ರೋಮ್ 13:2 - ಕೊಡವ ಬೈಬಲ್

² ಆನಗುಂಡ್, ಅದಿಕಾರಕ್ ಎದ್‍ರ್ ನಿಪ್ಪಂವೊ ದೇವ ನೇಮಿಚಿಟ್ಟದಂಗ್ ಎದ್‍ರಾಯಿತ್ ನಿಂದಂಡ್ ಉಂಡ್. ಅನ್ನನೆ ಎದ್‍ರ್ ನಿಪ್ಪಯಿಂಗ ಅಯಿಂಗಕ್ ಅಯಿಂಗಳೇ ತೀರ್ಪ್ ಮಾಡಿಯಂಡುಂಡ್.

ರೋಮ್ 13:2 ပူးပေါင်းရင်းမြစ်များ

ಮತ್ತಾಯ 23:13

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ. ಜನ ಪ್ರವೇಶ ಮಾಡತನೆಕೆ ಪರಲೋಕ ರಾಜ್ಯತ್‍ರ ಪಡಿನ ಬೀಗ ಇಡ್‍ವಿರ. ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಪೋಪಕ್ ಬುಡ್‍ವದು ಇಲ್ಲೆ.

ಮಾರ್ಕ 12:40

ಪಿಂಞ ವಿದವೆಯಂಗಡ ಮನೆನ ಚದಿ ಮಾಡಿತ್ ಮುಗ್ಗಿತ್, ಎಲ್ಲಾರು ಕಾಂಬನೆಕೆ ಉದ್ದವಾಯಿತ್ ಪ್ರಾರ್ಥನೆ ಮಾಡ್‌ವ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಕ್ ನಿಂಗ ಎಚ್ಚರತ್‍ಲ್ ಇರಿ. ಅಯಿಂಗಕ್ ದೇವಡ ಶಿಕ್ಷೆ ದುಂಬ ಕಠಿಣವಾಯಿತ್‌ಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:47

ಅಯಿಂಗ ವಿದವೆಯಂಗಡ ಮನೆನ ಚದಿ ಮಾಡಿತ್ ಮುಗ್ಗಿತ್, ಎಲ್ಲಾರು ಕಾಂಬನೆಕೆ ಉದ್ದವಾಯಿತ್ ಪ್ರಾರ್ಥನೆ ಮಾಡ್‌ವ. ಅಯಿಂಗಕ್ ದೇವಡ ಶಿಕ್ಷೆ ದುಂಬ ಕಠಿಣವಾಯಿತ್‌ಪ್ಪಾಂದ್ ಎಣ್ಣ್‌ಚಿ.

ರೋಮ್ 13:1

ಎಲ್ಲಾರು ತಾಂಡ ಮೇಲೆ ಅದಿಕಾರತ್‍ಲ್ ಉಳ್ಳಯಿಂಗಕ್ ತಗ್ಗಿತ್ ನಡ್‌ಕಂಡು. ಎನ್ನಂಗೆಣ್ಣ್‌ಚೇಂಗಿ, ದೇವ ನೇಮಿಚಿಡತೆ, ಏದ್ ಅದಿಕಾರವು ಇಲ್ಲೆ. ನಂಗ ಕಾಂಬ ಎಲ್ಲಾ ಅದಿಕಾರವು ದೇವ ನೇಮಿಚತ್.

ರೋಮ್ 13:3

ಅದಲ್ಲತೆ, ಅದಿಕಾರಿಯಂಗ ನಲ್ಲದ್ ಮಾಡ್‌ವಯಿಂಗಕ್ ಅಲ್ಲ, ಕೆಟ್ಟದ್ ಮಾಡ್‌ವಯಿಂಗಕೇ ಕ್ರೂರವಾಯಿತ್ ಇಪ್ಪ; ಆನಗುಂಡ್ ಅದಿಕಾರಿಯಂಗಕ್ ಪೋಡಿಯಿಲ್ಲತೆ ಬದ್‍ಕಂಡೂಂದ್ ನಿಂಗಕ್ ಆಸೆ ಇಂಜತೇಂಗಿ, ನಲ್ಲದ್ ಮಾಡಿ; ಅನ್ನನೆ ಮಾಡ್‌ವಗುಂಡ್ ನಿಂಗಕ್ ನಲ್ಲ ಪೆದ ಕ್‍ಟ್ಟುವ.

ರೋಮ್ 13:5

ಆನಗುಂಡ್, ನಿಂಗಕ್ ಶಿಕ್ಷೆ ಕ್‍ಟ್ಟ್‌ವಾಂದ್ ಮಾತ್ರ ಅಲ್ಲ, ಮನಸಾಕ್ಷಿರಗುಂಡು ತಗ್ಗಿತ್ ನಡ್‌ಕಂಡು.

ರೋಮ್ 9:19

ಇನ್ನನೆ ಆಚೇಂಗಿ, ದೇವ ಎನ್ನಂಗಾಯಿತ್ ಒಬ್ಬ ಮಾಡ್‌ವ ಪಾಪತ್‍ರಗುಂಡ್ ಅಂವೊಂಡ ಮೇಲೆ ಕುತ್ತ ಪರಿಯುವ? ಅಂವೊಂಡ ಚಿತ್ತಕ್ ವಿರೋದವಾಯಿತ್ ದಾರ್‌ಕ್ ನಿಪ್ಪಕ್ ಕಯ್ಯೂಂದ್ ನಿಂಗ ನಾಡ ಪಕ್ಕ ಕ್‍ೕಪಿರ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:1

ಯೇಸುನ ನಂಬ್‍ನಯಿಂಗ, ಸರ್ಕಾರಕೂ ಅದ್ಂಡ ಅದಿಕಾರಿಯಂಗಕು ಒಳಪಟ್ಟಿತ್ ನಡ್‍ಕಂಡೂಂದ್ ಇಂಞೊಮ್ಮ ಅಯಿಂಗಕ್ ಎಣ್ಣಿತ್, ಏದ್ ನಲ್ಲ ಕೆಲಸ ಮಾಡ್‌ವಕು ತಯಾರಾಯಿತ್ ಇಪ್ಪಕ್ ಎಣ್ಣಿ ಕೊಡ್.

ಯಾಕೋಬ 3:1

ನಾಡ ಅಣ್ಣತಮ್ಮಣಂಗಳೇ, ದೇವ ನಿಂಗಕ್ ಕಠಿಣ ತೀರ್ಪ್ ತಪ್ಪಾಂದ್ ಗೊತ್ತಾನಗುಂಡ್ ನಿಂಗ ಎಲ್ಲಾರು ಬೋದನೆಕಾರಂಗಳಾಯಿತ್ ಆಕತಿರಿ.

1 ಪೇತ್ರ 2:13

ಮನುಷ್ಯಂಗಡ ಮದ್ಯತ್‍ಲ್ ನೇಮಿಚಿಟ್ಟಿತುಳ್ಳ ಎಲ್ಲಾ ಅದಿಕಾರಕು, ಒಡೆಯಂಗಾಯಿತ್ ತಗ್ಗಿತ್ ನಡ್‌ಕಂಡು. ಅದ್ ರಾಜನಾಯಿತ್ಂಜತೇಂಗಿಯು,