ರೋಮ್ 14:1 - ಕೊಡವ ಬೈಬಲ್

¹ ನಂಬಿಕೇಲ್ ಸ್ತಿರಯಿಲ್ಲತಯಿಂಗಳ ಕೂಟಿಯೊಳಿ; ಆಚೇಂಗಿಯು ಅಯಿಂಗಡ ಅನುಮಾನತ್‍ನ ಕುತ್ತ ಪರಿಯತಿರಿ.

ರೋಮ್ 14:1 ပူးပေါင်းရင်းမြစ်များ

ಮತ್ತಾಯ 12:20

ಅಂವೊ ನ್ಯಾಯಕ್ ಜಯ ಕ್‌ಟ್ಟ್‌ವಕತ್ತನೆ, ಜಜ್ಜಿ ಪೋನ ಓಡೆರ ದಂಟ್‍ನ ಅಂವೊ ಮುರಿಪ್‌ಲೆ, ಆರಿ ಪೋಪ ಬೊಳ್‍ಚತ್‍ರ ತಿರಿನ ಅಂವೊ ಕೆಡ್‌ತುವದಿಲ್ಲೆ.

ಮತ್ತಾಯ 14:31

ಯೇಸು ಒಡನೆ ಕೈಯಿನ ನೀಟುವಂಜಿ ಅಂವೊನ ಪುಡ್‌ಚಿತ್: ಓ ಅಲ್ಪ ನಂಬಿಕೆ ಉಳ್ಳಂವೊನೇ, ಎನ್ನಂಗ್ ನಾಡ ಮೇಲೆ ಅನುಮಾನ ಪಟ್ಟಿಯಾಂದ್ ಕ್‍ೕಟತ್.

ಮತ್ತಾಯ 18:10

ಈ ಚೆರಿಯಯಿಂಗಡಡೆಲ್ ಒಬ್ಬನನೂ ಕಮ್ಮಿಯಾಯಿತ್ ನೋಟತೆ ಇಪ್ಪಕ್ ಎಚ್ಚರತ್‍ಲ್ ಇರಿ. ಅಯಿಂಗಡ ದೇವದೂತಂಗ ನಾಡ ಪರಲೋಕತುಲುಳ್ಳ ಅಪ್ಪಂಡ ಮೂಡ್‍ನ ಎಕ್ಕಲೂ ಅಯಿಂಗಕಾಯಿತ್ ನೋಟಿಯಂಡ್ ಇಪ್ಪ.

ಮಾರ್ಕ 7:19

ಎನ್ನಂಗೆಣ್ಣ್‌ಚೇಂಗಿ ನಂಗ ಪೊರಮೆಯಿಂಜ ಏದ್ ತಿಂಬ ಅದ್ ಕೆಲತ್‍ರ ಒಳ್‍ಕ್ ಪೋಪದಲ್ಲತೆ ಹೃದಯಕ್ ಪೋಪುಲೆ. ಕೆಲತ್‍ರ ಒಳ್‍ಕ್ ಪೋಯಿತ್ ಅರ್‌ಗಣೆ ಆಯಿತ್ ಅದ್ ಪೊರಮೆ ಬಪ್ಪ. ಆನಗುಂಡ್ ಎಲ್ಲಾನ ತಿಂಗಲೂಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:2

ನಾಡ ಮೇಲೆ ನಂಬಿಕೆಯುಳ್ಳ ಈ ಚೆರಿಯಯಿಂಗಳ ದಾರ್ ನಾಡ ಮೇಲೆ ನಂಬಿಕೆ ಇಲ್ಲತ್ತನೆಕೆ ಮಾಡ್‌ವ, ಅಯಿಂಗಡ ಬೋಳೆಕ್ ಬಲ್ಯೊರ್ ಬೀಜುವ ಕಲ್ಲ್‌ನ ಕೆಟ್ಟಿತ್ ಸಮುದ್ರತ್‍ಲ್ ಚಾಡ್‌ಚೇಂಗಿ ಅಂವೊಂಗ್ ನಲ್ಲದ್.

