ರೋಮ್ 13:13 - ಕೊಡವ ಬೈಬಲ್

¹³ ಕೂಟ್‌ಕಳಿ, ಕುಡಿಪದ್, ಲೈಂಗಿಕ ಪಾಪ, ಕಾಮಾಬಿಲಾಷೆ, ತರ್ಕ, ಒಟ್ಟೆಕಿಚ್ಚ್ ಉಳ್ಳಯಿಂಗಳಾಯಿತ್ ನಡ್‍ಕತೆ, ಪೋಲ್‍ಲ್ ನಡ್‍ಪಯಿಂಗಡನೆಕೆ ಸರಿಯಾಯಿತ್ ನಡ್‌ಕಂಡು.

ರೋಮ್ 13:13 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 23:20

ಕುಡುಕಂಗಡ ಕೂಡೆಯು, ದುಂಬ ಯರ್ಚಿ ತಿಂಬಯಿಂಗಡ ಕೂಡೆಯು ಸಹವಾಸ ಬೆಚ್ಚೊತೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:6

ಅಯಿಂಗ ದಂಡಾಳು ದೇವಡ ಎಲ್ಲಾ ಕಾನೂನ್ ಪ್ರಕಾರ, ಆಜ್ಞೆರ ಪ್ರಕಾರ ನೀತಿವಂತಯಿಂಗಳಾಯಿತ್, ಏದ್ ಮನುಷ್ಯನು ಕುತ್ತ ಪರಿಯುವಕ್ ಕಯ್ಯತ ಬದ್‍ಕ್‍ನ ಬದ್‍ಕಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:19

ಇಂಞು ಯೇಸು ಎಣ್ಣ್‌ಚಿ: ದುಂಬ ಐಶ್ವರ್ಯ ಉಳ್ಳ ಒರ್ ಮನುಷ್ಯ ಇಂಜತ್. ಅಂವೊ ಎಕ್ಕಾಲು ನಲ್ಲ ಬೆಲೆ ಬಾಳುವ ಬಟ್ಟೆ ಇಟ್ಟಂಡ್, ಎಕ್ಕಾಲು ಐಶ್ವರ್ಯವಂತನಾಯಿತ್ ಬದ್‍ಕಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:34

ನಿಂಗಡ ವಿಷಯತ್‍ಲ್ ಎಚ್ಚರತ್‍ಲ್ ಇರಿ. ನಿಂಗಡ ಸಮಯತ್‍ನೆಲ್ಲ ತಿಂಬಕಾಯಿತ್ ಕುಡಿಪಕಾಯಿತ್ ಪಿಂಞ ಬದ್‍ಕ್‍ರ ವಿಷಯಕಾಯಿತ್ ವ್ಯಸನ ಪಟ್ಟಂಡ್ ಇರತಿ. ಅನ್ನನೆ ಮಾಡಿಯಂಡಿಂಜತೇಂಗಿ, ನಿಂಗ ಗೇನ ಮಾಡತ ಸಮಯತ್‍ಲ್ ಆ ದಿವಸ ಬಂದಿತ್ ನಿಂಗಳ ಪುಡ್‌ಚಿರ್‍ವ.

ಅಪೊಸ್ತಲ 2:15

ನಿಂಗ ಗೇನ ಮಾಡ್‌ವನೆಕೆ ಈಂಗ ಕಳ್ಳ್ ಕುಡ್‍ಚಯಿಂಗ ಅಲ್ಲ. ಎನ್ನಂಗೆಣ್ಣ್‌ಚೇಂಗಿ ಇಕ್ಕ ಪೊಲಾಕ ಒಯಿಂಬದ್ ಗಂಟೆ ಮಾತ್ರ ಆಯಿತುಂಡ್.

1 ಕೊರಿಂಥ 3:3

ನಿಂಗಡ ಪಕ್ಕ ಒಟ್ಟೆಕಿಚ್ಚ್ ಉಂಡ್, ಬೋರೆಯಿಂಗಡ ಕೂಡೆ ಜಗಳ ಮಾಡ್‌ವಿರ. ಇದೆಲ್ಲಾನ ನಿಂಗಡ ಪಾಪತ್‍ರ ಗುಣತ್‍ನಗುಂಡ್ ಈ ಲೋಕತ್‍ರ ಜನತ್‍ರನೆಕೆ ಮಾಡಿಯಂಡುಳ್ಳಿರಾಂದ್ ನಿಂಗಕ್ ಗೊತ್ತ್‌ಲ್ಲೆಯಾ?

