ರೋಮ್ 12:8 - ಕೊಡವ ಬೈಬಲ್

⁸ ಪುರ್‌ಡ್ ಕೊಡ್‍ಪ ವರ ಎಣ್ಣ್‌ಚೇಂಗಿ, ಅಂವೊ ಪುರ್‌ಡ್ ಕೊಡ್‌ಕಡ್; ಬೋರೆಯಿಂಗಡ ಅವಸ್ಯಕ್ ಸಹಾಯ ಮಾಡ್‌ವ ವರ ಎಣ್ಣ್‌ಚೇಂಗಿ, ಅಂವೊ ದಾರಾಳವಾಯಿತ್ ಸಹಾಯ ಮಾಡಡ್; ತಕ್ಕಾಮೆರ ವರ ಎಣ್ಣ್‌ಚೇಂಗಿ, ಅಂವೊ ಅದ್‍ನ ಜಾಗ್ರತೆಲ್ ಮಾಡಡ್. ಕರುಣೆ ಕಾಟುವ ವರ ಎಣ್ಣ್‌ಚೇಂಗಿ, ಅಂವೊ ಅದ್‍ನ ಕುಶೀಲ್ ಮಾಡಡ್.

ರೋಮ್ 12:8 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:19

ಯೆಹೋವ ಅಬ್ರಹಾಮಂಗ್‌ ಎಣ್ಣ್‌ನದ್‌ನ ನೆರವೇರಿಚಿಡುವಕಾಯಿತ್‌ ಅಂವೊ ತಾಂಡ ಮಕ್ಕಕು, ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮನೆಕಾರಕು ಇನ್ನನೆ ಎಣ್ಣುವಕ್‌ ಗೊತ್ತ್‌ಮಾಡಿಯೆ: ಅದ್‌ ಎನ್ನನೆ ಎಣ್ಣ್‌ಚೇಂಗಿ, ನಿಂಗ ನೀತಿರ ಪಿಂಞ ನ್ಯಾಯತ್‌ರ ಪ್ರಕಾರ ನಡ್‌ಕಂಡೂಂದ್‌ ಆಜ್ಞೆ ಮಾಡುವಾಂದ್‌ ನಾಕ್‍ ಗೊತ್ತುಂಡ್‍ೕಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 22:9

ದಯೆ ಕಣ್ಣ್‌ ಉಳ್ಳಂವೊಂಗ್‌ ಆಶೀರ್ವಾದ ಕ್‌ಟ್ಟುವ. ಎನ್ನಂಗೆಣ್ಣ್‌ಚೇಂಗಿ, ಅಂವೊ ತಾಂಡ ಕೂಳ್‌ನ ಗರೀಬಂಗ್‌ ಕೊಡ್‌ಪ.

ಮತ್ತಾಯ 25:40

ಅಕ್ಕ ರಾಜ, ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಮಾಡ್‍ಚೇಂಗಿಯು, ಅದ್‍ನ ನಿಂಗ ನಾಕ್ ಮಾಡ್‌ನನೆಕೇಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 11:23

ಅಂವೊ ಅಲ್ಲಿಕ್ ಎತ್ತಿತ್ ದೇವಡ ಕೃಪೇನ ದೃಡವಾಯಿತ್ ಕಾಂಬಕ, ಅಂವೊಂಗ್ ದುಂಬ ಕುಶಿಯಾಯಿತ್, ಅಯಿಂಗಳ ನೋಟಿತ್, ಅಯಿಂಗ ತ್‍ೕರ ಹೃದಯತ್‍ಲ್ ಒಡೆಯಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಪುರ್‌ಡ್ ಕೊಡ್‍ತತ್.

ಅಪೊಸ್ತಲ 13:12

ಇನ್ನನೆ ಆನದ್‍ನ ಆ ಅದಿಪತಿ ಕಾಂಬಕ, ದೇವಡ ಬೋದನೆರ ವಿಷಯತ್ ಆಶ್ಚರ್ಯಪಟ್ಟಿತ್ ಒಡೆಯನ ನಂಬ್‍ಚಿ.

