ರೋಮ್ 14:18 - ಕೊಡವ ಬೈಬಲ್

¹⁸ ಈ ವಿಷಯತ್‍ಲ್ ಎಚ್ಚರ ಎಡ್‍ತಂಡ್ ಕ್ರಿಸ್ತನ ಸೇವೆ ಮಾಡ್‌ವಂವೊಂಡ ಮೇಲೆ ದೇವನು ಕುಶಿ ಪಡುವ, ಮನುಷ್ಯಂಗಡಿಂಜ ಅಂಗಿಕಾರವು ಕ್‍ಟ್ಟುವ.

ರೋಮ್ 14:18 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 4:7

ನೀನ್‌ ಸರಿಯಾನದ್‌ನ ಮಾಡಿತ್‌ಂಜಕ, ನಿನ್ನ ಸ್ವೀಕಾರ ಮಾಡ್‌ವಕಿಂಜಿತ್‌ಲ್ಲೆಯ? ಆಚೇಂಗಿ ನೀನ್‌ ನಲ್ಲದ್‌ ಮಾಡ್‌ವಕ್‌ ತ್‌ಕ್ಕಾರ ಮಾಡಿಚೇಂಗಿ, ಪಾಪ ನಿನ್ನ ಆಳ್‌ವಿಕೆ ಮಾಡ್‌ವಕ್‌ ಪಿಂಞ ನಾಶ ಮಾಡ್‌ವಕ್‌ ಪಡಿರ ಪಕ್ಕ ಪಾರಕಾತಂಡಿಪ್ಪ, ಆಚೇಂಗಿ ನೀನ್‌ ಅದನ ಆಳಂಡು.

ಮಾರ್ಕ 13:34

ಒರ್ ಮನುಷ್ಯ ಅಂವೊಂಡ ಮನೆನ ಬುಟ್ಟಿತ್ ದೂರ ದೇಶಕ್ ಪೋಪಕ, ಅಂವೊಂಡ ಆಳ್ಂಗಕ್ ಅದಿಕಾರ ಕೊಡ್‌ತಿತ್, ಅಯಿಂಗಯಿಂಗಕ್ ಕೆಲಸತ್‍ನ ಪಾಲ್ ಮಾಡಿ ಕೊಡ್‌ತಿತ್, ಎಚ್ಚರತ್‍ಲ್ ಇರ್‍ೕಂದ್ ಮನೆನ ಕಾಪಂವೊಂಗ್ ಎಣ್ಣಿತ್ ಪೋಪ.

ಯೋಹಾನ 12:26

ನಾಕ್ ಸೇವೆ ಮಾಡ್‌ವಕ್ ಕುಶಿಪಡ್‌ವಯಿಂಗ ನಾನ್ ಮಾಡ್‌ವನೆಕೆ ಮಾಡಿತ್ ನಾಡ ಬಯ್ಯಕ್ ಬರಂಡು; ನಾನ್ ಎಲ್ಲಿ ಇಪ್ಪಿ ಅಲ್ಲಿ ಅಂವೊನು ಇಪ್ಪ; ನಾಕ್ ಒಬ್ಬ ಸೇವೆ ಮಾಡ್‍ಚೇಂಗಿ ಅಪ್ಪನಾನ ದೇವ ಅಂವೊನ ಗನಪಡುತುವಾಂದ್ ಎಣ್ಣ್‌ಚಿ.

ಅಪೊಸ್ತಲ 10:35

ಅಯಿಂಗ ಏದ್ ದೇಶತ್‍ರ ಜನವಾಯಿತ್ಂಜತೇಂಗಿಯು ಆಡ್, ಆಚೇಂಗಿ ಅಯಿಂಗ ದೇವಕ್ ಬೊತ್ತಿತ್, ನೀತಿರ ಬಟ್ಟೇಲ್ ನಡ್ಂದತೇಂಗಿ ಅಂವೊ ಸ್ವೀಕಾರ ಮಾಡ್‌ವ.

ರೋಮ್ 12:11

ಸೋಮಾರಿಯಾಯಿತ್ ಇಕ್ಕತೆ, ದುಂಬ ಜಾಗ್ರತೆಲ್ ಇರಿ; ಆತ್ಮತ್‍ಲ್ ಕಮ್ಮಿ ಆಕತಿ, ಒಡೆಯಂಗ್ ಸೇವ ಮಾಡಿ.

ರೋಮ್ 14:4

ಬೋರೆ ಒಬ್ಬಂಡ ಆಳ್‌ನ ತೀರ್ಪ್ ಮಾಡ್‌ವಕ್ ನೀನ್ ದಾರ್? ಅಂವೊ ನಿಂದತೇಂಗಿಯು, ಬುದ್ದತೇಂಗಿಯು ಅಂವೊ ಅಂವೊಂಡ ಎಜಮಾನಂಗ್ ಕೂಡ್‍ನಂವೊನಾಪ. ಅಂವೊ ನಿಪ್ಪಕ್ ದೇವ ಶಕ್ತಿ ಕೊಡ್‍ಪಂವೊನಾಯಿತುಂಡಲ್ಲ.

