ರೋಮ್ 13:12 - ಕೊಡವ ಬೈಬಲ್

¹² ಬೈಟ್ ದುಂಬ ಕಳೆಂದ್ ಪೋಚಿ, ಪೋಲ್ ಪಕ್ಕ ಬಾತ್; ಆನಗುಂಡ್ ಇರ್‌ಟ್‌ರ ಕ್ರಿಯೇನ ಬುಟ್ಟಿತ್, ಬೊಳಿರ ಆಯುದತ್‍ನ ಇಡೋನ.

ರೋಮ್ 13:12 ပူးပေါင်းရင်းမြစ်များ

ರೋಮ್ 13:14

ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.

1 ಕೊರಿಂಥ 10:11

ನಂಗಡ ಯೆಹೂದ್ಯ ಮುತ್ತಜ್ಜಂಗಕ್ ಆನದ್ ನಂಗಕ್ ಒರ್ ಉದಾರಣೆಯಾಯಿತ್ ಉಂಡ್; ಲೋಕತ್‍ರ ಆಕೀರ್ ಕಾಲತ್‍ಲ್ ಬದ್‍ಕ್‍ವ ನಂಗಕ್ ಇದ್ ಎಚ್ಚರವಾಯಿತ್ ಇಪ್ಪಕ್ ಇದ್‍ನೆಲ್ಲಾ ಒಳ್‍ದಿ ಬೆಚ್ಚಿತುಂಡ್.

1 ಕೊರಿಂಥ 7:29

ನಾಡ ಅಣ್ಣತಮ್ಮಣಂಗಳೇ, ನಾನ್ ಎಣ್ಣಿಯಂಡುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಗಕ್ ದುಂಬ ಸಮಯ ಇಲ್ಲೆ. ಆನಗುಂಡ್, ಇಕ್ಕಯಿಂಜ ಪೊಣ್ಣ್ ಉಳ್ಳ ಆಣಾಳ್‍ವ, ಪೊಣ್ಣ್ ಇಲ್ಲತನೆಕೆ ಇಕ್ಕಂಡು.

2 ಕೊರಿಂಥ 10:4

ನಂಗ ಉಪಯೋಗ ಮಾಡ್‌ವ ಯುದ್ದತ್‍ರ ಆಯುದ ಈ ತಡೀರ ಆಯುದಂಗ ಅಲ್ಲ, ಅದ್, ಗಟ್ಟಿಯಾಯಿತುಳ್ಳ ಕೋಟೆಯಳ ಪೊಳಿಪಕುಳ್ಳ ದೇವಡ ಶಕ್ತಿಯಾಯಿತುಂಡ್.

2 ಕೊರಿಂಥ 6:7

ನಂಗ ಸತ್ಯ ತಕ್ಕ್ ಪರ್ಂದಂಡುಂಡ್. ದೇವಡ ಶಕ್ತಿ ನಂಗಡಲ್ಲಿ ಕ್ರಿಯೆ ಮಾಡಿಯಂಡುಂಡ್. ನೀತಿಯಾಯಿತುಳ್ಳ ಬಲ್‌ತೆ ಬರಿ ಎಡ್‍ತೆ ಬರೀರ ಆಯುದತ್‍ನ ಇಡ್‌ವಯಿಂಗಳಾಯಿತುಂಡ್.

ಎಫೆಸ 4:22

ಆನಗುಂಡ್, ಪಂಡತ ಬದ್‍ಕ್‍ರ, ಇಚ್ಛೆಯಿಂಜ ನಿಂಗಳ ಪಾಳ್ ಮಾಡ್‌ವ ಪಳೆಯ ಮನುಷ್ಯನ ಉತ್ತಿತ್ ಕಳೆಯುವಿರ.

ಎಫೆಸ 5:11

ಫಲ ತಪ್ಪಕ್ ಕಯ್ಯತ ಇರ್‌ಟ್‌ರ ಕ್ರಿಯೇಲ್ ಪಾಲ್‍ದಾರಂಗಳಾಯಿತ್ ಆಕತೆ, ಅದ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಪೊರಮೆ ಕಾಂಬ್‌ಚಿಡಂಡು.

ಎಫೆಸ 5:8

ಪಂಡ್ ನಿಂಗ ಇರ್‌ಟ್‌ಲ್ ಇಂಜಿರ, ಆಚೇಂಗಿ ಇಕ್ಕ ನಿಂಗ ಒಡೆಯಂಡಲ್ಲಿ ಉಳ್ಳಗುಂಡ್ ಬೊಳಿಲ್ ಉಳ್ಳಿರ; ಆನಗುಂಡ್ ಬೊಳಿರ ಮಕ್ಕಡನೆಕೆ ನಡ್‌ಕಂಡು.