ಅಪೊಸ್ತಲ 13:15

ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ನ ಓದಿತಾನ ಪಿಂಞ ಸಬಾಮಂದಿರತ್‍ರ ಪೆರಿಯಯಿಂಗ, ಪೌಲ ಪಿಂಞ ಬಾರ್ನಬಂಗ್, ಅಣ್ಣತಮ್ಮಣಂಗಳೇ, ನಿಂಗ ಜನಕ್ ಬುದ್ದಿ ತಕ್ಕ್ ಎಣ್ಣ್‌ವಕ್ ಉಂಡೇಂಗಿ ಎಣ್ಣೀಂದ್ ಅಯಿಂಗಕ್ ಎಣ್ಣಿತ್ ಆಳ್‌ನ ಅಯಿಚತ್.

ಅಪೊಸ್ತಲ 15:32

ಯೂದ ಪಿಂಞ ಸೀಲ ಪ್ರವಾದಿಯಳಾಯಿತ್ ಇಂಜಗುಂಡ್, ಅಲ್ಲಿ ಇಂಜ ಯೇಸುನ ನಂಬ್‍ನಯಿಂಗಕ್ ದುಂಬ ಬೋದನೆ ಮಾಡಿತ್, ಅಯಿಂಗಳ ದೈರ್ಯಪಡ್‍ತಿತ್ ದೃಡಪಡ್‍ತ್‍ಚಿ.

ಅಪೊಸ್ತಲ 20:2

ಅಂವೊ ಆ ಸೀಮೆಕ್ ಪೋಯಿತ್ ಅಲ್ಲಿಯತ್‍ರ ಜನಕ್ ದುಂಬ ಪುರ್‌ಡ್ ಕೊಡ್‌ತಿತ್, ಆಕೀರ್‌ಕ್ ಗ್ರೀಕ್ ದೇಶಕ್ ಬಾತ್.

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

ಅಪೊಸ್ತಲ 4:36

ಇನ್ನನೆ ಮಾಡಿಯಂಡ್ ಉಳ್ಳಯಿಂಗಡಡೆ‍ಲ್ ಕುಪ್ರ ದೇಶತ್ಂಜ ಬಂದ ಲೇವಿಯ ಕುಲಕ್ ಕೂಡ್‍ನ ಒಬ್ಬನು, ಒತ್ತಾಸೆ ಮಾಡ್‌ವಂವೋಂದ್ ಅಪೊಸ್ತಲಂಗ ಕಾಕ್‍ನ ಬಾರ್ನಬ ಎಣ್ಣುವ ಪೆದ ಉಳ್ಳ ಯೋಸೇಫ,

ರೋಮ್ 12:13

ದೇವಡ ಮಕ್ಕಡ ಕಷ್ಟತ್‍ಲ್ ಅಯಿಂಗಕ್ ಬೋಂಡಿಯಾನದ್‍ನ ಮಾಡಿ, ನಿಂಗಡ ಪಕ್ಕ ಬಪ್ಪಯಿಂಗಳ ಚಾಯಿ ನೋಟಿಯೊಳಿ.

ರೋಮ್ 13:6

ಇದ್ಂಗಾಯಿತೇ ನಿಂಗ ಕಂದಾಯ ಕೊಡ್‍ತಂಡುಂಡ್. ಅಯಿಂಗ ಈ ಕೆಲಸತ್‍ನ ನೋಟುವ ದೇವಡ ಸೇವಕಂಗಳಾಯಿತುಂಡ್.

1 ಕೊರಿಂಥ 12:28

ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.

1 ಕೊರಿಂಥ 14:3

ಆಚೇಂಗಿ ಪ್ರವಾದನೆ ಎಣ್ಣ್‌ವಂವೊ, ಜನ ಆತ್ಮೀಯ ವಿಷತಯತ್‍ಲ್ ಬಲಪಡ್‍ವಕಾಯಿತ್, ಪುರ್‌ಡ್ ಕ್‍ಟ್ಟುವಕಾಯಿತ್ ಪಿಂಞ ಸಮಾದಾನ ಕ್‍ಟ್ಟುವಕಾಯಿತ್ ತಕ್ಕ್ ಪರ್ಂದಡುಂಡ್.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

