ್ವಾತಂತ್ರ, ದೇವಡ ಮೇಲೆ ಉಳ್ಳ ನಂಬಿಕೇಲ್ ಬಲಹೀನವಾಯಿತುಳ್ಳಯಿಂಗ ಬೊಳಿಯುವಕ್ ತಡೆಯಾಯಿತ್ ಇಪ್ಪಕ್ಕಾಗ.

1 ಕೊರಿಂಥ 9:22

ದೇವಡ ನಂಬಿಕೇಲ್ ಬಲಹೀನಯಿಂಗಳಾಯಿತ್ ಉಳ್ಳಯಿಂಗ, ದೇವಡ ಮೇಲೆ ನಂಬಿಕೆ ಇಡ್‌ವಕಾಯಿತ್, ಒರ್ ತಡೆಯು ಮಾಡತಂವೊನಾಯಿತ್ ಆನ. ಎನ್ನನೆ ಆಚೇಂಗಿಯು, ಚೆನ್ನ ಜನಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ನಾನ್ ಎಂತೆಲ್ಲಾ ಆಪಕ್ ಕಯ್ಯುವೋ ಅನ್ನನೆಲ್ಲಾ ಆನ.

ಗಲಾತ್ಯ 2:12

ಎನ್ನನೆ ಎಣ್ಣ್‌ಚೇಂಗಿ, ಯಾಕೋಬಂಡಿಂಜ ಚೆನ್ನ ಜನ ಬಪ್ಪಕ್ ಮಿಂಞ ಅಂವೊ, ಯೆಹೂದ್ಯ ಅಲ್ಲತಯಿಂಗಡ ಕೂಡೆ ಉಂಬಕಿಂಜತ್; ಅಯಿಂಗ ಬಂದ ಪಿಂಞ, ಸುನ್ನತಿ ಬೋಂಡೂಂದ್ ಎಣ್ಣ್‌ವಯಿಂಗಡ ತಕ್ಕ್‌ಕ್ ಬೊತ್ತಿತ್ ಯೆಹೂದ್ಯ ಅಲ್ಲತಯಿಂಗಳ ಬುಟ್ಟಿತ್ ಬೋರೆಯಾಯಿತ್ ನಿಂದತ್.

1 ತಿಮೊಥೆಯ 4:4

ದೇವ ಸೃಷ್ಟಿ ಮಾಡ್‍ನ ಎಲ್ಲಾ ವಸ್ತು ನಲ್ಲದೇ. ಏದ್ ವಸ್ತುನ ಸಹ ಪಾಳ್‍ೕಂದ್ ನಂಗ ಅಲ್ಲಗೆಳೆಯುವಕ್ಕಾಗ. ಆಚೇಂಗಿ ಎಲ್ಲಾ ವಸ್ತುಕಾಯಿತ್ ನಂಗ ವಂದನೆ ಎಣ್ಣಿತ್ ತಿಂಗಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:15

ದೇವಡ ಮಕ್ಕಳಾಯಿತ್ ಹೃದಯತ್‍ಲ್ ಶುದ್ದವಾಯಿತುಳ್ಳಯಿಂಗಕ್ ಎಲ್ಲಾ ಶುದ್ದವಾಯಿತ್‌ಪ್ಪ. ಆಚೇಂಗಿ, ಹೃದಯತ್‍ಲ್ ಅಶುದ್ದವಾಯಿತ್ ದೇವಡ ಮೇಲೆ ನಂಬಿಕೆ ಬೆಕ್ಕತಯಂಗಕ್ ಏದು ಶುದ್ದವಾಯಿತ್ ಇಪ್ಪುಲೆ. ಅಯಿಂಗಡ ಬುದ್ದಿ ಪಿಂಞ ಮನಸಾಕ್ಷಿ ಅಶುದ್ದವಾಯಿತೇ ಇಪ್ಪ.

ಇಬ್ರಿಯ 13:9

ಬೋರೆ ಬೋರೆ ಬೋದನೆಲ್ ಚಿಕ್ಕಿತ್ ಬಟ್ಟೆ ತಪ್ಪಿ ಪೋಕತಿ. ಏದ್ ತರ ಕೂಳ್ ಎನ್ನನೆ ತಿಂಗಂಡೂಂದ್ ತಿಂಬಗುಂಡ್ ಅಲ್ಲ, ಕೃಪೇರ ಮೂಲಕ ಹೃದಯ ಸ್ತಿರವಾಪದ್ ನಲ್ಲದ್. ಕೂಳ್‍ರ ವಿಷಯತ್ ಆಚಾರ ವಿಚಾರ ಮಾಡ್‌ವಗುಂಡ್ ಒರ್ ಪ್ರಯೋಜನವು ಇಲ್ಲೆ.

ಇಬ್ರಿಯ 9:10

ಇನ್ನನೆ ಮಾಡ್‌ವ ವಿಷಯವೆಲ್ಲ, ಪುದಿಯದಾಯಿತ್ ಬದ್‍ಲಾಪ ಕಾಲಕತ್ತನೆ ಮಾಡ್‌ವಕಾಯಿತ್ ಕ್‍ಟ್ಟ್‌ನ, ತಿಂಬಕ್ ಕುಡಿಪಕ್ ಉಳ್ಳ ಪದ್ದತಿರನೆಕೆ ಓರೋರ್ ವಿಷಯಕ್ ಕತ್ತ್‌ವಕು, ತಡೀರ ಪದ್ದತಿಯು ಅಲ್ಲತೆ ಬೋರೆ ಒಂದು ಇಲ್ಲೆ.