ಯೋಹಾನ 13:20

ನಾನ್ ಅಯಿಚಂವೊನ ಸತ್ಕಾರ ಮಾಡ್‌ವಯಿಂಗ ನನ್ನ ಸಹ ಸತ್ಕಾರ ಮಾಡ್‍ನನೆಕೆ. ನನ್ನ ಸತ್ಕಾರ ಮಾಡ್‌ವಯಿಂಗ ನನ್ನ ಅಯಿಚಂವೊನ ಸತ್ಕಾರ ಮಾಡ್‍ನನೆಕೆ, ಇದ್‍ನ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 28:2

ಆ ದ್ವೀಪತ್‍ರ ಜನಾಂಗ, ನಂಗಕ್ ಗೊತ್ತ್‌ಲ್ಲತಯಿಂಗಳಾಯಿತ್ ಇಂಜತೇಂಗಿಯು ನಂಗಕ್ ದುಂಬ ಕನಿಕರ ಕಾಟ್‍ಚಿ. ಆ ಸಮಯತ್‍ಲ್ ಮಳೆಯು ಕುಳ್‍ರು ದುಂಬ ಇಂಜಗುಂಡ್, ತಿತ್ತ್ ಇಟ್ಟಿತ್ ನಂಗಳ ಕೂಟಿಯಂಡತ್.

ರೋಮ್ 11:15

ಅಯಿಂಗಳ ದೇವ ಬೋಂಡಾಂದ್ ತಿರಸ್ಕಾರ ಮಾಡ್‍ನದ್ ಮೂಲಕ, ಈ ಲೋಕತ್‍ನ ಅಂವೊಂಡ ಕೂಡೆ ಇಂಜ ವಿರೋದತ್‍ನ ಕಳೆಂಜಿತ್ ಸಮಾದಾನ ಮಾಡ್‌ವಕ್ ಅಂವೊಂಗ್ ಕುಶಿಯಾಚೇಂಗಿ, ಇಸ್ರಾಯೇಲ್ ಜನಳ ಸ್ವೀಕಾರ ಮಾಡ್‍ವದ್, ಇಂಞು ಎಚ್ಚಕ್ ಬಲ್ಯದಾಯಿತಿಪ್ಪ; ಅದ್ ಚತ್ತ್ ಪೋನಯಿಂಗ ಜೀವತ್‍ಲ್ ಬಂದನೆಕೆ ಇಪ್ಪ ಅಲ್ಲ?

ರೋಮ್ 14:2

ಒಬ್ಬ ಎಂತ ಬೋಂಡ್‍ಚೇಂಗಿಯು ತಿಂಗಲೂಂದ್ ನಂಬಿಯಂಡುಂಡ್; ನಂಬಿಕೇಲ್ ಸ್ತಿರವಿಲ್ಲತಂವೊ, ತರ್ಕಾರಿನ ಮಾತ್ರ ತಿಂದಂಡುಂಡ್.

ರೋಮ್ 14:21

ಯರ್ಚಿ ತಿಂಬದು, ಕುಡಿಪದು, ಬೋರೆ ಎಂತಾಚು ಮಾಡ್‌ವದು, ಯೇಸುನ ನಂಬ್‍ನಯಿಂಗ ಪಾಪತ್‍ಲ್ ಬುದ್ದ್ ಪೂಪನೆಕೆ ಬಟ್ಟೆ ಕೊಡ್‍ತತೇಂಗಿ, ಅದ್‍ಲ್ ಒರ್ ವಿಷಯತ್‍ನು ಮಾಡತೆ ಇಪ್ಪದ್ ನಲ್ಲದ್.

ರೋಮ್ 14:3

ಎಲ್ಲಾನ ತಿಂಬ ಒಬ್ಬ, ಎಲ್ಲಾನ ತಿಂಗತಂವೊನ ಕಮ್ಮಿಯಾಯಿತ್ ನೋಟ್‌ವಕ್ಕಾಗ; ಎಲ್ಲಾನ ತಿಂಗತಂವೊ, ತಿಂಬಂವೊನ ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಕ್ಕಾಗ. ದೇವ ಅಂವೊನ ಸಹ ಸ್ವೀಕಾರ ಮಾಡಿತುಂಡಲ್ಲ.

ರೋಮ್ 15:1

ನಂಬಿಕೇಲ್ ಸ್ತಿರವಾಯಿತ್ ಉಳ್ಳ ನಂಗ, ನಂಗಡ ಕುಶಿಕಾಯಿತ್ ಬದ್‍ಕತೆ, ನಂಬಿಕೇಲ್ ಸ್ತಿರವಿಲ್ಲತಯಿಂಗಳ, ಅಯಿಂಗಡ ಬಲಹೀನತ್‍ಲ್ ತಾಂಗಂಡು. ನಂಗಡ ಕುಶಿಕಾಯಿತ್ ಬದ್‍ಕಿಯಂಡ್ ಇಪ್ಪಕ್ಕಾಗ.

