ರೋಮ್ 14:13 - ಕೊಡವ ಬೈಬಲ್

¹³ ಆನಗುಂಡ್ ಇಂಞು ಮಿಂಞಕ್ ನಂಗ ದಾರ್‌ನು ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಕ್ಕಾಗ. ಒಬ್ಬನು ತಾಂಡ ಅಣ್ಣತಮ್ಮಣಂಗ ಬುದ್ದ್‌ಪೋಪನೆಕೆಯು, ಬೊಳಿಯುವದ್‍ನ ತಡ್‍ಪನೆಕೆ ಮಾಡ್‌ವಕ್ಕಾಗ.

ರೋಮ್ 14:13 ပူးပေါင်းရင်းမြစ်များ

ಮತ್ತಾಯ 16:23

ಆಚೇಂಗಿ, ಯೇಸು ಅಂವೊಂಡ ಪಕ್ಕ ತಿರಿತ್, ನಾಡ ಬಯ್ಯಕ್ ಪೋ ಸೈತಾನೇ, ನಾನ್ ದೇವಡ ಚಿತ್ತತ್‍ನ ಮಾಡ್‌ವಕ್ ನೀನ್ ತಡೆ ಮಾಡ್‌ವಿಯ, ಇಕ್ಕ, ನೀನ್ ದೇವಡ ಚಿತ್ತತ್‍ರನೆಕೆ ಗೇನ ಮಾಡತೆ, ಮನುಷ್ಯಂಗಡ ಚಿತ್ತತ್‍ರನೆಕೆ ಗೇನ ಮಾಡ್‌ವಿಯಾಂದ್ ಎಣ್ಣ್‌ಚಿ.

ಮತ್ತಾಯ 18:7

ನಾಡ ಮೇಲೆ ನಂಬಿಕೆ ಬೆಕ್ಕತನೆಕೆ ಮಾಡ್‌ವಯಿಂಗಕ್ ಅಯ್ಯೋ! ಅನ್ನನೆ ಬಪ್ಪ ಸೋದನೆನ ದಾರೂ ತಡ್‍ಪಕ್ ಕಯ್ಯುಲೆ. ಆಚೇಂಗಿ ಅನ್ನನೆ ಮಾಡ್‌ವಯಿಂಗಕ್ ಅಯ್ಯೋ!

ಮತ್ತಾಯ 7:1

ನಿಂಗ ದಾರ್‌ನು ತೀರ್ಪ್ ಮಾಡತಿ. ಅಕ್ಕ ನಿಂಗಳ ದೇವ ತೀರ್ಪ್ ಮಾಡುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:57

ಎನ್ನಂಗ್ ನಿಂಗಕ್ ಸರಿಯಾನದ್‍ನ ಗೊತ್ತ್‌ಮಾಡ್‍ವಕ್ ಕಯ್ಯುಲೆ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:2

ನಾಡ ಮೇಲೆ ನಂಬಿಕೆಯುಳ್ಳ ಈ ಚೆರಿಯಯಿಂಗಳ ದಾರ್ ನಾಡ ಮೇಲೆ ನಂಬಿಕೆ ಇಲ್ಲತ್ತನೆಕೆ ಮಾಡ್‌ವ, ಅಯಿಂಗಡ ಬೋಳೆಕ್ ಬಲ್ಯೊರ್ ಬೀಜುವ ಕಲ್ಲ್‌ನ ಕೆಟ್ಟಿತ್ ಸಮುದ್ರತ್‍ಲ್ ಚಾಡ್‌ಚೇಂಗಿ ಅಂವೊಂಗ್ ನಲ್ಲದ್.

ರೋಮ್ 11:9

ದಾವೀದ ಅಯಿಂಗಡ ವಿಷಯತ್‍ನ: ಅಯಿಂಗಡ ಗದ್ದಾಳ ಅಯಿಂಗ ಚಿಕ್ಕುವ ಕೆಣಿಯಾಯಿತು, ಬೂವನೆಕೆ ಮಾಡ್‌ವ ತಡ್‍ಪ ಕಲ್ಲಾಯಿತು, ಬದ್‍ಲ್ ಮಾಡ್‍ವಕ್ಕುಳ್ಳ ವಿಷಯವಾಯಿತು ಇಕ್ಕಡ್;

ರೋಮ್ 14:10

ಇನ್ನನೆ ಇಪ್ಪಕ, ನೀಡ ಅಣ್ಣತಮ್ಮಣಂಗಳ ತಪ್ಪ್ ಮಾಡ್‌ನಯಿಂಗಾಂದ್ ಎನ್ನಂಗ್ ತೀರ್ಪ್ ಮಾಡ್‌ವಿಯ? ನೀನ್ ನೀಡ ಅಣ್ಣತಮ್ಮಣಂಗಳ ಎನ್ನಂಗ್ ಕಮ್ಮಿಯಾಯಿತ್ ನೋಟ್‍ವಿಯ? ನಂಗ ಎಲ್ಲಾರು ದೇವಡ ನ್ಯಾಯತೀರ್ಪ್‌ಕ್ ಮಿಂಞ ನಿಕ್ಕಂಡು ಅಲ್ಲ?