ಗಲಾತ್ಯ 5:19

ಮನುಷ್ಯಂಡ ಪಾಪತ್‍ರ ಗುಣ ಮಾಡ್‌ವ ಕಾರ್ಯವೆಲ್ಲಾ ಪೊರಮೆ ಕಾಂಬಕ್ ಕಯ್ಯು. ಅದೆಲ್ಲ ಎಂತ ಎಣ್ಣ್‌ಚೇಂಗಿ: ಲೈಂಗಿಕ ಪಾಪ, ನೀತಿಯಿಲ್ಲತ ಕಾರ್ಯ, ತಡೀರ ಮೋಹ,

ಗಲಾತ್ಯ 5:21

ಪೊರಾಮೆ, ಕುಡಿ, ಕೂಟ್‌ಕಳಿ ಪಿಂಞ ಬೋರೆ ಬೋರೆ ಕೆಟ್ಟ ಕಾರ್ಯ. ನಾನ್ ನಿಂಗಕ್ ಮಿಂಞಲೇ ಎಣ್ಣ್‌ನನೆಕೆ ಪುನಃ ಎಣ್ಣ್‌ವಿ. ಈ ತರ ಮಾಡ್‌ವಯಿಂಗಕ್, ದೇವ ಅಂವೊಂಡ ಮಕ್ಕಕ್ ಕೊಡ್‍ಪಾಂದ್ ಎಣ್ಣ್‌ನ ದೇವಡ ರಾಜ್ಯತ್‍ನ ಕೊಡ್‍ಪ್‍ಲೆ.

ಎಫೆಸ 4:1

ಆನಗುಂಡ್, ದೇವ ನಿಂಗಳ ಕಾಕ್‍ನನೆಕೆ, ನಿಂಗ ಅದ್ಂಗ್ ಯೋಗ್ಯವಾನ ಬದ್‍ಕ್‍ನ ಬಾಳಡೂಂದ್ ಒಡೆಯಂಗಾಯಿತ್ ಕೈದಿಯಾಯಿತ್ ಉಳ್ಳ ನಾನ್, ನಿಂಗಳ ಬೋಡುವಿ.

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

ಎಫೆಸ 5:15

ಆನಗುಂಡ್, ನಿಂಗ ಜ್ಞಾನ ಇಲ್ಲತಯಿಂಗಡನೆಕೆ ನಡ್‍ಕತೆ, ಜ್ಞಾನ ಉಳ್ಳಯಿಂಗಡನೆಕೆ ಎಚ್ಚರತ್‍ಲ್ ನಡ್‍ಪಕ್ ನೋಟಂಡು.

ಎಫೆಸ 5:18

ನಿಂಗಳ ಪಾಳ್ ಮಾಡ್‌ವ ಕಳ್ಳ್‌ನ ಕುಡಿಚಿತ್ ಕುಡ್‍ಕಂಗಳಾಯಿತ್ ಇರತಿ. ಅದ್ಂಡ ಬದ್‍ಲ್ ಪವಿತ್ರಾತ್ಮತ್‍ಲ್ ದುಂಬಿತ್,

ಎಫೆಸ 5:8

ಪಂಡ್ ನಿಂಗ ಇರ್‌ಟ್‌ಲ್ ಇಂಜಿರ, ಆಚೇಂಗಿ ಇಕ್ಕ ನಿಂಗ ಒಡೆಯಂಡಲ್ಲಿ ಉಳ್ಳಗುಂಡ್ ಬೊಳಿಲ್ ಉಳ್ಳಿರ; ಆನಗುಂಡ್ ಬೊಳಿರ ಮಕ್ಕಡನೆಕೆ ನಡ್‌ಕಂಡು.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಫಿಲಿಪ್ಪಿ 2:3

ನಿಂಗ ಮಾತ್ರ ಬಲ್ಯಯಿಂಗಾಂದ್ ಗೇನ ಮಾಡತಿ, ನಿಂಗಳ ತಗ್ಗ್‌ಚಿಟ್ಟಂಡ್ ಬೋರೆಯಿಂಗ ನಿಂಗಕಿಂಜ ಬಲ್ಯಯಿಂಗಾಂದ್ ಗೇನ ಮಾಡಿ.

ಕೊಲೊಸ್ಸೆ 1:10

ಅಕ್ಕ, ನಿಂಗ ಒಡೆಯಂಗ್ ಯೋಗ್ಯವಾನ ಬದ್‍ಕ್ ಬದ್‌ಕಿತ್, ಎಲ್ಲಾ ರೀತಿಲ್ ಅಂವೊನ ಕುಶಿ ಪಡ್‍ತಿತ್, ಎಲ್ಲಾ ತರತ್‍ರ ನಲ್ಲ ಕೆಲಸತ್‌ರ ಫಲತ್‍ನ ಕೊಡ್‌ತಿತ್, ದೇವನ ಗೊತ್ತಾಪಕುಳ್ಳ ಅಂವೊಂಡ ಬುದ್ದಿಲ್ ಬೊಳಿವಿರ.

ಕೊಲೊಸ್ಸೆ 3:5

ಆನಗುಂಡ್, ಲೈಂಗಿಕ ಪಾಪ, ಪವಿತ್ರಯಿಲ್ಲತ ವಿಷಯ, ಇಚ್ಛೆ, ಕೆಟ್ಟ ಆಸೆ, ದುಷ್ಟತನ, ಅತಿ ಆಸೆಯಾಯಿತುಳ್ಳ ವಿಗ್ರಹ ಆರಾದನೆ, ಈ ಲೋಕತ್‍ರ ಗುಣವಾಯಿತುಳ್ಳ ಇದೆಲ್ಲಾ ನಿಂಗಡಿಂಜ ಪಾಳ್ ಆಪನೆಕೆ ಬುಡ್‍ವಿರ.