2 ಕೊರಿಂಥ 11:3

ಆಚೇಂಗಿ, ಆದ್ಯ ಪೊಣ್ಣಾಳಾನ ಹವ್ವಳ, ಪಾಂಬ್ ತಾಂಡ ತಂತ್ರತ್‍ನಗುಂಡ್ ಮೋಸ ಮಾಡ್‍ನನೆಕೆ, ಕ್ರಿಸ್ತಂಡ ಸತ್ಯತ್‍ನ ಬುಟ್ಟಿತ್ ಬಟ್ಟೆ ತಪ್ಪಿ ಪೋಪನೆಕೆ ನಿಂಗಡ ಮನಸ್ಸ್ ಸಹ ಆಯಿ ಪೋಪಾಂದ್ ನಾಕ್ ಪೋಡಿ ಆಯಂಡುಂಡ್.

2 ಕೊರಿಂಥ 8:12

ಒಬ್ಬಂಗ್ ಮನಸ್ಸ್ ಇಂಜತೇಂಗಿ, ಅಂವೊಂಗ್ ಇಲ್ಲತ ಅಳ್‌ತೆರಚ್ಚಕ್ ಅಲ್ಲ, ಅಂವೊಂಗ್ ಉಳ್ಳಚ್ಚಕ್ ಕೊಡ್‍ತತೇಂಗಿ ಅದ್ಂಗ್ ಅಂಗಿಕಾರ ಕ್‍ಟ್ಟುವ.

2 ಕೊರಿಂಥ 9:11

ಇನ್ನನೆ ನಿಂಗ ಎಲ್ಲಾ ವಿಷಯತ್‍ಲ್ ಐಶ್ವರ್ಯವಂತಯಿಂಗಳಾಯಿತ್ ದಾರಾಳವಾಯಿತ್ ಕೊಡ್‍ಪಕ್ ಶಕ್ತಿವಂತಯಿಂಗಳಾಪಿರ. ಅದ್ ನಂಗಡ ಮೂಲಕ ದೇವಕ್ ವಂದನೆ ಕ್‍ಟ್ಟುವಕ್ ಕಾರಣವಾಯಿತ್‌ಪ್ಪ.

2 ಕೊರಿಂಥ 9:13

ಅಯಿಂಗ ಈ ಪಣದಾನತ್‍ರ ಸಹಾಯತ್‍ನ ಅನುಬವಿಚಿಟ್ಟಿತ್, ನಿಂಗ ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗಿತ್ ಅರಿಕೆ ಮಾಡ್‍ನಗುಂಡ್, ಅಯಿಂಗಕು ಬೋರೆ ಎಲ್ಲಾರ್‌ಕು ನಿಂಗ ದಾರಾಳವಾಯಿತ್ ದಾನ ಮಾಡ್‍ನಂಗಾಯಿತ್ ದೇವನ ತುದಿಪ.

2 ಕೊರಿಂಥ 9:7

ಒಬ್ಬೊಬ್ಬನು ಮನಸ್ಸ್ ಕಷ್ಟಪಟ್ಟಿತೋ ಒತ್ತಾಯ ಮಾಡಿತೋ ಅಲ್ಲ, ತಾಂಡ ಮನಸ್ಸ್‌ಲ್ ತೀರ್ಮಾನ ಮಾಡ್‍ನನೆಕೆ ಕೊಡ್‌ಕಡ್; ಕುಶೀಲ್ ಕೊಡ್‍ಪಂವೊನ ದೇವ ಪ್ರೀತಿಚಿಡುವ.

ಎಫೆಸ 6:5

ಅಡಿಯಾಳ್‌ವಳೇ, ನಿಂಗ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ, ಈ ಲೋಕತ್‍ರ ನಿಂಗಡ ಎಜಮಾನಂಗಕ್ ಬೊತ್ತಿತ್, ಪಿಂಞ ನಡ್‍ಗಿಯಂಡ್, ಕಪಟಯಿಲ್ಲತ ಮನಸ್ಸ್‌ಲ್ ನಡ್‌ಕಂಡು.