ರೋಮ್ 14:3

ಎಲ್ಲಾನ ತಿಂಬ ಒಬ್ಬ, ಎಲ್ಲಾನ ತಿಂಗತಂವೊನ ಕಮ್ಮಿಯಾಯಿತ್ ನೋಟ್‌ವಕ್ಕಾಗ; ಎಲ್ಲಾನ ತಿಂಗತಂವೊ, ತಿಂಬಂವೊನ ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಕ್ಕಾಗ. ದೇವ ಅಂವೊನ ಸಹ ಸ್ವೀಕಾರ ಮಾಡಿತುಂಡಲ್ಲ.

ರೋಮ್ 14:4

ಬೋರೆ ಒಬ್ಬಂಡ ಆಳ್‌ನ ತೀರ್ಪ್ ಮಾಡ್‌ವಕ್ ನೀನ್ ದಾರ್? ಅಂವೊ ನಿಂದತೇಂಗಿಯು, ಬುದ್ದತೇಂಗಿಯು ಅಂವೊ ಅಂವೊಂಡ ಎಜಮಾನಂಗ್ ಕೂಡ್‍ನಂವೊನಾಪ. ಅಂವೊ ನಿಪ್ಪಕ್ ದೇವ ಶಕ್ತಿ ಕೊಡ್‍ಪಂವೊನಾಯಿತುಂಡಲ್ಲ.

ರೋಮ್ 16:17

ಅದಲ್ಲತೆ, ನಾಡ ಅಣ್ಣತಮ್ಮಣಂಗಳೇ, ನಿಂಗ ಪಡಿಚಿತುಳ್ಳ ಬೋದನೆಕ್ ವಿರೋದವಾಯಿತ್ ವಿಂಗಡ ಮಾಡ್‌ವಯಿಂಗಡ ಕೂಡೆಯು ಪಿಂಞ ಬೊಳ್‍ತ್‍ವಕ್ ತಡೆ ಮಾಡ್‌ವಯಿಂಗಡ ಕೂಡೆಯು ಎಚ್ಚರತ್‍ಲ್ ಇರೀಂದ್ ನಿಂಗಳ ಬೋಡುವಿ. ಅಯಿಂಗಳ ದೂರ ಮಾಡಂಡೂಂದ್ ನಿಂಗಳ ಬೋಡುವಿ.

1 ಕೊರಿಂಥ 10:32

ನಾನ್ ನಾಕ್ ಪ್ರಯೋಜನ ಉಳ್ಳದ್‍ನ ಮಾಡತೆ, ಎಲ್ಲಾಡ ಪ್ರಯೋಜನತ್‍ನ ತ್‍ೕಡಿತ್, ಎನ್ನನೆ ಆಚೇಂಗಿಯು ದುಂಬ ಜನತ್‍ನ ಕುಶಿಪಡುತ್‌ವಕಾಯಿತ್ ನಾನ್ ಮಾಡ್‌ವನೆಕೆ,

1 ಕೊರಿಂಥ 11:13

ಒರ್ ಪೊಣ್ಣಾಳ್ ದೇವಡ ಪಕ್ಕ ಪ್ರಾರ್ಥನೆ ಮಾಡ್‌ವಕ, ಮಂಡೆಕ್ ತುಣಿ ಇಡತೆ ಇಪ್ಪದ್ ಸರಿಯಾಂದ್ ನಿಂಗಳೇ ಗೇನ ಮಾಡಿ.

2 ಕೊರಿಂಥ 5:14

ಕ್ರಿಸ್ತಂಡ ಪ್ರೀತಿ ನಂಗಳ ಒತ್ತಾಯ ಮಾಡಿಯಂಡುಂಡ್; ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾರ್‍ಕಾಯಿತ್ ಒಬ್ಬನೇ ಚತ್ತ್ ಪೋಚೀಂದ್ ನಂಬಿಯಂಡುಂಡ್. ಅನ್ನನೆ ಎಲ್ಲಾರು ಚತ್ತ್ ಪೋಚಿ.

2 ಕೊರಿಂಥ 6:3

ಈ ಸೇವೇನ ದಾರೂ ಕುತ್ತ ಪರಿಯತನೆಕೆ, ನಂಗಡಗುಂಡ್ ಒಬ್ಬನು ಬೂವತನೆಕೆ ಎಲ್ಲಾ ವಿಷಯತ್‍ಲು ದೇವಡ ಸೇವಕಂಗಳಾಯಿತ್ ಬದ್‍ಕಿಯಂಡುಂಡ್.