ಇಬ್ರಿಯ 10:25

ಚೆನ್ನ ಜನ ಸಬೇಕ್ ಬಪ್ಪದ್‍ನ ಬುಡುವನೆಕೆ ನಂಗಳು ಬುಡತೆ, ಒಬ್ಬೊಂಗೊಬ್ಬ ಬುದ್ದಿ ಎಣ್ಣಿಯಂಡ್ ಇಕ್ಕಂಡು. ಅಂವೊ ಪುನಃ ಬಪ್ಪ ದಿವಸ ಪಕ್ಕ ಬಂದಂಡ್ ಉಳ್ಳದ್‍ನ ನಿಂಗ ಎಚ್ಚಕ್ ನೋಟಿಯಂಡುಳ್ಳಿರೋ, ಅಚ್ಚಕ್ ಎಚ್ಚರ ಎಡ್‌ಕಂಡು.

ಇಬ್ರಿಯ 12:1

ಆನಗುಂಡ್, ನಂಬಿಕೇರ ಮೂಲಕ ಬದ್‍ಕನಯಿಂಗಡ, ಮೋಡತ್‍ರನೆಕೆ ಉಳ್ಳ ಬಲ್ಯ ಗುಂಪ್‍ರ, ಇಚ್ಚಕ್ ಬಲ್ಯ ಸಾಕ್ಷಿ ನಂಗಡ ಸುತ್ತ್‌ಲ್ ಇಪ್ಪಕ, ನಂಗಳ ಮಿಂಞಕ್ ಪೋಪಕ್ ಕಯ್ಯತನೆಕೆ ನಂಗಡ ಮೇಲೆ ಉಳ್ಳ ಎಲ್ಲಾ ಬಾರತ್‍ನ ಪಿಂಞ ನಂಗಳ ಸುಲಬವಾಯಿತ್ ಚಿಕ್ಕಿಚಿಡುವ ಪಾಪತ್‍ನ ಚಾಡಿತ್ ಕಳೆಯಂಡು.

ಯಾಕೋಬ 1:21

ಆನಗುಂಡ್ ಎಲ್ಲಾ ಹೇಸಿಗೆಯಾನ ಗುಣ ಪಿಂಞ ಪಾಳ್ ಗುಣತ್‍ನ ಬುಟ್ಟ್‌ರಿ. ನಿಂಗಡ ಮನಸ್ಸ್‌ಲ್ ನಟ್ಟಿತುಳ್ಳ ಪಿಂಞ ನಿಂಗಡ ಆತ್ಮತ್‌ನ ಕಾಪಾಡ್‌ವಕ್ ಶಕ್ತಿಯುಳ್ಳ ದೇವಡ ವಾಕ್ಯತ್‍ನ, ಸಮಾದಾನತ್‍ಲ್ ಸ್ವೀಕಾರ ಮಾಡಿಯೊಳಿ.

ಯಾಕೋಬ 5:8

ನಿಂಗಳು ತಾಳ್ಮೆಯಾಯಿತ್, ಮನಸ್ಸ್ ಗಟ್ಟಿ‌ಮಾಡಿಯಂಡ್ ಇಕ್ಕಂಡು. ಎನ್ನಂಗೆಣ್ಣ್‌ಚೇಂಗಿ ದೇವ ಬಪ್ಪದ್ ಪೆರ್ತ್‌ ಪಕ್ಕ ಆಚಿ.

1 ಪೇತ್ರ 2:1

ಆನಗುಂಡ್, ಬೋರೆಯಿಂಗಳ ಕಷ್ಟಪಡ್‌ತ್‌ವದ್‍ಲ್ ಕುಶಿ ಪಡುವ ಎಲ್ಲಾ ಗುಣತ್‍ನ, ವಂಚನೆ ಮಾಡ್‌ವ ಗುಣತ್‍ನ, ಎಲ್ಲಾ ಕಪಟಿಯಾನ ಗುಣತ್‍ನ, ಹೊಟ್ಟೆಕಿಚ್ಚ್‌ನ, ಕುತ್ತಪರಿಯುವಾನೆಲ್ಲಾನ ನಿಂಗಡಲ್ಲಿಂಜ ಚಾಡಿ ಕಳೆಯುವಿರ.

