ರೋಮ್ 13:11 - ಕೊಡವ ಬೈಬಲ್

¹¹ ವರ್‌ಕ್‌ಯಿಂಜ ಏವ ಸಮಯ ಆಚೀಂದ್, ನಂಗ ಇಕ್ಕತ್‍ರ ಕಾಲತ್‍ನ ಅರ್ಥಮಾಡ್‍ನಯಿಂಗಳಾಯಿತ್, ಇನ್ನನೆ ಮಾಡಂಡು; ನಂಗ ಯೇಸುನ ನಂಬ್‍ನ ಆದ್ಯ ಕಾಲತ್‍ಲ್ ನಂಗಡ ಆಕೀರ್ ರಕ್ಷಣೆ ಪಕ್ಕತ್‍ಲ್ ಇಂಜಕಿಂಜ, ಇಕ್ಕ ಇಂಞು ಜಾಸ್ತಿ ನಂಗಡ ಪಕ್ಕತ್‍ಲ್ ಉಂಡ್.

ರೋಮ್ 13:11 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:6

ಅಕ್ಕಣೆಕ್ ಹಡ್‌ಗ್‌ರ ನಾಯಕ ಅಂವೊಂಡ ಪಕ್ಕ ಬಂತ್: ನೀನ್‌ ಎನ್ನಂಗ್‌ ಇನ್ನನೆ ಒರ್ವೊ? ಎದ್ದಿತ್‌ ನೀಡ ದೇವಕ್‌ ಮೊರೆ ಇಡ್. ನಂಗ ನಾಶ ಆಯಿಪೋಕತೆ ನೀಡ ದೇವ ಒಮ್ಮಕೆ ನಂಗಳ ರಕ್ಷಣೆ ಮಾಡುವೊ ಎಂತೋಂದ್‌ ಎಣ್ಣ್‌ಚಿ.

ಮತ್ತಾಯ 16:3

ಪೊಲಾಕ ನೇರತೆ ನಿಂಗ ಬಾನತ್‍ನ ನೋಟ್‍ವಕ ಬಾನ ಚೋಂದಿತ್, ಕರ್ತಿತ್ ಇಂಜತೇಂಗಿ, ಇಂದ್ ಮಳೆ ಪೊಯ್ಯೂಂದ್ ಎಣ್ಣುವಿರ. ನಿಂಗ ಬಾನತ್‍ನ ನೋಟಿತ್, ಹವಾಗುಣ ಎಂತ್‍ೕಂದ್ ಎಣ್ಣುವಿರ, ಆಚೇಂಗಿ ಈ ಕಾಲತ್‍ಲ್ ದೇವ ಮಾಡ್‌ವಾನ ನೋಟಿತ್ ಸಮಯತ್‍ರ ಗುರ್‍ತ್‍ನ ನಿಂಗಕ್ ಎಣ್ಣುವಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:28

ಇದೆಲ್ಲ ಆಪದ್‍ನ ನಿಂಗ ಕಾಂಬಕ, ಎದ್ದ್ ನಿಂದಿತ್ ಮಂಡೆನ ಕೊಡಿಕ್ ಮಾಡಿತ್ ನಿಲ್ಲಿ, ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಬುಡ್‍ಗಡೆ ದಿವಸ ಪಕ್ಕ ಬಾತ್‍ೕಂದ್ ಗೊತ್ತ್ ಮಾಡಿಯೊಳಿ.

1 ಕೊರಿಂಥ 10:11

ನಂಗಡ ಯೆಹೂದ್ಯ ಮುತ್ತಜ್ಜಂಗಕ್ ಆನದ್ ನಂಗಕ್ ಒರ್ ಉದಾರಣೆಯಾಯಿತ್ ಉಂಡ್; ಲೋಕತ್‍ರ ಆಕೀರ್ ಕಾಲತ್‍ಲ್ ಬದ್‍ಕ್‍ವ ನಂಗಕ್ ಇದ್ ಎಚ್ಚರವಾಯಿತ್ ಇಪ್ಪಕ್ ಇದ್‍ನೆಲ್ಲಾ ಒಳ್‍ದಿ ಬೆಚ್ಚಿತುಂಡ್.

1 ಕೊರಿಂಥ 15:34

ಏದ್ ಬೋದನೆ ಸರಿಯಾನದೊ, ಅದ್‍ನ ಮಾತ್ರ ಗೇನ ಮಾಡಿಯಂಡಿರಿ, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡಿ, ನಿಂಗಡಲ್ಲಿ ಚೆನ್ನ ಜನಕ್ ದೇವ ದಾರ್‍ೕಂದ್ ಗೊತ್ತಿಲ್ಲತೆ ಉಳ್ಳಿರ. ನಿಂಗಕ್ ಞಾಣ ಆಪಕಾಯಿತ್ ಇದ್‍ನ ಎಣ್ಣ್‌ವಿ.

ಎಫೆಸ 5:14

ಆನಗುಂಡ್, ವರಿಯಂಡ್ ಉಳ್ಳ ನೀ, ಎಚ್ಚರ ಎಡ್‌ತ, ಚತ್ತಯಿಂಗಡ ಮದ್ಯತ್ಂಜ ಏಳ್, ಅಕ್ಕ, ನೀಡ ಮೇಲೆ ಕ್ರಿಸ್ತಂಡ ಬೊಳಿ ಮಿನ್ನುವಾಂದ್ ಎಣ್ಣಿತುಂಡ್.

ಯಾಕೋಬ 5:8

ನಿಂಗಳು ತಾಳ್ಮೆಯಾಯಿತ್, ಮನಸ್ಸ್ ಗಟ್ಟಿ‌ಮಾಡಿಯಂಡ್ ಇಕ್ಕಂಡು. ಎನ್ನಂಗೆಣ್ಣ್‌ಚೇಂಗಿ ದೇವ ಬಪ್ಪದ್ ಪೆರ್ತ್‌ ಪಕ್ಕ ಆಚಿ.

