18 ಕಯ್ಯುವಚ್ಚಕ್, ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರಿ.
ಅದ್‌ಂಗ್‌ ಅಬ್ರಹಾಮ: ಅನ್ನನೆ ಆಣೆ ಮಾಡ್‌ವೀಂದ್‌ ಎಣ್ಣ್‌ಚಿ.
ಕ್‍ೕಡ್‌ನ ಗೇನ ಮಾಡುವಯಿಂಗಡ ಹೃದಯತ್‌ಲ್‌ ವಂಚನೆ ಇಪ್ಪ. ಆಚೇಂಗಿ ಸಮಾದಾನ ಪಡ್‌ತುವ ಆಲೋಚನೆಕಾರಂಗಕ್‌ ಸಂತೋಷ ಕ್‌ಟ್ಟುವ.
ನೀಕ್‌ ಏದ್‌ ಕ್‍ೕಡು ಮಾಡತಂವೊಂಡ ಮೇಲೆ ಅನ್ಯಾಯವಾಯಿತ್‌ ದೂರ್‌ ಎಣ್ಣತೆ.
ನಿಂಗಡ ಕಾಣಿಕೆನ ಬಲಿಪೀಠತ್‍ರ ಪಕ್ಕ ಬುಟ್ಟಿತ್, ನಿಂಗ ಅಂವೊಂಡ ಪಕ್ಕ ಪೋಯಿತ್, ಅಂವೊಂಡ ಕೂಡೆ ಸಮಾದಾನ ಆಯಿತ್, ಬಯ್ಯ ಬಂತ್ ನಿಂಗಡ ಕಾಣಿಕೆನ ಅರ್ಪಣೆ ಮಾಡಂಡು.
ತಗ್ಗಿತ್ ಉಳ್ಳಯಿಂಗ ಆಶೀರ್ವಾದ ಪಡ್ಂದಯಿಂಗ; ಈ ಲೋಕ ಅಯಿಂಗಡದಾಯಿತ್‌ಪ್ಪ.
ಸಮಾದಾನ ಮಾಡ್‌ವಯಿಂಗ ಆಶೀರ್ವಾದ ಪಡ್ಂದಯಿಂಗ; ಅಯಿಂಗಳ ದೇವಡ ಮಕ್ಕಾಂದ್ ಎಣ್ಣ್‌ವ.
ಉಪ್ಪ್ ನಲ್ಲದ್, ಆಚೇಂಗಿ ಉಪ್ಪ್‌ರ ಸತ್ವ ಪೋಚೇಂಗಿ, ಪುನಃ ನಿಂಗಕ್ ಉಪ್ಪ್‌ನ ಎನ್ನನೆ ಸತ್ವ ಮಾಡ್‌ವಕಯ್ಯು? ನಿಂಗ ಉಪ್ಪ್ ಉಳ್ಳಯಿಂಗಳಾಯಿತ್ ಇರಿ, ಎಲ್ಲಾಡ ಕೂಡೆ ಸಮಾದಾನತ್‍ಲ್ ಬದ್‍ಕ್‍ವಿರ.
ಆನಗುಂಡ್ ರೋಮ್ ಪಟ್ಟಣತ್‍ಲ್ ಉಳ್ಳ ನಿಂಗಕು ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕಾಯಿತ್ ನಿಂಗಡ ಪಕ್ಕ ಬಪ್ಪಕ್ ನಾಕ್ ಬಲ್ಯ ಆಸೆ ಉಂಡ್.
ಎನ್ನಂಗೆಣ್ಣ್‌ಚೇಂಗಿ, ದೇವಡ ರಾಜ್ಯ ತಿಂಬದು ಕುಡಿಪದು ಅಲ್ಲ, ಅದ್ ನೀತಿಯು, ಸಮಾದಾನವು ಪವಿತ್ರಾತ್ಮತ್‍ರಗುಂಡ್ ಕ್‍ಟ್ಟ್‌ವ ಕುಶಿಯು ಆಯಿತುಂಡ್.
