ರೋಮ್ 13:8 - ಕೊಡವ ಬೈಬಲ್

⁸ ಒಬ್ಬಂಡ ಕೂಡೆ ಒಬ್ಬ ಪ್ರೀತಿ ಮಾಡ್‌ವ ಸಾಲತ್‍ನ ಅಲ್ಲತೆ, ಬೋರೆ ಏದ್ ವಿಷಯತ್‍ಲು ಸಾಲ ಇಪ್ಪಕ್ಕಾಗ; ಬೋರೆಯಿಂಗಳ ಪ್ರೀತಿ ಮಾಡ್‌ವಂವೊ ನ್ಯಾಯಪ್ರಮಾಣತ್‍ನ ನೆರೆವೇರಿಚಿಟ್ಟಂಡುಂಡ್.

ರೋಮ್ 13:8 ပူးပေါင်းရင်းမြစ်များ

ಮತ್ತಾಯ 7:12

ಆನಗುಂಡ್, ಬೋರೆಯಿಂಗ ನಿಂಗಕ್ ಎಂತ ಮಾಡಂಡೂಂದ್ ಕುಶಿ ಪಡ್‌ವಿರೋ ಅದ್‍ನ ನಿಂಗ ಬೋರೆಯಿಂಗಕು ಮಾಡಿ. ಇದೇ ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಡ ಬೋದನೆಯು ಆಯಿತುಂಡ್.

ಯೋಹಾನ 13:34

ಇಕ್ಕ ನಾನ್ ನಿಂಗಕ್ ಒರ್ ಪುದಿಯ ಹುಕುಮ್ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ನಿಂಗ ಒಬ್ಬೊಬ್ಬಂಡ ಮೇಲೆ ಪ್ರೀತಿಲ್ ಇರಂಡು; ನಾನ್ ನಿಂಗಳ ಪ್ರೀತಿ ಮಾಡ್‍ನನೆಕೆ, ನಿಂಗಳು ಒಬ್ಬೊಬ್ಬಂಡ ಮೇಲೆ ಪ್ರೀತಿ ಮಾಡಂಡು.

ರೋಮ್ 13:10

ಪ್ರೀತಿ ಬೋರೆಯಿಂಗಕ್ ಕೆಟ್ಟದ್ ಮಾಡುಲೆ, ಆನಗುಂಡ್ ಪ್ರೀತಿ, ನ್ಯಾಯಪ್ರಮಾಣತ್‍ನ ಪೂರ್ತಿ ಮಾಡ್‌ವದಾಯಿತ್ ಉಂಡ್.

ರೋಮ್ 13:7

ಆನಗುಂಡ್, ನಿಂಗ ಎಲ್ಲಾರ್‌ಕು ಎಂತ ಕರ್ತವ್ಯತ್‍ನ ಮಾಡಂಡುವೋ ಅದ್‍ನ ಮಾಡಿ. ದಾರ್‌ಕ್ ಕಂದಾಯತ್‍ನ ಕೊಡ್‍ಕಂಡುವೊ ಅಯಿಂಗಕ್ ಕಂದಾಯತ್‍ನ ಕೊಡಿ, ದಾರ್‌ಕ್ ಸುಂಕ ಕೊಡ್‍ಕಂಡುವೊ ಅಯಿಂಗಕ್ ಸುಂಕತ್‌ನ ಕೊಡಿ; ದಾರ್‌ಕ್ ಬೊತ್ತಿತ್ ನಡ್‍ಕಂಡುವೊ ಅಯಿಂಗಕ್ ಬೊತ್ತಿತ್ ನಡ್‌ಕಂಡು, ದಾರ್‌ಕ್ ಮರ್ಯಾದೆ ಕೊಡ್‍ಕಂಡುವೊ ಅಯಿಂಗಕೆಲ್ಲ ಮರ್ಯಾದೆ ಕೊಡಿ.

ಗಲಾತ್ಯ 5:14

ನಿಂಗ ನಿಂಗಳ ಎನ್ನನೆ ಪ್ರೀತಿ ಮಾಡ್‍ವಿರೋ ಅನ್ನನೆ ನಿಂಗಡ ನೆರೆಮನೆಕಾರಳ ಪ್ರೀತಿ ಮಾಡಿ ಎಣ್ಣುವ ಈ ಒರೇ ವಾಕ್ಯ, ನ್ಯಾಯಪ್ರಮಾಣತ್‍ಲ್ ಉಳ್ಳಾನೆಲ್ಲಾ ಪೂರ್ತಿ ಮಾಡ್‌ವ.

ಕೊಲೊಸ್ಸೆ 3:14

ಎಲ್ಲಾಕಿಂಜ ಬಲ್ಯದಾಯಿತ್, ಎಲ್ಲಾನ ಒಂದಾಯಿತ್ ಪೂರ್ತಿ ಐಕ್ಯತ್‍ಲ್ ಪುಡ್‌ಚಿತ್ ಬೆಪ್ಪ ಗುಣವಾಯಿತುಳ್ಳ ಪ್ರೀತಿನ ನಿಂಗಡ ಮೇಲೆ ಒರ್ ಬಟ್ಟೇರನೆಕೆ ಇಟ್ಟೊಳಿ.

1 ತಿಮೊಥೆಯ 1:5

ಈ ಆಜ್ಞೆರ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಶುದ್ದವಾನ ಹೃದಯತ್‍ಲ್, ನಲ್ಲ ಮನಸಾಕ್ಷಿಲ್, ಕಪಟ ಇಲ್ಲತ ನಂಬಿಕೆಯಿಂಜ ಬಪ್ಪ ನೇರಾನ ಪ್ರೀತಿಲ್ ದುಂಬಿತಿರಂಡೂಂದ್ ಎಣ್ಣ್‌ವದೇ.

ಯಾಕೋಬ 2:8

ನಿಂಗ ನಿಂಗಳ ಎಚ್ಚಕ್ ಪ್ರೀತಿ ಮಾಡ್‍ವಿರೋ ಅನ್ನನೆ ನೆರಮನೆಕಾರಳ ಪ್ರೀತಿ ಮಾಡ್‌ವಿರಾಂದ್ ಉಳ್ಳ ದೇವಡ ವಾಕ್ಯವಾನ ದೇವಡ ರಾಜ್ಯತ್‍ರ ಪ್ರಮಾಣತ್‍ನ ಮಾಡ್‍ಚೇಂಗಿ, ಅಕ್ಕ ನಿಂಗ ನಲ್ಲದ್ ಮಾಡ್‍ನನೆಕೆ.

1 ಯೋಹಾನ 3:10

ಇನ್ನನೆ, ದೇವಡ ಮಕ್ಕ ದಾರ್, ಸೈತಾನಂಡ ಮಕ್ಕ ದಾರ್‍ೕಂದ್ ನಿಂಗಕ್ ಗೊತ್ತಾಪ. ನೇರಾನ ಬಟ್ಟೇಲ್ ನಡ್‍ಕತಯಿಂಗ ಪಿಂಞ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‍ತಯಿಂಗಳಾನ ಅಯಿಂಗ ದೇವಡ ಮಕ್ಕ ಅಲ್ಲ.