ರೋಮ್ 13:9 - ಕೊಡವ ಬೈಬಲ್

⁹ ಎನ್ನನೆ ಎಣ್ಣ್‌ಚೇಂಗಿ: ವ್ಯಬಿಚಾರ ಮಾಡ್‌ವಕ್ಕಾಗ, ಕೊಲೆ ಮಾಡ್‌ವಕ್ಕಾಗ, ಕಪ್ಪಕ್ಕಾಗ, ಪೊಟ್ಟ್ ಸಾಕ್ಷಿ ಪರಿಯುವಕ್ಕಾಗ, ಬೋರೆಯಿಂಗಡ ವಸ್ತುರ ಮೇಲೆ ಆಸೆ ಪಡುವಕ್ಕಾಗ, ಇನ್ನತಾನ ಪ್ರಮಾಣವು, ಬೋರೆ ಏದ್ ಪ್ರಮಾಣವು, ನೀನ್ ನಿನ್ನ ಪ್ರೀತಿ ಮಾಡ್‌ವನೆಕೆ, ಬೋರೆಯಿಂಗಳ ಸಹ ಪ್ರೀತಿ ಮಾಡಂಡೂಂದ್ ಉಳ್ಳ ಒರೇ ಪ್ರಮಾಣತ್‍ರ ಒಳ್‍ಕ್ ಅಡಂಗಿತುಂಡ್.

ರೋಮ್ 13:9 ပူးပေါင်းရင်းမြစ်များ

ಮತ್ತಾಯ 22:39

ಇದ್ಂಗ್ ಸಮವಾಯಿತುಳ್ಳ ದಂಡನೆ ಮುಕ್ಯಪಟ್ಟ ನ್ಯಾಯಪ್ರಮಾಣ ಎಂತ ಎಣ್ಣ್‌ಚೇಂಗಿ: ನೀನ್, ನಿನ್ನ ಪ್ರೀತಿ ಮಾಡ್‌ವಚ್ಚಕ್ ನೀಡ ನೆರಮನೆಕಾರಳೂ ಪ್ರೀತಿಮಾಡ್ ಎಣ್ಣ್‌ವದೇ.

ಮಾರ್ಕ 10:19

ಕೊಲೆ ಮಾಡ್‌ವಕ್ಕಾಗ, ವ್ಯಬಿಚಾರ ಮಾಡ್‌ವಕ್ಕಾಗ, ಕಪ್ಪಕ್ಕಾಗ, ದಾರ್‌ನು ಮುಂಡತೆ ನಿಂದನೆ ಮಾಡ್‌ವಕ್ಕಾಗ, ಅಪ್ಪವ್ವಂಗಕ್ ಮರ್ಯಾದೆ ಕೊಡ್‍ಕಂಡೂಂದ್ ಉಳ್ಳ ನ್ಯಾಯಪ್ರಮಾಣ ನೀಕ್ ಗೊತ್ತುಂಡಲ್ಲಾಂದ್ ಯೇಸು ಎಣ್ಣ್‌ಚಿ.

ಮಾರ್ಕ 12:31

ದೇವಡ ಮುಕ್ಯಪಟ್ಟ ದಂಡನೆ ಕಾನೂನ್ ಎಂತ ಎಣ್ಣ್‌ಚೇಂಗಿ: ನೀನ್ ನಿನ್ನ ಎಚ್ಚಕ್ ಪ್ರೀತಿ ಮಾಡ್‌ವಿಯೋ ಅನ್ನನೆ ನೀಡ ನೆರಮನೆಕಾರಳ ಪ್ರೀತಿಮಾಡ್. ಈ ದಂಡ್ ಆಜ್ಞೆಕಿಂಜ ಬಲ್ಯದ್ ಏದು ಇಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:27

ಅದ್ಂಗ್ ಆ ಉಪಾದ್ಯ: ನೀಡ ದೇವನಾನ ಒಡೆಯನ ಪೂರ್ತಿ ಹೃದಯತ್‍ಲ್, ಪೂರ್ತಿ ಆತ್ಮತ್‍ಲ್, ಪೂರ್ತಿ ಮನಸ್ಸ್‌ಲ್, ಪೂರ್ತಿ ಶಕ್ತಿಲ್ ಪ್ರೀತಿ ಮಾಡಂಡು. ಅದಲ್ಲತೆ ನೀನ್ ನಿನ್ನ ಎನ್ನನೆ ಪ್ರೀತಿಮಾಡ್‍ವಿಯ ಅನ್ನನೆ ನೀಡ ನೆರಮನೆಕಾರಳ ಸಹ ಪ್ರೀತಿ ಮಾಡಂಡೂಂದ್ ಒಳ್‌ದಿತುಂಡಲ್ಲಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:20

ವ್ಯಬಿಚಾರ ಮಾಡ್‌ವಕ್ಕಾಗ, ಕೊಲೆ ಮಾಡ್‌ವಕ್ಕಾಗ, ಕಪ್ಪಕ್ಕಾಗ, ದಾರ್‌ನು ಮುಂಡತೆ ನಿಂದನೆ ಮಾಡ್‌ವಕ್ಕಾಗ, ಅಪ್ಪವ್ವಂಗಕ್ ಮರ್ಯಾದೆ ಕೊಡ್‍ಕಂಡೂಂದ್ ಉಳ್ಳ ನ್ಯಾಯಪ್ರಮಾಣ ನೀಕ್ ಗೊತ್ತುಂಡಲ್ಲಾಂದ್ ಎಣ್ಣ್‌ಚಿ.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.