ರೋಮ್ 16:18

ಅನ್ನನೆ ಉಳ್ಳಯಿಂಗ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಗ್ ಸೇವೆ ಮಾಡತೆ, ಅಯಿಂಗಡ ಕೆಲಕಾಯಿತ್ ಸೇವೆ ಮಾಡಿಯಂಡುಂಡ್. ಅಯಿಂಗ ಅಯಿಂಗಡ ಮದುರವಾನ ತಕ್ಕ್‌ನ ಪರ್ಂದಿತ್ ಪಿಂಞ ಕುಶಿಪಡ್‌ತ್‌ವನೆಕೆ ತಕ್ಕ್ ಪರ್ಂದಿತ್, ಒಂದು ಅರಿಯತ ಜನಡ ಹೃದಯತ್‍ನ ವಂಚನೆ ಮಾಡ್‌ವಯಿಂಗಳಾಯಿತುಂಡ್.

ರೋಮ್ 6:22

ಇಕ್ಕ ನಿಂಗ ಪಾಪತ್ಂಜ ಬುಡುಗಡೆ ಆಯಿತ್ ದೇವಡ ಅಡಿಯಾಳಾಯಿತ್ ಉಳ್ಳಾಂಗ್, ಪವಿತ್ರವಾಯಿತ್‌ಪ್ಪದ್ ನಿಂಗಕ್ ಕ್‍ಟ್ಟ್‌ವ ಇನಾಮ್, ಅದ್ಂಡ ಪ್ರತಿಫಲ ನಿತ್ಯ ಜೀವ.

1 ಕೊರಿಂಥ 7:22

ದೇವ ನಿಂಗಳ ಕಾಕ್‍ವಕ ನಿಂಗ ಒರ್ ಅಡಿಯಾಳಾಯಿತ್ ಇಂಜತೇಂಗಿಯು, ಒಡೆಯಂಡಲ್ಲಿ ನಿಂಗ ಇಕ್ಕ ಸ್ವಾತಂತ್ರವಾಯಿತುಳ್ಳಿರ. ಅನ್ನನೆ ದೇವ ನಿಂಗಳ ಕಾಕ್‍ವಕ ನಿಂಗ ಸ್ವಾತಂತ್ರ ಮನುಷ್ಯನಾಯಿತ್ ಇಂಜತೇಂಗಿಯು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಅಂವೊ ಎಣ್ಣ್‌ವಾನ ಮಾಡ್‌ವಗುಂಡ್ ನಿಂಗ ಇಕ್ಕ ಅಂವೊಂಗ್ ಅಡಿಯಾಳಾಯಿತುಳ್ಳಿರ.

2 ಕೊರಿಂಥ 4:2

ಅದ್ಂಡ ಬದ್‍ಲ್, ಞಾಣ ಆಪಕುಳ್ಳ ಪಿಂಞ ಗುಟ್ಟಾಯಿತುಳ್ಳ ವಿಷಯತ್‍ನೆಲ್ಲಾ ನಂಗ ತ್‍ಕ್ಕಾರ ಮಾಡಿತ್, ಕಪಟಿಯರನೆಕೆ ನಡ್‍ಕತೆ, ದೇವಡ ವಾಕ್ಯತ್‍ನ ತಪ್ಪಾಯಿತ್ ಬೋದನೆ ಮಾಡಿಯಂಡಿಲ್ಲೆ. ಆಚೇಂಗಿ, ಸತ್ಯತ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಅರಿಚಿಟ್ಟಿತ್, ದೇವಡ ಮಿಂಞತ್ ಎಲ್ಲಾ ಮನುಷ್ಯಂಗಡ ಮನಸಾಕ್ಷಿಕ್ ನಂಗ ಸತ್ಯವಂತಯಿಂಗಾಂದ್ ಕಾಂಬ್‍ಚಿಟ್ಟಂಡುಂಡ್.

2 ಕೊರಿಂಥ 5:11

ಆನಗುಂಡ್, ಒಡೆಯಂಗ್ ಬೊತ್ತಿಯಂಡ್ ಬದ್‍ಕ್‍ವದ್ ಎಂತದ್‍ೕಂದ್ ಗೊತ್ತುಳ್ಳಗುಂಡ್, ನಂಗ ಜನಕ್ ಬುದ್ದಿ ಎಣ್ಣಿಯಂಡುಂಡ್; ನಂಗ ಎನ್ನನೆ ಉಂಡ್‍ೕಂದ್ ದೇವಕ್ ಗೊತ್ತುಂಡ್, ನಿಂಗಡ ಮನಸಾಕ್ಷಿಕು ಇದ್ ಗೊತ್ತುಂಡ್‍ೕಂದ್ ನಂಬುವಿ.