1 ಥೆಸಲೊನೀಕ 2:12

ದೇವ ಅಂವೊಂಡ ರಾಜ್ಯಕು, ಮಹಿಮೆಕು, ನಿಂಗ ಪಾಲ್‍ದಾರಂಗಳಾಯಿತ್ ಇಪ್ಪಕ್ ನಿಂಗಳ ಕಾಕ್‍ನಗುಂಡ್, ನಂಗ ನಿಂಗಕ್ ಬುದ್ದಿ ಎಣ್ಣಿಯಂಡ್, ಸಮಾದಾನ ಮಾಡಿಯಂಡ್, ದೇವಡ ಮಕ್ಕ ಎನ್ನನೆ ಇರಂಡುವೋ ಅನ್ನನೆ ಬದ್‍ಕಂಡೂಂದ್ ನಿಂಗಳ ಬೋಡಿಯಂಡಿಂಜತ್.

1 ಥೆಸಲೊನೀಕ 4:12

ನಿಂಗ ಇನ್ನನೆ ಮಾಡ್‍ಚೇಂಗಿ, ನಿಂಗಡ ಪ್ರತಿ ದಿನ ಬದ್‍ಕ್‍ಲ್ ಚಾಯಿತೆ ಬದ್‍ಕಿಯಂಡ್ ಉಳ್ಳಾನ ಪೊರಮೆ ಉಳ್ಳಯಿಂಗ ಕಾಂಬ, ಪಿಂಞ ಎಲ್ಲಾರು ನಿಂಗಕ್ ಮರ್ಯಾದೆ ತಪ್ಪ. ಅಕ್ಕ ನಿಂಗ ದಾಡ ಮೇಲೆಯು ಬಾರ ಇಟ್ಟಿತ್ ಬದ್‌ಕುವನೆಕೆ ಇಪ್ಪುಲೆ.

1 ಥೆಸಲೊನೀಕ 5:17

ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇರಿ.

ಯಾಕೋಬ 4:5

ಅಥವ, ನಂಗಡೊಳ್‌ಲ್ ವಾಸ ಮಾಡ್‌ವಕಾಯಿತ್ ದೇವ ಕೊಡ್‍ತ ಪವಿತ್ರಾತ್ಮ ನಂಗ ದೇವಡ ಪಕ್ಕ ಸತ್ಯವುಳ್ಳಯಿಂಗಳಾಯಿತ್ ಇರಂಡೂಂದ್ ವೈರಾಗ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವ ದೇವಡ ವಾಕ್ಯ ಮುಂಡತೆ ಎಣ್ಣಿತುಂಡ್‍ೕಂದ್ ಗೇನಮಾಡಿಯಂಡುಳ್ಳಿರ?

1 ಯೋಹಾನ 2:6

ದಾರೇಂಗಿ ನಾನ್ ದೇವಡ ಐಕ್ಯತ್‍ಲ್ ಉಳ್ಳ್‌ಂದ್ ಎಣ್ಣ್‌ಚೇಂಗಿ, ಅಂವೊನು ಯೇಸು ಕ್ರಿಸ್ತ ನಡ್ಂದನೆಕೆ ನಡ್‌ಕಂಡು.

2 ಯೋಹಾನ 1:4

ಅಪ್ಪ ನಂಗಕ್ ಆಜ್ಞೆ ತಂದನೆಕೆ, ನೀಡ ಮಕ್ಕಡಲ್ಲಿ ಚೆನ್ನ ಮಕ್ಕ ಸತ್ಯತ್‍ಲ್ ಬದ್‍ಕಿಯಂಡುಂಡ್‍ೕಂದ್ ಗೊತ್ತಾನಗುಂಡ್ ನಾಕ್ ದುಂಬ ಕುಶಿ ಆಚಿ.

ಯೂದ ಒಳ್‍ದ್‍ನ ಕಾಗದ 1:23

ಚೆನ್ನ ಜನತ್‍ನ ತಿತ್ತ್‌ರ ನ್ಯಾಯ ತೀರ್ಪ್‌ಯಿಂಜ ಬಲ್‍ಚಿತ್ ಕಾಪಾಡಿ. ಇಂಞು ಚೆನ್ನ ಜನಕ್ ಕರುಣೆ ಕಾಟಿ. ಆಚೇಂಗಿ, ಅನ್ನನೆ ಮಾಡ್‌ವಕ, ಅಯಿಂಗ ಮಾಡ್‌ವ ಕ್‍ೕಡಾನ ಪಾಪತ್‍ಲ್ ನಿಂಗಳು ಬೂವತನೆಕೆ ಇಪ್ಪಕ್ ದುಂಬ ಬಯತ್‍ಲ್ ಮಾಡಂಡು.