1 ಪೇತ್ರ 4:7

ಎಲ್ಲಾಂಗ್ ಆಕೀರ್ ಕಾಲ ಪಕ್ಕ ಬಾತ್. ಆನಗುಂಡ್, ಚಾಯಿ ಮನಸ್ಸ್ ಉಳ್ಳಯಿಂಗಳಾಯಿತ್, ತನ್ನಡಕ್ಕ ಉಳ್ಳಯಿಂಗಳಾಯಿತ್ ಇರಿ. ಅಕ್ಕ ನಿಂಗ ಚಾಯಿ ಪ್ರಾರ್ಥನೆ ಮಾಡ್‌ವಕ್ ಆಪ.

2 ಪೇತ್ರ 3:11

ಎಲ್ಲಾ ಇನ್ನನೆ ನಾಶ ಆಯಿ ಪೋಪಗುಂಡ್, ನಿಂಗ ಎನ್ನನೆ ಉಳ್ಳಯಿಂಗಳಾಯಿತ್ ಇಕ್ಕಂಡು? ನಿಂಗ ಪವಿತ್ರವಾಯಿತ್, ಬಕ್ತಿ ಉಳ್ಳಯಿಂಗಳಾಯಿತ್ ಬದ್‍ಕಂಡು.

2 ಪೇತ್ರ 3:9

ಚೆನ್ನ ಜನ ಎಣ್ಣ್‌ವನೆಕೆ, ಒಡೆಯ ತಾಂಡ ವಾಗ್ದಾನತ್‍ನ ನೆರೆವೇರಿಚಿಡುವ ವಿಷಯತ್‍ಲ್ ತಡೆ ಮಾಡಿಯಂಡಿಲ್ಲೆ. ಒಬ್ಬ ಸಹ ನಾಶ ಆಕತೆ ಎಲ್ಲಾರು ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬರಂಡೂಂದ್ ಕುಶಿಪಟ್ಟಿತ್ ನಿಂಗಳ ಗೇನಮಾಡಿಯಂಡೇ, ದುಂಬ ತಾಳ್ಮೇಳ್ ಉಳ್ಳಂವೊನಾಯಿತುಂಡ್.

1 ಯೋಹಾನ 2:18

ನಾಡ ಮಕ್ಕಳೇ ಕಡೆ ಕಾಲ ಬೆರಿಯ ಬಂದಂಡುಂಡ್! ಅಕ್ಕ, ನಾನೇ ಕ್ರಿಸ್ತಾಂದ್ ಪೊಟ್ಟ್ ಪರಿಯುವಂವೊ ಬಪ್ಪಾಂದ್ ಅಕ್ಕ ಕ್‍ೕಟಿತುಳ್ಳಿರ, ಆಚೇಂಗಿ ಇಕ್ಕಲೆ ಕಳ್ಳ ಕ್ರಿಸ್ತಂಗ ಬಂದಿತುಂಡ್. ಅಂದಕ ಇದ್ ಕಡೆ ಕಾಲಾಂದ್ ನಂಗಕ್ ಗೊತ್ತಾಪ.

ಪ್ರಕಟನೆ 1:3

ಈ ಪ್ರವಾದನೆರ ವಾಕ್ಯತ್‍ನ ಓದ್‍ವಯಿಂಗ, ಕ್‍ೕಪಯಿಂಗ ಪಿಂಞ ಇದ್‍ಲ್ ಎಣ್ಣ್‌ನನೆಕೆ ಮಾಡ್‌ವಯಿಂಗ ಎಲ್ಲಾರು ಆಶೀರ್ವಾದ ಪಡ್ಂದಯಿಂಗ, ಎನ್ನಂಗೆಣ್ಣ್‌ಚೇಂಗಿ, ಕಾಲ ಪಕ್ಕ ಬಾತ್.

ಪ್ರಕಟನೆ 22:10

ಇದ್‍ಲ್ಲತೆ, ಅಂವೊ ನನ್ನ ನೋಟಿತ್: ಈ ಪುಸ್ತಕತ್‍ಲ್ ಒಳ್‍ದ್‍ನ ಪ್ರವಾದನೆರ ವಾಕ್ಯತ್‍ನ ಮುದ್ರೆ ಮಾಡಂಡ, ಎನ್ನಂಗೆಣ್ಣ್‌ಚೇಂಗಿ ಸಮಯ ಬೆರಿಯ ಬಂದ್‌ರ್‌ತ್.

ಪ್ರಕಟನೆ 22:12

ನೋಟಿ! ನಾನ್ ಬೆರಿಯ ಬಂದಂಡುಳ್ಳ; ನಾನ್ ತಪ್ಪ ಫಲ ನಾಡಲ್ಲಿ ಉಂಡ್. ಒಬ್ಬೊಬ್ಬನು ಮಾಡ್‍ನ ಕ್ರಿಯೇಕ್ ತಕ್ಕಂತ ಫಲತ್‍ನ ನಾನ್ ತಪ್ಪಿ.

ಪ್ರಕಟನೆ 22:20

ಈ ವಿಷಯತ್‍ನ ಸಾಕ್ಷಿಯಾಯಿತ್ ಎಣ್ಣ್‌ವಂವೊ: ನೇರಾಯಿತ್ ನಾನ್ ಬೆರಿಯ ಬಂದಂಡುಳ್ಳ್‌ಂದ್ ಎಣ್ಣಿಯಂಡುಂಡ್. ಆಮೆನ್, ಒಡೆಯನಾನ ಯೇಸುವೇ ಬಾರಿ.