2 ಕೊರಿಂಥ 5:9

ಆನಗುಂಡ್, ನಂಗ ತಡೀಲ್ ವಾಸಮಾಡಿಯಂಡಿಂಜತೇಂಗಿಯು ಸರಿ, ವಾಸ ಮಾಡತೆ ಇಂಜತೇಂಗಿಯು ಸರಿ, ಒಡೆಯನ ಕುಶಿಪಡ್‍ತ್‍ವಯಿಂಗಳಾಯಿತ್ ಇಪ್ಪಕ್ ಪ್ರಯತ್ನಪಟ್ಟಂಡುಂಡ್.

2 ಕೊರಿಂಥ 6:4

ಬಲ್ಯ ಪೊರುಮೇಲ್ ಎಲ್ಲಾ ಹಿಂಸೆನ, ಕಷ್ಟತ್‍ನ, ನೊಂಬಲತ್‍ನ ನಂಗ ಸಹಿಸಿಯಂಡ್ ಉಂಡ್.

2 ಕೊರಿಂಥ 8:21

ಒಡೆಯಂಡ ಮಿಂಞತ್ ಮಾತ್ರ ಅಲ್ಲತೆ, ಮನುಷ್ಯಂಗಡ ಮಿಂಞತು ಯೋಗ್ಯವಾನ ವಿಷಯತ್‍ನ ಮಾಡ್‌ವಕ್ ಆಸೆ ಪಟ್ಟಂಡುಂಡ್.

ಫಿಲಿಪ್ಪಿ 4:18

ನಾಕ್ ಬೋಂಡಿಯಚ್ಚಕು ಅದ್ಂಗಿಂಜ ಜಾಸ್ತಿಯಾಯಿತು ಕ್‍ಟ್ಟ್‌ಚೀಂದ್ ಎಣ್ಣ್‌ವಿ. ನಿಂಗ ಅಯಿಚ ಇನಾಮ್‍ನ ಎಪಫ್ರೋದೀತನಿಂಜ ಎಡ್‍ತಂಡಿಯೆ. ಅದ್ ದೇವಡ ಮಿಂಞತ್ ದೇವಕ್ ಕೊಡ್‌ಪ ಸುಗಂದ ವಾಸನೆಯಾಯಿತು ಅಂವೊಂಡ ಪ್ರೀತಿರ ಅರ್ಪಣೆಯಾಯಿತು ಉಳ್ಳಾಂಗ್ ನಾಕ್ ತೃಪ್ತಿಯಾಚಿ.

ಫಿಲಿಪ್ಪಿ 4:8

ಆಕೀರ್‌ಕ್, ನಾಡ ಅಣ್ಣತಮ್ಮಣಂಗಳೇ, ಏದೆಲ್ಲಾ ಸತ್ಯವೊ, ಏದೆಲ್ಲಾ ಯೋಗ್ಯವೊ, ಏದೆಲ್ಲಾ ನೀತಿಯುಳ್ಳದೋ, ಏದೆಲ್ಲಾ ಶುದ್ದವಾನದೋ, ಏದೆಲ್ಲಾ ನಲ್ಲದೋ, ಏದೆಲ್ಲಾ ಬಾರಿ ಚಾಯಿ ಉಂಡೋ, ಎದಂಗೆಲ್ಲಾ ನಲ್ಲ ಪೆದ ಉಂಡೋ, ಏದೆಲ್ಲಾ ಹೊಗಳುವನಕೆ ಉಂಡೋ ಅಂತ ವಿಷಯತ್‍ನ ನಿಂಗ ಎಕ್ಕಾಲು ಗೇನ ಮಾಡಿಯಂಡಿರಿ.

ಕೊಲೊಸ್ಸೆ 3:24

ಎನ್ನಂಗೆಣ್ಣ್‌ಚೇಂಗಿ, ನಿಂಗಕ್ ಒಡೆಯಂಡಿಂಜ ಕ್‍ಟ್ಟುವ ಇನಾಮ್‍ಕ್ ಬಾದ್ಯತೆ ಉಳ್ಳಯಿಂಗಾಂದ್ ಗೊತ್ತುಳ್ಳಗುಂಡ್, ನಿಂಗಡ ಒಡೆಯನಾಯಿತುಳ್ಳ ಕ್ರಿಸ್ತಂಗ್ ಸೇವೆ ಮಾಡಿ.

1 ತಿಮೊಥೆಯ 2:3

ಇನ್ನನೆ ಮಾಡ್‍ವದ್ ನಂಗಡ ರಕ್ಷಕನಾನ ದೇವಡ ಮಿಂಞತ್‍ಲ್ ನಲ್ಲದಾಯಿತು ಕುಶಿ ಆಯಿತು ಉಂಡ್.