ಆನಗುಂಡ್, ಸಮಾದಾನ ತಪ್ಪ ವಿಷಯತ್‍ನ ಪಿಂಞ, ಒಬ್ಬೊಬ್ಬನು ಆತ್ಮೀಯ ವಿಷಯತ್‍ಲ್ ಬೊಳ್‍ತ್‍ವಕ್ ಸಹಾಯ ಮಾಡ್‌ವ ವಿಷಯತ್‍ನ ಮಾಡ್‌ವಕ್ ಪ್ರಯತ್ನ ಪಡಂಡು.
ಆಚೇಂಗಿ, ಕ್ರಿಸ್ತನ ನಂಬತ ಪೊಣ್ಣ್ ಅಥವ ವಡಿಯ, ಕ್ರಿಸ್ತನ ನಂಬ್‍ನ ವಡಿಯನ ಅಥವ ಪೊಣ್ಣ್‌ನ ಬುಟ್ಟಿತ್ ಪೋಂಡೂಂದ್ ತೀರ್ಮಾನ ಮಾಡ್‍ಚೇಂಗಿ, ಅಯಿಂಗ ಅನ್ನನೆ ಮಾಡಡ್. ಅನ್ನನೆ ಅಯಿಂಗ ಮಾಡ್‌ವಕ, ಕ್ರಿಸ್ತನ ನಂಬ್‍ನಯಿಂಗ ಅಯಿಂಗಳ ಪೋಪಕ್ಕಾಗಾಂದ್ ಒತ್ತಾಯ ಮಾಡಂಡ. ದೇವ ನಂಗಳ ಸಮಾದಾನತ್‍ಲ್ ಜೀವನ ಮಾಡ್‌ವಕೇ ಕಾಕಿತುಂಡ್.
ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.
ಪವಿತ್ರಾತ್ಮತ್‍ರ ಫಲ ಎಂತ ಎಣ್ಣ್‌ಚೇಂಗಿ, ಪ್ರೀತಿ, ಸಂತೋಷ, ಸಮಾದಾನ, ಸಹಿಸುವ ಶಕ್ತಿ, ಕರುಣೆ, ನಲ್ಲರಿಕೆ, ನಂಬಿಕೆ,
ಪವಿತ್ರಾತ್ಮತ್‍ರ ಐಕ್ಯತ್‌ನ ಕಾಪಾಡ್‌ವಕ್ ಸಮಾದಾನತ್‍ಲ್ ಒಂದಾಯಿತ್ ಇಂಜಂಡ್ ಎಚ್ಚರತ್‍ಲ್ ಇರಿ.
ಅಯಿಂಗಡ ಸೇವೆಕಾಯಿತ್ ನಿಂಗ, ಅಯಿಂಗಡ ಮೇಲೆ ಪ್ರೀತಿಲ್ ಬಲ್ಯ ಮರ್ಯಾದೆ ಕೊಡ್‌ತಂಡ್ ಇರಂಡೂಂದ್ ನಂಗ ಬೋಡುವ. ನಿಂಗ ಒಬ್ಬೊಬ್ಬಂಡ ಕೂಡೆಯು ಶಾಂತಿಲ್, ಸಮಾದಾನತ್‍ಲ್ ಇಕ್ಕಂಡು.
ಬಾಲ್ಯ ವಯಸ್ಸ್‌ಲ್ ಬಪ್ಪ ಇಚ್ಛೆಯಿಂಜ ನೀ ಓಡಿ ಪೋ. ನೀತಿ, ನಂಬಿಕೆ, ಪ್ರೀತಿ, ಸಮಾದಾನತ್‍ನ ಪಡೆಯುವಕ್ ಶುದ್ದ ಹೃದಯತ್ಂಜ ಒಡೆಯನ ಆರಾದನೆ ಮಾಡ್‌ವಯಿಂಗಡ ಕೂಡೆ ಅದ್‍ನ ಪಡೆಯುವಕ್ ಪೇಚಾಡ್.
ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.
ಕೆಟ್ಟದ್‍ನ ಬುಟ್ಟಿತ್, ನಲ್ಲದ್ ಮಾಡಂಡು; ಸಮಾದಾನತ್‍ನ ತ್‍ೕಡಿತ್ ಅದ್ಂಡ ಬಯ್ಯಕ್ ಪೋಂಡು.