ಕೊಲೊಸ್ಸೆ 3:22

ಅಡಿಯಾಳ್‌ವಳೇ, ಈ ಲೋಕತ್‍ಲ್ ಉಳ್ಳ ನಿಂಗಡ ಎಜಮಾನಂಗ್ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್‌ಕಂಡು. ಅಯಿಂಗಡ ದಯೆ ಕ್‍ಟ್ಟುವಕಾಯಿತ್, ಅಯಿಂಗ ನಿಂಗಳ ನೋಟಿಯಂಡಿಪ್ಪ ಸಮಯತ್‍ಲ್ ಮಾತ್ರ ಕೆಲಸ ಮಾಡತೆ, ಒಡೆಯಂಡ ಬಕ್ತಿ ಉಳ್ಳಯಿಂಗಳಾಯಿತ್, ಕಪಟ ಇಲ್ಲತ ಮನಸ್ಸ್‌ಲ್ ಕೆಲಸ ಮಾಡಂಡು.

1 ಥೆಸಲೊನೀಕ 2:3

ನಂಗಡ ಬೋದನೆರ ಮೂಲಕ ನಿಂಗಳ ನಂಗ ಬೋಡ್‍ನದ್, ನಿಂಗಳ ವಂಚನೆ ಮಾಡ್‌ವಕೋ, ತಪ್ಪಾನ ಉದ್ದೇಶತ್‍ಲೋ, ಕಪಟತ್ಂಜೋ ಎಣ್ಣ್‌ನದ್ ಅಲ್ಲ.

1 ಥೆಸಲೊನೀಕ 2:8

ನಂಗ ನಿಂಗಳ ಅಚ್ಚಕ್ ಪ್ರೀತಿ ಮಾಡಿತ್, ನಿಂಗಕ್ ದೇವಡ ನಲ್ಲ ಸುದ್ದಿರ ಬೋದನೆ ಮಾತ್ರ ಅಲ್ಲತೆ, ನಂಗಡ ಜೀವತ್‍ನ ಸಹ ಕೊಡ್‍ಪಕ್ ನಂಗ ಕುಶೀಲ್ ಇಂಜತ್.

1 ತಿಮೊಥೆಯ 4:13

ನಾನ್ ಬಪ್ಪಕತ್ತನೆ ದೇವಡ ವಾಕ್ಯತ್‍ನ ಜನಡ ಮದ್ಯತ್‍ಲ್ ಓದ್‍ವಕ್, ಬುದ್ದಿ ಎಣ್ಣ್‌ವಕ್, ಬೋದನೆ ಮಾಡ್‌ವಕ್ ಎಚ್ಚರತ್‍ಲ್ ಇರ್.

1 ತಿಮೊಥೆಯ 5:17

ಸಬೆರ ಜವಾಬ್ದಾರಿನ ಚಾಯಿತೆ ಮಾಡಿಯಂಡುಳ್ಳ ಪೆರಿಯಯಿಂಗಕ್ ದಂಡ್ ಅಳ್‌ತೆಲ್ ಮರ್ಯಾದೆ ಕ್‍ಟ್ಟ್‌ವಕ್ ಯೋಗ್ಯವಾಯಿತುಂಡ್. ಎನ್ನಂಗೆಣ್ಣ್‌ಚೇಂಗಿ ಮುಕ್ಯವಾಯಿತ್ ಅಯಿಂಗ ದುಂಬ ಪ್ರಯತ್ನ ಪಟ್ಟಿತ್ ದೇವಡ ವಾಕ್ಯತ್‍ನ ಚಾಯಿತೆ ಪ್ರಸಂಗ ಮಾಡಿಯಂಡ್ ಪಿಂಞ ಬೋದನೆ ಮಾಡಿಯಂಡುಂಡ್.

1 ತಿಮೊಥೆಯ 6:18

ನಲ್ಲದ್ ಮಾಡ್‌ವದ್‍ಲ್, ಸಹಾಯ ಮಾಡ್‌ವದ್‍ಲ್ ಐಶ್ವರ್ಯವಂತಂಗಳಾಯಿತ್, ಉದಾರ ಮನಸ್ಸ್‌ಲ್ ಕೊಡ್‍ಪಯಿಂಗಳಾಯಿತ್, ಅಯಿಂಗಡದ್‍ನ ಕಷ್ಟತ್‍ಲ್ ಉಳ್ಳಯಿಂಗಕ್ ಕೊಡ್‍ಪಕ್ ಎಣ್ಣ್.