1 ತಿಮೊಥೆಯ 5:4

ಆಚೇಂಗಿ ಅವಕ್ ಮಕ್ಕ, ಕ್‍ರ್‍ಮಕ್ಕ ಉಂಡೇಂಗಿ, ಅಯಿಂಗ ಆದ್ಯವಾಯಿತ್ ತಾಂಡ ಸ್ವಂತ ಕುಟುಂಬತ್‍ನ ದೇವಡ ಬಕ್ತಿಲ್ ನೋಟಂಡು. ಅನ್ನನೆ ಮಾಡ್‍ಚೇಂಗಿ, ಪೆತ್ತಯಿಂಗ ಮಾಡ್‍ನ ಎಲ್ಲಾ ನಲ್ಲ ಕಾರ್ಯಕ್ ಬದ್‍ಲಾಯಿತ್ ಅಯಿಂಗಳ ಚಾಯಿತೆ ನೋಟ್‍ವಕ್, ಅಯಿಂಗ ಪಡಿಪ. ಇದ್ ದೇವನ ಕುಶಿಪಡ್‌ತ್‌ವ.

1 ಪೇತ್ರ 2:12

ದೇವಡ ಮೇಲೆ ನಂಬಿಕೆ ಇಲ್ಲತ ಜನ, ನಿಂಗ ತಪ್ಪ್ ಮಾಡ್‌ನಯಿಂಗಾಂದ್ ಕುತ್ತ ಪರ್ಂದತೇಂಗಿಯು, ಅಯಿಂಗ ನಿಂಗಡ ನಲ್ಲ ಕ್ರಿಯೇನ ಕಂಡಿತ್, ಅಂವೊ ನಂಗಳ ಕಾಂಬ ದಿವಸತ್‍ಲ್ ಅಯಿಂಗ ದೇವನ ತುದಿಪನೆಕೆ, ಅಯಿಂಗಡ ಮದ್ಯತ್‍ಲ್ ನಲ್ಲ ನಡತೆ ಉಳ್ಳಯಿಂಗಳಾಯಿತ್ ಬದ್‍ಕಂಡು.

1 ಪೇತ್ರ 2:20

ಆಚೇಂಗಿ, ನಿಂಗ ತಪ್ಪ್ ಮಾಡಿತ್ ಅದ್ಂಗಾಯಿತ್, ಶಿಕ್ಷೆ ಕ್‍ಟ್ಟಿತ್ ಅದ್‍ನ ನಿಂಗ ಸಹಿಸಿಯಂಡ್ ಇಂಜತೇಂಗಿ, ನಿಂಗಕ್ ಎಂತ ಲಾಬ? ನಿಂಗ ನಲ್ಲದ್ ಮಾಡ್‌ವಕ ಕಷ್ಟಪಟ್ಟಿತ್, ಸಹಿಸಿಯಂಡ್ ಇಂಜತೇಂಗಿ ಅದ್ ದೇವಡ ಮಿಂಞತ್ ಕೊಂಡಾಡುವಕ್ ಆಪ.

1 ಪೇತ್ರ 2:5

ಆನಗುಂಡ್, ನಿಂಗಳು, ಜೀವವಾಯಿತುಳ್ಳ ಕಲ್ಲ್‌ರನೆಕೆ ಉಳ್ಳಾಂಗ್, ನಿಂಗಡಗುಂಡ್, ಆತ್ಮೀಯ ಮನೆಯಾಯಿತ್ ಕೆಟ್ಟಿಯಂಡುಂಡ್. ಅಲ್ಲಿ, ನಿಂಗ ಯೇಸು ಕ್ರಿಸ್ತಂಡ ಮೂಲಕ, ದೇವಕ್ ಪ್ರೀತಿಯಾಯಿತುಳ್ಳ, ಆತ್ಮೀಯ ಬಲಿನ ಕೊಡ್‍ಪಕ್ ಪವಿತ್ರವಾನ ಯಾಜಕ ಮಕ್ಕಡ ಕೂಟವಾಯಿತು ಉಳ್ಳಿರ.

1 ಪೇತ್ರ 3:16

ನಲ್ಲ ಮನಸಾಕ್ಷಿಲ್ ಇರಿ, ಅಕ್ಕ, ನಿಂಗಕ್ ಕ್ರಿಸ್ತಂಡ ಐಕ್ಯತ್‍ಲ್ ಉಳ್ಳ ನಲ್ಲ ನಡತೇನ ದೂಷಣೆ ಮಾಡಿತ್, ನಿಂಗಳ ಕೆಟ್ಟಯಿಂಗಾಂದ್ ಎಣ್ಣುವಯಿಂಗಕ್ ಞಾಣ ಆಪ.