ಫಿಲಿಪ್ಪಿ 1:10

ಅಕ್ಕ ಏದ್ ಚಾಯೀಂದ್ ನಿಂಗಕ್ ಗೊತ್ತಾಯಿತ್ ಅದ್‍ನ ಗೊತ್ತ್ ಮಾಡ್‌ವಿರ. ಅನ್ನನೆ ಆಚೇಂಗಿ, ಯೇಸು ಕ್ರಿಸ್ತ ತೀರ್ಪ್ ಕೊಡ್‍ಪ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತ ಬದ್‍ಕ್ ಬದ್‍ಕ್‍ನಯಿಂಗಳಾಯಿತ್ ಇಪ್ಪಿರ.

1 ತಿಮೊಥೆಯ 5:14

ಅದ್ಂಗಾಯಿತ್, ಚೆರಿಯ ವಯಸ್ಸುಳ್ಳ ವಿದವೆಯಂಗ ಪುನಃ ಮಂಗಲ ಕಯಿಚಿತ್, ಮಕ್ಕಳ ಪೆತ್ತಿತ್, ಮನೆರ ಜವಾಬ್ದಾರಿನ ಎಡ್‍ತಂಡ್ ಇರಂಡೂಂದ್ ನಾನ್ ಅಯಿಂಗಕ್ ಬುದ್ದಿ ಎಣ್ಣ್‌ವಿ. ಅನ್ನನೆ ಮಾಡ್‍ನಕ ವಿರೋದಿಯಾನಂವೊ ಕುತ್ತ ಪರಿಯುವಕ್ ಬಟ್ಟೆ ಕ್‍ಟ್ಟ್‌ಲೆ.

ಯಾಕೋಬ 2:4

ನಿಂಗ ಇನ್ನನೆ ಮಾಡ್‍ಚೇಂಗಿ ನಿಂಗ ನಿಂಗಡೊಳ್‌ಲ್ ಪಕ್ಷಪಾತ ಮಾಡಿತ್, ಕೆಟ್ಟ ಬುದ್ದಿಲ್ ತೀರ್ಪ್ ಮಾಡ್‌ವಯಿಂಗಳಾಯಿತ್‌ಪ್ಪಿರಲ್ಲ?

ಯಾಕೋಬ 4:11

ನಾಡ ಅಣ್ಣತಮ್ಮಣಂಗಳೇ, ನಿಂಗ ಒಬ್ಬಂಗೊಬ್ಬ ವಿರೋದವಾಯಿತ್ ಕೆಟ್ಟದ್ ಪರಿಯತಿ; ನಿಂಗ ಒಬ್ಬಂಗೊಬ್ಬ ತಪ್ಪ್ ಪರ್ಂದಿತ್, ದೂಷಣೆ ಮಾಡ್‍ಚೇಂಗಿ, ಅಕ್ಕ ನಿಂಗ ನ್ಯಾಯಪ್ರಮಾಣತ್‍ಲ್ ತಪ್ಪ್ ಕಂಡ್‍ಪುಡ್‌ಚಿತ್ ದೂಷಣೆ ಮಾಡ್‍ನನೆಕೆ; ನ್ಯಾಯಪ್ರಮಾಣ ಸರಿ ತಪ್ಪ್‍ೕಂದ್ ನಿಂಗ ತೀರ್ಪ್ ಕೊಡ್‍ಪಕ್ಕಾಗ, ಅದ್‍ನ ಕ್‍ೕಟಿತ್ ನಡ್‍ಪದೇ ನಿಂಗಡ ಕೆಲಸ.

1 ಯೋಹಾನ 2:10

ದಾರೇಂಗಿ ಒಬ್ಬ ಅಂವೊಂಡ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‍ಚೇಂಗಿ ಅಂವೊ ಬೊಳಿಲ್ ಉಂಡ್; ಪಾಪ ಮಾಡ್‌ವಕ್ ಕಾರಣವಾಯಿತ್‌ಪ್ಪದ್ ಏದು ನಿಂಗಡ ಪಕ್ಕ ಇಪ್ಪುಲೆ.

ಪ್ರಕಟನೆ 2:14

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಇಸ್ರಾಯೇಲ್ ಜನ ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು, ವ್ಯಬಿಚಾರ ಮಾಡ್‌ವಕು ಕಾರಣವಾಯಿತ್ಂಜ ಬಾಲಾಕ ಎಣ್ಣುವ ರಾಜಂಗ್ ವಂಚನೆರ ಬೋದನೆ ಮಾಡ್‍ನ ಪ್ರವಾದಿಯಾನ ಬಿಳಾಮ ಎಣ್ಣ್‌ವಂವೊಂಡ ಬೋದನೆರ ಪ್ರಕಾರ ನಡ್‍ಪಯಿಂಗಳು ನೀಡ ಕೂಡೆ ಉಂಡ್.