1 ಪೇತ್ರ 4:7

ಎಲ್ಲಾಂಗ್ ಆಕೀರ್ ಕಾಲ ಪಕ್ಕ ಬಾತ್. ಆನಗುಂಡ್, ಚಾಯಿ ಮನಸ್ಸ್ ಉಳ್ಳಯಿಂಗಳಾಯಿತ್, ತನ್ನಡಕ್ಕ ಉಳ್ಳಯಿಂಗಳಾಯಿತ್ ಇರಿ. ಅಕ್ಕ ನಿಂಗ ಚಾಯಿ ಪ್ರಾರ್ಥನೆ ಮಾಡ್‌ವಕ್ ಆಪ.

2 ಪೇತ್ರ 3:11

ಎಲ್ಲಾ ಇನ್ನನೆ ನಾಶ ಆಯಿ ಪೋಪಗುಂಡ್, ನಿಂಗ ಎನ್ನನೆ ಉಳ್ಳಯಿಂಗಳಾಯಿತ್ ಇಕ್ಕಂಡು? ನಿಂಗ ಪವಿತ್ರವಾಯಿತ್, ಬಕ್ತಿ ಉಳ್ಳಯಿಂಗಳಾಯಿತ್ ಬದ್‍ಕಂಡು.

2 ಪೇತ್ರ 3:9

ಚೆನ್ನ ಜನ ಎಣ್ಣ್‌ವನೆಕೆ, ಒಡೆಯ ತಾಂಡ ವಾಗ್ದಾನತ್‍ನ ನೆರೆವೇರಿಚಿಡುವ ವಿಷಯತ್‍ಲ್ ತಡೆ ಮಾಡಿಯಂಡಿಲ್ಲೆ. ಒಬ್ಬ ಸಹ ನಾಶ ಆಕತೆ ಎಲ್ಲಾರು ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬರಂಡೂಂದ್ ಕುಶಿಪಟ್ಟಿತ್ ನಿಂಗಳ ಗೇನಮಾಡಿಯಂಡೇ, ದುಂಬ ತಾಳ್ಮೇಳ್ ಉಳ್ಳಂವೊನಾಯಿತುಂಡ್.

1 ಯೋಹಾನ 2:18

ನಾಡ ಮಕ್ಕಳೇ ಕಡೆ ಕಾಲ ಬೆರಿಯ ಬಂದಂಡುಂಡ್! ಅಕ್ಕ, ನಾನೇ ಕ್ರಿಸ್ತಾಂದ್ ಪೊಟ್ಟ್ ಪರಿಯುವಂವೊ ಬಪ್ಪಾಂದ್ ಅಕ್ಕ ಕ್‍ೕಟಿತುಳ್ಳಿರ, ಆಚೇಂಗಿ ಇಕ್ಕಲೆ ಕಳ್ಳ ಕ್ರಿಸ್ತಂಗ ಬಂದಿತುಂಡ್. ಅಂದಕ ಇದ್ ಕಡೆ ಕಾಲಾಂದ್ ನಂಗಕ್ ಗೊತ್ತಾಪ.

ಪ್ರಕಟನೆ 1:3

ಈ ಪ್ರವಾದನೆರ ವಾಕ್ಯತ್‍ನ ಓದ್‍ವಯಿಂಗ, ಕ್‍ೕಪಯಿಂಗ ಪಿಂಞ ಇದ್‍ಲ್ ಎಣ್ಣ್‌ನನೆಕೆ ಮಾಡ್‌ವಯಿಂಗ ಎಲ್ಲಾರು ಆಶೀರ್ವಾದ ಪಡ್ಂದಯಿಂಗ, ಎನ್ನಂಗೆಣ್ಣ್‌ಚೇಂಗಿ, ಕಾಲ ಪಕ್ಕ ಬಾತ್.

ಪ್ರಕಟನೆ 22:10

ಇದ್‍ಲ್ಲತೆ, ಅಂವೊ ನನ್ನ ನೋಟಿತ್: ಈ ಪುಸ್ತಕತ್‍ಲ್ ಒಳ್‍ದ್‍ನ ಪ್ರವಾದನೆರ ವಾಕ್ಯತ್‍ನ ಮುದ್ರೆ ಮಾಡಂಡ, ಎನ್ನಂಗೆಣ್ಣ್‌ಚೇಂಗಿ ಸಮಯ ಬೆರಿಯ ಬಂದ್‌ರ್‌ತ್.