ರೋಮ್ 15:7

ಆನಗುಂಡ್, ದೇವಕ್ ಮಹಿಮೆ ಕ್‍ಟ್ಟುವಕಾಯಿತ್, ಕ್ರಿಸ್ತ ನಂಗಳ ಸ್ವೀಕಾರ ಮಾಡ್‍ನನೆಕೆ, ನಿಂಗಳು ಸಹ ಒಬ್ಬೊಬ್ಬನ ಸ್ವೀಕಾರ ಮಾಡಂಡು.

ರೋಮ್ 4:19

ಅಂವೊ ಸುಮಾರ್ ನೂರ್ ವಯಸಾಯಿತ್ ಇಪ್ಪಕ, ತಾಂಡ ತಡಿಯಿಂಜ ಒರ್ ಕುಂಞಿ ತಪ್ಪಕುಳ್ಳ ಶಕ್ತಿ ಇಲ್ಲೇಂದು, ಅಂವೊಂಡ ಪೊಣ್ಣ್ ಸಾರಳಡ ಗರ್ಬಗೂಡ್ ಚತ್ತ್ ಪೋಯಿತ್‍ೕಂದು ಗೊತ್ತ್ಂಜತ್. ಆಚೇಂಗಿಯು, ಅಂವೊಂಡ ನಂಬಿಕೆ ಕಮ್ಮಿಯಾಯಿತ್‌ಲ್ಲೆ.

1 ಕೊರಿಂಥ 9:22

ದೇವಡ ನಂಬಿಕೇಲ್ ಬಲಹೀನಯಿಂಗಳಾಯಿತ್ ಉಳ್ಳಯಿಂಗ, ದೇವಡ ಮೇಲೆ ನಂಬಿಕೆ ಇಡ್‌ವಕಾಯಿತ್, ಒರ್ ತಡೆಯು ಮಾಡತಂವೊನಾಯಿತ್ ಆನ. ಎನ್ನನೆ ಆಚೇಂಗಿಯು, ಚೆನ್ನ ಜನಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ನಾನ್ ಎಂತೆಲ್ಲಾ ಆಪಕ್ ಕಯ್ಯುವೋ ಅನ್ನನೆಲ್ಲಾ ಆನ.

ಫಿಲಿಪ್ಪಿ 2:29

ಆನಗುಂಡ್, ಒಡೆಯಂಡ ಪ್ರೀತಿಲ್ ದುಂಬಿತ್, ಅಂವೊನ ಚಾಯಿತೆ ಸತ್ಕಾರ ಮಾಡಿತ್, ಇನ್ನನೆ ಉಳ್ಳಯಿಂಗಕ್ ಕೊಡ್‍ಪ ಮರ್ಯಾದೆನ ಕೊಡ್‍ಕಂಡು.

1 ಥೆಸಲೊನೀಕ 5:14

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

ಇಬ್ರಿಯ 5:14

ಗಟ್ಟಿಯಾನ ಆಹಾರ ಬಲ್ಯಂಗಕ್ ಮಾತ್ರ ಆಪ, ಎನ್ನನೆ ಎಣ್ಣ್‌ಚೇಂಗಿ ಅಯಿಂಗ ಅದ್‍ನ ಎಕ್ಕಾಲು ಉಪಯೋಗಿಚಿಡುವಗುಂಡ್, ನಲ್ಲದ್ ಕೆಟ್ಟದ್ ಎಂತದ್‍ೕಂದ್ ಅಯಿಂಗಕ್ ಗೊತ್ತಾಪನೆಕೆ ಅಯಿಂಗ ಪಡಿಚಿತುಂಡ್.

2 ಯೋಹಾನ 1:10

ಈ ಉಪದೇಶಕ್ ಒತ್ತತೆ ನಿಂಗಡ ಪಕ್ಕ ದಾರಾಚೇಂಗಿ ಬಂದಕ, ಅಯಿಂಗಳ ನಿಂಗಡ ಮನೆರ ಒಳ್‍ಕ್ ಕೂಟ್‌ವಕ್ಕಾಗ; ಅಯಿಂಗಳ ಸತ್ಕಾರ ಸಹ ಮಾಡ್‌ವಕ್ಕಾಗ.