ಇಬ್ರಿಯ 10:25

ಚೆನ್ನ ಜನ ಸಬೇಕ್ ಬಪ್ಪದ್‍ನ ಬುಡುವನೆಕೆ ನಂಗಳು ಬುಡತೆ, ಒಬ್ಬೊಂಗೊಬ್ಬ ಬುದ್ದಿ ಎಣ್ಣಿಯಂಡ್ ಇಕ್ಕಂಡು. ಅಂವೊ ಪುನಃ ಬಪ್ಪ ದಿವಸ ಪಕ್ಕ ಬಂದಂಡ್ ಉಳ್ಳದ್‍ನ ನಿಂಗ ಎಚ್ಚಕ್ ನೋಟಿಯಂಡುಳ್ಳಿರೋ, ಅಚ್ಚಕ್ ಎಚ್ಚರ ಎಡ್‌ಕಂಡು.

ಇಬ್ರಿಯ 13:17

ನಿಂಗಳ ನಡ್‌ತುವಯಿಂಗಡ ಅದಿಕಾರಕ್ ತಗ್ಗಿತ್ ನಡ್‌ಂದಿತ್, ಅಯಿಂಗಡ ಪಕ್ಕ ಅಡಕತ್‍ಲ್ ನಡ್‌ಕಂಡು. ಅಯಿಂಗ ನಿಂಗಡ ಆತ್ಮಕಾಯಿತ್ ದೇವಡ ಪಕ್ಕ ಲೆಕ್ಕ ಕೊಡ್‍ಪಕುಳ್ಳ ಜವಾಬ್ದಾರಿಲ್ ಜಾಗ್ರತೆಯಾಯಿತುಂಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡತೆ, ಕುಶೀಲ್ ಮಾಡಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡ್‍ಚೇಂಗಿ ಅದ್ ಪ್ರಯೋಜನವಾಯಿತ್‌ಪ್ಪುಲೆ.

ಇಬ್ರಿಯ 13:22

ನಾಡ ಅಣ್ಣತಮ್ಮಣಂಗಳೇ, ನಾನ್ ಚೆರಿಯದಾಯಿತ್ ಒಳ್‍ದ್‍ನ ಈ ಬುದ್ದಿ ತಕ್ಕ್‌ನ ನಿಂಗ ಪೊರುಮೆಯಾಯಿತ್ ಎಡ್‍ತೊಳೀಂದ್ ಬೋಡುವಿ.

ಇಬ್ರಿಯ 13:24

ನಿಂಗಳ ನಡ್‌ತ್‌ವಯಿಂಗಕ್ ಪಿಂಞ ಅಲ್ಲಿಯತ್‍ರ ದೇವಡ ಮಕ್ಕಕೆಲ್ಲ ನಂಗಡ ವಂದನೆ ಎಣ್ಣಿ. ಇತಾಲ್ಯ ದೇಶತ್‍ಲ್ ಉಳ್ಳ ದೇವಡ ಮಕ್ಕ ಎಲ್ಲಾರು ನಿಂಗಕ್ ವಂದನೆ ಎಣ್ಣಿಯಂಡುಂಡ್.

ಇಬ್ರಿಯ 13:7

ದೇವಡ ವಾಕ್ಯತ್‍ನ ನಿಂಗಕ್ ಬೋದನೆ ಮಾಡಿತ್ ನಿಂಗಳ ನಡ್‌ತ್‍ನಯಿಂಗಳ ಗೇನ ಮಾಡಿತ್, ಅಯಿಂಗಡ ಬದ್‍ಕ್ ಆಕೀರ್‍ಕತ್ತನೆ ಎನ್ನನೆ ಇಂಜತ್‍ೕಂದ್ ಚಾಯಿತೆ ನೋಟಿತ್, ಅಯಿಂಗಡ ನಂಬಿಕೇರನೆಕೆ ನಡ್‍ಪಿರ.